芭堤雅泰國餐館

营业中

休息中

多次聽朋友讚好，不妨試試！時間：閒日6點半，晚市剛開始，不用等，正！服務：入門有禮招呼，自動波斟/添水，好彩樓上有service bell唔駛嗌到氣咳，疑似老闆好有禮貌細心咁介紹菜式，值得一讚！（聽聞廚師都是正宗泰國人）食物：本身少吃辣，菜式o岩o岩好～◆大蝦金柚沙律酸辣開胃，個salad dressing得◆冬陰公香鮮甜微辣，材料十足飲左三碗◆生蝦新鮮，但夾住d辣椒太辣◆拼盤，入味雞翼同彈牙蝦餅最好食◆串燒juicy唔會乾硬化（串燒醬好香）◆咖哩蟹個汁好香好正濃稠度剛好，點蒜蓉包超正（包再脆d更好）◆明爐烏頭，其實本身唔鍾意烏頭，朋友叫試一試，魚上清檸味又幾清新，魚湯又幾好味，愛魚朋友都讚好！◆馬拉盞炒椰菜苗，惹味爽脆◆椰青好鮮甜，椰肉嫩滑◆甜品，椰汁鴛鴦芒果糯米飯，正呀喂！下次可翻兜！！

其實是同事介紹，佢屋企人話好食，今日山長水遠由港島區，行完山特登過來食。真的好失望，蝦餅，牛肉沙律是正常的，都幾好食。但青咖喱炒飯，完全無味，小小青咖喱味都無，啲飯又勁濕勁糊口，真係好差……重點是，呢個飯足足等左半個鐘有多……等不是問題，但可5可以整得好食啲呢？其次係，職員話叫我地調位，都無問題……我調比你，我知道生意難做，想做多幾轉。但你話我知有5個人等位，所以要搬枱埋我地張2人枱比果枱人坐，真係無問題……我明白你想做多啲生意。但可5可以，顧下我地感受，我地調左位2-3分鐘，你就叫左2個人入來，坐返我地原本坐果張枱……甘即係想點呢？？？

約了好友飯聚，今次提議去元朗搵食，由元朗人揀好呢間泰菜，無訂位，去到唔使等位，門面好泰式，彩色霓虹燈嘅椰樹，入內反而覺得有驚喜，無好金光閃閃嘅裝飾，簡潔嘅白牆掛兩幅泰式油畫，好清雅，被安排坐四人枱，第一反應係冷氣太凍，吹到頭痛，餐牌已放枱面！揀好落單，食物好快上枱！泰式鮮蝦金柚沙律（$38）好多柚子肉，酸甜，加上鹹香醬汁，好惹味，鮮蝦爽口！但個高身碗唔方使𢳂！無骨海南雞（半隻）（$108）份量大，剛剛僅熟，有啲位都有啲粉紅！醬汁唔辣，幾鹹香！鐵板蠔仔炒蛋（$72）蠔仔飽滿，芽菜爽脆，雞蛋太～～鹹！我哋分開每種食物食，係雞蛋太鹹！破壞晒！泰式黃金蝦餅（$68）炸漿薄，脆口，蝦餅彈牙！正！青咖哩雞（$68）青咖哩汁好辣，裡面青豆及茄子爽口！沾薄餅好食！烤薄餅：熱辣辣，幾煙韌！香芒糯米飯（$42）會另上乾淨餐具，芒果酸甜，糯米煙韌，黑糯米有𡁻口，椰奶太甜！星霞啤酒（$26）朋友飲熱龍眼水（$22）夠熱，濃郁，龍眼肉爽口！食物好味，店員有禮，好斯文，我哋食食傾傾一晚！好開心，廁所在店外，乾淨但細！

與友人突然想食泰國菜,見呢間唔駛等位,見食評又OK,果然冇令我失望生蝦好爽口,好新鮮,配埋辣汁,正!叫左冬陰功烏頭爐魚,size都幾大條,足料,幾鮮味炒大蝦金邊粉,味道一般,多油左少少免費的,應該是紅豆椰汁糕,清新好味最後兩人共食了$400,野食ok,環境坐得幾舒服,會再幫襯!

元朗出左名多野食，今次試元朗西鐵站附近既小店-芭提雅. 店鋪面積雖然唔大，但勝在環境舒適，員工服務態度好，出菜有效率，用料新鮮。晚餐時段等位約10分鐘，店員主動向我地介紹今日新鮮食材，特別推薦泰國新鮮進口椰青($32)，清甜可口！頭盤:小食拼盤($98), 蝦餅魚餅炸很口感十足，春卷清新唔油淋淋，雞翼香口。整個拼盤分量十足，夠4人享用，$98算是抵食！特色蒜蓉包($24) , 好似磚頭既蒜容"厚多是"同外面泰菜既不一樣，賣相有驚喜，口感香脆，可以單食，也可配上咖哩/炒聖子既汁食額外好味。主菜:辣椒炒聖子($160)5隻雖然只有5隻聖子，但因為每一隻都超大隻，所以唔會覺得得好少肉食！而且店員推薦用辣椒炒，不是太辣，夠晒惹味芒果糯米飯($42)食芒果製作既甜品最怕芒果酸，今次試既糯米飯賣相一般，但食落第一啖芒果，又有驚喜！甜度十足！為整個糯米飯加分！總結黎講係性價比巒高的泰菜！食完行3分鐘就到西鐵站，如果喜歡小店既朋友下次入元朗不妨試試

之前芭堤雅星期六日冇lunch set！可能隔離又開左間泰越菜鬥頂，再加上今時今日冇lunch set又真係唔會考慮lunch食咁貴！都好，作為食客多個選擇law!今日同朋友黎點左2個餐，我點左泰式牛肉炒河，而友人就點左泰式豬頸肉湯粉！另外餐飲而包咸寧雪碧個類泰式飲品！另外再送湯真係好抵食！先講飲品！夠大杯而且雪碧溝寧好好味！算不錯！而主菜泰式牛肉河都好有穫氣但又唔算好多油！而且份量夠多！唯一挑剔係唔太鍾意食芥蘭！不過都接受嘅！友人個湯粉都話夠味！唯肉量不太多！lunch set全部48免加一！星期日食算好抵！下次會試其他set!

好少係元朗食泰國野第一次嚟冇抱太大期望比想像中好食豬頸肉生菜包通常都係食肉碎原來包豬頸肉都唔錯份量都唔少雜菜炒河份量大 比預期中香 建議揀番有肉嘅炒河因為感覺幾dry青咖哩好香!撈飯同薄餅一流不過有少少辣 唔食得辣要注意拼盤泰國野拼盤離唔開春卷 魚餅 蝦餅無伏 炸得都唔錯另外就係員工態度好佢擔心我地食唔晒 提左我地好多次洗唔洗叫少d 唔夠先再叫另外我唔小心食到辣椒 辣到流晒眼水佢好緊張問野食係咪有問題 而且不停幫我加水價錢都好合理 每人百二蚊食到好飽 可惜嘅係食唔到芒果糯米飯

炎炎的盛夏,令我又想起泰國的美食,但適逢泰國動盪令人不安的情況下,唯留港品嚐泰國菜,相約朋友到芭提雅餐廳相聚,果然係聲聲相識三個女人便是一個墟,香港地方寸金尺土,座位比較窄,環境自然較為嘈雜,而各人隨自己的喜愛點了不同的菜色品嚐,而我就點了泰色海南雞......

星期六要等位食飯是常識啦！隔離果間等得仲耐 芭提雅呢間食過好多次啦，每次都好滿意！簡單啲，講下每次都必食推介！１)冬陰湯爐魚 啲冬陰湯滾住條魚，好鮮甜，每次都不停飲飲飲晒啲湯！2) 泰式拼盤炸蝦餅同雞翼最好味，其他一般3)傳統泰式生菜包啲肉粹有啲脆脆地既唔知咩，但好香，好好味呢度都可以包好多舊食~ 4)蒜蓉包配咖喱是常識吧~ 薄餅都唔夠啦，呢度既蒜蓉包絕對係香脆鬆化5)馬拉盞通菜都係次次必嗌，其實度度都差唔多味啦最後~ 椰青 一人一個

我係一個懶人，但今晚呢餐飯唔留評會對唔住自己，食物新鮮好味不在話下，員工服務態度又好，餐廳環境衛生又涼爽😎😎話說等咗半個鐘有位入，呢位靚仔又斯文既哥哥（我估係老闆卦）帶位時講咗一句：我見你地等咗咁耐，坐呢度寬鬆啲，食得舒服啲！☺️嘩，好sweet囉，簡單一句令我未食已經加哂分生蝦-新鮮爽口又大隻，連我嘴饞既男友都大讚，係咁催我快啲食，心諗又冇人爭😏（好難得一隻蝦都得到佢讚賞，我都未有😑😑）超好飲囉，並不是好似其他店既得個辣，呢個好有泰國味道，oh I miss Thailand 😌最後，好好心既靚仔又斯文既老闆（我估係老闆，唔知係唔係）忍唔住過黎問我地知唔知叫咗咁多野食，食唔食得哂，☺️☺️放心，我地係大胃王黎架仲有不得不提，我呢位坐定定淨係呼吸都會大汗淋漓既男友，佢自己都話係呢度食辣野竟然冇滴汗，太神奇，真係食得泰舒服喇😍

每次搭車經過, 呢間同隔離嗰間食肆都勁多人, 是晚同媽媽嚟食飯, 6點幾咋, 隔離嗰間要等成十幾張枱, 呢間細枱都FULL晒, 不過大枱有位, 雖然要搭枱, 又要八點半前交枱, 為咗唔想令媽媽乾等, 搭枱都OK啦.先嚟個'公車腩霸', 蝦好新鮮爽口, 大隻乾淨, 個汁辣得嚟唔太過份(我好怕辣的...), 我同媽媽都勁LIKE泰式小食併盤(細), 有蝦餅, 魚餅, 雞翼&素春卷, 蝦餅爽口香脆, 魚餅點理個酸辣汁好醒胃; 串燒揀咗牛, 唔靱喎, 個沙嗲汁又好香以為金X(都响元朗)個菠蘿海鮮飯正, 呢度唔錯, 飯粒炒得香口唔會一舊舊, 足料, 只係冇金X咁多菠蘿而已; 冬蔭公, 我真係要推介, 我未試過一間泰菜我係飲到兩碗冬蔭公的(都係嗰句, 我好怕辣的...), 呢度啲冬蔭公都係辣, 但係個辣味唔會太搶, 又唔會話太酸, 總之就正啦呢隻菜好似得泰菜館有得食, 菜本身硬硬哋, 但又好甜好爽口, 又係另一推介三個人點咗咁多嘢, 加多兩支泰啤, 埋單6百左右, 不算好平, 但食物質素真係不錯, 服務又好, 店員都好細心又勤快, 難怪晚晚勁多人等位.

想試這家很久了。價錢公道，菜式吸引的泰國菜。等位至少半個鐘以上。不過店員哥哥好好人，問佢d 菜式有咩分別佢都會細心解釋過你聽。味道還可以吧我覺得。食過咁多泰國菜，呢度未算最好食，不過可以接受，中上水準。以這個價錢來算是很不錯。店員服務態度很滿意。讚。

今次黎到好方便既泰式菜館…方便係因為佢鄰近西鐵站... 原則上泰式沙律我最鍾意就係柚子蝦...因為柚子清甜...花生好咬口...蝦唔駛"mok"殼...又不太辣...冬蔭公湯辣辣地...但好足料...我怕辣都飲左兩碗...椰子海鮮焗飯就有點失望...望落去好大個...但內裡椰子味不足...海鮮也很少...無咩味...炸皮旦蝦球十分香口...蝦好彈牙...皮旦亦好咬口..就算唔沾酸甜醬都好夾味...聖子好鮮甜...但黑胡椒勁辣...廚師加左少少配菜（青椒，草菇）黎炒...變得無咁單調...

今日去試下元朗新開的泰國餐廳，聽聞口碑不錯，店舖比較小，但都算服務好，整潔乾淨，雖然在市中心不起眼的轉角位，但人氣也算旺盛，今次簡簡單單試了3菜1湯1飯，小菜好好食，中上水平，冬蔭功湯聽聞是最正宗，不太辣，對於我呢d唔食得辣都接受到，個皮蛋蝦球做得好好，糖心蛋來，柚子蝦沙律也不錯，椰青海鮮飯，飯比較多，配料略為不足，只是表面層，如果多一點海鮮少點飯會更好，胡椒炒聖子，好多配料，愛吃什菇，聖子是不錯選擇

周日家人想吃泰國菜，找到了於洪水橋阿x咖哩屋，怎知坐位已滿，只好到元朗找找，碰碰運氣！大約九時多來到，輪候時間短，很快入座！點了，菠蘿炒飯， 豬頸肉生菜包， 炒雜菜煲，炒金邊粉，海南雞飯！菠蘿炒飯賣相吸引，味道很好， 有穫氣， 菠蘿爽口的，不會變淋了！其他忘了拍照， 但想讚的是，豬頸肉生菜包，醬汁配肉和生菜一流， 愛吃泰國菜的朋友，可以試試呀