花斑茶社 (樂道)

营业中

休息中

尖沙咀有唔少珍珠奶茶舖頭或者台式飲品店，我個人最喜愛就係呢間嘅珍珠奶茶~ 首先有好多唔一樣嘅茶味可以揀，唔同茶味嘅配搭可以有唔一樣嘅新鮮感，而且珍珠嘅口感同甜度都剛剛好，而且珍珠好夠熱有一種啱啱煮好嘅感覺~ 呢間最特別嘅就係佢奶味唔會重過茶味，以優秀嘅茶味取勝，都唔會覺得太水嘅感覺，唔係好多手搖舖頭可以做到，總括嚟講喺度買珍珠奶茶唔會失望，而且價錢中規中矩~ 份量亦都適中，相比其他舖頭更加推薦嚟呢度買珍珠奶茶~

花斑茶社係近排先發現到嘅手搖店o(≧v≦)o烏龍奶茶真係超級無敵勁爆好飲！！！！！佢嘅珍珠都好彈牙，好好食(*¯︶¯*)之前有試過飲佢嘅綠茶多多，都好好飲㗎~\(≧▽≦)/~不過我就覺得有少少澀，同埋酸多少少會更好(˶‾᷄ ⁻̫ ‾᷅˵)我平時唔太鐘意飲依啲手搖，但係飲過花斑茶社嘅黑糖珍珠烏龍奶茶之後，真係每日都有衝動叫food panda 送過嚟。個人覺得好飲過sheartxx同埋天x茗茶(*¯︶¯*)

有次喺公司OT，上司請飲嘢，但夜晚8點後公司附近都無咩選擇，喺外賣app見到有得叫「花斑茶社」，仲要有折，所以就即刻拍板落單～ 其實呢個名真係聽過好多次，但一直都未有機會飲，今次終於可以試吓😆•🥢 黑糖珍珠烏龍奶茶(微甜) $26有兩個朋友都飲呢杯，不過一杯凍、一杯熱😆凍飲就茶味比較香；熱飲就奶味比較突出同甜少少~珍珠嘅黑糖味幾濃，不過有幾粒煮得未夠透，所以口感稍為硬啲。因為黑糖珍珠本身都甜，所以揀咗微甜，成杯飲落甜度啱啱好～•🥢 白桃烏龍 (少甜 +寒天) $26白桃味好突出，好香，餘韻有茶嘅甘香，但烏龍茶味唔突出，可能比白桃嘅甜味搶咗，所以整體似飲緊白桃汁多啲😅 但中間有飲到白桃果肉，有加分！🤩 而另外加咗寒天，有咬口得嚟又唔會太硬，好夾！•🥢 鳳梨冰茶 $24呢杯冰茶可以揀紅/綠茶底，我就揀咗綠茶，微甜少冰，再加咗蜂蜜珍珠同芝士奶蓋😂鳳梨好甜好香，味道唔似係就咁糖漿味，仲飲到好多鳳梨果肉，加埋綠茶好清新；珍珠軟硬適中，亦唔算好甜；奶蓋質地較稀，芝士味唔夠突出，加上係外賣，溶得好快，所以唔算好出色😢 下次即買即飲要再試多次芝士奶蓋！

平時很喜歡買🍑味嘅茶類飲品，朋友介紹之下選擇了這間店舖，因為太喜歡桃味的關係所以選擇了桃味烏龍加寒天，而且選擇了微糖走冰，正正呢個選擇配出了這杯茶的正確味道，桃味與茶味配得剛剛好，幼滑的茶味帶出了🍑香，而且寒天口感QQ彈牙，當你吃完一餐油膩嘅晚餐之後配上一杯清新嘅茶味飲品簡直一流！唔會太甜桃味亦都很清新，同行夥計通常會講一杯唔夠要來兩杯真心會見一次飲一次嘅產品，對於我哋呢啲🍑控來說，十分之吸引

📍花斑茶社📍香港尖沙咀樂道32-34號地舖平常去這家店都是點黑糖珍奶，這次換個新口味，點了花豹泰茶(24hkd)居然有驚喜❣我一如往常點了微冰正常糖，味道跟那家有名的泰奶店還是挺相似的，如果喝膩了珍奶很推薦可以喝喝看這個！

«1028»喺黃店飲黃店🔦最受歡迎散水茶🥤﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣忍咗成個月冇飲珍珠奶茶，因為同事last day而要破戒了🤪 成日都聽聞過呢間香港本土茶飲品牌但又未試過～ 幾好飲！好彩冇浪費咗個quota🤣▷黑糖珍珠厚鮮奶 $30▶黑糖珍珠奶茶 $25▷黑糖珍珠抹茶鮮奶 $32厚鮮奶同抹茶鮮奶都好飲～ 抹茶奶溝咗黑糖味道多啲層次，而厚鮮奶就奶味濃郁啲。熱飲明明同一甜度但好似再甜一浸咁，嗌凍飲正啲！🍵🥛本來對奶茶冇好大期望，但比想像中好飲，茶香奶濃，沖調比例完美，奶茶走甜加上黑糖珍珠嘅甜度就啱晒我口味！黑糖珍珠幾入味，珍珠size係細粒啲但都有咬口，不過$25個杯啲珍奶冇$30個杯咁多，幾啖就啜晒lu😗﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣花斑茶社尖沙咀樂道32-34號地舖荃灣大河道100號海之戀商場地下G24號舖新蒲崗崇齡街1-3號威信樓地下F舖西環堅尼地城士美菲路45-51號Smithfield Walk地下5B號舖北角和富道21-53號和富地下G15C號舖

一向鍾情台灣飲品和甜品，特別係芋圓。趁着food panda 有折扣，下午茶叫咗個花豹芋圓，可以選擇烏龍奶茶底或者薰衣草綠茶底。我就揀咗烏龍奶茶底，一打開個已經滿到瀉🤣$43 價錢中規中矩，唔算好平，但用料好足，有仙草、珍珠、寒天、芋頭蓉同紅豆。味道好好，珍珠同寒天煙煙韌韌，烏龍奶茶底好有茶味，不泛奶香，加埋甜甜嘅紅豆同芋頭蓉，味道Perfect match.另外仲嗌左杯白桃烏龍茶，不過已經飽到飲唔落🤣🤣🤣夜晚食完飯再飲返，味道都OK 㗎！而且真係有白桃果肉🤩一吃上癮，大獲啦！依家日日都心思思想再買來食。🤣

買咗杯鳳梨多多同黑糖珍珠烏龍奶茶，本身鐘意飲茶，兩杯都有茶香味。鳳梨多多有菠蘿嘅果肉，茶底係綠茶，有淡淡嘅清香。而黑糖珍珠烏龍奶茶就叫左少甜少冰，唔係好飲得出有黑糖嘅味道，但就有烏龍嘅茶味，與綠茶嘅清香有不同嘅味道。

三點三，秘書又係時候嗌下午茶 ☕️ 而家喺Food panda嗌「花斑茶社」 ，滿$150即刻有7折優惠，好抵啊～！估唔到都幾多品種選擇 😮  有水果冰茶、黑糖珍珠、鮮奶茶飲等等，仲有芋圓甜品添 😋=========================大甲芋頭鮮奶 $26.6 （原價 $38 ）鮮奶方面，店家提供「明治特濃鮮奶」同「脫脂奶」兩個選擇，有得揀抵讚 👍  鍾意重奶味嘅同事S 👧🏻  梗係揀「明治奶」啦～ 濃稠嘅鮮奶配上細緻軟滑嘅芋蓉，奶香同鬆軟綿密芋蓉交織，飲到些少芋頭碎，亦冇芋頭精嘅味道 🙊 由於甜度固定，對於好甜嘅同事S 👧🏻  嚟講，混和後甜嘅程度啱啱好。不過芋頭控 👧🏻  認為，「一芳」嘅「大甲芋頭鮮奶」芋頭味較濃，而且有更多芋頭碎碎，更有口感 😌鳳梨冰茶 $20.3 （原價$29）追求清新嘅我，揀咗「鳳梨冰茶」解解渴 ❄️  例牌「走甜少冰」，除咗甜度冰度，「花斑茶社」仲provide埋茶底嘅選擇，有紅茶同綠茶可以揀。相信呢杯用咗鳳梨糖漿嚟沖製，走甜後，糖醬本身甜味仍然喺度 🐜  菠蘿切到碎碎，幾有口感。可能偏甜嘅關係，茶味相對唔突出 🤔  叫開走甜嘅朋友仔，嗌呢杯飲品

我見到網上有介紹尖沙咀有咩外賣仲有優惠碼就即刻試下呢間                                                                                  用Openrice外賣自取 佢有優惠價的芋圓（hkd 25）所以今次自己就叫了芋圓同珍珠奶茶抵食係抵食但超級甜 （明明已經微糖）之前有飲過佢奶茶但都冇咁甜 今次唔知點解覺得超甜可能我變咗淡口味（？）或者果次重手咗？不過呢個價錢真係抵食

今日就買左杯黑糖珍珠厚鮮奶($30)黎做飯後飲品!首先佢呢杯飲品係固定糖同固定冰既!然後佢杯野應該就係黑糖整既珍珠, 而吾係黑糖糖漿加普通既珍珠!飲品個顏色係奶白色。飲落非常有奶味, 仲要係勁厚奶果種!珍珠煙韌得黎有咬口, 但就點都會有D癡牙!黑糖類既飲品無辦法係咁嫁啦!黑糖加鮮奶一齊飲簡直係絕配! 而且仲要係用4.3 特濃鮮奶!真係好驚會飲肥自己! 雖然都肥肥地! lol另外, 店員姐姐都非常有禮貌!

有一日搵路搵到好熱，見巴士仲有10分鐘先嚟，決定轉入巷仔睇下有無野飲賣，點知又真系有😂😂。見佢地Menu第一行就系呢個，我本身無飲過黑糖野，但由於趕車所以求其買咗。虎紋幾多的，同是$30，大杯過某名店😂😂。一飲就愛上咗🤣🤣。因為成杯都系冰凍嘅鮮奶味，從未試過飲台式飲品咁多奶😂😂可能我真系好鍾意奶味。黑糖嘅糖漿有焦香嘅蔗糖香，唔會死甜，又唔會太過溝埋啲奶搶咗奶味，非常好。珍珠好煙韌，唔會好似其他小店咁淋，有黑糖香味，覺得超好。

——@abouteahk #黑糖珍珠岩鹽厚鮮奶#花斑茶社 加左啲岩鹽所以飲落去咸咸地🌸⚡️⚡️⚡️暫時係我飲過咁多杯#黑糖珍奶最好飲嘅一杯😍😍😍💪🏻。。。#winfattst花斑茶社 (尖沙咀)尖沙咀樂道32-34號地舖 #winfat尖沙咀

我知道已經好多人推介過呢一杯招牌黑糖岩鹽厚鮮奶 但佢真係好好味 雖然佢只可以固定堂同埋固定冰啦 但係我無論飲其他連鎖店要幸福堂啦老虎糖呀鹿角巷都唔及呢一杯黑糖珍珠奶茶咁好飲奶味濃啊黑糖甜呀 你飲落去嘅時候又唔會覺得太甜好膩 珍珠都好好味有咬口 我有試過佢其他嘅產品嘅 例如香芋鮮奶咁樣 但係我都覺得唔及呢一杯好飲

公司翻翻下工 我朋友特登上嚟買咗一杯嘢飲俾我🥰🥰🥰 白桃烏龍茶（$26）知道我平時鍾意飲白桃味嘅嘢 🍑之前試過喺第二啲舖頭買個白桃味烏龍茶 只不過真係單純白桃 味嘅烏龍茶⋯好似普通支裝飲品 但係呢一間白桃烏龍茶比較有誠意 就係有一啲果肉😆 但係因為果肉係甜（應該係罐頭嘅) 烏龍茶底係都OK有啲質感嘅 唔會好清淡所以健康人士可以揀無糖都得 整體感覺幾順口 清新 所以快飲完😅l下次可以再試吓其他味道 如果唔係成日飲咩黑糖珍珠奶茶都好悶 哈哈