花火洋食 (已結業)

這是一間位於高爾夫球場內的Cafe，環境清幽恬靜，而且晚上不多人吃飯，所以可以跟朋友或戀人靜靜地聊天，不會感到嘈吵，很舒服。服務：服務員態度和藹親切，而且上菜速度快，不需要等很久。湯：羅宋湯，但感覺似蕃茄湯多一些。「香煎纽西兰羊架配烧汁」我喜歡羊架上的脆脆，跟羊架的味道完美配合，羊架是七成熟，不太熟的部分有少少羶味，不過可以接受。薯蓉是加了香料和茄汁，所以吃起來有很濃的香料，口感綿密。煎帶子和風白味噌忌廉汁意粉帶子表面煎香，內裏熟度剛好，不會煙韌。我很喜歡這個味噌忌廉汁，吃起來有一陣日本風味，而且汁夠濃夠多，有不同的草菇作配料，所以吃得飽暖！

💛屯門隱世黃店💛不知道大家有無試過好中意一間鋪頭，希望佢生意興隆 多啲人幫襯，但又好矛盾咁唔想個場爆到 自己想食嘅時候有排等位⋯花火洋食 就係一間咁嘅食店😭💕餐廳位於輕鐵車廠站隔離嘅高爾夫球場入面，不是常人會去嘅地方，但佢成功吸引到我特登走入去試試佢餐廳外部景觀開場，對出就係高爾夫球場，感覺頗愜意今次係午餐時間去，餐廳仲未坐滿，入到去感覺空間明闊，當日天氣唔錯，滿滿嘅日光伴隨住餐廳播嘅音樂 心情真的很放鬆Lunch Set 包括餐湯同一杯指定餐飲是日餐湯係忌廉湯味道不錯，麵粉感不會很厚重，我認為是好喝的餐飲熱奶茶，茶底OK，沒有明顯的苦澀味道主角—鹽燒鯖魚配珍珠飯鯖魚嘅份量令人驚喜，足足一個手掌嘅Size✋擺入口更加不得了，魚肉很嫩滑，一啲都唔鞋作為鯖魚愛好者，我畀呢個好高分！同行朋友揀咗香草醬鴨胸野菌意粉，佢覺得係好食嘅，值得佢帶埋其他朋友再嚟食跟餐加$18有小食—炸美式薯條係即炸嘅脆粗薯，份量夠晒兩個人食有多，抵食！呢次進餐體驗感覺非常良好，舒適明亮嘅環境，座位闊落，令客人很樂意食完嘢 都坐耐啲先走。員工感度亦親切，而且價錢嚟講一啲都唔貴，總結係一間幾高質嘅餐廳，值得一試！🎗請睇睇

朋友住龍門居，佢帶咗我入嚟呢度食飯，原來唔打Golf都可以入嚟，大鄉里真係唔講唔知!! 晚市優惠，order主菜/意粉/薄餅可免費升級至套餐，可以有餐湯同餐飲!! 今晚試咗大阪燒風味煙三文魚野菌扁意粉，呢個日式醬汁估唔到配煙三文魚都幾夾，配料都幾多，意粉彈牙，非常唔錯!! 另一個main dish係日式西京味噌醬焗豬鞍架，豬鞍架厚身望落已覺得好味，肉質食落仲好juicy，個薯蓉都好特別有少少蕃茄味，我同朋友都好滿意!! 呢度環境靜靜地，有種遠離繁囂嘅感覺!!

住九龍區嘅我，一年都唔會入......屯門一次。 今次因為去打高爾夫球所以第一次食這餐廳。用餐人士多數為打波人士，第一次去完全冇訂位，所以等候時間約為三十分鐘。叫了黑松露芝士薯條，本以為是黑松露醬汁加溶芝士，到來發現是芝士粉加少許黑松露...薯條為粗薯條，即叫即炸，好好味。一碟$38都算抵食。另叫了三文魚意粉，好味道，晚上用餐所有主菜免費變成套餐。有湯有飲品。非常抵食。價錢亦非常便宜。地方唔算大，但整體食物質素好好。

花火記憶去龍門居掃街多次，一直留意到附近有高爾夫球場，不過覺得屬有錢人玩意，所以無多加理會，直至朋友邀約先知道內有乾坤，原來圍欄內有一家隱世西餐店！花火洋食，店名甚有詩意，餐廳設有室內及戶外座位，室內佈置温馨，充滿乾花，舒適自在；如果坐戶外可一邊進食一邊觀看高爾夫球練習，趁機感受一下上流人士生活。話雖如此，餐廳定價不高，菜式不過一百幾十，算是一家平民西餐廳。點了兩份主菜，都包含是日餐湯及餐飲，餐湯是甘筍湯，本來唔愛食甘筍，覺得有草青味，不過餐廳好有心機將蔬菜完全打爛，融入湯中，餐湯口感濃厚香滑，又唔會又蔬菜草青味，非常適合我呢類挑食人士。第一份主菜喺蒜香羅勒醬鮮蝦扁意粉，意粉煮得出色，十分彈牙，又不會過油，醬汁香氣四溢，滋味非常。大蝦已經好細心地剝左殼，唔洗怕令到雙手唔乾淨，對懶人好貼心，讚！另一份主菜喺日本西京味噌醬焗豬鞍架，豬鞍唔會太多肥膏，就算有都煎得焦香，食落清爽唔油膩，配合帶甜嘅味噌，令人食唔停口。餐廳亦唔吝嗇配菜部分，除了珍珠筍、豆角等，亦配以一大份經調味嘅薯蓉，食得非常滿足。用餐過後，品嘗埋熱Latte先離開，如此相宜價錢可以於城市綠洲小休一下，難得。

［屯門］花火洋食.大阪燒風味煙三文魚野菌意粉食剩指數:0/100大阪燒風味三文魚既份量好多食到尾都仲有好多三文魚意粉軟硬度適中個汁真係似大阪燒汁仲有少少木魚絲好有日本風味.日本西京味噌醬焗豬鞍架食剩指數:0/100豬鞍一上枱已經好香咬落去肉質口感好軟👍🏻加上佢表面有啲煎得脆脆地覺得幾好汁佢係日本味噌醬配個肉幾夾唔會太鹹或搶左肉個味伴碟幾有驚喜嗰舊橙色既薯蓉入面係加左蕃茄少少酸幾開胃.玫瑰蘋果茶食剩指數:0/100（好有驚喜）開頭叫以為係一杯點知有一壺!?個茶唔止係得香味飲落微甜好舒服玫瑰味同蘋果味balance得幾好唔飲開花茶既人都接受到.Mocha食剩指數:10/100佢地咖啡味幾重有拉花用既咖啡豆都幾香不過如果鐘意濃朱古力既就建議你飲返朱古力~

花火洋食的hashtag-「隱世」、「性價比」、「西餐」。餐廳名「花火」是煙花的日文，「洋食」是日式西餐，不過餐廳裝潢既非和風，亦非高級路線，反而蛋糕和汽水櫃有一種香港情懷⛳餐廳位於哥爾夫球場內，食客都是附近居民，對屯門友而言，「隱世」是相對於屯門市中心和「花火」「洋食」無關，這是吃普通西餐👉晚市二人餐，餐牌定期換：餐湯喝完忘了，好似仲有蒜蓉包🍄紅菜頭汁烤菇意大利飯，大啡菇超多汁，意大利飯珍珠粉紅偏稠，可惜香氣欠奉🐑寶雲酥紐西蘭羊架，三件小鳥胃份量🐦沒有薄荷、芥末等特別醬汁，簡單調味但肉質和味道恰到好處，麵包糠焗得香脆，連配菜整體讚😋🍰甜品共四款，其實是芝士蛋糕一🐔四味，點了紐約款和唯一不是芝士蛋糕底的tiramisu，為隱世西餐綻放最後一枚極盡性價比的煙火🎆🙊搵食後記: 餐廳(哥爾夫球場)附近民居龍門居食街仲可以直落宵夜

Golf場入面既餐廳，又真係估唔到幾好食喎難怪咁多唔係嚟打golf既人都嚟依到食依到既燈光好柔和，成個感覺好舒服比張梳化我應該即刻訓得著望出去就係golf場晚餐選擇好多，又唔貴都係一百蚊左右左：玫瑰梳打右：玫瑰朱古力兩杯既玫瑰味都好香我地嗌左兩個餐share食每個餐都有一碗忌廉粟米湯係我鐘意飲既湯意式芝士三重奏薄餅強勁既拉絲能力影完相呃like, 味道先係最重要茄膏配上芝士，依個配搭真係簡單又好味而個底焗到好脆味噌醬焗豬鞍架好有驚喜既一道菜依頭豬好嫩食落一啲都唔鞋，又唔會咬唔開配埋個咁惹味既汁，真係一頭好豬原本純粹去支持黃店估唔到無心去搵食都食到咁有驚喜既菜式支持支持

屯門有個哥爾夫球中心, 環境幾舒服清幽, 可以望住人哋打golf, 一邊食飯。重點係想同朋友聚聚, 又吾想食連鎖餐廳, 又吾使同人逼, 又有free parking 真的不錯。日本西京味噌醬焗豬鞍架Lee個性價比好高, 日式西京味噌醬好特別, 好好味, 個底墊左薯蓉好入味，重點係塊豬鞍, 好厚身, 肉質亦好好味, 內裡充滿肉汁, 烤得外脆外軟。我見隔離好多枱都食扒類, 我估牛扒都吾錯, 下次可以再試 意式芝士三重奏薄餅佢哋既pizza係薄批黎既, 吾會好heavy, 亦食出三種芝士的味道, 不過都鐘意食扒類多d

朋友今日約我去屯門打哥爾夫球，打完之後見到附近有間餐廳，裝修唔算好華麗，但係勝在寬躺簡潔，而且樓底又夠高，俾人一種心曠神怡嘅感覺。我哋叫咗放晚餐首先嚟咗嘅係忌廉湯，濃濃嘅忌廉湯香氣，味道唔算好鹹，亦都唔覺得有味精，做完運動飲番個忌廉湯，好舒暢。芝士薄餅，有別於一般嘅pizza,佢個底十分之簿，而且好脆口，上面鋪圓滿既蕃茄醬，仲有厚厚嘅芝士，材料簡單，而且佢嘅芝士仲可以拉絲嫁，入口唔算好淋，反而好香嘅氣味，唔會有雪藏嘅味道。雞翼炸至金黃，外面香脆，裏面保留了肉

近期氣份咁緊張，搞到成個人都咁崩緊，緊係要出黎輕鬆下，黎到屯門既高爾夫球場打下golf，真係超級寫意，打到攰就可以係隔離既餐廳花火洋食食下野估唔到喺呢度會食到咁高質嘅牛扒我就叫咗五成熟，所以一切開啲肉會紅紅地，仲有啲血水，但其實食落係好淋，仲好重牛肉味Pizza餡料豐富，而且個薄餅底仲好趣添如果埋單嗰時出示埋以下嘅住戶證或職員證或學生證，仲可以享有全單九折添，即係相等於唔使加一值得一提係餐廳侍應服務態度非常良好，所以加咗唔少分

知道屯門高爾夫球場隔離開咗間新餐廳，又同朋友過嚟試吓。裏面裝飾好簡單但有幾有格調玫瑰梳打唔算太甜幾好味上面仲有幾粒玫瑰花～豬既肉眼估唔到有幾好味仲有啲薯蓉薦底伴碟嗰啲瓜同椰菜都好好食～所有嘢同個汁都好夾喜出望外～雞肉pizza有好濃嘅芝士同蕃茄，pizza好薄，唯一缺點係好細份好吃～

今晚約左朋友去屯門高爾夫球場玩左一陣，打完緊係搵間就近嘅餐廳e下個肚。呢間嘢就係高爾夫球場入邊，非常就腳。是日餐湯今晚係味道特別椰菜花湯。 口感是一大堆的菜蓉還在湯肉，落料十足，味道有少少似白蘿蔔，帶少少清甜。蜜糖雞翼那層厚蜜糖在雞翼表面燒得小小焦脆，是BBQ時最愛的味道，外脆內軟，內還有肉汁。盤上還有很多的蜜糖，如果喜愛甜的，可以再沾多啲蜜糖食，真心好好味。泰式意大利粉泰式的表現在便用了冬陰公味加忌廉白汁，味道出奇地夾， 冬陰功嘅酸辣中和了忌廉白汁嘅厚重感， 另到食落十分之清爽， 即使攤凍咗都好好味。 有四隻蝦， 對得起價錢， 屬於彈牙肉質。 意粉軟硬度適中，剛剛好。日本西京味噌醬焗豬鞍架豬鞍架大大塊又厚身，性價比高，有咬口，配上鹹鹹地嘅西京味噌醬，非常夾，佢薯蓉都撈滿左西京味噌醬，好野味。奶茶偏好茶味重的至愛，茶底很香。建議落半包糖或以下 味道會比較夾

喺屯門哥爾夫球中心隱藏著一間別緻嘅西餐廳，係少有喺政府康體設施附近嘅好味餐廳，唔係咁岩今日黎開打GOLF 都唔知呢度香烤大啡菇黑松露忌廉汁意大利飯一上枱就聞到陣陣嘅黑松露味大菇好腍好軟身，再加埋creamy 嘅意大利飯一齊食真係超正 五成熟嘅肉眼扒厚身得黎脂肪唔多，咬落去好JUICY而且雖然係厚切，但用刀切落去果時係非常柔軟，一切開就見到裡面又嫩又多汁意大利巴馬火腿卡邦尼意粉意粉硬度適中而且卡邦尼汁芝士味好濃，又唔會太乾身。和風雞肉薄餅份量比較細，但味道相當唔錯，加上用上薄身嘅餅底去整，烘完之後餅邊變得好脆口，一人一塊好快就有冇晒。

係屯門輕鐵車廠，有個哥爾夫球中心，叔叔阿姨打完波，原來可以去隔離間餐廳食野。好，入去坐底睇下有咩好食先。二人餐好抵食，包湯和飲品，今日餐湯係南瓜甘荀湯，飲落有清新甘荀味伴有南瓜茸，好飲！凱薩沙律，蔬菜好新鮮，我喜歡呢個醋，點菜好好食。芝士煙肉意式茄醬意粉，鮮茄茸加茄汁沾滿每一條意粉，食落芝士可以帶絲。紐西蘭一級肉眼牛扒，牛扒足足10oz，果然好有份量，雖然厚切，用刀切落去非常柔軟，裡面粉紅色既肉又嫩又多汁，唔錯！飲品就叫左凍檸茶和凍檸水。