花園餐廳 (西洋菜南街)

营业中

休息中

未食過甘難食嘅野 😣今日午餐去佐花園餐廳 叫佐兩樣野，芝士石斑焗飯裏面凍嘅，個扒仲離譜，以為把刀吾利，切佐好耐終於切開佐，叉一嚿入口，好似食口香糖，根本咬吾開。服務也差。

老字號嘅花園餐廳，相信已經有好多人去過啦，不過我就真係咁大個女以嚟第一次嚟，平時根本唔想出去食，今次都係俾人拉著先出去...環境其實並唔係幾好，就應該叫食得起嘅平民西餐廳，而且人多比較嘈鐵板牛扒，可能係我平時食唔慣咁生嘅牛扒，雖然肉質係幾嫩，不過實在太生，接受唔到囉一份扒嘅份量都幾大，開始嘅時候點咗兩份，其實兩個人食一份都夠啦扒飯，exm？青菜only一條！一舊扒加啲粟米同一粒番茄、一條菜...額已經唔知講乜好..成餐我覺得最好嘅可能係杯凍檸茶啦，中規中矩

今晚本來好開心同女友一齊來食扒 太耐冇來了坐低叫野食 舉手叫落單 叫咗5分鐘先有一個服務態度超差嘅員工過來 一來到就講：快啲 好唔得閒 食咩 我地叫咗兩個是日晚餐 野飲仲未叫 服務員就已經飄走 好！我忍你 到餐湯來嘅時候我順便叫另一個服務員俾兩杯水我 服務員話唔得閒 等陣先 過咗兩分鐘急急腳咁擺低一杯水俾等就走咗 戲肉來了 來個扒餐上到來 賣相唔錯 當我地想切來食野時候先發覺把餐刀鈍到吖媽都唔認得 連小唐菜都切唔到 好唔容易切咗一舊 一放落口 感覺仲衰過食香口膠 難食到一個點 兩個餐食都冇食埋單走人 呢間咁嘅野絕對冇可能再來第二次💩💩😡😡👎🏻👎🏻👎🏻👎🏻

自從過了學生年代後，已經很久沒有光顧花園餐廳了。這一次光顧是因為就腳的緣故。花園餐廳現在已經不只是只有鋸扒了，還有很多飯和意粉等等選擇。但顯然地這裏的主打還是鋸扒。我們點了一個西冷牛扒，這是今天的set dinner。78元，有湯和餐包，還有飲品。點了七成熟，雖然不是太林，但也沒有太韌。另外點了個薯蓉焗田螺。這個還不錯，但忘了拍照。另外還點了一個吉烈豬扒湯烏冬。由於這裏的主打是鋸扒，所以我對烏冬也沒什麼期望。當然，烏冬是預期中的平價烏冬，沒什麼口感可言，但湯底有點像公仔麵的湯底，就是那種味精湯底味。而簡單的吉烈豬扒也炸得偏燶和很乾。總括來說，就是如無意外也不會來光顧。

兩小口嚟食...一定係一個西冷一個肉眼...平價鐵板餐唔需要要求太多...肉質嫩唔會un...要7成熟有7成熟...仲要大大件...就已經足夠...仲有3款汁比你揀...唔驚下次嚟食又係食返嗰味...最緊要係又食得飽...諗唔到晚餐食咩就必定係揀呢間㗎喇

食物正常，鐵板牛扒同咖哩飯都幾大份。但服務實在太差。我11點去到，啱啱開舖。冇帶位，自己搵位坐。落完order，D伙計放飯！仲要好大聲傾計同講粗口！埋單時個侍應全程西面，一句多謝都冇講。如果呢間係茶記，完全冇問題。叫得自己餐廳，客人就會有期望。可惜與現實太大落差。

話說我一個人放工想食魚餐，嗌左個芝士焗石斑，跟薯蓉。飲完個唔好飲既湯之後，某位侍應收走左我隻遲羹。魚來了，枱面有隻叉，我冇用到。我叫某一位侍應比隻遲羹我，客氣禮貌的。有個中年，面型瘦削，權骨突起的侍應，一路行埋來我張枱，一路放低隻遲羹，話 "遲羹要來飲湯架嘛，叉先要來食野，邊有人用遲羹食野架!" 我話，你講咩？你講多次？佢就一路行走左。。另一個好人侍應問小姐，你有咩需要？我話，叫嗰個人講多次佢講咩！個好人侍應叫我唔洗理佢！隔左陣，嗰個瘦骨仙侍應問好人侍應，頭先我講咩，就繼續話我用遲羹食野呢個問題！P.S 魚係鞋，蒸魚滑過佢，態度差！野食差！

今晚約了生意拍檔在旺角區，一時想不到吃什麼便去了花園餐廳。等左10分鐘就輪到張卡位，坐低後發覺所有人都速度很快。看了餐牌2分鐘便過來催落單，求其點了羅宋湯和安格斯西冷牛扒($168)。全部食物賣相不是特別好，味道也蠻普通的。羅宋湯跟平常在其他茶餐廳的羅宋湯味道差不多，也是有點酸有點甜。安格斯西冷牛扒份量十足，黑椒汁還不錯，但是牛扒的火喉掌握得不好，沒有什麼嚼勁，雖然叫了五成熟但好明顯煮太久了，感覺肉很老很UN。這家店有一個特色就是上菜很快，所有野都好快，好似想催你盡快還檯一樣。 

前幾日同我男朋友去食下午茶 , 去到見都有唔少侍應系度,問題係D侍應多數都係圍埋一齊吹水囉!!!我見有客舉到手軟,D侍應先過去咼!!我呢枱落完單,佢地放底餐具梗本冇消毒!!!多數都係咁~D侍應多數係黑口黑面,埋單找錢果我都覺得自己唔應該比咁多小費啊!!(小費比得少個女侍應仲黑哂口面囉) 之後唔黎呢間啊!!!!食完之後,個肚有D搞肚感覺啊!!!下次去太子食其它好味既餐廳,反正果條街大把好野食!!!

今晚我們去咗太子西洋菜南街嘅「花園餐廳」食晚飯！我們叫咗特色海陸空三拼、澳洲西冷牛扒、A級肉眼牛扒「紐西蘭」同焗帶子石斑！特色海陸空三拼嘅肉眼牛扒嘅肉質好鬆軟嫩滑！香草燒乳鴿半隻嘅肉質都幾軟滑，唔會好「嚡」！南中國大虎蝦炸得都幾香脆，炸粉唔係好厚，肉質都幾爽口彈牙！澳洲西冷牛扒嘅肉質好鬆軟，肉味亦好香濃！A級肉眼牛扒「紐西蘭」都幾厚身，肉質相當鬆軟嫩滑！焗帶子石斑嘅帶子唔算好大粒，但都幾彈牙，石斑嘅肉質都幾嫩滑，而且份量都算多！餐包好香滑鬆軟！羅宋湯嘅味道相當濃郁！忌廉湯亦幾香滑！

收左工去完太子買野, 特然間好想食牛扒, 唸起都好耐冇去過花園餐廳, 話曬佢既招牌都係牛扒, 就俾次機會佢。入到去, 一貫舊式西餐聽既裝修, 暗暗地既燈光加油淋淋既地板。 一種好有時代感既格調。(偽文青中)唔使問, 緊係叫番個西冷牛扒鐵板餐先啦。首先黎左羅宋湯。 一個字, 咸! 冇咩番茄味,  得好少雜菜,少少辣同好稀下。不過係冇咩expectation 下都接受到。杯涷檸茶冇咩特別, 係唔知點解好細杯, 得茶餐廳一半既份量。終於主茶上, 鐵板夠熱, 一上就聽到D吱吱聲, 肚都餓D。跟住waiter 就會黎問係要咩汁, 我揀左黑椒。佢就好似要浸死我塊扒甘倒左兩大湯殼。塊扒一砌落去, 太熟! 我叫左7成, 但佢well done 都黎。但係在得一小塊根, 有牛味, 叫左合格。D薯條唔多, 因為佢落左好多汁, 所以食到最後都淋曬。雖然成個餐都有好多需要改善既地方, 但89蚊有甘大件牛扒, 再加上個種舊式西餐既氛圍同煮法, 又另有一番風味。我唸我下次好肚餓想平平地食扒既話都會再黎, 最多叫5成熟同少汁就可以了。

花園餐廳，很多人說去吃扒是最好的，但不是吃扒又會是如何。這次約了朋友去吃下午茶，選擇了花園餐廳，因為地方大坐位多。但服務確實真的不能提供了，食物味道也只是一般。這餐下午茶便要HKD40，以食下午茶用上午飯的消費，說來是有點貴。*******************找到坐位安排之下，等候服務員下單也要久候多時才有人前來。吉列石班薯條HKD34，配凍檸茶HKD2，連加一後一共HKD40。石班吉列薯條，薯條份量也算多，只可惜炸的不夠香脆，薯條味也不香。吉列石班只有一塊，比一般茶餐廳算大片了，但炸的有點乾，所以真的很一般。

本來約左朋友食韓國野點知去到果時勁多人排隊仲話要等成1個鐘先有位咁我地呢D打工仔第2日又要早起身所以就決定見咩食咩朋友行經花園話想食下D港式扒餐咁就入左去喇其實小公主對花園無乜好感不過今晚都算可以接受我地兩個都叫左西冷牛扒鐵板餐 $77首先就黎左羅宋湯先湯夠多料同濃，而且都幾大碗用黎點餐包唔錯無幾耐塊扒都到喇本來朋友都叫7成，我叫佢千奇唔好因為去港式鋸扒仲要鐵板上叫7成到最後一定會變well done所以我地兩個都叫左5成果然黎到入面一d都唔紅不過都唔會過熟同韌塊牛亦都無用鬆肉粉拿到鬆哂無質感我覺得已經合格架喇但係個蒜蓉汁同薯條就唔多ok個汁勁稀又無味，朋友個黑椒好似好d而薯條就好似朝早炸完放到而家咁整體黎講就正正常常唔知係唔係後面有人等位個待應收野收得勁急明明我個湯未飲完只不過因為我地傾緊計佢就即刻快快手想收左佢..可能當時真係太肚餓function唔到而家先諗起其實可以去街頭既皇后冰室一樣係港式鋸扒，價錢只不過貴少少但服務食物環境都好好多建議大家無乜特別都係食其他野好d

週日太子食午飯唔易搵位，花園餐廳不用等位。忌廉湯好一般鐵板西冷兩大塊，份量比集團式快餐店還多。牛肉都有肉味，雖然有筋少少靭！但以$62這價錢可以接受，薯條唔脆比較難食。奶茶有少少茶香，唔太濃，反而有少許驚喜！

花園餐廳成日去食，今日就去左太子食下。。。叫5成熟鐵板上來到食得剛剛7成幾餐湯紅湯麻麻地吾酸吾辣，吾知點咁餐包好輕身冇乜肉feel午餐時間 食個鐵板肉眼 $62肉眼夠淋有小小根，牛味普通！ 鐵板西冷 $63牛味一般，肉硬身d 可以接受！吾太差！可以一試