良辰吉時 (已結業)

又一台灣過江龍茶飲店，良辰吉時早遍佈台灣，現於香港插旗，但睇黎都唔太得港人歡心。(可以睇下openrice/ instagram食評)今日趁住大雨唔太多人，去買左一杯signature啵爆黑糖厚鮮奶。店員嘅服務態度真係好好，即使落晒大雨好多客人等緊 (仲要唔知邊條隊係落order邊堆人係等緊嘢飲)，但都好用心為客人講佢地order嘅飲品嘅飲用方法。但呢杯bubble milk嘅質素真係有待改善。先說佢嘅飲用方法，支飲筒嗰個窿插落去係會扁左，珍珠過唔到個窿。。。。kick住係中間飲唔到真係令人好無奈。除左珍珠太大筒太幼外，另一個問題係啲珍珠痴埋一舊舊，咁就一定食唔到。味道方面，因為係無得調較甜度 (巿場上大部份黑糖飲品都係)，所以都預左會好甜。奶香同黑糖拌勻後，個比例都ok的。但始終啲珍珠軟淋淋 煮過頭，無乜𡁻口，都唔太好飲，唔值得為佢排隊。