良辰吉時 (已結業)

最近有幾間台灣的過江龍珍珠奶茶相繼在香港開店，平時都幾中意飲珍珠奶茶。今日就特登去荃灣試下呢間手作珍珠店。聽講話系台灣藝人納豆開的。去到排佐一陣隊就到我了，沒有傳聞中的一個鐘。宇治綠茶珍珠奶茶同火龍果珍珠奶茶。兩杯顏色都好靚。綠茶濃郁，加上鮮奶，口感好好。火龍果珍珠裡面飲到有黑色的火龍果仔同杯茶有火龍果味。珍珠用火龍果做的，比起其他珍珠健康，Good。值得一提，該店有四款不同種類的珍珠任君選擇。仲有芋頭，紅豆，花生選擇，啱嗮貪心的我。好難得搵到一間啱我口味，滿意的珍珠奶茶店。

尋日去荃灣行街，行到路德圍附近，見到間良辰吉時，聽同事講過話好飲。雖然減肥中，但都係想去試下。人龍不算太長，廿幾分鐘左右就到我。叫左兩杯野飲，menu好多野揀，仲有沙冰。我叫左杯火龍果珍珠奶茶，朋友叫左杯芭樂梅。火龍果珍珠奶茶顏色勁靚，d珍珠煮得剛剛好，唔硬，好煙韌。奶茶甜度可以自由選擇。原來用日本明治鮮奶，飲落奶茶好香。試左fd杯芭樂梅，酸酸甜甜，天氣消暑勁正。味道同系台灣飲的一樣。總結黎講，兩杯野飲都滿意，會再幫襯。

呢排興起飲黑糖珍珠奶茶，呢間良辰吉時聽講要排一個鐘，放假即刻黎試下。去到見到排隊人數唔多，只有十幾個人係前面，拎左餐牌...我望左好耐都唔見有黑糖珍珠奶茶個名，都搵唔到佢賣幾錢一杯，但係周圍既人都拎住呢杯野，我就上網搵下佢個名，原來佢叫"啵爆黑糖厚鮮奶"。排左3個字就買到啵爆黑糖厚鮮奶$36杯野飲最面層有泡沫，珍珠有用黑珍煮過，咬開珍珠會有濃濃黑糖味，而且有足夠既黑糖溝埋d 都好夠味，不過珍珠淋左小小，價錢有小小貴，但我都覺得好好飲。可能有人會覺得太甜，但我覺得呢樣野好睇個人口味，都係要試左先知岩唔岩飲。

呢幾日天氣好熱，特登由藍田走到荃灣試新開冇耐的良辰吉時，招牌橙色好醒目，容易搵。中午去到人龍已經冇啱開張嘅時候咁多人，買佐三杯茶。荔枝英式伯爵鮮奶茶，火龍果珍珠奶茶同招牌黑糖波霸鮮奶。由排隊到擰茶四個字左右，都算快。如果唔係前面有人買佐七杯應該會更加快。珍珠有四種選擇，火龍果珍珠顏色好靚，仲有火龍果仔，口感好好。黑糖波霸鮮奶的黑糖珍珠口感較有彈性，煙煙韌韌，亦唔黏牙，店員建議先飲面的厚鮮奶再用飲管攪勻飲。珍珠每日新鮮人手造，有誠意。店舖注明使用日本明治鮮奶，鮮奶溝黑糖珍珠奶味濃郁 正。唔系用奶精健康d。黑糖味好香。最意想不到的是荔枝英式伯爵鮮奶茶，好好飲，不太甜，每飲一啖都有荔枝味。同行兩個朋友都話好飲，會再黎飲。最後，D飲品好大杯。

🥤啵爆黑糖鮮奶（$36)終於試到呢間 #良辰吉時 喇☺️ 見到佢既負評真係好多，我都想試下係咪真係咁難飲😂 由落單到拎上手就大約20分鐘左右，唔算排好耐。黑糖既紋理都幾靚，店員話飲左面頭既厚鮮奶先，但就無乜味，之後就攪勻飲，黑糖味濃郁既，但就比其他同類飲品係比較偏甜，亦係我飲過最甜既，咁就視乎你好唔好甜喇，你唔受得甜就唔建議你飲。而鮮奶奶味好滑好香，配上甜甜既珍珠其實都幾好飲，而有一樣野佢係比其他優勝既，佢比較少冰，唔會溝淡啲味。整體價錢貴啲、味道偏甜、排得比較快，值唔值就真係見仁見智，我覺得還好啦。

已經比岩岩開少左一半一排，下午3點左右排, 唔駛20分鐘買埋拎埋野飲,但真係期望愈大失望愈大。啵爆黑糖厚鮮奶 $36其實３６蚊真係有D貴，但要係唔大杯，２百ＭＬ左右，係用日本明治牛乳，上面有一層鮮奶打成既cream，但超薄！一D都唔夠CREAMY !! 得個奶味，個底d黑糖又太甜，普通到爆！ $36真係太貴!!仲叫左杯宇治都唔知係未用粉沖，都唔係好濃，但D珍珠係幾好食,幾有咬口但都係果句,.... ３０幾蚊真係有D貴唔值!OVERAL 唔值得排隊..第2係,..唔駛排隊都唔會成日飲, 因為價值定價太高,但冇同等既質素。

黑糖厚鮮奶珍珠成36蚊以為好好飲點知同人地26蚊一半同一個味而且唔夠凍，本身d珍珠係暖，搞左佢d冰就無晒黑糖珍珠過甜，外觀同佢廣告完全唔同，無豹紋厚鮮奶以為係奶蓋，點知係普通鮮奶。。只不過有層焦糖綠茶鮮奶，好大陣粉味。。店員叫我試半糖。。但好似飲粉水無甜味同綠茶粉好難飲無可取地方，22蚊比多佢

作為珍奶控對於每一間新開既珍奶店都好想去試😍良辰吉時當然唔例外成為其中一間🤔當日公眾假期 條隊唔算長 大概排左20-25分鐘就買到買左杯打卡之選既黑糖珍珠奶茶❤️黑糖味道幾濃郁 珍珠亦都有咬口Q彈Q彈重點係佢既甜 唔會令人飲一啖就甜到唔想再飲對比起以前係香港試過既黑糖珍珠奶茶佢算中上🙊而第二杯就叫左宇治抹茶鮮奶茶加抹茶珍珠(+$4)😭本身好有期望但當期望越大 可能失望越大抹茶珍奶先講口感好似未煮熟 內芯仲係硬既 味道方面就完全無抹茶味 好似食緊無味硬粒抹茶鮮奶即使攪過幾次抹茶粉同鮮奶都係好separate飲落去一大啖抹茶粉☹️真係可一不可再

宇治抹茶鮮奶 + 火龍果珍珠 | $26抹茶飲到成口粉 打唔勻 亦唔幼滑😰 十分奇怪‌～ 而抹茶味一般...火龍果珍珠口感都幾煙韌 可惜並冇乜火龍果味 正正常常～整體黎講 杯飲品外表好靚（影相一流） 但味道就... 起初見都幾多人排 就懷著幾大期望去試下... 果日係平日既4點 都有人龍 以為係好好飲🙈 全程都用左15分鐘先飲到... 可惜 中伏了～ 但買完之後都係人龍不斷...如果再去果邊 我都係飲返其他算😳 起碼都幾好飲 又唔洗排...

平時好少黎荃灣 突然發病 好想飲返杯珍珠奶茶 行過見到有堆人 就決定試下新野 等左陣 其實有d想放棄 好熱 但又心郁郁好想飲就堅持下去 買左杯豹紋珠奶 本身都無咩期待 但見杯野幾靚 緊係打打卡先啦 飲落去 宜 唔錯喎 香嘰 d珍珠煮得幾好 唔會痴買一舊舊 好有口感！轉過頭朋友黎到試左淡都話正 食完飯朋友就去買左杯 個陣重多人排左 朋友試左杯士多啤梨xx？都話好好飲 搞到我都好想試下 係真係值得去等嘰 引已上 下次再黎荃灣都要買返杯 最衰屋企樓下無得買

前日同朋友行經大河道，見間野無乜人排隊，心思思懷念台灣既我，就一齊去排隊想試下杯黑糖波霸鮮奶。落單時先知糖同冰既份量係Fix死左😛 咁間野應該好講究🤩對杯野好有期望。 點知一拎杯野上手，係熱既，心諗中中地伙，當我撈渾杯野飲之後杯野係暖、唔熱唔凍🤧。飲落去好甜好難飲，再加上三十度飲杯暖飲，係我飲過最難飲既飲品之一🤮🤮🤮 非常失望🤧🤧🤧後尾我同行既朋友都同樣話好難飲，所以大家千奇唔好試！36蚊一杯捐左佢比紅十字好過😂😂😂

最近個個都潮聖各地既黑糖珍珠奶茶，我都唔執輸，咁岩見到有人龍排緊，即刻衝去排隊，呢間就係「良辰吉時」啦。門面橙色好易吸引到人，好易望到。飲品種類都非常之多選擇。啵爆黑糖厚鮮奶 $36而最近hit爆既一定係呢杯黑糖啦！幾乎個個都叫呢杯野飲，我都要潮聖一下！好彩唔洗等傳聞既一個鐘，我諗20分鐘就有了。職員好貼心教你點樣飲先為之正確，首先要打開小蓋飲左最面頭既厚鮮奶，飲完之後插返枝飲筒攪一攪佢即可。反而最令我吸引既係佢既鮮奶，係幾好飲既，甜甜地，總之就有奶既味道。而佢既黑糖珍珠就比較甜左啲啲，飲完會覺得成個口都好甜，會想食返啲咸野中和一下。整體來說，要等一個鐘就真係唔值得啦！佢其實比其他既台式飲料更普通！

咁啱經過見到良辰吉時竟然冇乜人排 就即管試吓啦 聽人講黑糖鮮奶唔係幾好飲但係我未試過老虎堂比較唔到😂黑糖落得太多 就算未搖勻都好甜 珍珠偏淋😂怕甜既話就揀水果味啦🍇🍉🍓(右➡️）火龍果珍奶相對淡好多 珍珠味道有驚喜 不過更加軟淋淋😂

最近實在太多過江龍殺到港！黑糖珍珠奶茶瘋狂肆虐！飲都飲唔切呀🤢黎開荃灣，當然要一試呢間納豆開既良辰吉時啦！👀👉🏿✨啵爆黑糖珍珠奶茶 Hkd 36 💸📌上面一層既黑糖有燒過黎，店員就話要打斜飲左啲奶蓋先，但其實飲個層啲燒黑糖已經痴晒係杯蓋，淨係飲到好淡味道既奶蓋😅之後到飲戲玉喇！未飲前已經充份地搞勻左，點知不啖啜落去🙄我X!真係甜左痴晒線，我以為自己飲緊十羹白糖😭真係好甜呀！因為成杯野係都冇落冰，佢啲黑糖珍珠仲係微暖，所以飲個陣神奇地變晒暖飲🤢大佬呀，我咁熱都係想飲杯凍飲，解下渴，你幫我變左熱飲😭姐係點...強烈建議大家可以唔洗試！如果住開荃灣又冇人排隊都可以試，但如果山長水遠特登黎試真心你地飲番天仁茗茶都仲好飲過佢呢🙄

正一地表最垃圾嘅手搖飲料，憑距嘅服務態度就知一定只係掛名台灣人開，因為成間嘢無服務可言。上星期我哋係嗰到買左七杯飲料，有兩杯係火龍果珍珠，三杯係黑芝麻珍珠。一飲落去，啲珠完全唔熟。廿幾蚊飲杯奶水唔熟珍珠。本來都算啦，我諗住都向呢間嘢比少少意見，話聲距哋知有甘嘅情況啦！距哋起初就已讀不回，後來再話距哋，就問我拎個電話話會跟進。如事者，電話就拎左啦，幾日都無人打過來跟進。幾日後兩message 去話距哋，就話距哋有聯絡我，但聯絡唔到，但我無任何miss call。又幾日後又話再打過比我，又話聯絡唔到。我再係距哋fb留言，現在仲block 埋我，唔比我留言。這樣的服務實在太差了