花盃日本料理

营业中

休息中

呢餐飯有拖無還，終於有時間食下飯。以往食teppanyaki/ omakase 都鐘意去台灣食，因為抵得嚟又食出師傅嘅細心同埋食材特別。今次喺香港食就預咗唔會平嘅，拍拖食鐵板燒其實唔錯，可以有個師傅喺度，唔會冇話題又可以知幾時有得食！大蝦銀雪魚帆立貝蝦頭+ 煙肉粒海蠔呢粒蠔真係好好食！另外order 架，$100一個。海膽汁龍蝦美國厚牛粒薄牛包蔥蒜蝦麵豉湯炒芽菜炒飯甜品：雪糕（海鹽/柚子）整體我覺得好咸，除左個芽菜不過我旁邊果位就話正常。整飯同師傅冇乜傾計 成餐食咗1.5小時左右。喺香港都食過幾間，呢間係冇乜特別，普通嘅感覺。如果可以 都係想留返去台灣先食。埋單$21xx

這天兩老去完聖堂，便陪他倆到附近食晏，兩老對鐵板燒念念不忘，一於去花盃吧！12點幾上到去，獲安排坐和食檯，不過仍可叫鐵板燒，只係師傅唔係喺我哋面前煮啫！雖然老人家恨食鐵板燒，但係又唔食得多，於是我哋三個人叫咗兩個餐share，特別要求少鹽。兩個餐加埋有牛、豬、鮑魚、帶子、蝦、魚，仲有麵豉湯、炒飯同埋甜品。 喺要求之下，食物真係冇咁重鹽，味道淡淡地，非常啱兩老口味，份量三個人share都好足夠，兩碗炒飯啱啱好，如果每人一碗一定食唔曬。最後件cheese cake同埋咖啡算係畫龍點睛，尤其杯咖啡，雖然細細杯但似係即磨，好醇好滑，真係非常滿意。

I haven’t been here for 3 years but food quality and service are still very good. uni was superBMust have item! And my favorites dish is sweet Toast. It’s just so so good. (Especially you sit at Teppanyaki area ) Tomato salad with ice vegetable is very refreshing too!!!

首先頭盤就嚟咗沙律同埋我哋揀咗海膽刺身 同拖羅刺身果然夠新鮮 之後就開始燒帶子 燒大蝦 燒A4和牛 仲有燒鮑魚師傅係一路整嘅時候亦都有同我地好細心咁介紹食材啲帶子上碟嘅時候，啲湯好鮮我哋仲飲晒添！食鐵板燒又點少得鵝干我至愛！之後到A4和牛。師傅仲好細心放塊麵包比我地吸油之後就到呢度嘅獨特菜式 焦糖麵包雖然落咗好多好多砂糖，明知好肥，但因為太脆太好食忍唔住食晒！最後食埋個炒飯同炒菜仲食埋益力多味同柚子味雪糕大滿足！

花盃，係我老婆最愛嘅餐廳，我哋今晚又選擇咗去慶祝，我哋就叫咗個龍蝦餐，龍蝦超甜超好味，今次唔係第一次來花盃，食物質素一向都係有保證，不過，人比較多，食物速度比較慢，不過廚師好好人，先整咗個糖多士俾我哋食先。整體來講都係好滿意。

第一次黎，朋友book左房，多啲privacy，又可以望住師傅燒。因為鐘意食厚牛柳所以要美國牛，冇乜特別，唔覺得好滑好重牛味。最好美係鵝肝多士好正好juicy.其他野食ok la幾好但未至於好impressive 好好味嗰種。之不過service是十分好的！

一星期前book定房食飯,一間房得兩張檯,地方闊落,傾計大聲左都唔怕嘈到人,差不多食完隔離檯先有客坐,等同book全間房,超正食物方面揀選左兩個鐵板燒餐,一個松同一個梅另外叫多個雜錦碎魚生飯及雜錦大婦羅前菜有兩碟,味道一般無特別帶子夠鮮,夠滑,銀雪魚,魚肉嫩,但皮唔夠香鵝肝好食,但煎得差左少少,油膩感偏重。魚生飯拼天婦羅$320好抵食,魚生新鮮又超多,食到底都有,唔會好似其他店得個面有。天婦羅,夠熱夠脆又唔油炒飯炒得好好粒粒分明,好香,味道又好。豚肉好滑,芽菜吸埋肉汁味好好食食埋蛋糕超級飽

老公生日，工作太忙唔記得搵餐廳！因為老公鍾意食日本牛！上黎搵資料見到呢到有午餐鐵板燒，分左美國牛同日本牛！幸好即日打電話訂台仲有位！1:30到，被安排去到最入既房！裡面已有3組人坐底左！老公愛鵝肝愛日本牛，所以二話不說好快決定左！我就揀美國牛！美國牛有得選擇厚燒定簿燒，既然日本牛只有簿燒，我就決定要厚燒！兩種不同食法！先黎前菜沙津！菜夠新鮮，完全打開味蕾！一路食住一路等師傅表演！台面已有靚牛預備中！可惜不是對到正中欣賞！先黎燒銀鱈魚，估不到好好食！連不好魚的老公都大口大口夾黎食！因為印象中銀鱈魚係硬肉的，但佢竟好軟身！唔錯！到我地愛吃既鵝肝！先有塊麵包（煎過個面），再係上面放底煎香既鵝肝！鵝肝既汁滴晒入麵包上！一齊食可以中和番鵝肝既漏！超夾每人兩片！好滿足！師傅問我地係咪share食！好細心地分開俾我地！佢先煎日本牛！見佢後面有個牌寫鹿兒島牛！相信佢應該係！簿燒牛係入面會卷住蔥花同蒜片！超香！5成熟！岩岩好！到我點既厚燒美國牛！一食與日本牛相比，竟然好食好多五成熟真係岩岩好！師傅功架果然勁！我覺得下次再食可以唔駛叫貴既日本牛！食完牛已超飽！下面放既麵包已食唔落！點知仲有炒蔬菜同炒飯！我

其實已經黎過花盃食咗五六次午餐，每次都覺得好驚喜，今次終於影低咗相，上黎讚一讚D食物！首先都係啲前菜，咁其實有冇乜特別，都係啲沙律、小食嗰啲。雖然花杯最出名食鐵板燒，但多數下晝我都會就咁食刺身或者壽司飯。佢啲刺身亦都非常新鮮，每一件都超級甜美，而且非常厚切，密密麻麻鋪滿係返上面，問過啲侍應，佢哋話全部係新鮮運港， 二刺身種類亦都算多，我想食嘅都有齊晒，以呢個質素來講，其實算好抵食，所以會繼續成為我嘅食堂。

花盃日本料理 鐵板燒✨我是吃過過後才看到網上介紹原來花盃是挺有名的😛等齊人的關係 幾款餐前小食都很吸引 個人較喜歡炸鮮淮山 絕對可以食唔停一邊吃小吃一邊欣賞師傅逐一推出keep住動不停的海鮮同各種其他鐵板燒食材...終於第一道沙律前菜出場 個人挺欣賞其爽脆可口的質感啦好清新🍀🌱之後就是一直欣賞鐵板燒師傅表演一直享受美食囉😆第一次食時令既八子 雖然到而家都仲未知係咩黎😂只知道係補品☺️聽說非常養顏😍味道質感好似牛骨髓😋其他海產一直keep住好生猛🙈大大隻動不停既蟹燒好之後放進口裡好好肉感 有汁新鮮既 仲好鮮甜😋😋鮑魚原本個人喜好問題不太愛吃 吃了一小片還是沒有使我改變想法🙈總覺得吃落肚胃會痛吧 而且真的沒有很好吃的感覺🤐和牛多得鐵板師傅外脆內軟剛好不過咬落好似有點un 也沒有期待的牛味 就是一般囉...不難吃也不太特別想吃🤐海膽鮮甜完全冇怪味😜😋粒貝魚生都新鮮ok鵝肝多士不錯啦😋即時表演的糖心多士真的非常好吃 只不過真的吃點就剛好了 吃多會漏啦💕☺️蟹膏蒸蛋👍🏻𩶘魚湯也不錯啦 清甜的魚味挺出的🐠那條有點醜陋的大魚 味道有點像銀鱈魚 不錯✨聽說炒飯很不錯啦 但我真的吃不下了😛.........

是夜的晚飯，是聽同事提及花盃不俗，就來試一試。以鐵板燒出名之外，這間日式料理的一大特色乃並非一味是飯，據聞多士亦是其專長。鐵板燒薄切牛叫了肉三成熟變成半熟，咬下有點嚼勁，還幸仍維持肉香而多汁。拚棄一般傳統配飯的做法，以多士上，多士脆而不乾，吸收了肉的油香，一口牛一口多士，獨特的做法，超其的香，吃後難忘。壽司盤大概有鯛魚、油甘魚、鯖魚、左口魚、拖羅、三文魚、海膽等，多不勝數，份量十足。魚生相當新鮮，魚油豐富，入口有如牛油般溶掉，香滑而滿足。漬物和沙律，水準都是相當之高。漬物爽脆入味；無花果沙律鮮甜無比，為整餐濃膩的肉食帶出一抹清新。足証同事沒有老點，果然絕對值得一試。

是日補祝好友生日, 來到數位好友曾經推介的花盃.數日前訂枱, 告知鐵板燒area已full,只剩下sushi bar. 雖然真的失色不少, 但沒有其他心水之下也只好繼續.假日中午十二時半到達,場內很旺場, 差不多full house. 裝修不錯, 感覺也頗decent, 侍應也很friendly. 看看餐牌,筆者點選了松set(HK$320), 好友則要竹set(HK$300).侍應先送上前菜沙律, 味道一般.等待一會, 侍應送上筆者的法國鵝肝,銀鱈魚, 還有友人的大蝦和銀鱈魚. 分量不算很多, 試一口, 銀鱈魚質感非常嫩滑,魚皮燒得脆身, 每一口也很甘香, 很有水準. 友人的大蝦切成數口, 看來也不錯.相比之下法國鵝肝則沒有那麼驚艷了,雖然燒得甘香, 但始終很油膩. 硏究了很久應否吃那塊麵包, 即管吃下去, 麵包吸收了大量的油脂, 實在不太討好.來到主角牛肉, 點選了美國薄燒, 果然一分錢一分貨, 牛味不是很明顯, 口感也不帶嫩滑, 還帶點韌, 實在普通.之後還有炒飯, 用上珍珠米, 飯炒得乾身, 可惜已飽得很, 炒飯也有過多的黑椒, 不是筆者那杯茶.最後還有紅茶和芝士蛋糕. 紅茶夠

老闆請食飯，就浩浩蕩蕩一行二十人去左花盃食鐵板燒！因為太多人既關係，所以無得坐鐵板枱，所以好似有點遺憾咁😩。但見到都幾多野食，鐵板燒去到刺身飯都有！ 松（lunch set $320)黎到當然係食鐵板燒啦！今次試左松，佢有銀雪魚、鵝肝同牛柳（US prime beef)，如果揀日本牛就要$600啦！鵝肝比想像中大件，煎得好香脆，下面既麵包吸晒鵝肝既油，夾埋食好正，大滿足😍銀雪魚配左檸檬，解除左個油脂，相對唔大特別。 而牛方面，牛味好濃同juicy，但好似有點韌（唔知係咪因為我叫左五成而唔係平時我食開既四成），但份量好多。個人都係比較鐘意薄燒。 佢跟埋前菜炒飯甜品飲品等等，飽到暈！質素唔錯！

新年過後，又有機會同工作伙伴來個businese lunch.之前黎花盃都係食鐵板燒多，今次反而食左魚生飯。好靚既擺位，魚生都好足料好吸引，原本以為魚生飯份量唔多，但食食下都好飽海膽夠新鮮，無煤氣味，不過就有少少溶，同埋好細隻。蟹肉都鮮甜，拆開出黎都一絲絲，足料。甜蝦就正常，反而帶子有驚喜。好厚同埋有口感，又夠鮮甜。大滿足既一個魚生飯。甜品，牛奶布甸，濃奶味，好似3.6布甸。最後，要讚既係最尾細細杯既熱啡，好香濃，仲有少少炭燒味。為friday lunch 畫上完美句號。

朋友介紹話好食，於是星期四晚走黎試試。 餐前小食：salad 無乜特別。炸雞好乾，怪怪地，放棄留肚吧喇 等咗好耐，成幾個字連寿司都未有得食。睇住師傅不停住鐵板燒比人食，真難受扣分！頂唔順追單，職員禮貌跟進，加分寿司拼盤終於黎喇。整體都新鮮鐵板燒終於開波。我地兩人order 了兩個一人set, share 食試多啲嘢。一個$600+，一個$700+。 先來燒日本螺，幾爽口，香牛油味仲有銀雪魚都好味。再黎蝦同龍蝦，非常彈牙，好味道 再黎兩種牛。一個薄燒。一個係厚牛扒。厚的那個似乎over cook 咗一點（我地order medium rare), 不過好彩都還軟熟。蒜片太少，是預先炸好的。之前食過有餐廳係即炒蒜片比預先炸好香得多...亦試過另一間炸好的還比佢好食，所以扣分 再黎炒飯加炒菜。全set 最差的兩道食物炒飯唔夠香，硬係差少少味咁。炒菜（芽菜）有啲過濕同好淡味跟我之前喺其他鐵板餐廳食的相比（仲要平過佢），完全比下去....甜品：綠茶奶凍。無乜特別。 總結：海鮮最好食，其他就一般般