芭堤雅泰國餐館

营业中

休息中

通常都係夜晚食多，依排放多左假中午行到附近落大雨，順便過黎食埋個lunchlunch 有set menu 約50~60 上下，包野飲海南雞飯會包埋碗湯湯味道唔算濃，但有蘿蔔係入面，落雨飲碗熱湯都唔錯海南雞好滑又有少少雞味，大讚既係佢個汁個汁味道少少甜酸辣甘，好好味海鮮湯粉就係青口蝦同魚片各2~3舊其實海鮮配料份量相對少，好多芽菜個湯好清。。清到無味，食左一陣頂唔順問有無辣醬個d 加老細即刻拎成個辣椒盤比我落加完先覺得有番d 味，之前食過依度湯粉都係麻麻地估唔到甘耐都無改善。。。。

疫情下叫外賣是其中一個比較安全的選擇，很久沒有食泰國餐所以就來到這家叫個外賣，這家餐廳之前都是堂食而且水準也keep 得不錯，那就決定外帶回家慢慢食！他家的午餐有很多選擇，另外特別寫了精選幾個午餐，方便有選擇困難症的我😝最後點了香辣肉碎豬頸肉飯、泰式炒金邊粉、還包凍咸檸七🥤好好呀！雖然只是叫外賣，但店員服務細心又好，食物質素仍然咁好，而且外賣盒很隱陣！好！

當日仍然係限聚令緊，四人一台入去會量體溫同派口罩袋同濕紙巾做足功夫～～我地四個人叫左一個小食，一條魚，一個菜，一個咖哩同半隻雞，仲有個炒飯人均約$200~~鳳爪酸同辣都差少少，份量都可以每人兩舊到依度既咖哩我覺得係越做越好，雖然唔會辣，但好夠味，而且係有蛋碎係入面，多一個層次咖哩味真係好正～～最好點包食，但我地叫左飯就無叫包啦～～個汁係就甘食都好正，花甲d 肉就削左d, 得個殼。。。明爐烏頭又係正～～每次必點額外會比多碗湯加落去～～全家人就係度係甘飲d 湯通菜當晚好老，兩老完全唔滿意，無乜點食半隻海南雞就正常～～菠蘿炒飯就不嬲都炒得正～～而且係用新鮮菠蘿炒架～由佢開張幫襯到依家，真係一想食泰國野就黎幫襯～～

朋友黎打完switch,想食泰菜，自己無乜心水泰國餐廳，但就好想食皮蛋蝦餅，就睇相片搵間有皮蛋蝦餅，價錢又平既。呢間野開左咁耐我都未試過，疫症關係晚飯時間得一枱客，入去要量體溫，有膠袋俾我地包口罩。我地叫左椰菜苗，青木瓜沙律，皮蛋蝦餅，串燒拼盤，芒果糯米飯！每樣平均幾十蚊一碟，大大碟，非常之抵食！椰菜苗鑊氣夠，又爽口又香，份量多！青木瓜沙律整得好泰國，有蝦乾好咸香。皮蛋蝦餅好夠脆同彈牙，好鮮味，朋友們未食過呢樣野，覺得好好食，話會推薦朋友過黎。串燒拼盤，豬牛雞各兩串，份量都多，燒得好好，個沙嗲醬好好味😋極推薦呢個芒果糯米飯，$42蚊應該係全元朗最貼地，而且最好食，個飯係好白兩溝，熱辣辣，整得又靚，芒果又甜！正！真心推！每碟都好靚，隨手影賣相已經好吸引，而且香噴噴！會再光顧！

有一段日子無黎～依家疫情平日夜晚黎，大約一半滿～兩個人食叫左三碟野，半打串燒，炒雜菜，同埋冬蔭公明爐烏頭兩個女人仔梗係食唔哂，最後一半打包走依度既串燒相對上水準唔係特別高，正常，但個汁係好食架～～炒雜菜份量比通菜多～唔辣有多款蔬菜～～味道岩岩好，夠味又唔鹹菜都新鮮～一上烏頭就唔記得左要影相冬蔭公烏頭個湯係精華，我地次次都係搶滾左既冬蔭公湯飲，因為同條魚一齊滾 所以味道同就甘叫冬蔭公湯有d 唔同架今次條魚阿媽就食到有d 梅梅地，所以我地都係專攻d 配菜同湯底三樣野大約食左三百五～價錢同份量係抵食而且味道真係唔錯，係今次條魚差左d~

今次一行四人嚟呢間食，食左n次都覺得保留到水準，朋友第一次嚟食都讚口不絕👍🏻👍🏻👍🏻👍🏻原諒我唔係影咗好多相，因為食物一嚟到就好想夾黎食😂酸辣鳳爪係我每次必點嘅食物，夠酸夠辣又夠多👍🏻另外叫咗冬陰功湯，分到四碗半，想飲多碗都唔得（實在太好味，酸辣適中）馬拉盞通菜就咁食就咸左少少，不過勝在夠大碟因為朋友唔食得辣所以叫咗青咖喱，好香好濃配埋熱辣辣嘅薄餅啱啱好👍🏻叫咗半打串燒，可以任你配搭要邊種肉，又唔會燒到太乾身最後叫咗個金邊粉，蝦夠多，粉又唔會太乾唔會太濕👍🏻最後服務員態度非常好，又好勤力幫我地加水，讚！

我们几个人都吃到捧着肚子出门，冬阴功汤很香很香，以前在别的地方吃的冬阴功汤，感觉就是水跟辣椒，第1次觉得冬阴功汤很好喝，盐烧乌头鱼被我们吃得清光才想起要照相，可惜没吃到咖喱蟹，只有软壳蟹，她家的菜改良过适合香港人口味

泰國地闊，與多國接壤，菜種大分中南北。按照地理位置，針對所產食材，配上不同之香料。北部近內陸重椰漿，南部多海鮮重魚露，下邊馬來邊境親回教重咖哩。香港的泰人多是港男所娶老婆移居，又或他們所生之下一代。第一代在港泰人女性為主，勤勞顧家，落居香港廿多年會說流利廣東話，但大部分不懂書寫中文字，英文亦不太懂，是故落單仍用泰文。第二代之在港泰人，半華半泰混血。香港讀書成長，已甚少選擇再做餐飲了。香港泰式餐廳甚本分為三個類型：全泰班、全華班、半泰半華班。泰國人群體性很強，喜歡聚居，工作上也喜歡一起幹。華人老闆要開泰國菜館，聘請第一位泰廚頗困難的。但第一個找到後，之後就很快組織到許多泰籍師傅。 另一個困難是泰國香料多元化，成長背景會影響他們的烹調味道，出身什麼府什麼府，精於什麼菜式。泰人鄉村成長，從小到大自已煮食，家家有獨門秘訣。工作時曾鬧一個笑話，說要聘一個泰式前菜師傅，但她成長在泰北，竟完全不懂生蝦、泰鳳爪怎煮。芭堤雅每次路過均大排長龍，今次肺炎事件。周六晚上竟有一半吉檯。無需考慮，直接入內光顧。簡單點了三個菜，馬拉盞通菜、生菜包、串燒。馬拉盞通菜，首先材料通菜要幼嫩是非常重要。買手掌握了。通菜太

上星期同兩個阿妹仲有d 姨甥仔女一齊係元朗食晚飯，無預約到求其入左呢間芭堤雅食泰國野。橫掂未食過就試下啦。通菜炒得唔錯，夠辣，小朋友係食唔到，等大人搞掂🤣椰青夠曬凍呢碟燒牛肉比姨甥女一個人ko 曬，都幾嫩滑嘅泰式羊腩煲，第一次聽到呢個菜式，食落又幾野味，都係點腐乳，羊肉可以再淋d鹽燒鳥頭，都幾入味，不過熟過頭，鞋左dd牛豬雞串燒，已經好飽，叫多左，食得好辛苦，都好食嘅。椰子雞湯，都係第一次飲，幾得意的味道

我一向都鍾意食馬拉盞炒通菜，又試下呢間整成點。等左五分鐘左右就有得食啦，環境都好，跟餐有柑桔蜜啊，鹹檸七果啲，都幾好飲。而佢個飯都煮得好好味！配馬拉盞炒通菜，個飯係好緊要。佢啲菜好嫩啊，冇渣，又爽，味道都好好！香而不太鹹，夠味！😋😋

星期日八點幾入座，地下果層差不多滿座，已經食過幾次，以前一般都要等好耐位，不過今次等左一兩分鐘就安排到入座.由於得兩個人食，所以好掙扎點咩菜，希望食到大家都想食又CP值最高既菜式. 經過一番掙扎，贏出菜色包括生蝦 (時價$128/8隻)、豬頸肉生菜包、青咖哩雞同薄餅。生蝦非常出色，大大隻，啖啖肉，配埋個汁真係無得輸。豬頸肉生菜包，生菜同肉碎都好多，自行配上生蝦個汁，直頭提升左去另一個層次下次有機會各位可以試下「自選新口味」青咖哩雞都非常正，仲有小茄子，YUMMY! . 食泰菜椰青係必配飲品，多汁，肉都易刮，非常鮮甜。臨走多點左個椰汁西米糕，西米內有煮得非常冧既芋頭，有驚喜！第一次食到有芋頭既椰汁西米糕芋頭控可以一試. 朋友第一次食呢間餐廳都話可以再encore

東南亞菜式中，我最喜歡的是泰國菜，因為泰國菜變化多，飲料更是一絕，這天的朋友聚會，我們就吃了大家都愛的泰國菜。這間餐館有上下兩層，上層主要是大檯，可以寄存蛋糕，樓底比較矮，長得高的人士要十分小心。圖片只拍了數張：但有數個菜想推薦一下蒜蓉包：是厚方包塗上厚厚的蒜蓉醬和牛油，味道很香，咬下去也脆口。鹽燒烏頭魚： 好大條！魚肉也很滑生菜包： 香料味挺重，少少辣串燒： 雞比較好吃生蝦刺身：蝦很新鮮，連埋蒜頭同辣椒吃好開胃馬拉盞炒通菜：少少辣，冇乜渣椰子冰：這個有點意外，佢上面有點椰子乾，飲落去有少少咬口，好飲

依間一年起碼食超過五次以上由開業食到依家，一黎地點近西鐵站，二黎d 野食水準甘多年都keep 得好好當晚三個人食，所以可以叫多少少送鳳爪算係當晚較遜色既一個送，口感仍然係爽，但個汁唔夠味，唔夠酸辣惹味，作為前菜差少少生蝦刺身擺盤賣相唔錯，而且都有配辣椒同蒜頭夾住食，生蝦夠爽彈牙，解凍做得唔錯至緊要係個汁好好味！ 夠辣，但好快散！通菜當晚算大碟，平時份量少d, 可能我地係第一台客既關係？ 通菜夠爽唔會好老好硬，而且唔算多油，味道夾得好！依度咖哩又係正，因為有落蛋炒架，花甲份量大約15隻度，仲好大隻， 因為我地叫左粉，所以無加簿餅蒜蓉包，沾咖哩食仲正！！ 但我偏好辣，覺得辣味重多少少就perfect!金邊粉券得乾身，味道偏甜左d, 同埋依碟既蝦唔係爽口彈牙，質素差d但整體都好滿意，我地食到七點走人，已經要等位啦，週末真係bk 定位呀

其實已經食過幾次質素依然有保證 而且好多都係新鮮即整超推薦蒜蓉包雖然等得比較耐但佢充滿牛油蒜香外薄脆 入邊係超鬆軟嘅面包點咖哩真係一流😋😋其他小食拼盤都係即炸蝦餅彈牙馬拉盞通菜有鹹香味少少辣椒蝦米超惹味絕對係有誠意嘅小店👍👍👍

一大班人同朋友慶生佢樓上有大大張圓台 好岩一大班人去👏🏽可以訂定位架星期六日晚餐時間好多人等位食物質素整體算高 服務態度唔錯 老闆好好人價格中等 新鮮既生蝦 好正 加埋醬汁同蒜食 一流金邊粉：好入味 大家都好中意食 每次來都會叫既一道菜泰式沙津：辣左少少 不過都好正 好開胃呀冬蔭公湯： 好多海鮮料 足料❤️串燒：個醬汁好好味呀！花甲：份量少左啲 雖然幾好食 但唔太抵啦肉鬆炒飯：正常吧如果來元朗食泰國菜 哩間會係一個唔錯既選擇呀！推薦！