影片
港铁尖沙咀/尖东站 N2 出口, 步行约3分钟
继续阅读
开饭介绍
食客可自制章鱼小丸子及御好烧，店员会先讲解步骤及提供教学图示，边玩边吃份外有趣。
继续阅读
营业时间
星期一至五
18:00 - 23:00
星期六
12:00 - 23:00
星期日
17:00 - 23:00
以上资料只供参考，请与餐厅确认详情
相关文章
经过见到广告牌 觉得几吸引 于是去左呢间餐厅自制章鱼烧好似好好玩咁叫左个八爪鱼章鱼烧都几难烧 好多时都系靠staff帮助讲重点 味道 原味 同 加酱后 只能说各有千秋由于章鱼浆多 而章鱼每只都好大粒 章鱼烧每粒都外脆内软 因为皮薄易熟食落章鱼味道好出 由于每粒裹面都有粒麻糬麻糬咬落烟烟韧韧 但因麻糬又经过烧 所以溶溶地又有d咬口 有时黏埋章鱼烧 整个口感好夹加左酱后大阪烧酱令章鱼烧浆好夹 因为咸咸微甜令章鱼烧味道冇咁原材料味加埋海苔大阪烧酱黏在一起 提升章鱼既鲜味
继续阅读
个FD专登order要陪佢食大阪烧, 其实呢, 我地一开始系去某商场果间既, 但系排左成个钟仲未入得去..最后放弃先去呢间XD去到呢间, 可能少人讲, 一入就有位, 不过见慢慢都坐满左, 仲有好多日本人入黎食, 我谂都唔会唔正宗挂~好, 入正题讲返好野食先我地叫左一份大阪烧, 小丸子, 牛小排同埋当天有优惠附送既两条小香草肠全部都自制既, 材料都好足, 而每张台都会有教学纸, 教你步骤同次序,不过我地都有少少 鸡手鸭脚,好彩地果位唔知老板定店长好好招待, 慢慢教我地方法点样易D整~ 帮我地整左一粒小丸子, 跟住又俾返我地慢慢整哈哈最后成品都尚算OK la haha 味道都唔错, 材料放齐系到俾你任落既~过程好开心, 可以玩又可以打下卡show下自己既厨艺~至于牛小排我个人觉得可嗌可唔嗌, 真系唔系特别有牛味, 呢份比起大阪烧同小丸子就有点失望,所以我觉得下次黎都系食呢两样就够~
继续阅读
平时有谂过同女朋友系屋企DIY整小丸子，但一谂到要买烧小丸子嘅用具同自己清洁就却步，不过原来尖沙咀有间餐厅可以俾人自己整小丸子、大阪烧同炒面，又唔使自己准备材料用具，非常方便。首先我哋尝试整飞鱼小丸烧。第一步要系洞上涂油，然后将粉浆倒入洞内直至填满。再将材料平均分布系每一个洞上面，材料有我钟意嘅飞鱼籽！然后要将外层熟透嘅小丸子反转90度，我次次都转唔到，好彩职员力挽狂澜，最后八粒都顺利转到90度。之后再将剩低嘅粉浆倒埋。等小丸子成型要再转90度，今次比较易转，所以女朋友可以转到三个，其余又要揾职员帮手。最后系小丸子上面加上小丸烧酱、车海苔，蛋黄酱同剩余既飞鱼籽就大功告成。自己整小丸子真系非常特别，小丸子外脆内软，章鱼粒非常弹牙，比街边小食档嘅小丸子好得多。然后我哋再煮盛合炒面，今次步骤简单得多。首先将虾同豚肉一齐炒，然后再放入面条，最后加上日式炒面酱再炒多几下就完成！味道方面，虾同鱿鱼非常新鲜，分量亦足够，好玩程度高。最后仲叫咗海盐黑毛豚肉，总共有四大块。每边煎十几秒就最perfect，坑纹令肉冇咁多油，食落无咩油腻感，肉味浓厚。饮品方面叫咗富士苹果可尔必思特饮，酸酸甜甜，出面比较难揾到，所以嚟到可以一试一试！我地成功整到小丸子全靠职员耐心嘅帮助，值得一赞！
继续阅读
女仔都系贪新鲜，有时见到啲好玩好食嘅嘢，就会心思思想去！呢一间餐厅就满足晒我哋嘅欲望！好玩得来之余又好食！先来一份小丸子，我哋要咗特别啲嘅芝士香肠小丸子。原来味道都好夹！将粉浆落晒落去，然后将材料逐格塞入去，见到都好治愈嘅感觉 烧到咁上下就将佢反开，有空位就在加粉浆。慢慢转下转下就会制成小丸子。完成品好有满足感！又圆又大！讲得咁容易，其实全靠有一份猫纸，会交晓我哋每一个Step！然后我哋就太开始制作海鲜御好烧。先将所有材料搅匀，入面有大量嘅海鲜同埋椰菜。然后将材料铺满煎板煎熟。最技巧嘅系最尾呢一刻，将御好烧反转，真系心到离一离。不过好好玩！呢度嘅圆肉杞子茶亦都好好饮，唔会太甜！味道清清地。
继续阅读
圣誔节就到啦，因为当同日同老婆都要返工，所以提早庆祝🎉其实依到系朋友推介，话同屋企人黎过觉得好好玩，可以黎试下新野，唔驶食黎食去都系个D连锁式，闷到傻BOOK位个时店员推介今年既特别MENU系蒸气海鲜锅，为确保每日新鲜运到，一定要BOOK位先有得食😜同埋只系12月限定呀😱要食真系要快D去BOOK位顺带一提，原来依到每年都会有一个特别MENU，上年系法国芝士牛排，见到都流哂口水，可惜SPECIAL MENU暂时未有打算重做，唔系一定会黎食😎讲返个蒸气海鲜锅，有前菜虾刺身同沙律，好新鲜又开胃😁食完店员就开始预备海鲜锅，有个粥底，最后先食。先黎龙虾🦞，有成个手臂咁长，仲好生猛，店员仲好好人帮我地教好时间，食得又会提我地，所以完全唔需要担心蒸过龙或者唔熟，然后系蟹🦀，佢上枱个时仲系到郁，唔惊倒泻攞蟹只怕走左只蟹😖D蟹膏好正呀~ 之后仲有鲍鱼同埋象拔蚌，啖啖肉好新鲜口感好正😋😋😋个SET仲有2份肉，一份豚肉🐷一份牛肉🥩，唔想蒸可以加少少钱烧肉，我地转左个蜜糖🍯黑糊椒豚肉，好香口又有D HONEY甜甜地好好食仲有个粥底，海鲜既精华落哂去，好清甜，几饱都一定要食🙈🐖最后可以自选一款小丸子，店员推介我地试12月限定既流心朱古力麻糬小丸烧，唔好以为会好古怪，绝对超乎你想像咁好食👍🏻依个真系要赞，有惊喜有实力，真不愧系小丸子既专家😆😆
继续阅读