良辰吉時 (已結業)

話說男朋友放工去排隊,買就排左15分鐘左右,其實人龍已經比一開始少左一大半,可能網上劣評太多，但都係心郁郁都想試（你睇緊都應該係咁諗），所以就老點左肥仔去排啵爆黑糖厚鮮奶 $36呢杯係最出名啦，咁叫左呢本心諗唔會伏掛？就係用明治牛奶沖，其實好多咖啡店果d都係用呢個沖。最頂有層鮮奶cream，個人覺得好薄，唔知想扮芝蓋定點，都算有d特別既。個底d黑糖好多，太甜，因為飲過ｃｗｂ既老x堂，就覺得有個對比。其實好中肯又覺得未至於劣評，但係奶就咁奶，唔太滑，再加d黑糖，就真心普通。唔好太高期望就唔會好劣評架啦。。下次唔再老點肥仔去排隊，e家一係就好熱,一係就大雨..係條街到餵晒蚊。

之前見新聞有報道過，親眼又見到好多人排，所以點都要去試吓。咁啱嗰日見到條隊唔係好長，仲洗猶豫，即買！ 買啲乜？ 梗係啵爆黑糖厚鮮奶。等左大約10分鐘就有啦，比預期中快好多。不過杯野冇得揀甜度，所以我認為有少少甜。不過杯野入邊有啲焦糖，飲嘅時候會食到啲焦糖片，ho yummy! 杯飲品比平時啲珍珠奶茶貴，但間中飲都唔太過份，我諗我都會再去飲過。

這天經過荃灣，想看看網絡瘋傳的良辰吉時有多麼多人，結果可能是下午時分，只有小貓三四隻在排隊，我便二話不說衝上前排隊試試它們的飲料。結果排了幾分鐘就到我了，我便叫了招牌啵爆黑糖厚鮮奶及火龍果珍珠鮮奶茶，平均大約30元一杯。下單到領取飲料大概要15分鐘左右。以下就是招牌啵爆黑糖厚鮮奶，店員說不用攪拌就可以直接喝。結果喝下去第一口就有驚喜，上面有一層厚厚的奶泡，黑糖味濃，加上鮮奶不會太甜，味覺剛好但可惜喝到後半段，覺得珍珠太多，咬得很辛苦。而且整杯的溫度不多凍，夏天飲會覺得太熱，沒有清涼的感覺。不過也可能是因為珍珠是現煮的關係吧。至於右邊這杯就是火龍果珍珠鮮奶茶，一開始照相覺得很漂亮，有漸進色，有少女的感覺。可以一喝下去覺得十分失望，沒有火龍果味，珍珠也沒有特別，奶茶味很淡，不好喝，完全不合格。好看不好喝！

見佢哋嘅包裝幾吸引又係新店諗住買杯嚟試吓啦，我哋至少排咗45分鐘，其實周圍有好多新開嘅牌子都唔似佢咁多人以為佢好好飲，裝修就比唔上隔離嘅東喜茶，價錢又貴過隔離嘅貢茶。其實香港人就係咁鍾意去試新野，跟風。買左一杯抹茶鮮奶珍珠，第一啖嘅時候真係令人失望，杯野好難飲有少少苦味，珍珠又硬，無茶味，同埋價錢都唔係平，見到隔離都有個人話距杯珍珠好硬，珍珠又無味，以後永遠唔會再幫襯！我都係鍾意飲台式飲品既人，建議大家都唔好咁戇居去排隊

荃灣路德圍之所以成為人氣揾食square, 除左因爲地方超就腳, 仲經常帶俾人新鮮感(久不久就有食店落户). 聽聞開左間台式茶飲店梗係要去試試, 門口如常地多人等, 無一般茶飲店嘅化學飲品個祲馟(涂). 亦見到店內一盒盒Meiji牛奶🥛, order時, 店員話杯”愛情動作草莓牛奶”製作需時, 我地就去左買底雞蛋仔再返去拎. 愛情動作草莓牛奶 （HKD32） 先來一聲Wow！望落好thick嘅士多啤梨🍓Smoothie, 仲有一片片士多啤梨🍓, 顏色Natural, 無特別要求甜度, 但照計如果用新鮮士多啤梨🍓打出嘅smoothie應該無得adjust甜度. 飲啖先, 嗜甜嘅老公猛話好飲, 我就覺得Syrup重手左, 算係真材實料的一杯. 宇治抹茶玉露鮮奶（HKD32） 真係好似張圓個杯呢! 掛喺杯邊嘅黑糖好有藝術感, 以微甜又Q軟的綠茶珍珠墊底, 每啖都飲到珍珠. 面頭綠茶粉雖然已俾我Shake匀, 但綠茶🍵味非常欠奉, 主要甜味都來自黑糖. 整體味道OK！ 都想俾佢地老闆知道員工好俾心機+耐性去整d飲品出黎. 出Order快而準.

荃灣地膽話佢屋企附近開左間由台灣綜藝主持納豆開設的茶飲專門店—「良辰吉時」， 你知啦，珍珠奶茶呢家野一向大熱， 成日有咩台灣過江龍，點點點…… 唔試點做foodie！？ 呢到款式超多， 就咁睇已經有成50多款～ 有鮮奶茶、果茶、用外地茶造的鮮奶茶、用鮮果打成的果昔， 另有台灣本土茶農的手工茶葉， 如紅茶、青茶、 綠茶、鐵觀音、黃金烏龍等， 風味挺地道！ 配料都幾多樣化， 除主打4色珍珠，包括白玉、抹茶、火龍果和黑芝麻珍珠以外， 還有不少台式配料：花生仁、紅豆、薏仁、大芋頭等， 其實，仲有好多特式飲品， 不過真係唔係好睇唔明， 不過問到店員嘅時候，佢地都唔知係乜， 所以我都唔知點講落去…… 好啦！介紹左咁多， 客觀黎講確實讓人花多眼亂，目不暇給，好吸引呀！👏🏻 不過呢，我中左伏！☠️ 見火龍果珍珠幾特別， 所以我就買左杯火龍果珍珠鮮奶茶（$26） 茶味完全被奶味掩蓋， 口感順滑，但味道係鮮奶，說好的奶茶呢？ 粉色火龍果珍珠顏色造得相像， 口感比較硬，唔係煙韌嘅口感，而係好癡牙！ 唔講唔知，講完都唔覺嘅火龍果味。😮 整體來說，係幾大杯， 不過味道較為遜色， 最大嘅問題係，我飲完之後就肚痛

平時好鍾意飲珍珠奶茶，行過見呢間良辰吉時新開又多人排隊，就一於跟住排隊試下啦。叫左杯抺茶珍珠鮮奶茶，好淡好淡好淡😓😓😓無茶味，好似飲緊奶水咁，d 珍珠又唔好食，有部分珍珠好粉，要吐出黎，唔會再試！！！

舊年年底去台中旅遊，就已經一街都係黑糖飲料，有幾間當時好多人打卡，原本書籤左納豆的店良辰吉時想試，依著開門時間到店，但竟然未開…嬲嬲地唔等，事隔半年喺荃灣開店，黎緊喺元朗亦有。最初開都有好長人龍，基於唔係必定要試，唔想花時間排隊，以免同期望有落差。之前睇過無數踩到落地底嘅評語，不過都要試過先知啱唔啱自己。是日陪另一半喺附近睇完醫生，即管行過黎睇下，可能因為係平日再加上落狗屎，完全冇其他客人，輕鬆試到餐牌分原茶、鮮果飲、鮮奶、果昔、奶茶等，定價$15-36，分中/大杯裝。大部分可選甜度、冰度。配料有芋頭、多款口味珍珠。黑糖鮮奶未有於餐牌上顯示，唔明用意，甜冰固定。啵爆黑糖厚鮮奶 $36以黑糖產品以言，暫時試過最貴係呢杯，先唔敢味道，定價肯定進取，難怪有咁多人排個幾兩粒鐘後會表示唔值。飲品到手時非常熱，黑糖佈滿杯邊，算係幾完整，仲好似故意整污糟埋杯蓋般。面頭有一層黑糖奶霜、黑糖粉，按建議先飲呢層，其實冇咩特別。雖然係明治鮮奶，但唔覺得特別濃，可能因為呢度用嘅碎冰，融化較快，令奶冇咁濃郁，仲一路食珍珠一路食到冰碎黑糖合格，即使直接飲我都唔覺得甜到嘔，當然啦，接唔接受都係主觀感受，皆因我係螞蟻

荃灣搵食again 唔洗排隊我就試下先🤣👀之後行過見到人山人海，我既原則係排隊既野，我都怕怕的😌所以見今日唔多人！好啦😎我拎個銀包出黎啦😎試新野先！🤔🤔🤔🤔宇治抹茶玉露鮮奶 （$32.但係無得選擇甜同冰度😭）杯邊有好呃like 既黑糖邊👀 玉露係白珍珠，都好有咬口既！同埋份量都多佔1/3都係玉露wor!抹茶味偏淡，但奶係好飲既，佢地話用100%日本奶❤️ ! 無得選擇甜度不過都唔會太甜接受到既！愛情動作草莓牛奶 （$32)佢個名令人有無限既幻想🤭🤭🤭🤭🤭🤭超濃既草莓味🍓🍓🍓🍓🍓🍓呀！！！不過係甜左d 但3杯中lee 杯係最好飲🤤🤤🤤i like it!! 沙冰feel 既草莓🍓🍓🍓🍓🍓🍓牛奶！大大推介！唔錯！期待佢出新野🤣🤣🤣

今日去元朗果間分店，諗住正丫，唔洗落荃灣買。去到無乜人排隊，落緊單果個好似買好多杯，佢後面排左一家人，條隊奇奇怪怪咁唔知點企，都算。之後個𡃁妹掟野，果家人就行開左，另一個女人就扮哂野企我隔離。前面買好多杯果個買完，個女人竟然行上前打我尖，個店員照幫佢落單wtf！我即刻問店員你條隊其實點排，個店員竟然呆左企係度唔出聲。打我尖果個女人仲要話「咁你先囉！」乜依家打人尖仲可以咁理正氣壯？我寧願出遠啲去荃灣買，起碼我知條隊點排唔洗俾人打尖！

呢間野好似話係台灣一個藝人開架，次次夜晚經過都排隊排到傻..大熱天時真係唔好叫阿姐企街等啦..呢日晨咁早行過見到冇乜人，係機會啦飛雲首先乜都唔講，企收銀位個男仔好好人好親切我第一次去珍珠奶茶舖係見到有STAFF係好笑容同有耐心比建議你，唔係叫你企埋一二便下個先或者黑住面等你睇完個MENU好多杯都想試架，不過第一次當然係要試左招牌，近排大熱嘅黑糖珍珠奶先啦等左五分鐘就有啦，以三十幾蚊而言如果可以大杯D就仲開心；因為倒水咁大雨所以冇手即刻幫佢開光有D可惜。番到公司之後發現原來杯有四分一係泡即係又再飲少左不過平心而言，黑糖好香，食得出係炒過，我仲忍唔住舔埋個杯蓋..不過可能因為放耐左，珍珠過左最新鮮出爐最正嘅時候...對唔住呀！！下次要試埋佢個宇治抹茶珍珠呀

見到雜誌介紹新開嘅台式飲品店，放工所以黎試下。今日都唔係太多人排隊，但都要等三十分鐘左右先買到，好似係一位台灣藝人開設。店內的飲品選擇都幾多，叫咗火龍果珍珠鮮奶茶，飲品會有幾層顏色非常靚，珍珠係粉紅色嘅好特別，飲之前要將奶茶攪勻，所以要拍照就要喺飲之前，因為攪勻之後會變咗奶茶色。至於味道方面，就冇太大驚喜，都算過得去嘅，珍珠都幾好食，店員會詢問糖嘅比例同冰嘅份量，可以自由選擇。今日叫左微糖，咁就唔會太甜。

之前都幫襯左幾次, 感覺出餐速度加快左, 無之前大排長龍轉晒灣咁驚嚇 (好似谷人氣咁...kaka)果日再買左佢地既招牌波爆鮮奶, 邊等邊睇下佢地製作, 整完花紋(整色整水)然後落珍珠再攪一餐, 最後淋奶....Anyway, 飲落鮮奶味好濃, 其實都幾得

工作關係到了荃灣，大熱天時好想飲一杯冰凍茶飲，到了力生廣場附近，見到有好幾間茶飲店，良辰吉時的排隊人數超多，排都快要上天橋。本住羊群心理，我都唔執輸排埋一份。試左火龍果珍珠鮮奶茶，買的時候我以為會有火龍果汁在內，點知原來只係講緊奶茶底裏面有火龍果珍珠，我仲加咗抹茶珍珠，試一試，發現茶味很少，似一杯稀稀的奶水，所有珍珠完全係極度失望，一啲味都冇，花了我30大元。我想這間店舖主要是藝人效應，吸引大批人來購買，希望店舖可以改善一下

今次，已經係我第二次飲波爆黑糖珍珠厚鮮奶😍我上一次飲完之後，一直都係到回味緊，成日都好想再買黎飲，但每次見到條長龍都放棄左，今日有朋友特登去買，我當然老實不客氣叫佢買埋比我啦🙈🙈🙈波爆黑糖珍珠厚鮮奶，同上次一樣都係叫少冰少甜，味道剛剛好。無人地所講會甜到飲唔到或者難飲，啲珍珠好好食，厚鮮奶加埋黑糖原來係好好飲，雖然價錢係比較貴，但偶然飲下都唔過份丫，不過唯一唔好既係，今日個杯唔知點解少左咁😢😢明明上次無呢個問題。雖然係，但我仍然會再飲😆😆😆