芝麻綠豆甜品屋

营业中

休息中

呢度的芝麻糊真係好滑，不過杏仁糊唔係太有杏仁香～～其他甜品就無咩特別囉～～

今日又去食野, 都係食芝麻旦白, 水準真係無之前細鋪咁好, 而且服務差到不可接受, 叫落單唔理, 問佢野就答非所問, 上菜好似同d碗碟做撞擊測試咁, 掉落張枱度o既....有人等位就唔理三七廿一, 我都未食完就收野, 咁我話未食完啦, 個男仔就話唔見我有"不"緊喎～嘩～碗野食左大半咋喎.....每食完一匙就當然停一停架啦!!!谷住條氣都唔想食啦...埋單多謝都無句......唉......以後我都唔會再去比錢受氣啦....

難得亞妹主動要食甜品, 加上係正斗其實未算好飽, 一行五人又過來這裡.繼續要了鐵膽芝麻蛋白燉奶, 今次係加上楊枝甘露.芝麻蛋白燉奶: 8分, 今次食又反而覺得芝麻糊較突出, 幾滑, 令人覺得份量唔係太平均, 蛋白燉奶始終明顯比芝麻糊多. 如何芝麻糊再多一點, 化學作用更佳.蛋白燉奶都係好香奶味同好滑.楊枝甘露: 6分, 沒有發記的出色, 芒果肉未係好甜, 西柚的苦味多了點.看來每次來都係食芝麻蛋白燉奶最正路.

最近搬離住了40年的荃灣，去了紅磡住，發現此店，一試，覺得食物很有水準，比錢走人，但係點解聽唔到講多謝呢？<br />再去，又係咁，又再去，又係咁，係咪讀書時教多謝呢兩個字那堂請了假呢？檢討下啦，收錢的肥姐姐！

凍腐竹蛋糖水真係好足料, 有銀杏及白果, 好多粒。食左咁多年都係食佢。其他糊都好食。睇完演唱會就搭小巴落黎食, 幾方便。

今晚走左去食芝麻蛋白燉鮮奶, 燉鮮奶唔夠滑, 奶味唔夠香。侍應明明都無野做, 又唔帶位, 又唔叫人, 埋單多謝都無聲。

個日我同d Friend 去食, 食完走時己即時出示學生証~~結果職員, 都話太遲唔比折~ 我地真係想知佢個折係幾時先肯比lor~~~我覺得好差lor, 仲要用d 好差ge 語氣同我地講~跟本佢地就唔在乎d 客人~~而家咁ge 服務態度~~真係好唔要得~~

叫左一個最穩陣的芒果西米露、但係都幾失望、不過都算係不過不失啦、相信可能其他的甜品會更好。

為尋找大光燈,走到紅磡,但半天沒喝水了,路過就入來吃個甜品。店坐得半滿,找個地方坐下。上面的仿舊式吊扇,牆上的舊街壁畫,想令人有懷舊feel嗎?生果甜品不便宜,見是首創便點了合桃蛋白燉鮮奶。白色中心一點啡。第一次,還是依照檯上字條所寫的建議食法。先食周邊白色,燉鮮奶頗有奶香,也頗滑。再食中心一點啡,似乎份量太少,吃不出味來。把上層白色吃盡,將下層的啡色與白色混合,似乎比分開吃的味道更好,燉鮮奶中夾雜雙重香味,合桃香+奶香,且整體不太甜。食畢,繼續朝著大光燈進發。

次次來親多數都係人山人海,所以每次都食得幾急的.但我只認為得芝麻糊好味,其他的也不名如是罷.而且質素開始下降.

食完生記, 口淡淡, 解決辦法自然係食甜品. 中堂先行告退, 剩下LS媽媽跟我們四個頌揚小朋友來了這裡.有一段日子無來了, 今次都係要鐵膽芝麻蛋白燉奶, 再加白芝麻雪耳杏仁露.芝麻蛋白燉奶: 8分, 我真的跟足指示去食, 先食蛋白燉奶, 很香奶味, 滑滑的, 覺得比義順更加出色. 再食中間的黑色部份, 芝麻糊就不太甜. 兩樣溝埋一齊反而不太特別, 沒有化學作用.媽媽, 家姐同M哥都要了這個甜品, 大家都幾滿意.白芝麻雪耳杏仁露: 7分, 面頭係舖滿白芝麻, 但似乎係過多. 杏仁味濃郁, 雪耳就硬了點. 其實而個甜品都幾好, 但味道太濃, 不太合我口味.下次都係淨要芝麻蛋白燉奶.

同個fd 去食左個芝麻糊西米, 好好味, 好能係因為兩樣野本身都普通都食開d 芝麻糊好滑

我同朋友間唔中都會去下食甜品o既，一直都覺得芝麻綠豆的甜品很不錯，但近兩三次去就好唔得，唔係D野食唔好食，而係服務態度好有問題，最近有個男侍應(全場最高，對眼最細O個個)佢態度好差、好冇禮貌，我地去到O既時侯淨係聽到佢大大聲傾計，好似落左大排檔咁。不過最唔掂就係佢D服務態度，叫佢落單個樣已經黑口黑面，好似你得罪左佢，轉個頭傾計O個陣時就鬼咁好笑容，變臉O既速度快得驚人。之後仲要將D野食求其撻O向張枱度，又唔出聲話比人知碗野比邊個，一張枱坐幾個人，個個都係叫差唔多O既野食架啦，唔出聲點知係咪比自己O架。起初以為自己要求高，但之後聽到同枱D人都話佢冇禮貌，仲話佢都唔知有冇睇劉德華個廣告---今時今日咁O既服務態度係唔得O架。其實我都唔明白佢老闆點解仲會請佢幫自己鋪頭趕生意。有時候間鋪頭D野好食都未夠架，如果D態度仲係咁差，食碗糖水都好似要受氣咁，都好難叫人再幫襯，D野食幾好食都冇用啦。

2 月12 號跟男友及友人看完雹影, 便走到此食糖水, 我們都覺得一般, 我點了蕃薯糖水, 男友點了杏仁糊, 朋友點了湯圓及忘記了, 哈哈哈~~男友說杏仁糊因為不重杏仁味, 所以很不錯!其他大家也覺得是一般!可能他的招牌甜品我們都不大興趣吧!!

成日食糖水真係有ｄ悶．．一個糖水舖有創新款式是值得一讚．．此店常標榜創新．係好吸引，　當然他的味道也是很好的，．．　吃了橙香布甸，，好香．　有鮮果肉