芭堤雅泰國餐館

营业中

休息中

如果係元朗行去西鐵站基本上都會經過呢間野，以往久唔久都留意到佢今次終於食到🤤一入到去個環境已經加左分，平時泰國餐廳一般都好簡陋好似茶記咁但佢個環境似係d中級餐廳咁幾舒服😚一黎到野食都未叫就送左個泰式鳳爪，對於一個食開譚仔酸辣既人黎講佢都算接受到，小小辣味幾開胃👍🏻首先叫左個細既冬陰公湯，一勺落去就見到一大堆香料月桂葉香茅等等，對於淨係想飲湯既我黎講未必係好事。湯味道都係唔太辣係酸酸地既冬陰公都算幾岩我口味，同埋份量真係幾多呢個細既起碼都有4-5碗同埋有兩隻蝦，係幾抵食🤪跟住就有個帶子青木瓜沙律，青木瓜表現麻麻地泰國食係會好爽口但佢就有淋左些少，味道都係唔太辣就番香港人口味，不過佢就有海量細帶子，我諗加埋起碼有廿粒，叫做回到本啦😌小食就叫左個皮蛋蝦餅，雖然係地道泰國野但唔係間間都搵到，呢到有得食即刻試試佢！味道拍得住係九龍城食過既皮蛋蝦餅，蝦部份依舊彈牙配埋泰式辣醬真係一人一碟都食得哂😍主菜就叫左個炒金邊粉，食過泰國野既人應該都唔會未食過不過我真係未食過咁平咁大個，炒出黎堅係乾身味道適中唔太咸太酸仲有三隻蝦，基本上就係一個你會想食既金邊粉👍🏻最後送左兩舊糕點，紅豆個舊就真係紅豆沙方塊食落

特登約個同事去晚餐，今次揀左芭提雅泰國餐廳，兩個人叫左4樣嘢。。。拼盤有蝦餅、魚餅、春卷同雞翼蝦餅外脆口內彈牙🦐，再配酸辣醬，更開胃味道更出色，不過雞翼就略為失色。而金邊粉料足，又乾身，都不錯👍🏻泰式生蝦新鮮彈牙，略嫌泰味唔夠，食完都想飛泰國一轉驚喜嘅係冬蔭功湯，好多蝦同香茅，辣味夠味道濃！有4個小碗嘅份量，夠幾個人分享！不得不提，服務係不錯，不斷有服務員為你添水，收錢哥哥會問今日嘅食物啱唔啱食，好想你俾意見咁不過我地兩條友叫4樣嘢，眼濶肚窄，浪費左好多嘢食

周末的時候，約埋一大班朋友入元朗玩，之後直落晚飯，一位住元朗的朋友帶了我們去食泰國菜，餐廳名叫芭提雅泰國餐館。由於人數多，點了不少的食物，有冬蔭公、飛天炒通菜、沙嗲串燒、泰式拼盤、木瓜沙律、泰式炒雜菜、炒金邊粉等。當中比較出色的有冬蔭公和炒金邊粉，冬蔭公用了一個金屬器皿盛載，下面有火慶住，保持湯的熱度，味道方面，酸辣的程度剛好，適合香港人口味，裡面的蝦和配料都很豐富。炒金邊粉炒得不油膩，調味惹味，配上幾隻彈牙大蝦，十分正斗。最重要的是，它的價值並不貴，個個都飽到行唔到。

我家姐介紹呢間泰菜俾我，話比隔離個間好食，就同啲中學同學去試下睇下係咪真係好好食，結果真係冇令我失望，仲好有驚喜！開頭叫左4樣餸，炒金邊粉、生菜包、燒豬頸肉同蝦醬炒飯。生菜包調味好掂，唔會話太辣，份量都幾夠。炒金邊粉真心好推介，炒得唔會好濕，又有好多蝦，配上花生碎好夾，調味酸酸甜甜咁，勁開胃。自己忍唔住夾左幾碗。之後我地三個發覺唔知點解自己咁刷得，仲叫多個紅咖喱雞，咖喱味香濃，入面勁足料好多雞，點個薄餅好夾。個咖喱係即使冇野拌住食都想清左個汁佢個隻。話說星期日既7點幾都唔算多人，對我地食客黎講係好事，但係真心呢間餐廳值得full house 架！

原本打算幫襯隔離，點知行過又有位，於是即管入去試試，叫了一個午餐泰式沙爹牛肉炒河餐飲熱龍眼蜜，佢加了菠蘿炒，食落有種清新感覺，因為菠蘿有少少酸又清新，可以解咗沙爹牛肉嘅肥膩，而味道啱啱好亦不會太咸，由於係即叫即炒，所以上到枱係熱辣辣，值得一讚，唯一係份量不是太多，如大食嘅朋友感覺唔夠食，但係以這個價錢基本上係仲平過茶餐廳，已經係超值，重點係質素一定好食過茶餐飲，絕對可以一試，至於杯餐飲熱龍眼蜜冇乜特別，但都合格，整體嚟講抵食，可推介比朋友 ^ ^ 😋😀👍👍

同女朋友暢遊元朗, 記得之前朋友介紹近西鐵站有間幾唔錯既泰國菜,所以都想試下......去到既時候係岩岩開門(下午係落埸時間), 所以唔洗點等位。叫左3樣野, 豬頸肉生菜包、金邊粉同埋鐵板泰式煎蠔餅好少食到生菜包有一條條既豬頸肉， 幾特別，有少少辣，幾惹味。最重要係佢生菜同肉既比例岩岩好。唔好食餘哂D生菜或者肉，唔錯唔錯個金邊粉就中規中舉，我唔鐘意佢太過淋，不過抵讚既係佢D蝦好好食，睇到連腸都起埋，幾細心。而我最鐘意既係佢個鐵板泰式煎蠔餅，好好味。D蠔好多又肥美，加埋鐵板真係超香，正!泰國菜香港通常都有品質保證，呢間都唔例外，而且抵食夾大件，又離西鐵站唔算太遠，都算方便，下次黎會再食

今次要為各位中意食好西既西人們帶泥位於元朗區既泰國菜，呢間野係女小編帶我食既，上次食午餐今次食晚餐。首先叫左個泰式酸辣鳳爪，呢個送既酸味真係十足，用泥開胃一流。初頭食都係以為得酸味，但食多幾隻就會有小辣。之後就到泰式奶茶，呢個奶茶做得好既地方係佢既香料味好出，第一次食又中意飲奶茶既必試。由於女小編中意食菠蘿，所以叫左個菠蘿梳打，菠蘿好甜好鮮，加埋冰凍既梳打水係夏天真係熱人恩物。我同女小編都決定會翻點。而呢個香辣雞肉炒河，我同女小編就覺得佢太多送，冇左一種主力既味道。但對於蔬菜控泥講可以一試，因為佢蔬菜方面十分足料。我地繼續貪心，叫左個大拼盤。香茅卷既香茅好足，再點埋酸辣醬，味道好豐富，好有層次。而米卷亦都唔錯，咬落去時散發出淡淡既椰香味，恰到好處，皮亦都十分脆，真係好滿足。蝦餅就覺得係正常水平。雞翼有小小失望，冇我想像中既香料味，有小小淡。最後就係青咖哩羊腩嘞，我地點左蒜蓉包泥食，都覺得咖哩雖香，但有點兒過咸，羊腩就令我覺得幾滿意，佢唔會瘦到一咬就一條條散左咁zip入牙la，而旁邊都有薄薄既一層脂肪，幾香口。環境方面，雖然鋪頭細，但位置多，大而舒服，而且仲有樓上。價錢就大約人均$100

係到住左差唔多兩年，第一次黎呢到食野，男朋友之前食過推介唔錯。咁就入黎試下啦，二人叫左三個小菜，一個湯，兩個白飯，一個椰青。開飯啦生蝦-應該冇味道可言啦，睇下邊間供應商入貨，夠唔夠新鮮姐，呢間供應商係ok既，好味串燒（雞牛豬各2串）-味道唔錯，燒得岩岩好，唔會有d焦馬拉盞通菜-我地本來叫馬拉盞椰菜苗，結果黎左通菜，不過好香好好食冬陰公-本人唔食莞茜，落單個位明明叫左廚房走莞茜，之後應該係有落到，聽到侍應上菜見到冇走莞茜話左廚房，夾走左就上台比我地，但應該清唔晒，最後我飲唔到，味道唔清楚，好可惜，男朋友一個飲晒椰青好清甜最後送甜品男朋友對呢間野平價唔錯，但今日有兩大過失，一係冇走莞茜既冬陰公，二係椰菜苗變通菜。二人今餐共$502，本人覺得比較貴

一家人去屋企附近食泰菜， 大家都係點啲最基本嘅泰菜食，上菜速度快，服務亦不錯，味道几好，价錢抵食 蒜蓉包-正常野，夠蒜蓉，夠熱就好食 生蝦-非常彈牙,好好食 小食拼盤-有春卷、蝦餅、雞翼、魚餅，每款都好好食 泰式炒河、雞絲炒貴刁- 兩款都好好食 炒雜菜、鹹魚炒芥蘭 - 兩碟都好正常 海鮮冬陰功- 多材料，味道好 海南雞- 肉質还可以 炸皮蛋蝦餅- 幾好食 串燒豬、雞- 燒得幾好唔會太乾總括來說, 大部分食物都唔錯, 服務態度好, 價錢好合理, 下次再会幫襯

平時食小茄子個邊見加價加到好貴就同朋友轉下地方食，呢間餐廳都開咗一排咪去試下啦！送咗個前菜鳳爪，得幾舊。咁我明送嘅就唔好咁多要求啦。嗌咗幾個菜，咖哩豬加埋包，包係另嗌的。炒雜菜，馬拉盞炒通菜，帶子乜乜炒飯，炒銀針粉，生菜肉碎，冬蔭功烏頭，冬蔭功湯味道方面本人覺得最好食嘅係:個多士，好鬆化，食過返尋味其次係馬拉盞通菜。其實唔係話有咩特別出眾，而係算係炒得入味。最後，係個生菜肉碎。都係表現普通，入得口。仲有個魚同冬蔭湯都係無乜話特別好飲，可以唔洗嗌。嚟到最伏嘅就係帶子炒飯，同埋個炒銀針粉。難食到唔知自己食緊咩，帶子淋patpat，咬一淡已經食唔落，啲飯最主要係唔夠味。而個粉又係好濕，又係無落鹽咁仲知就唔想食。

今日去開元朗返工，由元朗同事帶我去食飯🤤海南雞飯性價比高雞肉嫩但不夠滑，勝在大份，出面通常只有一層雞，呢度有兩層，而且仲有雞味油飯算多亦夠香醬汁有辣味泰式奶茶，飲落覺得似有少少朱古力味嘅奶茶，值得一試

之前食過一次， 印象係好好味。昨晚睇完劇就去再試， 水準大不如前 。叫咗個青咖哩雞同炸蝦餅，串燒個咖哩太重椰汁味， 完全食唔到個咖哩味炸蝦餅粉太厚串燒太乾， 應該係番燒無曬鮮肉汁加埋一埋單要 600蚊 😔😔😔😔😔😔仲有杯特飲， 真係不知所謂。淡 淡 淡， 要收我 30蚊黎飲杯完全無味既青檸梳打， 真係搞錯 ！我唸應該係用濃縮果汁加冰沖出黎， 一 D 檸檬味都無。食完回家後， 好口渴。 係咁飲水， 我唸用咗好多味道。 所以應該不會再幫親 lu.

其實好少去元朗㗎，不過媽咪心血來潮想去行街，就陪佢去元朗啦呢間餐廳係朋友介紹嘅，佢話唔算貴，又好食，地方闊落又舒服，咁帶同媽咪一齊嚟咗呢間餐廳食晏我地叫咗個炒河同豬頸肉飯，等咗冇幾耐就有得食，好快手吓首先講吓個炒河先，好夠鑊氣同惹味，好好食 啲河粉唔會太油同埋炒得好，冇一pat pat咁，正不過裏面啲一齊炒嘅肉就麻麻地，冇咩味至於個豬頸肉飯，不過不失嘅，不過啲豬頸肉嘅味都係差少少，唔知係咪餣唔切啲肉呢不過，呢間餐廳食物嘅份量算多，我同媽咪食飽都有剩，就打包拎返屋企

為左補祝某朱既生日，其實重點係慶祝我既idol生日，諗泥諗去都無咩好食，諗起未食過芭堤雅，就試下啦。我啲小同太有效率，下午先confirm呢間，瞬間就打左去book位，跟住另一個小同打埋去問食唔食得蛋糕，好好呀，唔收切餅費，又勁好人準備碟比我地，總幫我地收走個盒同垃圾我地叫左芒果糯米飯，泰式肉碎辣炒隻，半隻燒雞，熱香茅茶同泰式凍奶茶。好可愛呀個糯米飯，佢係紫米同白米撈埋，都ok,芒果好食夠甜個飯就～完全無辣味，偏咸，但溝埋啲香葉都算可以燒雞我地都讚不絕口，唔多油，外皮金黃，份量都多，配埋個醬一流。另外最出色係蜂蜜香茅茶，無影低，但香茅陣味加埋甜甜地既蜜糖味，超夾，一定要試呀！至於泰式奶茶好岩我口味，因為唔會好甜～

今天和老公心血來潮想食泰國菜，但不知去那裡吃，後來決定去芭提雅試看看，我們點了(1)冬陰公爐烏頭(2)馬拉盞通菜(3)拼盆(4)咖喱牛腩(5)蒜茸包(6)串燒。由其蒜茸包外脆內軟，非常好吃，沒點真的會後悔。這裡真的不錯，食物美味，服務態度非常好。有一位帥哥(可能是老闆)當我們結帳時還會問我滿對食物滿意嗎？真是一位體貼顧客得好老闆。是一間值得推介的一家餐廳。老公說下次再去試別的菜色，希望下次也有驚喜。