芝麻綠豆甜品屋

营业中

休息中

以前住在紅磡，經常去呢度食糖水，最鍾意「芝麻蛋白燉鮮奶」。搬左之後少左去，至今己半年無去過，今晚在尖沙咀食完飯，特登去食。嘩!! 事隔半年，簡直唔係果回事，鮮奶沒有了鮮奶香味，以前覺得她的鮮奶都有得同「義順」揮，而家唔駛喇.......以前的芝麻，份量好少，但就好香，好滑，食完晒鮮奶之後再嘆少少的「傑」芝麻糊，無得頂。但，宜家......大約有三分一碗是芝麻，但好明顯係「行貨」野，仲係好「行」果隻，開麵粉水果隻，無芝麻味不特止，仲一舊舊添.....最衰仲係唔凍唔熱果隻.....售價仍然是$17 一碗，多謝盛惠，以後可以絕跡。