芝麻綠豆甜品屋

营业中

休息中

因為我住紅磡,同朋友去果到gathering已成習慣,但都好唔明點解成日都要去ｅ到,無新款價數又貴,好味係真既,但我唔話特別好味lor...無咩必要都唔會再去...

我第一次去係同三個同學去O既。我同一個同學點左兩個炖木瓜，另外兩個好似點左糖不甩和一個自創甜品。（具體名字唔記得左…）我地輪流吃左對方O既O野，佢地都話好好味，我就唔係幾吃得出，佢比我O既感覺係ok,祇係ok…我認為祇係炖木瓜好味。希望下次吃下其他O野。

吾與吾妻十年不潤一日怕拖記,得悉各方友人介紹, 尃程一會,不料中伏....吾自小家貧,資金不足以自給, 故ORDER合桃糊+湯圓及照牌燉蛋以取吾妻歡心.合桃糊淡而冇味,湯圓皮厚,所謂照牌燉蛋, 淡而冇味不在話下, 芝麻糊亦不值一提, 價錢更昂貴不菲

食完三河屋,友人突然話想食綠豆沙.附近比較傳統的那間已經結業.又不太想去甜品工房,惟有再來這裡.今次是第二次來.上一次是年多前,看著我朋友叫的四寶冰,當冰螎化後,見到那碗東西的樣子....噢~~不要再想了..今次決定試一試這裡的合桃糊加湯丸.友人也試著這裡的綠豆沙.我們同聲說道:太淡了!合桃糊不是即磨不是即煮沒有所謂,不過是否溝了太多花奶和水呢?突然有點掛念澳門的麥師傅糖水.試過兩次後,可以和芝麻綠豆講聲再見了~

該店在屋企樓下，因此自開幕至今都間中有幫趁。剛開店時因出品的甜品有多少創意，雖不至特別好吃但也不難吃，加上個人很喜歡吃甜品，所以間中也會幫趁。不過近一兩年該店的出品真的越來越不像樣－上週末經過該店有點餓，因此進店吃過糖不甩及白果腐竹雪耳糖水，水準極差；糖不甩祇有花生碎，糖及芝麻欠奉，粉團一點也沒有用糯米做的感覺；糖水上桌像杏仁糊多過腐竹糖水兼且原全沒有甜味。咁Ｄ質素郤晚晚爆棚，真的不知原因何在。其實該店附近也曾有間糖水店，冷凍甜品與該店一樣，都是亂溝一通，但轉手三次也難逃結束命運，難道芝麻綠豆可以存在至今與風水有關嗎？

友人食了"出名"的芝麻蛋白, 蛋白好硬、黑芝麻餡好像現成芝麻醬，得個甜字，無芝麻香，差!我食了腐竹意米白果糖水，有無搞錯! 一見到碗糖水已經想退貨，邊有咁離譜將花奶當腐竹，完全無腐竹味! 我食了兩啖已將它放置一邊抗議!唔怪得上一檯客有一客生果糖水成碗無郁過啦，原來係有因!

最喜歡這裏的芝麻蛋白燉奶（強過義順d），不過今次竟然賣完，於是試了腐竹糖水+丸（創新貨色？）不過味道實在麻麻，腐竹味似豆腐，丸又有d硬……一年前還會經常來這間甜品店幫襯，不過之後愈發覺得意這個價味同水準，真的唔掂，除了椰汁冰和芝麻蛋白燉奶，其他唔推薦。

個個員工好似死老豆咁,,入唔入去都成問題啦,,,你打工咋你估你地老細咩,,,味道係其次,, 個態度先係最緊要囉

芝麻綠豆甜品屋, 我只試過芝麻糊, 感覺上, 好像深水埗 松記好食一些, 香味多一些,而價錢上, 亦覺得松記較平, 所以較為低食.不過,民泰街都有幾間小舖, 在這裡吃東西, 可算是有一些風味吧!

之前時時有幫襯, 因家中有人喜歡蛋白燉奶,中間有點芝麻煳, 很有特式; 其實服務態度一向都是不好, 伙計和老闆都好似你欠佢錢無還咁,個個面黑黑, 一點笑容都沒有;我好多時都是買外賣, 但現在食物質素比以前差了. 舗內店員面口更難睇, 所以減少幫襯了.(不留店食, 因為店內壓迫感很重)

同朋友去黃埔食完晚飯, 心思思又想食糖水, 0係呢頭走唔甩0黎呢度.叫了個熱芝麻糊加西米... 賣相唔錯, 一睇就知好滑又夠杰身. 食落味道亦幾好, 唔會太甜, 芝麻味香濃, 最重要係好滑, 非常唔錯! 拍得住旺角石磨坊0個d!朋友又食楊枝甘露... 賣相對辦, 不過幾稀; 試了一啖, "湯底" ok, 不過碌柚幾酸幾澀, 朋友0既comment 就係"芒果幾甜, 不過d 柚唔靚, 破壞晒成碗0野, 早知唔叫楊枝甘露啦". @_@"環境無特別; service 麻麻, d 男店員們幾無禮貌, 黑面, 而且serve 0野食0個陣俾人好悔氣的感覺, 砰鈴嘭 lang 的, 令人汗顏.Overall 其實唔太特別, 不過個芝麻糊真係幾得, 俾笑面啦!

朋友介紹呢間出名食芝麻糊/ 杏仁糊既湯水店。芝麻糊$15，唔平喎. 不過都幾香幾滑幾有芝麻味。加多$5多三粒麻茸湯圓。我反而覺得湯圓較出色，黑芝麻炒過，好香。湯圓又唔林，煙煙韌韌, 口感非常.

打開菜單，看到全城獨有的字眼，加上賣相其佳，還有是每天的限量發售，就來客橙香桂花釀布甸，。送到過來，賣相已經打了折扣，扁扁的橢圓形的橙皮，軟弱無力似的，似容器多過用來誘發布甸橙香味的作用；一口嚐下，其實裡面係芒果布甸，布甸下層是數粒紅豆而矣，完全沒有橙香及桂花香味，只有芒果布甸的味道；剎那間有被騙的感覺，若想吃芒果布甸的話，就不需要這個橙皮來盛載啦！無理由自問老饕的自已連橙味及芒果味都分辨不到嗎，況且桂花的清香，在濃鬱的芒果香氣下絕察覺不到，故有沒有添加桂花已經存疑。下次這點賣噱頭東西都是小心為上好了！

其實大家現在所見的shop 係expand 左... 個時我同屋企人幫襯的時候，佢仲係係後街。唔可以講話特別好味... 不過不失啦... 但佢自從出出地名，d 野已大不如前... 仲要成日等位，service 就差左好多啦...個價錢仲要... 真係加左成double... 我地都無再去食啦... 可以一試但唔好期望太多囉。始終越大希望，越大失望嘛~唔好諗住有得坐傾計，食完就會比人趕架啦... 想去傾計就唔recommend 囉...

它開業不久已經來吃，亦睇住佢越做越旺。但近年水準下降，蛋白鮮奶唔再滑，其他甜品亦有水"leau leau"的情況，以它的價錢來說不該如此。環境又迫，櫈未坐暖就畀人趕。它的甜品是有特色，但是不值得大排長龍去等。唯一比較好的是糖不甩，尚算軟滑，甜度適中。