芝加哥串燒酒場 (太和中心)

营业中

休息中

好耐冇飲酒和食串燒，今次喺太和呢間朋友帶嚟嘅餐廳食得好開心，好好味，所以真係要開心share一下先。超級催淚彈$22小丸子入邊應該係有Wasabi，食完都真係好催淚啊哈哈😄好用心嘅製作小食，雖然真係笑中有淚。炸大八爪魚足$58超級香脆爽口嘅八爪魚，好正而且好有口感啖啖肉好好味。燒雞翅包肉$38雞翼入邊包左用特別嘅質感，而且味道好好又冇咁單調，讚。燒芝士雞脾肉串$88羊肉串$42燒芝士年糕$28鹽燒雞軟骨$24燒雞翅包飯$38呢個自選嘅拼盤真係哇一聲，每樣都燒得好靚而且味道唔錯，望到都開心，令人減壓 茄子燒$33鹽燒鯖魚$39

今天因工作關係來到大埔區, 難得今晚可以早些完成工作, 便來杯冰涼的啤酒、食下串燒，來放鬆一下心情, 減輕工作壓力。芝加哥串燒酒場是間獨具形格的餐廳, 結合餐廳同酒吧於一身, 主打串燒項目, 店內裝修充滿時尚感, 設計著重柔和舒適，環境寬闊。這裡有多款酒類供應，在當中選了其中一款手工啤Samuel Adams, 色澤金黃亮麗，麥味香濃，入口冰凍順喉, 吃串燒總不可缺少冰凍啤酒。五款串燒以併盤形式盛上, 碳燒牛扒燒得肉質鬆化，且散發濃郁的肉香;蜜糖雞翼燒得雞皮脆身, 雞肉嫩滑，用蜜糖去調味, 就更加滋味;香蒜蔥花廣島蠔的蠔肉充滿蠔汁，蠔味香濃，賣相跟味道皆不俗;香蔥燒牛殼扇貝鋪上香蔥去燒，味道不錯，扇貝稔身,肉質不韌也爽甜鮮美;燒紫菜年糕串外面有一片紫菜, 再加上燒汁, 紫菜夠脆身, 年糕本身也軟糯好吃。最後是栗米燒，燒得外層微焦而口感帶點點糯口，粒粒金黃色、飽滿的粟米散發出牛油香味，每一口咬下去都係甜美, 爽口非常。這裡的環境輕鬆意寫, 而且位置較清靜; 價格也在合理水平, 實在是放工減壓和三五知己來飲下酒，談談心是一個好地方。

第一次跟朋友到大埔芝加哥串燒食野，雖然餐廳麻雀雖小，但武臟俱全，與其話係餐廳，其實就係酒吧串燒店，正正啱曬我們呢飯鍾意飲酒又鍾意食串燒既愛好者。呢度感覺就像外國的酒吧餐廳一樣，好有feel, 無論燈光同音樂，就令人感到好relax好chill。我們點了好多串燒食，都可以話應有盡有，例如燒生蠔，烤魷魚，燒墨魚丸，燒菠蘿，燒黑松露丸，燒茄子，燒韭菜等等，我們點了好多，味道又香又惹味，真係啱曬送酒。我們更點了幾杯1664及kirin ，真係邊食邊聊邊飲酒，這種感覺真的好棒，因為這裡酷似串燒店為主，不會像酒吧那樣俗氣，絕對適合另一種享受的食客同酒客，下次真係可以再來。

同朋友搵地方飲嘢，真係有口福啦. 朋友介紹呢度有間酒吧，唔單止多嘢飲揀，仲有好正嘅串燒。果然冇辜負我期望。酒吧環境舒適，唔會話好迫，燈光適合慢慢傾偈。最開心竟然有青瓜味麒麟啤，上面仲有啤酒泡沙冰，啱啱行到熱熱地，一坐低就有呢杯嘢飲，即刻舒服晒。朋友叫嘅呢杯有子梳打，一啲都唔頹，唔單止好多有子物喺下面，上面仲有新鮮嘅沙田柚，佢話飲落口感好豐富。叫咗串燒，竟然係一大板咁上枱，好彩張枱夠大。食串燒當然唔少得茄子，非常大條，調味適中，蒜蓉味香濃，再加多啲蔥花喺上面，少少孜然味，味道豐富多汁。呢個日式叉燒就更加驚喜，燒得啱啱好唔會過分油，肥瘦適中均勻，調味恰當，微甜。雞扒就更意外驚喜，大大塊，脆皮肉嫩。另外仲有晚餐叫，由於想食少少粉面，於是叫咗呢個豚扒烏冬。開頭諗住豬扒應該都係簡單野，點知係厚切豬扒，仲係好認真咁慢火燒，加甜醬喺上面，肉質彈牙。份量亦唔細，食到我哋兩個都好飽。 全餐侍應有禮服務周到，值回票價。

芝加哥串燒酒場 (太和)💛.就近馬鞍山，呢間嘅串燒食物很不錯呢到串燒種類好多，黎到緊係叫杯啤酒🍻串燒有韭菜，雞軟骨，小甜薯等，全部都好濃味好好食之後我地都有不停encore串燒，豆卜，豬頸肉，京葱等，葱蒜生蠔係聞到隔離枱叫好香！然後因為飲得多啤酒🍻黑松露薯條又忍唔住叫一個，黑松露沙律醬再配熱辣辣薯條加冰凍啤酒好好食另外今次仲特登叫左生蝦，一碟有8隻都好抵食！.📌 芝加哥串燒酒場 (太和)太和太和路24號太和中心地下37號舖

芝加哥串燒酒場 (太和).🔹串燒啤酒🍻🔹.因為呢到太多不同種類串燒，難以分門別類咁去寫🤣一黎到首先飲杯啤酒先，叫一round串燒，呢到嘅串燒都偏鹹，正好適合大家飲多幾杯啤酒😂雞腎翠玉瓜多春魚全部即叫即燒要趁熱食，如果唔係冷氣好易吹到凍曬！另外我地仲叫左雞軟骨，我好喜歡食嘅小甜蕃薯🍠特別一提佢個豆卜，好好食，乾身得黎都好入味，韮菜每次黎必叫全部都好好食，粟米都非常之爽甜，而且呢到選擇真心好多！🥰—————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 芝加哥串燒酒場 (太和)太和太和路24號太和中心地下37號舖.—————————————————————-

今日再去bbq串燒，上次介紹過佢個茄子要再encore，今次大食積上身！呢度嘅選擇都好多，除左串燒之外仲有魚生飯，生蝦叫，我地叫到成枱擺唔哂，聖子扇貝新鮮，鮑魚好淋，因為平時食燒鮑魚，好多時燒到好似食緊擦子膠咁，和牛棒完全食到和牛嘅味道好嫩，芝士年糕趁熱食仲有好多特別嘅食物，雞皮包餃子🥟，雞全翼包飯，連燒棉花糖都有，仲有一個叫催淚蛋我問侍應係咩嚟原來係燒鵪鶉蛋😂同埋佢主力嘅調味係用左孜然粉，所以好香好野味！你仲可以選擇辣度，如果唔太食得辣嘅你又想試的話可選bb辣😂最後主角當然係配啤酒🍻

去大埔探朋友…難得見面當然食埋飯先走啦。朋友提議不如去食串燒…我當然話好…好鬼鍾意食串燒。朋友帶我黎呢間芝加哥串燒酒場…食串燒當然要配下酒…😍😍。其實唔太熟大埔…不過見餐廳既位置都幾旺…附近都好多餐廳選擇。呢間餐廳本身係酒吧黎…如果鍾意飲酒就啱你…因為都幾多款選擇…見到好多平時少見既啤酒牌子…坐低第一時間叫 d野飲先…我地點左一杯啤酒…唔記得名…出面好少見不過味唔太濃…帶清甜和花味唔錯…另外點左支apple cider…呢隻都唔係平時見到既牌子…蘋果味濃…都幾好飲望下餐牌串燒都幾多款式…樣樣都想試…最後都點左好多野食…實在太大食了…大家不如自己睇下張單…長到呢😂😂😂…因為味道好味…加下加下就咁整體樣樣野食都好味…唯一就係第一轉會燒好哂野食一次過上菜…一次過黎影相好靚…不過就有d食物就會凍左…可以改善下…點樣可以攞個平衡…推介大家鹹豬腩肉…鹽燒雞翼…燒茄子…雞翼包飯…白鱔…鍾意串燒同飲番杯呢度就啱哂你

之前都同朋友食過呢間串燒黃店，就係記得佢地串燒、食物同酒類飲品選擇都好多，而加質素高，所以今日放工就帶另一個朋友黎chill chill佢！飲品我地一黎就叫左枝桃汁酒，佢桃味好香濃，甜甜的，但同時有微微既酒醇味，啱曬我呢啲BB班飲，仲配有2隻細酒杯，真係夠曬日式FEEL。串燒大推薦鹽燒雞軟骨，細細粒而且佢地燒得比較脆口，鹽燒雞皮都好正好邪惡哈哈😂羊肉串完全無羶味，啖啖肉好正，燒雞泡魚干比時較少見，用蜜汁燒甜甜的，口感表面煙韌但其實咬落又鬆化，絕對唔係魷魚絲扯唔甩可以放心，香蔥燒扇貝都好好味，扇貝好大隻，仲有黑松露薯條，好大碟，黑松露醬仲可以refill添！大家快啲大大力去懲罰佢地啦！😁😁

前幾日朋友話好想食串燒，我哋上網搵咗呢間bar，可以邊飲酒邊食住串燒好chill🔅味增甲羅燒佢個味增味都幾重，而且佢啲蟹膏都幾多下，打隻生蛋落去一氣食好creamy好正！評分: 4.457/5🔅燒大啡菇賣相好靚，上面除咗有生蛋仲有啲煙肉，個菇好爽口而且好重菇味！評分: 4.543/5🔅香蒜燒鮮鮑魚又係我最鍾意嘅蒜蓉，佢d鮑魚的確幾新鮮，加上佢燒得火候啱啱好唔會老，食落去淡淡肉好彈牙！評分: 4.562/5🔅玉子燒佢個賣相好令，燒到金黃色，因為佢甜甜地燒完有少少焦糖嘅味道，而且玉子夠軟身，唔錯。評分:4.542/5🔅芝士和牛串佢嗰個芝士係燒到溶溶地，再加埋和牛嘅入口即溶兩樣嘢食埋一齊好夾。評分：4.436/5

朋友介紹黎試下 又唔錯～黑毛和牛後腰肉$268 （150g)係餐牌見到和牛用上日本鹿兒島最高級別和牛，唔洗諗一定要試😛牛味好濃郁，有嚼勁，叫左5成熟剛剛好不會太老，超推薦叫和牛食～香蔥燒牛殼扇貝兩隻$39Cp值高，去街市買黎自己煮都要呢個價錢，而且多蔥蒜令扇貝好香～燒韓國魚糕串$26平時食魚糕通常配湯，今次試下燒都唔錯～白桃酒$52有白桃的獨特香味，是日本山梨縣出產，好好飲！巨風提子酒$52提子味突出甜甜地～個樽好靚☺️

我係一個住喺大埔嘅吃貨 今日朋友話想試下呢間芝加哥餐廳 朋友呢個介紹真係唔錯 因為我好耐之前食過佢另一間分店 已經覺得好高質 所以朋友今日叫我 我二話不說即刻狗衝出去同佢撐枱腳啦去到呢間餐廳 第一個印象係比另外一間餐廳座位更加闊落 而且格調更加高級蜜糖黑豚扒珍珠飯 黑豚扒非常厚切 肉多 豬肉味非常之重 油份甘香可口 配上煙韌嘅珍珠飯 簡直令人食指大動 各位減肥嘅人士慎選燒紐西蘭羊架珍珠飯 羊架味道有少少羶 但係肉質亦都好嫩滑 燒得五成熟 有少少血水但係無阻羊肉嘅肉味充分發揮 配上煙韌口感嘅珍珠飯 配搭一流燒芝士年糕 雖然係交貨既貨色 但係年糕本身嘅芝士味亦都好香 但唔太油 值得一讚鹽燒牛舌心 鹽味令到牛肉味更加突出 而且鹽份令到牛舌心嘅肉質更加緊緻最後叫多杯朱古力酒 充滿住甜甜嘅朱古力味 酒味唔太重 加上幾粒搶眼嘅棉花糖 女士都啱飲

等左幾個月，終於等到放寬限聚既日子，多得個pk政府..連夜晚出去食既權利都冇不過唔理咁多，有得出去食，真係要揀返d想去食既去食下！今日同個大埔既朋友，去食久違好耐冇食既宵夜串燒吹下水，串燒真係要即叫即食先至過癮！冇黎咁耐，環境都仲係咁是正~iPhone 12pro個廣角好掂，影得哂成個場🤣我同朋友都幾鐘意黎，其中一個原因係串燒既選擇同種類好多，酒既選擇更是~所以次次一坐吹水都吹幾個鐘！Kirin呢杯draft beer，甜甜地帶點菠蘿味，有d去左沖繩既感覺🍍而日式叉燒都非常入味，配酒一流黎到我地既主菜！每次同個朋友都叫成10幾樣，樣樣都好吸引燒菠蘿係食串燒必叫！菠蘿加熱後果糖出哂黎，非常甜甜蜜蜜🤣煙肉年糕又係幾夾，不過今次燒得過左少少又少少焦呢兩樣基本上同朋友每次黎都會叫！蜜汁燒黑豚肉，加上蜜糖，食落都唔覺油膩熱氣~下邊燒雞翼雞皮雞扒，用黎佐酒一流，外脆內嫩講最後飲飲下，一人都飲左2,3杯，飲到醉醉地返去，幾耐冇試過😂香港快d好返！呢間一定要支持大家，香港人加油

今日又同同事去happy hour 收咗工之後經過呢間芝加哥串燒酒場 佢係黃店黎 竟然唔使等位就入咗去坐喇 環境燈光昏暗 採取半開放式 非常輕鬆 仲有足球賽事睇我叫咗杯Swon ball甜甜地 係蛋酒加上七喜 飲落完全冇酒味好似汽水咁 啱曬聽日仲要返工嘅我鹽燒牛舌心 有咬口 有牛肉味燒雞皮餃子 竟然可以燒得香脆 食落好似薯片咁 入面再包上肉餡有驚喜燒芝士年糕 年糕煙韌加上芝士流心 可口蜜糖燒黑豚扒珍珠飯 黑豚扒外面有陣肥膏而且燒得香脆 好似蜜汁叉燒嘅燶邊咁 黑豚扒非常厚切 入面仲有肉汁流出嚟 蜜糖燒汁用嚟撈珍珠飯就啱啱好燒紐西蘭羊架珍珠飯 羊架有成三大嚿咁多 燒得香脆 入面仲係五成熟啱啱好 加埋微微嘅蘇味 好食

芝加哥算係屋企附近， 一間好味又抵食， 仲有波睇既串燒酒店， 對大埔友黎講， 真心CP值好高～～～其實都開左好長一段時間， 我都好常黎， 貪佢串燒抵食又香。 有D串燒店會用好多醬， 不過呢到都係簡單鹽燒， 款式選擇又多又抵， 仲有好多種海鮮。另外酒類方面， 除左外面常見既啤酒牌子， 佢地仲有好多唔同既draft beer, cocktails. 個人最愛mojito,  雖然係普通野， 不過佢地整得大杯又有酒味， 好喜歡❤佢地既點餐紙好靚， 又彩色又有圖， 不過每次都好好奇， 咁花既點餐紙， d店員都唔會漏單， 好勁😂