花丸 (已結業)

今晚男朋友好有心思，特登帶我黎自己整章魚燒不過我整野食真係無咩天份都係坐定定等食啦點會唔叫章魚燒？我就揀左洋風芝士小丸燒有腸仔，芝士，脆米，薑絲配埋特製蛋漿驚唔識整？有晒教學跟住整，放心！不過都要有少少天份既😂不錯不錯，微微燶燶地就最正啦食落特別香脆賣相不錯有好濃既芝士味，自己揀味道既章魚燒落幾多料？自己話事👍豬肉御好燒一樣有教學，唔駛擔心每邊大約三分鐘，形狀自己控制我覺得味道同出面食既一樣咁好味丫試埋燒肉啦！香草雞肉，非常抵，$48有六大件已經醃得好入味燒到金黃香脆啲雞肉好嫩啊！好鐘意啲香草牛油味道男友燒得好開心，整埋個炒麵，落埋炒麵專用醬料大功告成👍呢杯花丸梅子梳打，酸酸甜甜不錯！店員不時會睇下大家整成點，服務不錯男朋友廚藝都不錯啊😂😂係一個好好既拍拖活動👍

之前已經係facebook見到好多人去呢間餐廳自己燒八爪魚丸食咁難得既機會就緊係要去試下先得!!我地點左有芥末八爪魚小丸燒同埋海鮮御好燒 芥末八爪魚小丸燒呢個要自己燒都唔難, 不過都整左我大半個鐘食既味道同出面食既有得fight, 但係自己整既更係好食好多哈哈跟足佢個step整超easy!! 海鮮御好燒呢個整既難度就易好多, 只需要將佢d材料整勻就可以落去煎我覺得雖然煎熟佢係好簡單, 但係不得不讚既係佢材理份量同比例都處理得好好!! 所以先燒得咁好味!! 入面勁多八爪魚!! 第一次燒就緊張左d, 不過成個過程都幾好玩原來燒好一粒章魚小丸子都唔係易事不過自己燒就好有成功感 值得讚既一點係佢地有詳細既說明, 同埋問店員都會好耐心咁教你燒, 超貼心

今天女兒來接我放工，佢叫我陪她去尖沙咀做美容，之後準備去食晚餐，經過寶勒巷，見到一個易拉架廣告，女兒突然好興奮說就去尼間食，我望下，原來是一間日式DlY的花丸，女兒說想自已整小丸子好耐，但又吾識兼冇廚具，現在有機會做，又可以食返自己DlY的作品，當然要試試！餐廳地方不大，所以用餐限90分鐘。枱上有齊調味料。八爪魚花丸燒：女兒急不及待點了小丸子來做，材料有粉漿、八爪魚粒、年糕粒、紅薑和天婦羅粒粒。做小丸子要有耐性，加粉漿，再加材料，之後再慢慢加入粉漿，直至成形。女兒左挑右挑弄了很久才成功，第一次做都算不錯了，味道因為餐廳已調好，加些調味醬，十分美味！海鮮御好燒：材料有魷魚、蝦、菜我們在日本街頭也見過食過，自己做還是第一次，這御好燒比小丸子易做，只需將材料攪勻，倒入鐵板中，煎至兩面金黃色和中間熟就得，之後加上醬汁和木魚碎就食得，十分美味！盛合御好燒：再來一個人盛合，越做越成功，好有滿足感！盛合炒麵：材料豐富，豬肉、魷魚、蝦、蔬菜等，女兒親手炒，非常滿足，麵質彈牙，加些醬汁更惹味！

..朋友帶路，去左尖沙咀一個有得玩有得食既地方😂🤦🏻‍♀️.當晚玩左八爪魚丸🐙、御好燒同日式炒麵，三個人一人一杯野飲，埋單人均消費150元左右👍.地獄廚神黎到呢度都唔洗怕，😂😂😂 因為店家有員工不停巡視任問，台面亦都有說明書教大家一個個步驟做👍👍👍👍.八爪魚丸一份預你可以做8粒，岩岩就係爐火最猛既位置，當然如果你好似我地咁慳住慳住玩都絕對無問題😂🤦🏻‍♀️.實地試過，落足料既八爪魚丸如果你真係放最邊去燒，係有排都唔會脆面的😂😂🤦🏻‍♀️御好燒方面，大家只需要load好碗入面既材料，一堆放隔離個pan燒，定時翻一翻，完成😂😆好食又好玩店家都有炸物同燒肉比大家order的，menu好全面。.最後提提大家，如果想去試既可以考慮先訂台，因為店家有90分鐘限時同埋台數唔多嫁～去試果晚係星期四，差唔多8點食完出去都見到有幾堆人等緊台。...

今次去試新餐廳主打bruno機比食客自己 DIY章魚燒、御好燒、炒麵每張枱都有2個爐吾洗爭啦可以兩邊一齊整食物基本上每枱客都會叫章魚燒材料有蛋漿、年糕、章魚、天婦羅、紅薑跟住步驟整無難度服務好好侍應耐吾耐就過黎睇下整成點真係幾好玩幾過一番努力製成品出爐啦！味道吾錯同係日本食果d差吾多可以配合自己嘅口味加吾同嘅醬海鮮御好燒材料好豐富有海鮮、蔬菜、蛋黃仲好 colourful 添整御好燒嘅難度比章魚燒高第一次反個下真係要快、狠、準如果吾係就會散曬…最後就加埋木魚碎&醬完成啦好味！仲有叫左個蜜糖黑胡椒豚肉份量…與圖片不符食落蜜糖味比胡椒味重味道都ok題外話餐廳吾係好大想食最好就book枱先仲有…食完成身都係BBQ嘅味🙈

位於尖沙咀的花丸，是一間主打自家製小丸子和大阪燒的餐廳。知道男朋友很喜歡吃小丸子和大阪燒，今天去曰本前，便帶他來DIY一下吧。八爪子花丸燒$58自家製小丸子有數種，配料相似，好吃不好吃，大慨是基於廚師的功力吧，所以，吃貨們，要加油哦。餐廳提供製作圖，大家跟著製作也可以呢。 花丸燒包括: 八爪魚，年糕，脆米，薑絲。先沒上油，然後放入蛋漿，其後加入八爪魚，年糕，薑絲等。製作需時，請不要心急。當它還要半熟透時，將它反面，然後加入蛋漿，弄形成一個圖形，吱上小丸子醬，沙律醬，紫菜碎即成了。這次有男朋友出馬，我覺得好好吃呢。厚燒曰本玉子燒 $38最愛吃曰本的玉子燒，雖然製作不難，但美味與否，很考廚師的功力。玉子燒長長一曲，蛋汁湯汁充足，甜鹹勻備，可惜沒有切件，有點不夠貼心。柚子醋雞槌$58很可愛的小雞槌，一客四件，更附上一隻雞蛋，好像中式滷水呢。雞槌肉質結實，小小一隻，女孩子吃也沒問題呢。但醬汁略咸，略為重口味，配啤酒較好吧。

people working here have no idea what to do with customers waiting outside of the restaurant. we asked if we needed to sign waitlist. we have waited for 1.5 hr (first in the line) but people wwiting behind us decided to ask and walked in while we were still waiting. please have better manual.

平時見到廚師烤章魚小丸子時，左挑右剔好像很好玩，原來尖沙咀新開了一間DIY 章魚燒及御好燒專門店-花丸，所以就決定自己動手試一試！店子座位不多，七時多都差不多滿座了，所以記得要book 定位，每枱都設有兩個煮食爐，二人共用一爐。餐牌主打章魚燒、御好燒、炒麵和各款燒肉，讓客人參與製作食品的過程，享受煮食的樂趣。 八爪魚花丸燒 $58下單後店員就會預備好材料，蛋漿亦已事先調配好。對廚藝一竅不通的也可參考教學，圖文並茂容易理解，而且店員不時會巡視，也可即場向他們指教。首先開爐燒熱模具，然後掃油，每碟份量為八粒，最好就是用最中間的八個洞，火力較猛，受熱會比較均勻。攪拌粉漿成糊狀，每個洞再倒入粉漿。接著放入章魚和其他配料，根據分界線用竹籤界開。當見粉糰漸漸烤熟成形，用竹籤輕輕挑起並翻側，將小丸子翻轉90度，然後在模內再注入粉漿，用竹籤刮起時需要點技巧，不要太粗暴，也不要太心急呢！最後加上蛋黃醬、燒汁、海苔碎，我這個地獄廚神終於在手忙腳亂之下大功告成了，雖然是第一次親手製作小丸子，但賣相看起來也不錯，外層香脆帶有焦香，由於店家配方加入年糕，比平時的章魚燒更添煙韌QQ口感，外脆內軟而不會糊口。豬肉御

去日本旅行好多時都會食御好燒又或者叫大阪燒， 其實源自日本的一種鐵板燒小食。今次就係尖沙咀寶勒巷發現左間新店 兩個人就Book左去幫襯吓 近期Hit item嘛 我地準時到達餐廳 一開lift 門就見到大又亮招牌店員安排兩人枱比我地 桌面已安放左個鐵板之後佢簡單介紹製作情況 我當初覺得好簡單咁 整落有d時間控制問題 八爪魚花丸燒最正宗不花巧 簡單食材 主角大大粒八爪魚 先預熱個爐 將已準備好嘅底漿倒入小窩子 不過第一轉可能未夠時間我就轉左 所以唔太美觀 但味道都ok同街邊買到嘅一樣 yummy呀洋風芝士小丸燒其實漿底一樣 不過落嘅餡料不同 呢款比較啱小朋友 因為用上腸仔同芝士 所以比八爪魚濃味 芝士味道令整粒丸子較突出海鮮御好燒材料ready有尤魚 蝦肉 椰菜絲 蔥粒 紅蘿蔔 雞蛋 紅薑 將所有材料撈埋 再放落煎熟 一邊微焦就反過另一邊 全熟透後加上木魚絲 蛋黃醬 同埋御好燒汁 熱辣辣 好好味 調味剛好不用加其他

其實自己本身就唔太食章魚燒既，不過朋友話想玩下就陪下佢啦。佢主要都係4人枱，兩個人去就一定要share一張枱，要扣少少分。枱中間有人氣大熱的bruno爐，今晚就靠佢整野食架啦。我見到芝士兩隻字，其他睇都無睇就叫咗個芝士章魚燒，不過黎到先知原來無章魚粒，得腸仔扮章魚。。嗯，唔緊要啦! 佢有張圖教大家點整，其實只要跟住做倒晒d材料再轉幾轉，基本係人都整到粒小丸子。粒小丸子外層脆，而內心唔會話好多粉漿一pat野咁。再加上醬汁同埋可能係自己整既關係，心理上比起街買係好食d，haha不過要比成八十幾蚊食8粒章魚燒就太貴啦，玩一次就夠。

位於尖沙咀好多不同嘅餐廳 最近期發現寶勒巷10號 有間可以比自己親手整章魚小丸子 同好味燒餅 炒面 新餐廳新器材用Bruno架 本來都想買 但係自己真係無心機 玩一陣就放棄 所以今次可以比自己去學點用 一個章魚小丸子模 一個平面模 環境舒服 服務好好 細心講解如何自製 今次試左海鮮御好燒 有提供清楚指示圖片比客人 先預熱個爐 再將送上的材料撈埋 然後慢慢倒入已伴好嘅材料落平面煎盤 待數分鐘一面煎好轉金黃就反另一面 當兩邊都熟晒就可以加上木魚絲 最後落佢地自家嘅醬汁 真係估唔到好好味喎 熱辣辣 好味道 材料足 有得玩有得食 啱晒我一展身手 成功 花園摩天輪 她們推介 賣相得意 一次可以試晒幾款小食 炸雞軟骨 紫薯餅 炸雞 幾好玩 每樣都唔錯 炸得脆仆仆 叫左柚子梳打 減低熱氣 安格斯牛柳炒麵 好多椰菜 紅蘿蔔絲 先炒半熟之後就落牛肉同炒 最後落麵條同炒麵汁 加埋蔥粒 好熱辣辣新鮮野味 太滿足 最後製成品 飲品價錢合理

最近興起自製章魚小丸子同好味の燒店 但係人龍暢旺 一直book唔到 今晚竟然有朋友話book 到尖沙咀寶勒巷有間新開小店 不如就去試下 咁開心因為最鐘意試新餐廳 拍晒手 服務還好好添 小食係先黎八爪魚蕃茄醃漬 好開胃 切得薄薄嘅八爪魚同蕃茄青瓜夾埋一齊 清新口味一系列既自製menu 方便客人跟著步驟做 話簡單又不太簡單 我地都係第一次好生手 八爪魚花丸燒同埋洋風芝士小丸燒一壺蛋漿 材料分開小碟 方便煮時落 八爪魚粒 另一款就有腸仔 芝士 乾洋蔥粒 年糕 等 味道同街賣嘅一樣味 又足料 不過賣相就唔夠完美 可能未熟透就反佢 第二轉就靚d了 用基本八爪魚已經好滋味 當然用上腸仔cheese又適合小朋友口味 海鮮御好燒材料豐富海鮮粒 蔥粒 椰菜 蛋 粟米 紅蘿蔔 紅薑 將所有食材撈埋 放上煎爐上 將煎餅整成圓型一面香味撲鼻 再反轉兩邊金黃色最後落柴魚碎同紅薑就完成 自己整更係覺得特別好味 好忙碌咁 足料食材落煎餅嘅鐵板 豐富材料

本身酷愛大阪既我，一聽到小丸子、大阪燒、鐵板炒麵等可以自己煮，已急不及待要來試試。我無失望，味道係意料之外⋯⋯一心抱住唔好太大期望既心態到來玩吓，點知服務同味道都很好先講小丸子，製作指引清晰，粉漿，配料、醬汁全都恰到好處燒餅點了款盛合御好燒，有豚肉，海鮮，蔬菜絲等，同樣有製作指引，不用擔心，容易處理，由於是自行調教醬汁多少，所以濃淡味道可因應個人喜愛作調整，相當不錯。至於炒麵同樣出色，點了安格斯牛柳炒麵，自家炒麵份外吃得開懷。除此之外，小食亦不俗，有款開胃醒神小食不得不提就是八爪魚🐙蕃茄青瓜醃漬，可減膩，讚，其他的魷魚鬚屬正常，柚子雞膇有點像鹵水加點柚子，味道都不差架喎食得開心，玩得過癮，大力推

中意食章魚小丸子的人,十個有九個應該係中意個蛋黃醬+木魚+燒汁+紫菜碎,成日睇住燒八爪魚丸師傅輕輕鬆鬆轆下轆下就整好熱辣辣好好味GE八爪魚丸,蠢蠢欲動好想自己整番次XD訂左位GE留位十分鐘, 人齊就即刻入得。諗落好簡單,但都忍唔住望多次個flow chart, 好清楚講哂所有步驟本來想叫其他野食頂住肚先,但唔知點解今日所有小食都not available.算啦.等左都有成10分鐘材料先到, 可能粉漿現調八爪魚花丸燒 $58, 材料有年糕<3刷油等熱倒粉漿倒八爪魚粒,倒年糕粒,倒紅薑絲,倒天婦羅脆脆,倒倒倒倒倒倒好容易整.電爐好夠熱,幾分鐘就可以轉90度再加粉漿,再幾分鐘再轉90度再加粉漿, 就完整一粒八爪魚丸成形啦~用竹籤不時再轆轆轆, 令到外皮脆口D, 過足手癮哈哈, 其實真係好難會失敗, 店員時不時都會溫馨提示。因應個人口味加蛋黃醬/燒汁/紫菜碎,好味+好味+好味XD呢度粉漿唔會好多麵粉,口感好軟糯,比出面食開GE更外脆內軟,超滿足!玩完八爪魚丸, 仲叫左飽肚D GE 盛合御好燒(豬肉片,八爪魚粒,蝦)($98), 屋台風味日式炒麵(煎蛋),同樣都唔難整飲品方面, 推薦花丸

上網見到新開DIY餐廳，就來試試吧！叫咗個大阪燒、章魚燒、炒麵。枱上都有製作章魚燒同大板燒既步驟。章魚燒有大阪嘅味道，不錯👍！其實有漿剩的，如果唔介意，可以淨係落彊做小丸子。大板燒就少左啲漿，無咁黏，不過都不錯！炒麵就普通吧～每樣都有醬汁，雖然每支都有寫係咩，不過啲色太似，好容易落錯，哈！入坐計，1.5小時進餐時間，職員人數唔算多，雖然上菜時間尚可接受，不過都要自己要好好管理時間，唔係都食得幾趕...