芝麻綠豆甜品屋

营业中

休息中

記得N年前黎幫襯過...食左個自創既奇異小丸子...從此嚇到我唔敢再去.....由於有人話食左個好好味既甜品...但唔記得名..當然叫佢帶我去....去到見到係我怕左佢既芝麻綠豆...個心都怯左一怯...但一場黎到....食咪食....唔敢再叫佢D特式甜品...只要了個普普通通既楊枝甘露...料足...味道好好...一路食...個心對呢間野改觀左唔少...我個人勁鐘意食楊枝甘露...呢間直情可以入我最喜愛的楊枝甘露三甲呀.....P.S.我仍然唔敢食佢自創甜品....希望佢會令我再改觀啦....P.S.2.埋單俾錢都要排隊...洗唔洗咁誇張呀??P.S.3.以前佢得一個舖位...做到而家兩間....我諗佢都有佢既生存之道....

呢間紅磡有名甜品店，數數手指都有好幾個年頭冇食過。今日路過，忽然興致大發，一條冷係食晚飯時間走入去食個early dessert..依然叫招牌芝蔴糊燉奶。燉奶依然好滑好滑，滑到"shu"一聲就走入喉嚨。芝蔴糊甜度剛好，幾香，混着燉奶嚟食，有極佳化學作用.....名不虛傳....

個名已經好吸引, 食落味道唔錯! 士多啤梨沙冰加香蕉及凍芝麻湯丸, 這個配搭相當有新意...唔錯!服務態度就認真麻麻...

雖則食得很飽, 但依然食得落甜品.原本想去聰嫂, 但太多人於是轉戰紅磡, 未試過呢度見人頭湧湧應該唔差.叫左個凍芝麻糊燉奶, 唔得, 燉奶唔香滑, 芝麻糊相對比較有味, 但也不是香濃, 義順和牛奶公司好食D.另叫一個招牌芝麻綠豆涼粉冰冰–椰汁底, 有綠豆蓉, 面有刨冰, 冰涼解渴的, 凉粉粒粒有兩層, 面是凉粉底是大菜糕物體, ok lar, better than the first one.

前晚在街市樓上吃完飯後個個都已經好飽,但弟弟又嚷著要食甜品,今晚大比數想吃熱糖水多些,所以不去甜源居,朋友T要了芝麻糊+合桃糊(熱),弟弟今晚終於點他們的招牌甜品芝麻蛋白燉鮮奶(熱)(朋友T一直從傍叫他試吓),而我要了合桃糊+湯圓,朋友S笑說我們為什麼都是叫這些芝麻糊,合桃糊,但我自己卻極之喜愛,朋友S就要個首創奇異小丸子.弟弟的芝麻蛋白燉鮮奶,我同朋友T都爭相嚐試,試了面層的蛋白不會太甜而且沒有奶味,往下那層芝麻還是留給弟弟自己品嚐,我碗合桃糊+湯圓,湯圓皮煙韌芝麻蓉又香滑,加上熱辣辣,滑溜溜的合桃糊絕對好味合我心意,而朋友S的奇異小丸子原來是奇異果雪芭+香蕉+凍湯圓,我試了一啖雪芭,味道好清新而且好有奇異果味,但我還是較喜歡吃熱的糖水多些.

佢既芝麻燉奶甜到漏....芝麻糊好"傑", 燉奶又一d都唔滑....一句講晒...唔好食...<br />service又唔係好...d waiter都唔理你既...唔會返轉頭呀

以前住在紅磡，經常去呢度食糖水，最鍾意「芝麻蛋白燉鮮奶」。搬左之後少左去，至今己半年無去過，今晚在尖沙咀食完飯，特登去食。嘩!! 事隔半年，簡直唔係果回事，鮮奶沒有了鮮奶香味，以前覺得她的鮮奶都有得同「義順」揮，而家唔駛喇.......以前的芝麻，份量好少，但就好香，好滑，食完晒鮮奶之後再嘆少少的「傑」芝麻糊，無得頂。但，宜家......大約有三分一碗是芝麻，但好明顯係「行貨」野，仲係好「行」果隻，開麵粉水果隻，無芝麻味不特止，仲一舊舊添.....最衰仲係唔凍唔熱果隻.....售價仍然是$17 一碗，多謝盛惠，以後可以絕跡。

2006年8月26日(星期六)夜晚七點幾好無聊就去左芝麻綠豆食糖水:- 芒果珍珠黑糯米: 開頭覺得用花奶而唔係椰汁有少少怪, 食落就覺得都唔錯, 因為味道中和番, 唔會太甜.- 合桃芝麻爽爽: 個人唔鍾意合桃陣味, 不過都覺得真係手磨既, 好香. 不過芝麻爽爽就唔掂喇, 一的都唔爽口.

一年無來這間人氣糖水已經一開二所以說近年糖水都係靠特色多過靠好食所以我地都黎食特色野囉次次都食芝麻蛋白燉奶今次要食再新尐既桂花鮮橙布甸成個橙上既甜品上次在尖咀已吃過一個雪葩今次呢個仲好芒果布甸釀在鮮橙中再附上一小杯花奶食幾啖才淋一淋花奶+啖啖芒果肉+桂花+橙味變得相當香滑另外的紅豆丸紅豆沙竟然有西米紅豆也很粗總之就像喳咋多過紅豆沙湯丸也不過不失所以說去新派糖水舖還是不要吃傳統野正如不要去salon要剪蛋撻頭唔該

名就叫櫻桃小丸子,但實質個料係用士多啤梨既~多數食都唔錯,不過有時D小丸子會太凍,好難咬開!不過呢度其他普通既糖水就真係好普通,唔知點解可以賣咁貴?!

如果講黃埔gei糖水鋪呢間真係數一數二啦裡面d糖水/品都ok ga!特別係佢一d特別野例如芝麻蛋白燉鮮奶真係一食難忘~!!其他普通野都ok水準~而且環境ok~~都去得過ga~~不過如果夜晚可能要排長隊...

有時到黃埔，總忍不住到此吃碗甜品，家人鍾情芝麻糊，愛它夠滑。我則花心一點，什麼也會試試，蛋白max芝麻糊，芝麻糊湯丸，糖不甩、燉蛋白等…

19-07-06(三)有個朋友住呢一區,晚上同幾個朋友去完老坑火鍋食過飽飽,食完去呢度再買糖水上朋友屋企食,3個人..芝麻蛋白燉鮮奶凍$17..我覺得凍好過熱,凝固左芝麻蛋白燉鮮奶熱$17..冇凝固,拎到上朋友屋企已經自動撈混晒,因為食呢味甜品佢地有教3部曲,就係...先食燉奶,再食芝麻糊,跟住再將丙兩樣撈混..但我朋友都話味道還可以。椰汁紅豆冰涼粉19..冇咩特別樣樣都ok,唔太甜,我地3個都係女仔,最怕太甜外賣+ $1

姐姐買外賣回家, 我食前並唔知道佢o係邊度買初初以為係芝麻糊+豆腐花, 食落先知係燉奶燉奶好滑, 好香芝麻味, 兩種味道好夾凍同熱都試過, 覺得熱食好食d另外試過香橙布甸橙皮載住布甸, 個賣相都幾cute但橙味布甸+紅豆, 總係格格不入布甸比較立口, 一定要加花奶, 不過佢d花奶唔凍, 令到無咁好食

其實都o黎過幾次.. 但係真係唔覺得佢d 甜品係特別好食.. 係就係幾有創意.. (好似小丸子系列咁).. 但係味道真係相當一般.. 可能黃埔唔係太多甜品鋪, 而呢間係呢區中算係最好o個間啦!!今次食佢出名o既芝麻燉奶.. 叫熱o既.. 但係唔係太夠熱.. 好好笑.. 相反地同行o既朋友仔叫一碗凍o既.. 佢又話唔夠凍.. >.<!個燉奶真係好一般.. 裡面o既芝麻糊都唔係特別滑口.. 另外.. 我都試過佢o個d 至Q西米撈.. 講真.. 我本身唔係太喜歡食冰.. 但係佢o個d 西米撈全部都係一大舊冰係裡面.. 唯一好食d o既係假日精選o既蛋花金粟馬蹄露!!