花火洋食 (已結業)

仍然限聚令的公眾假期今次4人加一個2歲bb入座，餐廳安排門口位4+2人枱，中間formboard隔感覺餐廳都算bb-friendly，有bb椅，ikea bb碗仔美：1 人流假日期間，算社交距離好好 3/52 價錢適中（all-day breakfast $68-$118)(lunch set $58-108左右）4/5最貴係和牛漢堡3 尚算衞生 3/5不足：1 好嘈，帶返口罩嘅話完全聽唔到對方講咩野；可能因為磚地，回音好大食：1 日式和牛漢堡set性價比不高，薯條係粗果隻個人口味鐘意脆既不過見到粗暑條，都係特別既2 明太子意粉set性價比算高，不太漿口，有明太子味意粉質地ok3 豬扒飯set夠大碟，飯可以無咁結實會更好4 All day breakfast -egg benedict好味，恰到好處，個包夠鬆軟，smoked salmon算配得剛好（可咸多少少少），腸一般，大啡菇夠juicy

疫情下放寬四人限聚，相約好友一行四人去呢間位於屯門哥爾夫球場內的西餐，出奇地有驚喜！四個人點左兩個2人餐，再加一客 黑松露薯條！2人餐有餐湯，頭盤，兩個主菜，甜品係自選蛋糕，再有餐飲用 openrice app 訂位仲有88折，好抵

之前黎過一次都好滿意，見最近openrice 訂位有88折當然再黎過！晚餐menu好似同上次唔同左，又可以試新野叫左巴馬火腿pizza同軟殼蟹黃金醬扁意粉，晚餐自動升級包餐湯同飲品，飲品我地揀左其他飲品就半價。上次見人地一壺花茶好吸引，所以今次試下！蘋果玫瑰花茶，第一口唔知係咪未均勻，覺得偏甜，但食野之後再飲又覺得OK worlatte 唔會好甜，咖啡味香，之後睇返原來呢度係用本地炒既豆提一提，上餐速度都幾快xD軟殼蟹好好味，配埋扁意粉個鹹蛋黃醬正呀巴馬火腿pizza係薄底pizza，好脆，芝士拉絲，底層番茄醬幾fresh最後要多件紐約芝士蛋糕，好似$16咋，好抵又好味整體好滿意,泊車又唔洗錢下次再黎

剛在這裡午飯，店員都是成熟形年輕人。朋友的意粉到了又吃了一半，我的雞扒意粉還沒來。催問店員，回應說："啊，你叫意粉嘛，意粉要煑的，要耐 d." 良久，仍未到，又問，回應說："啊，你要雞扒意粉嘛，雞扒要煎的，係要等耐 d㗎。" 這等心態，難道又是政府不對了？為何不能稍示歉意，卻硬要把問題推回對方？也難怪要為年輕人擔心了。

趁放假去到屯門Golf場，打完波旁邊餐廳去食飯唔錯。餐廳望到綠草如茵Golf場，地方寛躺餐廳外面有茶座望到綠草Golf場都幾舒服附近屋苑、康民署、醫管局會有9折優惠晚餐$78 起包湯、主食、餐茶，有pasta，pizza，扒，仲有蛋糕櫃甘筍湯打得香甜意式辣茄螺肉配三文魚籽意大利麵 $118意大利麵軟硬剛好加上微微香辣配上螺肉同三文魚籽，食落好惹味照燒鯛魚配薯菜 $158魚皮脆口好滑，魚肉都幾厚又煎得幾香，加上薯蓉份量都唔少

是咁的今日朋友約我去打哥爾夫球，小編都係第一次玩！玩到差不多晚飯時間，原來高爾夫球場內有間餐廳！餐廳環境相當寧靜，非常適合朋友和情侶傾偈談談心！因為我和朋友都比較細食所以我們就叫左三樣野食！分別係黑松露薯條，鵝肝Risotto 和豬鞍 ！黑松露薯條松露香味吸引，而且薯條係我最鍾意食嘅厚切薯條！厚切薯條控真心推薦！如果不用茄汁，用黑松露沙律醬的話，呢一份薯條會更加Perfect！鵝肝Risotto鵝肝煎得非常香脆，意大利飯既濃稠到亦都啱啱好，每一粒飯都比汁包住左，非常滿足！日本西京味噌焗豬鞍肉質鮮嫩，肉質都非常多！食完一件又一件！

打完Golf 揾到一間環境唔錯既西餐廳服務質素好好 環境都好靚廚師推介 附件椰菜花湯 及餐飲香煎鴨肝忌廉汁黑松露意大利飯($128)飯粒粒粒分明 黑松露汁好香好濃最欣賞係 鴨肝😍 好厚身 入口即融!!香焗比目魚配香草忌廉汁 ($158)魚質新鮮 煎到外脆內軟 配菜豐富 焦糖咖啡 (跟餐半價$20)咖啡味香濃 推介👍🏻蜜桃梳打 (跟餐半價$14)甜度適中甜品 十分滿意🤤Tiramisu ($18) 好香咖啡味 中意食Tiramisu既朋友 要try下🥰 一定會中意食Blueberry cheese cake ($18)

蒜香羅勒醬鮮蝦扁意粉意粉份量算係大份～蝦都有4隻而且都係厚肉既，不過就食唔到咩鮮味～青醬扁意粉熟度口感岩岩好，我就略嫌少醬得滯，所以青醬個味唔太出。每枱都有醬畀你再加落去～紐西蘭一級肉眼牛扒牛扒煎得靚，切開中間仲既肉仲好多肉汁，成塊食完都唔係好多筋，配菜都好味。青豆打既餐湯 有心思青檸梳打酸味十足，係有味既梳打～晚市每枱都有人，但環境依然好寧靜，職員服務都非常周到，好岩黎呢度撐下枱腳。個brunch都好吸引咁！有機會可以再來試試！

來到屯門哥爾夫球場裏，搵到一間餐廳，呢度每款主菜都會配一個例湯，今日呢個西湯好特別，佢係用某種蔬菜你造成糊蓉狀態，食落去倍加有口感，飲落去又夠濃郁。帶子忌廉汁意粉令我喜出望外，帶子好大粒，配上紫菜碎再加滿瀉嘅忌廉汁，意粉份量都多，夠晒兩個人食，如果想加醬汁可以去出邊嘅調味料架，有芝士粉同埋辣椒仔可以自由配搭。最後叫咗杯熱嘅玫瑰咖啡同埋菠蘿蜜桃特飲，玫瑰咖啡有心形拉花效果，啱晒打卡之用，菠蘿蜜桃配上梳打，飲落去涼透心。

有邊個估到係屯門哥爾夫球場裏便可以搵到一間咁特別嘅餐廳？呢間餐廳個名叫花火洋食，聽人講呢間餐廳嘅西餐都煮得唔錯，仲有全日早餐供應。呢一間係成個哥爾夫球場唯一一間餐廳，裏面設有不同款式嘅西式餐，裏面嘅格調好舒服有啲似文青cafe。我哋叫咗兩款主菜，分別係寶雲酥紐西蘭羊架同香煎帶子和風噌白汁忌廉汁意粉，個羊架燒得好香，分別有三件配埋薯蓉同埋切得非常精緻嘅配菜有粟米條、筍、翠玉瓜同埋豆，望落去都好吸引，點埋燒汁食落去香噴噴。

🔹是日餐湯晚餐都有跟餐湯同免費升級餐飲，個湯係青豆打出黎，好濃嘅豆味，仲有少少豆衣可以咬下，唔錯唔錯～🔸蒜香羅勒醬鮮蝦扁意粉 $88味道比賣相更好，望個樣好似好dry咁，但青醬意粉食落有陣油香，蝦都算多啦個size都唔細，意粉類都幾大份夾抵食。🔹紐西蘭一級肉眼牛扒 $238肉眼扒個樣吸引好多～嗌咗5成熟，肉味都好出而且肉嫩多汁，我唔好肉又唔特別好牛，食咗幾塊就轉攻菜同下面個南瓜蓉，勁甜勁creamy食到停唔到，同埋蔬菜都好新鮮，非常爽脆～🔸沖繩黑糖鮮奶咖啡 $42所有含日本/日文嘅食物都好似好好味咁，見到沖繩黑糖就毫不猶豫就揀了，雖然飲唔出分別係邊，不過黑糖味同咖啡都好平均，唔會過甜，而且多奶泡好happy😗呢度雖然比較遠，但環境好溫馨好warm~花火洋食屯門龍門路54號屯門高爾夫球中心餐廳

聽過屯門既高爾夫球中心有間西餐，今日心血來潮記黎一試，果然有意外驚喜🤩呢度設計簡約，但舒適寧靜，門外既座位仲可以對住高爾夫球場，一邊望住人打一邊食都係另一種享受今次叫咗香烤大啡菇紅菜頭汁意大利飯加10oz紐西蘭一級肉眼排，餐湯係粟米忌廉湯，湯送黎既時候夠熱，調味適中，有粒粒粟米粒香烤大啡落紅菜頭汁意大利飯做得出色，意大利飯既濕度同軟硬度岩岩好，本來睇落粉紅色以為會好酸，但食落有淡淡既芝士香配合埋，再有紅菜頭粒夾集係飯入面，估唔到咁既配搭幾夾同好開胃；而大啡菇一咬好有驚喜，一咬落去好多汁,而且都非常入味，值得推介紐西蘭一級肉眼排揀左7成熟，廚師煮得岩岩好，表層煎香左而中層肉微紅，肉眼夠厚身但好易切，咬落夠juicy有肉汁，肉質軟稔冇筋，而牛肉味都算濃，另外配埋個蕃茄薯蓉，酸酸甜甜，食完唔會感覺油膩叫咗杯凍latte同cappuccino,兩杯既味道都唔錯有質素，cappuccino 咖啡味相對較濃😍整體來講呢間餐廳幾值得一試，簡約設計但食物有質素有驚喜，鐘意打golf既朋友仲可以順便展展身手😆

打完Golf就可以順便入去食個西餐 🥰環境好大好寬敞，望落好舒服既感覺，座位都算多。除左golf，岀面仲有幾張梳化仔比人坐低休息，食飽又未想走就可以岀去坐下先，成個感覺好休閑。-玫瑰蘋果 $30蜜桃梳打 $28大阪燒風味煙三文魚野菌篇意粉 $98紐西蘭肉眼牛扒 $238-1️⃣ 大阪燒風味煙三文魚野菌篇意粉 ⭐️⭐️⭐️⭐️大阪燒風味我諗就係因為有柴魚、海苔既關係喇，柴魚、海苔、煙三文魚既份量差不多，所以味道好平均，而篇意粉用左野菌汁，整個味道都好夾。/2️⃣ 紐西蘭肉眼牛扒 ⭐️⭐️⭐️⭐️肉眼牛扒叫左7成熟，唔會過生過熟，口感好腍，脂肪比例都幾好，唔會太多肥脂肪😂薯菜就唔係用薯條/薯角，佢用左個特別既薯蓉，蕃茄味濃既薯蓉，不錯。/-環境：8/10服務：9/10好味指數：8/10回頭率：8/10

放工帶埋仔仔去朋友屋企玩，屋企附近就有高爾夫球場，仔仔睇完人打波我哋就去隔離餐廳食晚飯啦😊我哋兩大兩細叫咗... 大啡菇紅菜頭意大利飯粉紅色飯👀好似甜品咁，仔仔見到即刻話要食；飯嘅呢感做得好好，芝士味好香濃，大啡菇好juicy，好入味😋西京味噌醬焗豬鞍扒賣相幾精明，醬汁正👍同出面唔同；豬鞍扒肉味鮮甜，係有d硬；配菜如果鹹多少少及煎香多少少就更好啦夏威夷薄餅餅底好香脆，做到好薄，廚師好功夫！菠蘿切得好細粒，易入咗咗好多，我都係第一次食pizza無吐d菠蘿出嚟😅飲品蜜桃梳打唔會太甜，讚～朋友嘅柚子茶好香甜潤喉；燈汁岩晒小朋友。

今晚同呀仔撐檯腳，佢同我講話想睇人打golf，於是帶佢去睇下，睇睇下肚餓，近近地就去呢度食飯，估唔到呢度有間隱世平民西餐，性價比高，味道好，價錢合理餐湯係薯仔湯，香濃好味👍🏽👍🏽👍🏽夏威夷pizza，餅底夠薄，好香脆，配料豐富，菠蘿同粟米係用新鮮，好香甜👍🏽👍🏽👍🏽大啡菇紅菜頭意大利飯，有營養既飯，意大利飯唔會煮到太淋，口感適中，而大啡菇香口夠濃味，呀仔一個人食曬🙈🙈西京味噌醬焗豬鞍，充滿肉汁，勁juice，薯蓉係新鮮薯仔做，👍🏽👍🏽剛巧有少少感冒，飲返杯柚子茶，順下喉，但驚喜既係，佢地用花茶壺，好特別