芝加哥串燒酒場 (太和中心)

营业中

休息中

今次到朋友帶我到太和飲手工啤酒，老實講吾系朋友帶路，真係唔知太和都有咁 chill 嘅串燒酒吧餐廳。藍色燈光下，令餐廳充滿神秘感覺，十分有氣氛。酒吧有多款特色手工啤酒，其中一款更是高酒精濃度的啤酒，小妹酒量淺不敢試。天氣熱要先再一杯消消暑先。最後我哋分別選了兩款不同口味的正常酒精度的手工啤，特色十分重花香味，真係不錯。串燒選擇十分多，蔬菜、海鮮、雞、牛、豬、羊都有。因為好肚餓所以乜都好想食，先來第一 round ，有芝士扇貝，韮菜、煙肉蘆筍、原隻茄子、雞翼雞、軟骨、雞皮、雞腎…. 上枱時一大塊木板，10分震撼。每款串燒都好味，仲可以選擇辣度，正吖。食下傾下，就忍不住再來一 round 啤。我有啤酒，你有故事嗎？結果一round 啤酒當然不夠喉，然後串燒也要再 encore 。第二round 以肉為主 。有豬鞍，肉汁豐富肉爽口彈牙、羊肉串加了孜然粉十分惹味、豬頸肉攤銷味十足、燒芝士蟹柳棒無得輸。最後發現有泰式生蝦，結果忍不住也叫了一份，配上秘製泰式辣汁，也不錯。最後傾吓傾吓，朋友足足飲了六杯，至於我酒量淺，也飲了三杯。一間環境舒適，有氣氛又有好野食嘅串燒酒吧餐廳。下次想三五知己相聚，是個

上星期係隔離食完法國菜，見到呢間好旺場，今晚一於黎試吓😊炸黑毛豬鞍扒😍炸完唔會好乾，裏邊有肉汁，好抵食！依家用apps book枱，可以免費一客添👍🏻炸厚切薯片串 $19 由上至下燒汁牛仔骨 $48燒羊架 $39鹽燒鮮白鱔 $58燒紫菜年糕串 $26玉子燒 $33燒原隻魷魚串燒 $28樣樣都好好味，好有燒嘅味道，配埋啤酒食一流😋韭菜燒 $15Samuel Adams Sam’76 Draught HH $58/glassWhite wineSaint Louie $49/glass

話說自己好鍾意落酒吧同朋友飲酒吹吓水，自從上次發現咗屋企對面有一間芝加哥串燒酒場之後。同朋友飲酒吹水終於可以唔使出到尖沙咀咁遠啦。適逢今晚又約咗朋友飲酒傾偈。我就向佢推介呢間食店。我哋係喺星期二晚七點鐘左右到達餐廳。好彩早到。因為唔使一陣餐廳已經坐滿晒人。今次分別叫咗鹽燒鮮白鱔串（$58）。魚肉好滑，雖然係燒過但係肉質一啲都唔鞋。味增甲羅燒（$45）：蟹膏夠濃郁，而且份量好多燒雞泡魚乾（$58）：呢個要嚟送啤酒一流。鹽燒雞軟骨（$16）：唔會燒到過晒籠串燒鵪鶉蛋（$19）：雖然膽固醇好高，不過一次半次無所謂啦香草芝士焗雜菌（$45）：呢個必試，芝士夠多，啱晒芝士控招牌茄子燒（$35）：又一個必試item,燒完嘅茄子真係好好味大蔥雞髀肉串（$22）：啖啖肉，啱晒食肉獸玉子燒（$33）：又一個必食item另外，食串燒點會少得飲酒，朋友點咗long island,而我就點咗杯Adam整體嚟講，上次呢間食店比我嘅感覺係質素好好，而今次食完之後，個人感覺間餐廳不停進步緊。期待第三第四次嘅幫襯。

又到左星期一啦，又要返工。我要反客為主踢走Blue Monday，早啲收工去飲啤酒🍻、食串燒❗️估唔到一杯啤酒就對冧咗我🙊，係我太攰定太耐無飲酒量差左呢🤔。八點🕗前係HH價，每杯平$10！之前試過青瓜味🥒麒麟啤，今次試下正常啲sweet啲，西瓜味同蜜瓜味KIRIN Frozen Beer。麒麟啤味道幾清唔會太苦，西瓜🍉/蜜瓜🍈味淡淡地唔會假，容易入口啱曬女仔飲。未食飯就黎飲酒，梗係要叫啲野黎墊下肚，望落好少但係竟然食飽左🤭，以bar 黎講呢個質素算唔錯，當中八爪魚鬚最啱送酒～怕唔飽特登叫左燒雞翅包飯，叫做有啖飯（真係得一啖咁多）落下肚。如果你真係好肚餓，其實呢度都有主食可以叫，唔一定要食完飯先過黎飲野～另外偷聽到隔離枱話燒茄子係必食嘅，我miss 左呀😭！下次再黎食過！🌗一口和牛串 $29 ：肉質ok 唔會好韌🌗鹽燒牛舌心 $33 ：質地尚可，未去到午餐肉嘅質地同味道🌖鹽燒燒白鱔串 $58 ：表皮香脆，魚肉彈牙🌗香蔥燒牛油扇貝（兩隻） $42：牛油味唔算重，少少overcooked🌗烤黑松露蝦🦐（兩串） $28：蝦肉爽脆但松露味唔夠香🌗鹽燒多春魚（一份三串）$28 ：夠乾身又多春🌗燒羊架

今日去左搵我大埔識左好耐既朋友食飯吹水，兩個男人一定去啤一啤，咁係大埔既話，我同佢都好鍾意揀呢一間嚟食，因為環境真係好舒服，同埋坐幾耐都得，最啱我哋呢啲吹水吹到唔知幾點嘅人咁啱去到嗰陣時仲叫到Happy Hour, 我哋就叫咗兩杯Frozen Beer飲，冰泡面幾好飲嚟得呢度一定唔少得叫串燒食呢度嘅串燒擺盤好霸氣，一次過將你叫佢串燒一盤過上枱，而且味道亦都控制得好好，燒亦都燒得恰到好處，唔會太濃，送酒一流大埔有呢種質素嘅餐廳唔多，又有得飲酒又可以叫下串燒食既，仲可以輕輕鬆鬆傾下計又一晚，呢度真係一個唔錯嘅選擇

話說同大埔朋友仔想食💛串燒除左彩虹就諗到呢間了平日夜晚唔算多人（推介大家多多支持）哥哥仔好有誠意介紹野飲訂座仲有碟豬送🤪串燒燒得岩岩好，味道很好特別係個茄子👍🏻👍🏻不過如果唔好一次過上晒就更好了因為會凍晒無咁好食🙂

今日同朋友去咗太和食串燒，餐廳嘅氣氛好好呀，播住奧運大家一齊睇飲下酒，又會播唔同嘅歌。鍾意飲酒嘅朋友一定唔可以錯過呢間，佢星期一就買一送一啤酒，星期二就二送一，如此類推，啤酒同串燒又幾夾。XO醬生蠔188有六隻，燒得啱啱好，又唔會太咸。茄子就係食串燒必嗌嘅，面頭有啲孜然粉炸蒜，食落好香口。芝士條有六條，仲可以拉絲添幾過癮。培根年糕串好驚喜，培根有少少蜜糖嘅香味，韓式年糕有燒得好煙韌，韭菜都係串燒必備，呢個好食過茄子添。職員都好好禮貌，唔錯㗎。

放工同朋友嚟happy hour飲下酒食下串燒咁都真係人生一大樂事喺朋友屋企樓下附近一間好 有街坊feel嘅串燒酒場 你睇下波飲下嘢食下串燒真係幾happy我從朋友就嗌咗杯啤酒送走嘅都係啲燒 物幾好食呀食咗幾燒牛扒 啖啖肉咁 好正 黑啤豬肉腸就幾特別 佢仲有啲蔬菜揀嘅我就嗌咗培根露筍卷 鍾意食蠔嘅我點少得可以食燒蠔呀咁就嗌咗個香蒜蔥花廣島蠔 好都幾大粒油鮮味好好食 仲嗌咗個炭燒法國鵝肝鵝肝煎得好林姆根一口過真係好滿足呀 仲有燒羊架羊味好覺 有咬口唔錯 想飽啲呢我就嗌咗個蒲燒原條鰻魚珍珠飯鰻魚 係原條上啖啖肉好好食同埋珍珠飯咁就一餐 滿足嘅晚上呀

太和中心食肆林立，平時返工咁辛苦，收工真係要約個朋友一齊啤啤去吐下苦水，芝加哥串燒酒場提供串燒食物同多款酒精選擇，真係最好不過嘅地方。環境格局都好舒適，仲有部有大電視，適合三五知己一齊睇波HAPPY HOUR串燒款式多不勝數，啤酒亦有多款選擇▪️　SAMUEL ADAM啤酒當然要嘆返杯啤酒先啦，呢隻SAMUEL ADAM 淡淡地好順喉，HAPPY HOUR價只係58蚊杯，抵飲串燒一盤過上由於款式眾多未能一一介紹，不過有幾款要推薦俾大家▪️　玉子燒外皮少少焦香，內層軟軟綿綿，王子蛋味出眾，入口甜甜地味道一流。▪️　燒大啡菇大啡菇配上煙肉及鵪鶉蛋配搭一流，煙肉咸香配上鵪鶉蛋汁蛋香味，加上大啡菇香味，人間美食。 ▪️　茄子燒茄子配上大量炸蒜蓉及蔥花，味道濃烈惹味，茄子肉食到軟綿綿一絲絲，入口溶入口中，茄子燒強勁嘅味道配上冰凍啤酒，實在係絕佳配合。

今天與朋友來了這酒吧敍舊，空間闊絡，燈光氣氛不錯，串燒及飲品的選擇很多，最後點了以下串燒：-一口和牛串-鹽燒雞翼 -茄子燒 -燒大啡菇 -烤黑松露蝦串 -鹽燒多春魚 -燒芝士年糕-脆炸活白鱔骨-碳燒牛扒飲品：巨峰提子酒200mL (HKD 52/ 瓶)特別推薦幾款：🍽 一口和牛串 HKD 58/ 串成熟度大約是5分熟，咬下去十分JUICY，肉質幼嫩，有少許牛筋令和牛口感更加豐富，可以多叫幾串！評分：4.5/5🍽 鹽燒雞翼 HKD 23/ 串 (2隻)燒得剛剛好，肉與骨並不難分離，十分入味又不會太鹹，肉汁豐滿！評分：4.5/5🍽茄子燒 HKD 35/ 原條這間酒吧的招牌菜，份量很大，就是一條完整的茄子，配上滿滿調味料，令人吃過返尋味！評分：5/5🍽燒大啡菇 HKD 32/ 隻菇面上有半熟蛋，切開後拌著啡菇一起吃真的十分滿足！！口感滿滿，菇的汁液在口中爆發出來，令人想要叫多幾個哈哈！評分：5/5🍽燒芝士年糕 HKD 29/ 2件很濃的芝士，很煙韌，可以一試！評分：3.5/5🍷巨峰提子酒 200ml 十分推薦給不喜歡喝酒味重之酒精飲品的人🤭🤭超濃提子果肉味，只有很少酒味，串燒的調味有點太鹹的

對所有教育工作者黎講 真係會好開心終於過左個死亡6月 決定要賀一賀佢!🙌🙌好耐無bbq 就揀咗呢間bar chill下!雖然個位有少少遠 但就叫靜中帶旺 幾有feel!嗌左幾款唔同既串燒 最驚喜係個燒蠔同燒茄子 蠔又大又多汁同重蠔味!😋😋😋而茄子亦超大件兼醃得好入味!讚!係屋企燒唔到既風味呀!每樣野食都好味,羊串,水牛城雞翼,帆立貝都好唔錯!用心的小店 😊😊另外不得不提係個drafted beer ,可以話係bbq既最佳朋友,好夠麥味!成晚既氣氛都好好,不過如果背景音響真係太大聲，可以細聲多少少就更加好

今日放假同老公兩個人去大埔搵朋友，見仲有時間想去飲杯嘢同埋食少少野，兩個人又眼闊肚窄，樣樣野都想試吓食，我哋一人叫咗一杯啤酒，即刻透心涼晒，出邊天氣熱辣辣，入到餐廳勁舒服，再叫左勁多串燒（燒金菇牛肉卷、碳燒牛扒、芝士雞脾肉串燒富崎去骨雞腿、蘆筍燒、一口蕃薯仔燒、燒大啡菇、鹽燒鮮白鱔串）串燒都勁正，唔會太焦，所以上到枱都係熱辣辣😋😋😋食完之後仲未夠後，再叫多咗個炸拉絲水牛芝士條，真係好正可以拉絲😋😋

店內燈光昏暗，音樂偏大聲，但氣氛幾好，都真係好有酒吧嘅感覺。食物係用一塊大木板上菜，我哋坐喺高枱，高枱枱面有啲細，木板會凸咗出枱面，食嘅時候要小心唔好撞到。食串燒緊係要配酒精飲品啦～我地叫咗杯KIRIN ICHIBAN橙味同一支桃汁酒，桃汁酒酒精含量得3%，好易入口，啱哂唔太飲酒嘅朋友。重點係食物質素都好平均，每樣都係水準以上👍🏻•🥢 自家製和牛棒 $42 和牛棒咬落口似漢堡扒嘅質感，咸度剛剛好。🥢 石燒prime牛小扒 $148 牛小扒係有三小塊～切開發覺係五成熟，有啲位接近三成熟，我都幾怕太生，但唔覺唔覺都食咗好多舊，因為肉味香濃，調味好正😋 呢個性價比好高！🥢 粟米 $33 粟米唔飽滿但好甜👍🏻唔痴牙，有牛油味，食完想再叫🤣🥢 鳳梨燒 $23 鳳梨份量都算多，好多汁，超甜！🥢 芝士黑松露玉子燒 $58 玉子甜度剛好，好軟熟結實，只係份量細咗啲啲。🥢 茄子燒 $35超大條茄子！加上少少調味粉同辣粉好惹味，燒得夠腍，保持到茄子嘅水份。🥢 香蒜燒鮮鮑魚 $72一份有三隻，size偏細，肉質爽口彈牙，食得出鮑魚嘅鮮味！🥢 大蔥雞髀肉串 $22 雞肉好容易燒到乾爭爭，但呢個肉質嫩滑！🥢 雞

【芝加哥串燒酒場】超正の燒大啡菇深夜岀翻個串燒食評先😳 希望大家宜家宜家唔肚餓啦😂🤣佢係Bar既形式而又有串燒食，適合同fd黎飲杯野吹水既時候，口痕可以再食下野(˶‾᷄ ⁻̫ ‾᷅˵)講下個人推既串串先🍢個人勁鍾意佢個大啡菇！燒到出黎唔乾身，除咗好濃芝士味之外仲勁juicy😂一切落去，仲勁多汁添😳 牛舌亦好林身，唔會好韌好難咬，呢個都好好食！香蔥燒牛殼扇貝 $42 2隻扇貝好香蔥蒜味，個味道係幾好食，可惜兩隻都有沙，食落去gokgok聲既feel就扣咗啲分另外個燒牛油帆立貝就冇沙啦，而且勁大隻添😂 佢有啲甜甜地嘅醬吱咗係面，啖啖肉都幾好食。 不過我係反而鍾意扇貝嗰隻蔥蒜味多啲，如果兩隻既優點混合埋一齊就好啦(◐‿◑)�雞肉串同和牛肉串都燒得幾林幾好食，我fd仲差啲想encore雞肉串添🤣 可惜最後太飽冇再嗌但注意返，串燒佢會燒晒先一次過出俾你，如果嗌得多嘢食，就可能有啲串串會凍咗啲😳而我哋就一人嗌咗一杯Cocktail🍸Mojito🍸 $72我個人幾鍾意有薄荷味嘅Cocktail，佢呢度嘅cocktail都幾大杯而且價錢唔貴，未上串燒之前已經上咗酒，食完仲未飲晒🤣 但自己覺得酒味就唔算話好濃

雖然今日唔係happy friday,不過放工約左老朋友食飯，天氣咁熱唔太想食咁多澱粉質，所以就揀左食串燒加啤酒，諗起都涼透心呀。唔好以為我哋掛住講冇乜點食嘢啊，我哋都叫咗好多正野食呀，同埋呢度有超級多唔同類型嘅酒精飲品選擇，啱晒我一班酒鬼朋友。安格斯一口牛安格斯牛好有肉味，而且燒得夠脆口之餘又好林口，加埋少少個燒汁吊味，正呀！汁燒肥牛蘆筍卷肥牛同安格斯牛口感唔同，薄薄地但油脂充滿，中間包住柔嫩既蘆筍，咬落去仲有汁咇出黎，辣親條脷，而且面頭用燒汁令成舊野更加惹味。越式香草牛油蒜香雞翼牛油加蒜蓉呢個組合無得輸，一上碟已經超級香噴噴，雞翼燒到熱辣辣，中間雞肉超juicy嫩滑，一客有3隻都好抵食。蒲燒鰻魚串好少串燒店有得叫饅魚食，一向鍾意食開饅魚嘅我就梗係要嗌黎試一試啦，饅魚汁香甜可口，魚好厚身啖啖肉，食完個肚即刻有飽意。椒鹽鮮魷椒鹽鮮魷又係另一個我最鍾意叫嘅菜式，炸到熱辣辣脆卜卜，魷魚又夠煙韌。燒車厘茄串食咗咁多肉一定要叫番啲蔬菜來平衡下，呢個燒車厘茄串勁多汁勁新鮮。鹽燒大虎蝦再試下佢個海鮮燒大虎蝦，蝦十肉質夠彈牙證明夠新鮮，而且因為夠晒新鮮加少少鹽調一調味已經好食喇。另外其實仲嗌咗好多其