良辰吉時 (已結業)

落雨斯濕走去排左一輪隊，終於買到呢杯網上吹得好行既 良辰吉時，話說我好鍾意飲紅茶，就叫杯阿薩姆奶茶Try Try 啦，買完企向吧枱前面等，見到一樽樽既茶包都心知不妙。係tea bag 唔係t back 呀！！見到咁既環境，都預佢茶味應該會比較淡，點知難飲到出乎意料。一d 茶味都無，冰既分量又唔夠，唔知以為自己飲緊奶水，仲要係室溫既，尷粗啜左1/4杯，真係忍唔住掉左佢，雖然大拿拿廿幾三十両，掉果下都覺得大嘥鬼同我握緊手🤝但諗諗下，自己就算願意犧牲腰圍，都要犧牲得有價值，如果唔係點對得住日日練習既平板支撐呀！！總之呢，呢間野，伏味濃過血液。條人龍點出現？！咪就係因為d 店員手腳慢，叫呢樣就無呢樣，焗你飲佢d 所謂推薦，都係糖水溝色水果d 飲品啦😢堪稱飲品界既明將壽司，想同三五知己結拜既，咪去排下囉。By 市井大文豪