花丸軒

营业中

休息中

位於中環的拉麵店，為來自大阪的過江龍拉麵店，瞬間感受到濃厚的日本氛圍。餐廳的裝潢簡約而別緻，木質的桌椅和昏黃的燈光，彷彿置身於傳統的日式拉麵店，十分舒適。幸福拉麵二重奏，這碗拉麵的搭配吸引，有叉燒和豬軟骨，配上溏心蛋，垂涎欲滴。湯底濃郁味美，香氣撲鼻，品嚐一口就能能感受到濃厚的膠原蛋白，還帶著一絲微妙的甘甜。麵條爽口彈牙，與豬軟骨的軟嫩，形成強烈對比，每一口都充滿驚喜。而溏心蛋，蛋黃流心，與湯底完美融合，增添了豐富的層次。秘製餃子，外皮金黃酥脆，內餡則是鮮嫩多汁，入口肉汁四溢，搭配上特製的醬油，味道更是出奇的美味。

星期五晚差唔多九點先黎食。唔洗等。入到去發現氣氛好歡樂。光猛乾淨。員工好笑容同nice。有啲驚喜。幸福二重奏配蛋：樣好靚仔。湯又濃又香，但真係好多肥膏浮浮吓。麵好彈牙，蛋好香，熟度完全剛剛好，荀都好味唔會勁重酒味，唔會有渣。叉燒非常香但好薄，但比其他拉麵舖細塊。最估唔到係我食條豬軟骨裏面啲軟骨雖然滑同香，但啲肉係鞋的。都幾鞋吓添。Fail！成碗食曬到夜晚十二點都覺得好滯，因為真係肥。家下冬天OK 嘅，但夏天真係唔會想食啲咁肥膩嘅拉麵。總結：相信重口味人士會好鐘意呢個麵。個肉鞋對我黎講其實唔係大問題，因為我食拉麵主要食個湯、麵同蛋。但個湯對我黎講實在太多肥膏，相信下次都至少一年後。

中環新開拉麵店🍜「花丸軒」 🆕大阪1982年創立的人氣拉麵店！必食招牌慢煮原條豬軟骨拉麵‼️拉麵有兩款，一款係原條豬軟骨，另一款係幸福拉麵二重奏，有齊叉燒、豬軟骨，上面既開運紫菜好吸晴‼️㊗️先飲個湯，湯底係濃厚豚骨湯，飲落係傑身嘅，但又未至於好多肥膏。原條豬軟骨真係好大條😱 經過8小時慢煮，豬軟骨入口即化，軟腍到不得了😍仲要好入味！叉燒都唔錯，有炙燒過表面，肥瘦均勻。強烈建議要埋溏心蛋個款，溏心做得好出色👍🏻小食我哋要左天婦羅紫菜魷魚鬚，有驚喜喎，炸得香脆又有紫菜香味👍🏻食拉麵可以升級套餐，即可享＄38優惠價加購一款指定小食及飲品。🔸幸福拉麵二重奏（叉燒、豬軟骨）配溏心蛋🔸招牌原條慢煮豬軟骨拉麵配溏心蛋慢煮8小時🔸天婦羅紫菜魷魚鬚

“幸福拉麵二重奏配溏心蛋(醬油豚骨)”($128)“日式叉燒豚骨濃湯拉麵(激辛湯底)”($108)“花丸軒秘製餃子(5隻)”($45)嚟自大阪嘅花丸軒喺中環開咗海外分店唔駛去日本都食到日式正宗風味😍呢道主要提供5款拉麵而且仲可以揀選醬油豚骨🐷/激辛湯底🌶先點咗幸福拉麵二重奏配溏心蛋一碗有齊叉燒同豬軟骨😋醬油豚骨湯底濃而不膩,豬軟骨又腍又入味另一碗就點咗日式叉燒豚骨濃湯激辛拉麵激辛湯底好惹味,叉燒大大片燒得夠香口☺️我地仲點咗份花丸軒秘製餃子🥟餃子外層煎得十分酥脆😍一咬落去肉汁咇哂出嚟,正🤤

幸福拉麵二重奏配開運溏心蛋二重奏即係叉燒和豬軟骨，薄切叉燒很有口感。招牌美食 - 原條慢煮豬軟骨拉麵配溏心蛋大大條原件豬軟骨軟嫩入味，骨膠原在口中融化，很有肉味，入口Juicy。兩者嘅拉麵係一樣，麵條粗細均勻，口感富有嚼勁，爽滑而不失筋道。米黃色湯汁很濃郁，能很好地包裹著每一根麵條，也有蒜油香，咸淡適中。小食:天婦羅紫菜魷魚鬚每日限量供應，即叫即炸，薄薄嘅天婦羅炸漿+紫菜，味道更有鹹香。食拉麵嘅加$8就可以有飲品，我揀咗烏龍茶和山梨葡萄梳打，梳打完都係來自日本，原支上👍

最近知道位於大阪嘅拉麵店 - 花丸軒喺香港開分店，就決定一於同👦🏻食！之前去旅行是已經好想食，可惜當時太多餐廳想去，就放棄咗呢一間豬軟骨拉麵店🥲。雖然香港分店嘅價錢貴過日本，但係唔使坐飛機就食到，即刻覺得冇問題！🌟招牌原條慢煮豬軟骨拉麵配溏心蛋一嚟到就比豬軟骨嘅Size嚇親，聽聞長度有成25cm！而豬軟骨嘅質感並唔係平時食開舊朋仲係奶白色爽爽地，而係入曬醬汁味道，食軟骨就好似食緊啫喱咁，骨膠原滿滿嘅感覺😍！即使係瘦肉部分，亦唔會覺得柴！至於湯底部分，湯底有濃厚豬骨加醬油風味，入口順滑唔會太騷。湯底面層嘅油更能夠幫拉麵保溫🍜。🌟幸福拉麵二重奏(叉燒、豬軟骨) 配溏心蛋至於幸福拉麵二重奏嘅麵底同湯底基本上同豬軟骨拉麵大同小異。而叉燒就用咗五花腩，肥瘦均勻，有略略炙燒，唔會太油膩。另外要讚下佢地嘅溏心蛋，個人認為係近排食過嘅拉麵店嚟講算高質，蛋白入味，蛋黃部分呈橙黃色，保留少少流心。🌟唐揚炸雞炸雞一如其他炸雞，都保留大量肉汁夠曬Juicy。醬汁相信係店家特調嘅，蛋黃醬比坊間嘅更輕盈。

New ramen restaurant in town, you know what to do when you are a ramen-maniac😋When I go to a new restaurant, I don’t usually go for the most expensive stuff, but I’m too brainwashed by the social media and the slow-cooked pork rib look way too yummy to not order, so I went for it😎First of, the tonkatsu soy sauce broth…oh God, it was so rich and thick, I don’t recall having any non-spicy Japanese dishes has such strong flavour but I really like it😋 the pork rib is beyond fattening(in a good way)

一向喜愛吃日本的拉麵。最近在中環發現了名為「花丸軒」的過江龍，主打慢煮原條豬軟骨拉麵🐷 與師傅交流後得知，他們曾前往日本學習烹調方法，誓言重現日本的味道，誠意十足，當然要試一試！⟡‧₊ 招牌原條慢煮豬軟骨配溏心蛋拉麵 拉麵的亮點無疑是那條約25cm長的原條豬軟骨，經過8小時的慢煮，真是入口即化，肉質超軟嫩，膠質充沛，且入味十足，讓人驚艷💖湯底方面，每日新鮮熬製超過10小時的醬油豚骨湯超濃郁🤭搭配自家製的拉麵、溏心蛋和筍，性價比相當出色！⟡‧₊ 幸福拉麵二重奏配溏心蛋 拉麵包含了半條豬軟骨和叉燒，同樣出色！朋友這次選擇了微辛湯底（湯底的辣度可以自由調整🌶️），吃起來更加過癮‼️ ⟡‧₊ 唐揚炸雞 ⟡‧₊ 花丸軒特製餃子 小食選擇了唐揚炸雞和餃子。唐揚炸雞外脆內嫩，趁熱食用特別可口🐓餃子則是即叫即煎，裡面有些豬肉，和預期的差不多🥟

幾日前喺「拉麵關注組」見到有人分享中環新開嘅大阪名店花丸軒。店主特意將本地師傅送到日本學藝，務求將正宗味道帶到香港。 慢煮原條豬軟骨拉麵｜濃郁細膩嘅完美平衡 首推慢煮原條豬軟骨拉麵，豬軟骨經8小時燜煮，入口即化，膠質豐富但不搶味。湯底以豬骨同日本雞熬製，濃郁而不膩，帶輕微背脂滑順感，飲到尾都唔覺乾喉。麵條係細直麵，彈牙掛湯，與湯底及配料配搭完美，每口都充滿協調感。 天婦羅魷魚｜一試難忘 雖然主角係拉麵，但天婦羅魷魚同樣出色，外層炸得酥脆金黃，內裡鮮嫩不韌，口感與香氣皆一流。 細節決定一切 老闆係花丸軒嘅忠實粉絲，食咗十幾年後決定引入香港。由湯底到配料，全部按照日本標準製作，就連流心蛋都用蘭王農場副線嘅蛋，細節盡顯用心

這家中環開張拉麵店，主打的原條慢煮豬軟骨拉麵，配上長達25cm的原條豬軟骨，經過8小時的慢煮，肉質嫩滑，搭配濃郁的醬油豬骨湯😋豬軟骨的膠原蛋白，與溏心蛋的搭配，讓整體味道平衡！另外，幸福拉麵二重奏的豚骨濃湯拉麵同樣不容錯過。十小時熬煮的湯底，色澤濃厚，麵條彈牙，配上火炙叉燒與軟嫩豬軟骨，層次感十足別忘了試吓每日限量的天婦羅紫菜魷魚鬚，金黃酥脆，配上紫菜碎，香氣四溢。還有特製的餃子，外皮香脆，內餡豬肉鮮美

雖然唔算係拉麵fan但呢間名號喺大阪 #道頓掘 咁響噹噹望到個25cm長嘅慢煮原條豬軟骨心動就係呢一瞬間拉麵其實好複雜湯底最重要但麵又不容忽略自問食肉獸又唔可能忽略主菜部份之後做為蛋控我連佢隻蛋夠唔夠溏心都好care換言之我食拉麵其實都幾picky LOL朋友叫咗個中辛嘅招牌原條慢煮豬軟骨拉麵配溏心蛋我怕辣就食返個豚骨醬油原汁原味個湯底，兩個字濃郁豚骨嘅騷香好突出加埋個熟成醬油入口膠質極濃之餘會食幾重口味嘅大豆鹹香我係趁熱食拉麵口感適中好掛汁有少少以為食緊沾麵咁原隻溏心蛋開邊上好靚仔至於重點嘅8小時慢煮豬軟骨軟骨位都做到肉質嫩滑瘦肉位堅係入口鬆化可以話同平時食開嘅爽硬口感大相逕庭誇啲講真係老人家都食到～～我試埋個酥炸豬軟骨唔油膩，又係另一個口感所以都值得一戰另外要讚一讚佢個叉燒輕灸後有油香聽官方講係用咗三段五花肉同瘦肉部位香得嚟又唔會成口油So 口感滑嫩絕佳個人講得此言不虛！

一知道大阪人氣拉麵花丸軒喺香港開左就好想快啲來食啦😍😍餐廳十分闊落，坐bar枱仲可以睇到師傅煮麵🥰招牌原條慢煮豬軟骨拉麵配溏心蛋豬軟骨真係好長，好似話25cm😂😂慢煮令到豬軟骨軟稔稔，但又好入味！咬到啲軟骨feel到骨膠原滿滿，十分推介呀😍 醬油豚骨湯底濃得黎唔會太咸，飲多幾啖都唔渴😛 幸福拉麵二重奏（叉燒、豬軟骨）配溏心蛋朋友就揀另一款有埋叉燒，叉燒十分香口，唔會靭🥳一個拉麵有齊2種享受！花丸軒秘製餃子睇住師傅即刻包，真係好新鮮☺️係皮好薄好脆嗰款日式餃子，一咬肉汁豐富，配上醋汁好好味👍

大阪風味過江龍拉麵店，花丸軒真係一間唔錯嘅餐廳，位於中環荷李活道，位置都幾方便🍜跟足大阪本店做法，喺香港都可以食到返大阪嘅感覺。仲無大阪咁鹹，味道出色。👍首先講下佢哋嘅日式叉燒豚骨濃湯拉麵，真係好正！湯底濃郁，背脂醬汁同醬油豚骨湯底完美結合，入口即化嘅叉燒真係令人回味無窮。😋每一口都充滿濃濃嘅豚骨香味，真係好滿足。🍖再講下佢哋嘅招牌原條慢煮豬軟骨拉麵，呢個真係唔可以錯過。配上溏心蛋，慢煮8小時嘅豬軟骨入口即化，湯底同樣係醬油豚骨，味道濃郁但唔會太鹹，真係好好味。🥚豬軟骨嘅口感真係一流，食完真係會想再嚟一碗。🍜最後要提下佢哋嘅天婦羅紫菜魷魚鬚，呢個每日限量，真係好彩去到仲有得食。🦑紫菜同魷魚鬚炸得好香脆，配埋少少鹽，真係一流嘅小食。😋

位於大阪千日前商店街上的「花丸軒拉麵」,巨大化的豬軟骨超吸睛,是道頓堀CP超高的人氣拉麵店!現在不用到日本就可以在中環吃到了~🔸激辛幸福二重奏配溏心蛋拉麵($130)🔸招牌原條慢煮豬軟骨配溏心蛋拉麵($148)🔸天婦羅紫菜魷魚鬚($52)這次吃的當然就是花丸軒的招牌名物原條慢煮豬軟骨!從拉麵端上來其長度就是完全無法忽視!滷得軟嫩亦入味,軟骨亦脆口好咬口.原味的湯頭是以小豆醬油跟豬軟骨熬煮,偏重醬油味.個人更喜歡加了小辣程度的湯頭,鹹味較輕與辣度得平衡.粗身麵條硬度剛好,而二重奏是叉燒及豬軟骨,叉燒薄切肥美再經輕輕灸燒拉麵店大大個招牌易認又易搵~如短期未能去到大阪,不坊來到吃一碗暖笠笠拉麵,舒緩一下思鄉之情~

花丸軒好耐無食拉麵 🍜見舖頭光亮整潔Menu又幾特別 就入去試下先自家制豬骨湯底用上十多小時去熬製而成睇得出店家對湯底的要求湯底唔會好咸 反而有一種清新既味道😗🔻招牌原條慢煮豬軟骨拉麵配溏心蛋($150) 小辣招牌菜式🥰原條豬軟骨實在大癲！入口即溶😳好邪惡呀Btw 小辣無乜辣的🤣唔洗怕太辣🔻幸福拉麵二重奏配溏心蛋($128)叉燒+豬軟骨兩樣都有齊呢個combo唔錯😌 大滿足🔻天婦羅紫菜魷魚鬚($52)加咗紫菜成件事昇華左！外皮炸得好香脆 魷魚鬚夠彈牙呢個小食一流🥰