芝麻綠豆甜品屋

营业中

休息中

雖然係街坊, 但係都只係食過幾次. 點解? 就係因為成日都好多人, 而家擴充左就好啦. 芝麻綠豆既創新甜品故之然係出名, 可能無乜人留意既就係傳統款式都好有水準, 兩方面都有水準先可以係一間成功既食店. 我個人比較喜歡傳統款式如紅豆沙, 綠豆沙, 糖不甩, 芝麻糊等等都好食, 價錢亦好合理, 相比起西貢好出名的ｘ記抵食得多. 推介: 糖不甩

我好鍾意食甜品，但係都幾奄尖，不過呢間確實係我其中之一間既至愛！當佢\仲係係細舖，初初起家時我已經開始幫襯佢\架啦！當時間舖仲好細，但係d 芝麻蛋白燉鮮奶(熱)真係好正！我以前唔食芝麻糊，只係黎到呢度一定會叫芝麻燉蛋白(熱)！蛋白真係好滑、好香，芝麻糊更係我從未食過咁香滑！不過轉左新舖，d 質收似乎已經有少少遜色。環境：換左新舖之後，環境寬敞左，而且依然keep 得幾乾淨。食物：鍾意佢\多款、同變化、同埋有d出面真係食唔到既甜品。冬天至愛- 芝麻燉蛋白(熱)依然好味，不過d 芝麻糊已經無以前咁香，但係整體黎講佢\既味道都比出面模仿佢\既優勝好多！夏天至愛- 佢\有一種係俾你自己配搭既撈冰，我最鍾意食芒果+香蕉+綠荳蓉+芝麻爽，因為我真係好鍾意食綠荳蓉，呢度既綠荳蓉唔會好似出面個d 咁一大舊，同埋d 冰又唔會話好硬，真係即刻刨既，所以好新鮮；另外芝麻爽真係好香芝麻味，口感都好好。不過我建議大家千其唔好食個個小丸子系列，因為個d 既湯圓咁樣食法真係麻麻服務：無咩特別，都算ok。總括黎講，食物有咁既質素，又有變化，但係個價錢又咁平，絕對食得過！

今次食左奇異小丸子同杏汁芝麻雪耳(因為我冇記性,D名可能有出入), 同小盡豬講一樣,真係差左Ｄ,個杏汁芝麻雪耳冇之前咁正,好似浠左同冇咁香,個奇異小丸子就普通啦,係Ｄ奇異果冰加左湯圓同香蕉片落去,不過可能外賣關係,D湯圓比Ｄ冰攪到硬哂,即場食可能好Ｄ.

佢在我公司附近, 所以久唔久的下午茶都會叫佢, 佢的芝麻蛋白燉鮮奶都仍然好味道, 而西米撈就比以前浠了很多, 但係都仲算不錯, 可以一試

一班人踢完波就去左ｌｅｅ到食甜品芝麻杏仁糊　香香滑滑　入口宜人　不膩的楊枝金露　黃色液體好好味　但"look友"不夠甜芝麻緣豆　沒有了緣豆　緣豆份量少了一點點

1. 芝麻糊燉奶: 算不錯，但燉奶始終不及佐敦的牛奶公司香滑。2. 紅綠豆沙: 一般而已，雖然有起沙，但豆的份量略少。

食完飯食甜品~ 楊枝甘露都係咁好食~d柚肉多左叫左糖不甩,整得唔錯,d粉比我地食到冇乜淨添~

係石磨坊每下愈況既同時,我呢d以前去親mk唔食過就唔安樂既熟客仔都要轉移陣地喇,芝麻綠豆都唔係咁貴嗟,咪又係石磨坊咁既價~!我咁耐食過芝麻糊燉奶, 芝麻+杏仁糊, 櫻桃小丸子,芝麻糊燉奶既燉奶又香又滑~!芝麻+杏仁糊大大碗,真係好滑溜,香都香過石磨坊~!櫻桃小丸子係用新鮮strawberry打成既滑冰,消暑佳品~!

因為男友係紅磡區返工,放工成日去芝麻綠豆買糖水過我食,最愛當然係四寶冰,差唔多去次次都買,仲有白芝麻雪耳杏仁露,又潤又有杏仁香,楊枝金露都gd,好足料!其實佢\哋D服務都唔係咁差丫,有時我男友係到諗買咩糖水時(夜晚喎,好鬼多人),佢\哋都會俾意見同講解下D糖水有D咩!

食左個金銀芋椰汁西米露,即係番薯+芋頭.整得好香,好好食~加上唔太甜,如果唔係真係滯死......介紹左個frd食揚枝金露,佢都非常同意個甜品係好食既~

黎過幾次，次次都要飛仔，今次可能係平日關係，竟然仲有兩張吉檯，實屬意外~記得之前幾次都係食西米露或佢個招牌甜品--黑白唔知乜乜乜(即係有芝麻糊同豆花果款)，好似冇乜特別，今次試o下芝麻糊加芝麻爽先~友人就叫o左楊枝甘露。芝麻糊好滑，可能係手磨，但唔夠香，可能係凍食啦~下次熱食試真o的先~芝麻爽就係一粒o既，分兩層，一層黑色一層透明，口感介乎大菜糕與清心丸之間，而兩層之間有芝麻，幾有創意但食落就怪怪的~見友人的楊枝甘露幾多料，但太杰了~店舖都唔算細，仲見佢好似連隔離舖都擺o左檯，可能想擴充都唔定，服務就中規中矩啦...

星期六晚食完飯，朋友介紹去呢度食甜品，話好出名，一定要試下，佢講到咁勁，梗係要試啦。一去度勁多人係門口等位，個侍應話我地唔想等可以坐門口，是但啦，因為唔知等到幾時先會到我地。我叫左個招牌甜品白芝麻雪耳杏仁露，好香芝麻同杏仁味，食得出係真材實料，味道剛剛好，唔係太甜又唔係太淡，正呀。我朋友就食左個豆腐花入面有芝麻糊的(唔記得左叫咩名)，呢個甜品好得意，有教點食可以食到三隻味，不過我冇試到，所以評唔到。雖然D 野好味，但價錢略貴，成$20一碗糖水，間中食下就OK 。

叫左個木瓜+STRAWBERRY+綠豆茸GEI冰..叫佢少椰汁因為上次食真係太甜佢都仲係咁多仲要我等左半粒鐘囉我係放學去無咩人佢做晒D外賣..等到我真係想走囉..紅豆沙綠豆沙又成日無凍..我之前去又無..今次去都係無..味道唔錯不過服務就差左D ..

好同意'浪人戰神'o既意見... 真係貴左dd... 我之前初一去西貢滿記食左合桃糊.. 之後兩日去芝麻豆甜又食左合桃糊.. 兩面都咁好食, 但滿記14蚊,芝麻豆甜18蚊.. 真係貴左dd... 但芝麻豆甜o既自選冰又好抵,好最鍾意芒果紅豆冰,佢地d芒果汁淋落d刨冰度, 真係好死正.

很多不錯的選擇, 味道不錯, 不過價格貴了點~