良辰吉時 (已結業)

系Facebook 見到有人介紹，話系台灣過江龍黎香港，睇完段片好似好吸引。幫襯果日系星期六黎，加上又開張左無耐，預左實多人。差不多排左1個鐘左右。試左網上d推介～黑糖厚鮮奶/愛情動作草莓牛奶/奇異博士愛草莓/藍天綠草加白白的/抺茶加火龍果珍珠黑糖厚鮮奶 味道方面 系甘多杯最好既一杯，因為無得調甜度，預左會偏甜，整體都ok~奇異博士愛草莓 同 愛情動作草莓牛奶 ，味道不過不失，口感較差，仍然食到冰粒。藍天綠草加白白的 （藍莓/草莓/優酪乳）當時唔知系咩黎，落單時，叫少冰，收銀員都好好禮貌解釋產品內容，無得走甜度冰量，因為系沙冰系列。諗住個名幾特別，同材料都好正常，應該唔會甘易中伏，點知中左杯白白的，除左飲到冰粒口感之外，真系可以講句‘淡而無味’ 少少優酪乳既味都飲唔出，整杯野都好水。似飲緊一杯有顏色既沙冰水。抺茶加火龍果珍珠 呢杯系甘多杯 最難飲果杯。朋友一開始想試下味，先飲底部既火龍果珍珠，覺得有d淡，之後試下頂部既抺茶味道，點知勁苦澀，之後即刻攪勻，點知都系好苦，朋友飲完第一啖之後，忍唔住講左句：呢杯野苦過DeeDee。經過一輪試飲，最後各人飲左一啖，朋友都話無眼睇，整杯棄掉。結論

比起珍珠奶茶，我更愛喝果茶，但最近瘋狂被過江龍「良辰吉時」洗版，終於我也抵受不了誘惑，去會一會他了！👍🏻啵爆黑糖厚鮮奶($36)此款的甜度為預設，不能更改，黑糖鮮奶入口很順滑，杯底的珍珠新鮮煮好還帶點暖身，口感煙韌，確實不錯！黑糖奶甜度亦適中，沒有一般珍珠奶茶的死甜，令不太好台式飲品的我喜出望外，值得一試！

落雨斯濕走去排左一輪隊，終於買到呢杯網上吹得好行既 良辰吉時，話說我好鍾意飲紅茶，就叫杯阿薩姆奶茶Try Try 啦，買完企向吧枱前面等，見到一樽樽既茶包都心知不妙。係tea bag 唔係t back 呀！！見到咁既環境，都預佢茶味應該會比較淡，點知難飲到出乎意料。一d 茶味都無，冰既分量又唔夠，唔知以為自己飲緊奶水，仲要係室溫既，尷粗啜左1/4杯，真係忍唔住掉左佢，雖然大拿拿廿幾三十両，掉果下都覺得大嘥鬼同我握緊手🤝但諗諗下，自己就算願意犧牲腰圍，都要犧牲得有價值，如果唔係點對得住日日練習既平板支撐呀！！總之呢，呢間野，伏味濃過血液。條人龍點出現？！咪就係因為d 店員手腳慢，叫呢樣就無呢樣，焗你飲佢d 所謂推薦，都係糖水溝色水果d 飲品啦😢堪稱飲品界既明將壽司，想同三五知己結拜既，咪去排下囉。By 市井大文豪

諗住新開張，又見網上有晒宣傳，諗住應該支持下，落住雨都去排隊買杯飲。點知，招牌野啵爆黑糖厚鮮奶，無！咁諗住轉飲白玉珍珠奶茶，無！乜都無，做咩生意呀最後，揀左杯黑芝麻珍珠鮮奶茶，諗住橫掂都要買，都揀一杯招牌飲品。最後都係失望之作，珍珠無乜味，奶茶無奶同無茶味，飲左半杯頂唔順，送去垃圾桶，無下次。咁既價錢，周圍幾間飲品店都仲好味。

吃完晚飯就去排隊，人龍排到銀行轉角位。等了大概30分鐘多終於到我們了，我是想選藍天綠草加白白的，貪個名夠得意，最後見愛情動作草莓牛奶咁靚就決定試下先，呢款冰跟糖度是固定的。男朋友選了黑芝麻珍珠鮮奶茶，店員說可能會比較甜所以他選了半糖。可能是因為排隊口渴了，我們都很喜歡自己選的草莓牛奶甜度剛剛好，還有幾片真草莓，不會很假，碎冰都融入左牛奶入面。至於男朋友那杯他說喜歡珍珠的口感，比起平時去的店好吃，我試左一啖珍珠不會黏牙，又不會太硬，但我飲唔出芝麻味，我們都覺得不減糖應該會更好，不過他還是覺得幾好飲既，排左咁耐都起碼飲完覺得滿足既，仲有派飲品既店員都好有禮貌，值得一讚

路德圍除左有米線街 仲有好多手搖飲品店呢間由台灣藝人納豆開嘅良辰吉時除左一般珍珠奶茶仲有好多特色飲品名人效應加貪新鮮 吸引左好多人排隊 前面排左廿幾人 但都係大約等左二十分鐘 可以接受本身想試下呢排好興嘅黑糖珍珠厚鮮奶不過Openrice上面嘅評論麻麻最後揀左鮮蔬果昔 感覺fresh d又消暑呢杯倒莓香蕉被切片故名思義就係香蕉加莓甜度同冰塊已經定左 本身驚太甜不過感覺佢無加糖水 真係用莓同香蕉打成嘅shake 仲食到一粒粒嘅莓肉同冰粒係3x度嘅天氣下都幾消暑又唔太甜 飲完無乜罪疚感

第一次劣評！facebook見到一大堆宣傳排長龍，看似吸引，lunch時間就落去一試究竟，被我發現竟然是假人龍！前一日見排了20-30個就打消念頭，諗住今日落住雨應該少人啲，即使冒雨提傘排隊都要買。見排左8個人，應該好快，誰不知人龍一直都沒有消過，原來店員停止收錢，即使突然滂沱大雨！等了差不多20分鐘才重新購票，這個時候目測人龍已經長達50人這...就是長龍的秘密心想如果飲品真的有吸引力，忍受著商家的黑心策略還是可以。沒錯，飲品有黑糖味，個人覺得就是珍珠奶茶加黑糖的味道。。。盛惠$36更有趣的是，這杯皇牌飲品竟然配上一個不能插飲管的杯蓋，以為有特別設計，研究了5分鐘還是放棄，直接拆開飲用。我在辦公室還好，如果在街上實在太狼狽。。。

又一台灣過江龍茶飲店，良辰吉時早遍佈台灣，現於香港插旗，但睇黎都唔太得港人歡心。(可以睇下openrice/ instagram食評)今日趁住大雨唔太多人，去買左一杯signature啵爆黑糖厚鮮奶。店員嘅服務態度真係好好，即使落晒大雨好多客人等緊 (仲要唔知邊條隊係落order邊堆人係等緊嘢飲)，但都好用心為客人講佢地order嘅飲品嘅飲用方法。但呢杯bubble milk嘅質素真係有待改善。先說佢嘅飲用方法，支飲筒嗰個窿插落去係會扁左，珍珠過唔到個窿。。。。kick住係中間飲唔到真係令人好無奈。除左珍珠太大筒太幼外，另一個問題係啲珍珠痴埋一舊舊，咁就一定食唔到。味道方面，因為係無得調較甜度 (巿場上大部份黑糖飲品都係)，所以都預左會好甜。奶香同黑糖拌勻後，個比例都ok的。但始終啲珍珠軟淋淋 煮過頭，無乜𡁻口，都唔太好飲，唔值得為佢排隊。

上次星期六下午黎到，加上天氣好，要排個半鐘，所以放棄了😂琴晚天氣差，又有D雨，排半個鐘就姑且試下排隊😅1. 啵爆黑糖厚鮮奶（$36）(不可選擇糖分同冰量)🍯先講下個杯嘅設計，插飲管個位好細，飲管口係圓形，但插位係正方形，真係好唔方便😫彤彤開蓋諗住先飲兩啖黑糖，但入面D黑糖已經痴晒係個蓋面，我就咁飲第一啖係冇味嘅鮮奶，完全冇黑糖再殘留😓同埋外面冇黑糖花紋！！！😞之後我決定再飲管攪勻最底嘅黑糖再飲，差好遠，好飲好多，即時飲到甜甜嘅黑糖鮮奶味🍯不過唔比揀甜度，我覺得偏甜少少🙈珍珠係正常size，都幾滑同煙韌，伴住黑糖食係唔錯👏🏻👏🏻👏🏻不過排左咁耐，價錢又偏貴，真心覺得唔太值😟彤樂評分：7/102. 火龍果珍珠鮮奶茶(半糖微冰)（$26）食過茶樂嘅火龍果珍珠，再食依間，真心失望，我都知火龍果珍珠冇火龍果味，但最少有珍珠嘅滑同煙韌口感，外有少滑嘅，但入面硬硬地又沙沙地，似未熟咁，有D奇怪，似香芋粒咁，唔似珍珠😕珍茶方面係好有奶同茶香味，彤彤叫左半糖，但我都係得微冰融左先飲，但都係甜左少少👉🏻👈🏻彤樂評分：6.5/10總結黎講，我覺得價錢同排咁耐隊唔太值，如果唔洗點排都還好嘅🙈不過聽人講果汁方面

台灣飲品愈開愈多, 今次輪到係台灣好hit, 台灣藝人納豆開既台式飲品店 -- 良辰吉時!.第一個香港試點落戶係荃灣美食街 -- 路德圍. 附近本身已經有好多飲品店, 但新鋪開張, 仍然吸引為數不少既人排隊買, 當然身為foodie既我, 梗係唔執輸都排埋一份喇!.最後排左65分鐘先到我落單, 其實我都預左要排咁耐, 不過, 佢係要排到先同我講, 黑糖珍珠用完, 重新煮要多半個鐘😒😒.同埋原本我係想買愛情動作草莓🍓冰, 佢話賣哂, 問多幾問, 佢話全部水果冰都賣哂, 得返藍莓香蕉冰, 咁點解唔大大隻字寫出黎, 唔好等人空歡喜🤒.原本就係為左佢個珍珠排隊, 無奶油唔等埋佢. 同埋因為我等到就黎變人乾, 極需要飲返D水果類解渴, 所以雖然我對藍莓香蕉冰無咩興趣, 都照叫左一杯.發完牢騷, 講返杯野好唔好飲先_____________________🔹啵爆黑糖厚鮮奶 $36一到手個下, 其實都幾失望, 滿心期待佢既黑糖漿會好似老虎紋咁, 咁唔飲得都睇得嘛.點知見到既就係珍珠上面一大層解奶同奶泡, 面層再曬左中間一圈既黑糖粉, 一D都唔髒髒, 老虎紋基本上係睇唔到.佢D黑糖呢, 應該係走錯左位

見呢排咁hit，時間尚早，又冇乜人排緊隊，經過試試。好彩只係排半個鐘，我同老公一致認為奶茶無茶味，火龍果珍珠同一般珍珠一樣，無特別。原本想買黑芝麻珍珠，可惜已售罄要再等30分鐘，好彩無等，唔會再買😑個餐牌D字好細，基本上要排到埋5個以內先睇到，建議放大餐牌，或再多放餐牌在後方。一定唔會再浪費時間排隊，因為唔使排隊嘅仲好飲😅雖然杯飲品非常一般，但職員態度好好，非常有效率，條隊一直向前移動，職員年輕亦面帶笑容😊👍🏻

第一次飲台灣飲品係覺得排半个鐘隊之後仲要等4-5个字係冇說話聽！飲完之後係上癮！買左7个唔同年既每樣飲左啲！愈飲愈想飲！草苺牛奶飲既時候係好似飲近小朋友時候飲既草苺牛奶！超有回憶！！仲有6个唔講了太多太好飲了！飲咁多台灣飲品最愛係佢！不能講笑！聽日要再買

台灣過江龍，納豆經營的飲品店，開張第二天來潮聖，晚上9:30， 長長人龍由排隊直至飲品拿到手大概40分鐘，由於晚了關係，草莓沒有了，最後點了招牌的咇爆黑糖厚鮮奶（忘記價錢$3x)和火龍果珍珠奶茶（顏色美所以選了.價錢$2x）這個是咇爆黑糖厚鮮奶，拿到手時下底的珍珠層還是熱熱的，這個珍珠有咬口，黑糖甜度適中，但鮮奶味道幾乎沒有，只有很淡的奶味，$3x 來說是不值，味道真的很一般這個是火龍果珍珠奶茶，這杯選了微糖和少冰，粉紅顏色很美，飲前要先把杯倒轉，這杯是完全沒有味道，珍珠是完全沒有味道，哪來的火龍果味？？失望致極，真是影相好看而已，可一不可再

見岀面熱熱地 買左杯愛情動作草莓牛奶 排左半個鐘有多 同我落單落左10分鐘 仲要等餐懵 結果到手既時候一飲 可以係對面街既m記排5分鐘就買到士多啤梨奶昔囉 佢仲要貴左3倍價錢 沒有下次 完全5值得排甘耐 5知大家飲完係咪同我一樣感受呢？

今日去左荃灣，咁岩經過，見到人山人海咁排隊買野飲。女朋友話呢間新開就排下啦，新屎坑總有幾日香。排左45分鐘同佢講買兩杯啜爆奶茶，佢話要等多10分鐘都唔介意，問題黎啦。d單亂到七彩，落單由兩杯變左一杯，真係燥左。叫單又飛左我個號碼叫後面既拎先（同一飲品)講返杯野飲,其實黑糖珍珠係煲得幾焾既，奶茶上面既奶都新鮮，不過排隊同亂單問題嚴重，希望有改善，$36黎偏貴。性價比低。