花火洋食 (已結業)

慶祝哥哥生日，又唔想走咁遠，就喺屯門搵間靚靚哋可以好好坐嘅西餐。一直都知道哥爾夫球場有呢間餐廳，但又冇專登嚟食。今次特登嚟試吓佢，都覺得有驚喜！叫咗一個set dinner, 個手扒煎得岩岩好，好juicy。我最鍾意佢嘅配菜紫薯蓉，用眼都望得出好多纖維真係人手壓出嚟！個薄餅簡簡單單有啲火腿喺上面，餅底脆卜卜幾好食。我最鍾意係佢嗰日式意粉，個味道有啲似受喜燒幾特別住喺附近嘅朋友仔都可以嚟試吓，因為住喺附近嘅只要出示住戶證都會有折！

好耐無食下午茶啦，今日入屯門搵便宜，朋友介紹去高爾夫球場餐廳，哩度交通方便，巴士輕鐵都在門口有站。入大門已經要掃安心出行，哩個場只是練習場，環境都幾好，餐廳就只是普通茶餐廳格局，但自己倒熱水，牙籤，紙巾等又好似快餐店，但下午茶價錢亦比一般茶餐廳高，食物質量味道都比茶餐廳差。叫了兩個餐，我只試了一個日式叉燒豚骨湯拉麵（$48）2分- 等左2分鐘就來，好似好快，叉燒比食開的日式叉燒細，無咬口，拉面一D都無彈，仲”林bat bat",好似煮定，所以點解咁快。仲有檸檬水好細杯。

點解叫小隱世？因為已經有好多食家知道有呢個地方. 係我呢啲鄉下仔未去過啫。呢度係可以哥爾夫球場入面一間餐廳，環境簡單冇乜裝修。上菜好快,係好快！ 十分鐘唔夠已經上曬餐湯飲品同埋主菜😂食物有啲水準，雖然唔算好~出色。不過呢個價錢嚟講都係值得食！兩個夾埋單加埋240蚊左右連埋加一，普普通通啦。

屯門輕鐵車廠站旁有一個高爾夫球練習場，裡面新開了一間日式西餐廳，花火洋食 。練習完高爾夫球，順便來這裡食個晚飯。餐廳沒有特別裝修，只是加了一些吊飾，但簡簡單單已經令餐廳帶有一種日本簡約的氣氛。晚市優惠 （6pm - 8:45pm）惠顧主菜意大利粉或薄餅，可升級至套餐，配是日餐湯和飲品。餐湯是粟米湯不是罐頭粟米湯，是用粟米粒打成蓉再煲湯，沒有加忌廉，味道清新，粟米味幾重。香煎帶子青口龍蝦汁意大利飯 $148帶子和青口都很大隻，味道不錯。意大利飯軟軟的帶點黏口，口感幾好，但龍蝦汁的龍蝦味不夠濃，味道有點淡。如果龍蝦汁的味道濃一點，整個意大利飯就冇得輸了。和風海膽忌廉汁鮮蝦意粉 $118意粉煮得剛好，不太軟也不太硬，海膽忌廉汁味道很好，夠濃夠厚身，每條意粉都沾滿這個汁，非常好！蝦很爽身。上面鋪上木魚碎，跟海膽忌廉汁很夾，而且很貼題。飲品點了奶茶茶味都幾香！雖然餐廳有點隔涉，餐廳門面也比較普通，但食物很有驚喜，款式特別，味道也很好，推介！

近近地唔想去太遠吃飯。所以選了屋企附近又未食過的花火洋食。見open rice訂檯有88折😁。餐廳在高爾夫球場內，裝修簡潔舒服。我們選了2人餐。唔怕選擇困難，樣樣都有。食物質素幾好，上菜好快。下次可以再來試其它菜式。

隱藏左屯門既高爾夫球中心中，自成一角的小屋內，食物和服務都絕對有驚喜！出完一身汗，入去飲番杯「花火蜜桃梳打」，超正。女士們會喜歡飲「玫瑰朱古力」，香濃但不會過份甜。「寶雲酥紐西蘭羊架」肉味夠又juicy，最重要係冇羊蘇味（其實我係喜歡有少少蘇味，但不吃羊的人很怕）。肉眼牛扒要5成熟真的冇overdone；如果和小朋友一起，要試試他們的薄餅和黑松露薯條，絕對大愛！真心欣賞這店內每人的殷勤及誠意。絕對是運動後chill 一 chill 的好地方！

與人說：「我今晚去GOLF場吃個晚飯」，頓時讓聽者肅然起敬，自己心裡也有種戚戚然的錯覺。查實這裡晚飯比連鎖西餐廳還要便宜，每位只是一百五十元左右，連有餐湯、主食、甜品及飲品。車輛不知能否直接駛進球場，路口亦沒指示。選擇泊於外面的散石灣大斜坡再步行內進。康文署人手過餘，三人駐守球場門外的大閘為來者量度體溫及派發登記表。自己未裝「安心出行」，留下個人資料，跑來另一職員收表致電，要確認我的電話號碼正確才讓入內。職員各人各施其職，緊守崗位：一人截人、一人派表、一人量體溫、一人收表、一人致電，就此創造了五個職位，難怪常說公務員是優差。餐廳位於球道右邊，裝修平實無華，只以黑色鋁制窗框配上玻璃而已，門口餐牌欠奉，像極只招待識途老馬，猶如有麝自然香，何必當風颺的境界。門外兩張餐桌座擁廣闊球場泛光燈照耀下的綠蔭低沉青翠草坪夜景，背後高聳入雲之屯門青山峻峰居高臨下，自己猶如盤中蟻蛾弱小，另有一番沉澱思緒感覺。餐廳內部柔和色光，寂靜微聲低語，溫馨像家。桌子四四方方，中間以發泡膠板間隔，薄木座椅，絲毫未有Golf場那種高不可攀的超然感。窗旁正正座著一家人，父母兒子共響天倫，所談是讀書瑣事。還在考慮餐牌選擇時，

午餐外賣自取，3個女人食點咗3個餐，明太子意粉、照燒雞扒飯、漢堡包薯條，再跟餐加叫雞翼及薯條。跟餐仲有湯或沙律。* 由於眼闊肚窄，照燒雞扒飯冇食到～明太子意粉味道均勻，d意粉夠味；漢堡包不過不失，塊漢堡都幾厚，薯條是用闊薯條的；強力推介加雞翼，女仔應該多數都會鍾意❤️，蜜糖雞翼d蜜糖好入味！服務態度好好，感覺員工間嘅氣氛輕鬆開心，見員工作勢唔知想打拳定打功夫，有傾有笑，其實咁係會感染到食客ga～

十年前還是在學時期已經和中學同學到高球餐廳食平價鐵板午餐，畢業後便沒有重返舊地。直至上月娘親生日為安排驚喜低調的生日飯，煩惱了一會便找到花火，原來娘親踏足屯門廿多年竟未到過高球場，就更加要立刻預訂正日晚餐。於預定前曾致電餐廳可否預存蛋糕及得知不收切餅費，便於當日下午先行將蛋糕秘密送到餐廳，留待晚上的驚喜環節。週末的晚上餐廳未算很多人，環境十分舒適。除了桌椅擺設，裝修和地磚仍和十年前一樣！清新但熟悉的感覺頓時引起中學時的回憶⋯⋯三人點了一個雞扒沙律，茄汁海鮮意粉，日式薄餅，蘋果玫瑰花茶和cappuccino。不知是否因為訂枱說明是生日飯，職員們都十分有禮貌，有心思的拉花咖啡由咖啡師本人雙手精心奉上，又有服務員主動替我們揸手機拍照⋯⋯ 每一刻都讓家裡兩個女人十分滿意，而且食物上菜很快，味道很好，是一頓簡單難忘的生日飯。家母為人低調，但為報答養育之恩還是訂了一個拉錢蛋糕。早預先跟娘親說今年不買蛋糕，直接點餐廳的切餅簡單慶祝。然後吃完飯假裝去看切餅，但其實是向店員拿蛋糕。直至叫娘親將蛋糕牌扯起一刻，驚喜快樂的時刻雖然有點誇張，但慶幸沒有為店內造成太大影響，亦因有間隔板沒有很多人看見。隱世，低調

今日29-11-2020 (Sun)同老公入屯門行,完成行程後食個tea至返荃灣,近屯門碼頭呢邊嘅黃店多數喺龍門居,但唔係咁吸引我,我search到呢間就吸引咁,於是走嚟.嚟到,出面座位full晒,以入面都冇晒位,但原來唔係,重有嘅,坐低後睇完menu,決定要:1. $45.00嘅美式熱狗配薯條呢個睇到美式熱狗只係沙律醬同腸仔,食落,真係吭無其他,可唔可俾多啲誠意?沙律醬落咗好多,其實我係嚟食醬嘅?味道: 3分薯條好粗身,啱啱炸起好熱,口感味道正常,不過偶爾有啲係炸到硬咗.味道: 4分2. $38.00嘅和風吉列豬扒三文治上碟時係切開4件,打棟擺,食落,吉列豬扒嘅外層唔係脆係硬,沙律醬唔多,味道唔太鹹.但咁樣係和風吉列豬扒三文治?何來和風?味道: 1.5分 3. 以半價$14.00要嘅熱玫瑰蘋果茶見佢得半壺黑漆漆,飲落,兩者味道都有,但有啲酸,苦澀同嚡,或者因為佢太濃,之後我係咁加水飲,都只係沖淡啲啲.味道: 1.5分4. 以半價$9.00要嘅鮮橙汁呢個我只飲咗一啖,正常冇乜特別.味道: 3分

以前係屯門長大，都未有機會試過呢間，今次約左3個好朋友敘舊，搵咗呢一間餐廳試吓好彩有book位因為我訂咗7:00PM去到都見到滿晒人，四個人嗌左一個二人餐同埋和風明太子海鮮薄餅 ，意式茄醬煙肉蜆肉野菌扁意粉，再加多個黑松露薯條。我個人口味覺得和風明太子海鮮薄餅（薄PIZZA夠脆，明太子好味／濃，海鮮份量OK）意式茄醬煙肉蜆肉野菌扁意粉（入味）黑松露薯條（好少餐廳有呢種勁粗薯條，再加上配上黑松露，我地忍唔住哪左2次）牛扒（應該OK既，不過我朋友LIKE唔見血，但我又喜歡食MEDIUM RARE,但佢熟得黎無血又仍然見到紅肉，廚師時間處理得唔錯）個SET有這個CAKE，本來我唔係好食甜食，但意外又幾好味，有HEART餐廳SERVICE我俾4.5分（5滿），員工非常親切有善那天晚上岩岩有客人幫爸爸慶生，好溫馨，餐廳環境清潔，我都俾4.5分（5滿）多謝朋友介絡呢間餐廳，令我再次戀上屯門這地方，會再黎同老朋友食過～

入座六點 六點半 已經食完 速度之快 無與倫比 食物是否一早整定😏 不得而知 由點歺到食飯 半個鐘 他們的食物 真的很難食 我唔知用咩嚟形容好🤔 由其是他們的甜品 我諗只係一舊 有形裝嘅物體☹️

食物水準一次不如一次😢😢😢因打波的關係 此家餐廳之前都食過幾次剛開業時 食物水準的確令人給讚特別是鰻魚飯 (1百多元)及拉麵 (40多元)除了價錢平民，而且非常有水準有心機記得當時是兩位年輕男孩主理的現在的，店名沒變，但餐牌及打理人似乎變了價錢除了貴很多，食物水準一次不如一次對上次點了個豬鞍非常硬，但整體尚可接受。今次改點了意粉及大啡菇意大利飯，一叫即上菜，快到令我覺得一早已煮好再翻熱。這沒關，首先跟餐的湯，稀如生粉加水，味精甚重，喝了一口就沒法喝下去😰意大利飯，似乎是珍珠米加汁攪幾攪，汁勁稀，又勁多味精，非常咸，非常失望！😰沒有下次！😓😓

隨著政府逐步開放返康文署的設施, 花火都可以恢復營業. 下午等埋老公收工就過左去食lunch, 嘩, 估唔到爆晒場, 勁多人.太耐冇黎既關係, 連menu都轉左了.我地叫左C, F餐, 另外追加一份薯條同一件蛋糕.餐湯同樣都係甘筍湯, 好清新~呢個明太子意粉, 好creamy, 又多野菌, 小朋友好LIKE食.呢個配搭實在特別, 用上胡麻醬做汁料, 不過食落又幾好味喎. 而且有兩塊牛扒, 份量好足.牛扒用薄牛扒, 食落都唔靭.意粉都用左香蒜黎炒, 唔係齋烚!!我連側邊伴碟既甜豆都食埋!呢個追加既薯條, 實在太抵, 超大碟, 仲要係粗薯條, 即炸即上枱, 食落仲熱辣辣, 勁脆口.最後再加一件朱古力慕絲蛋糕, 味道唔算甜, 造得好軟滑! 熱咖啡!其實呢間食店既質素真的唔錯!!! 所以先有咁多人黎幫襯!!

我同屋企人夜晚去食 一入到去會安排座位個啲啲職員好有禮貌同好好笑容 會幫我地加下水 又會問下我地要唔要碟個啲 收碟個啲都好快 見我地食完就會埋黎收 之後送餐個啲都好快 大約5至10分鐘已經有得食 啲野食都好有驚喜 我最鍾意都係個蜜糖雞翼同埋軟殼蟹扁意粉 好香又好食 真係好驚喜佢嘅湯都好好飲 同埋野飲好特別 拉花拉到好靚 攞黎影下相一流 飲落好舒服唔會太濃又唔會太淡 而個到環境都幾好 後面個書架有啲吊燈睇落去幾浪漫又整齊 幾乾淨 總之就係好食 特別 有驚喜同埋服務態度好 好好笑容下次會再黎