船渦

营业中

休息中

九月份都著短袖，不過已經開始想食啲熱辣辣嘅嘢。今次就揀咗呢間一人蒸鍋，因為疫情關係，好多餐廳都用膠板隔住，呢度就用竹簾隔住，別有一番風味。套餐包括幾多嘢食，我就揀咗八府巡按套餐，有十款海鮮咁多，仲有肉同菜。有寫明蒸嘅時間。自己蒸都幾方便，海鮮鮮甜，蝦肉係爽彈清甜，唔錯！肉類就正常，蔬菜款都幾多。最後食埋粥，煮到綿滑香甜，食完熱嘢最後仲可以自選雪條。我同朋友都幾滿意，食到海鮮的原汁原味，服務都幾親切。

船渦是全港首創1人蒸氣火鍋，終於唔使同人夾時間就可以食蒸氣火鍋就一個人去食呢個首創1人蒸氣火鍋啦！刑部尚書一人套餐，做緊團購，價錢是$98(原價$130)今次用埋Openrice 的 Mastercard x 餐飲券迎新優惠 (只適用於6月30日或之前綁卡之用戶) 再減$30星期六中午以$68食到呢餐，真係物超所值刑部尚書一人套餐:6款時令海鮮、可選粥底，麵底或和風珍珠飯！套餐包括一份時令海鮮，共有6款，黃金蚌、鮮蝦、白蜆、大蜆、蟶子BB；蟹(半隻)、鮑魚、元貝、蟶子皇 (四選一)，我選了鮑魚。精選肉類一份，可選雞腿肉、美國肥牛或豚肉片，我選了美國肥牛；仲有特選蔬菜同雞軟骨餃子！最後可從粥底，麵底或和風珍珠飯三款選配一款，我選了原味魚湯烏冬麵！所有嘅食物，海鮮、肥牛、蔬菜都好新鮮，蒸熟左嘅海鮮好鮮甜雞軟骨餃子即叫即煎，熱辣辣送上，好味道。蒸完海鮮同職員講加魚湯，就可以煮烏冬，烏冬都係冰鮮、幼身果款，好味道分量剛剛好夠一位女生，轉頭再去食下午茶就啱啦

係銅鑼灣晏就食個粥底海鮮鍋估唔到一百蚊都唔洗就食到😛，連埋加一團購價$98真係超值！/一人套餐份量相當足料，包括六款時令海鮮🦀，包括大蜆、白蜆、鮮蝦、蟶子bb、黃金蚌，而蟹、元貝、鮑魚及蟶子皇則4選1，另選肉類一款🥩，仲有份蔬菜🥬同一客雞軟骨餃子🥟，最後可以選擇要粥底、粉麵或珍珠飯做結尾，選麵更有得加魚湯😽！/座位採用一人一蒸氣火鍋形式，每個座位都有窗簾隔開，感覺乾淨，每張枱上設有計時器⌛️同貼上海鮮時間表提示蒸煮時間，海鮮都總括幾新鮮，元貝大大隻夠鮮甜只有白蜆差少少🤏，粥底會有南瓜芋頭滾得軟腍再吸收晒海鮮精華，超豐富，最後仲有雪條做結尾，飽到上心口呀！食物是不錯👌🏻，但可惜服務態度真係一般😟，由訂位到食到埋單都感覺唔太舒服，下次回頭都係要考慮一下🧐

銅鑼灣非常抵食的蒸氣火鍋！我和兩個朋友買了午市餐飲券，非常抵食海鮮非常新鮮。如果是女仔食的話，午市定食的分量剛剛好。餐廳環境乾淨利落，我坐的位置剛剛可以見到新鮮嘅海鮮，增加食慾！

話說早排在openrice見到$98優惠券可以食到海鮮蒸氣鍋就立即買左2張同朋友試下，估唔到超級驚喜！疫情期間我諗大家都好注重餐廳嘅衞生情況，呢度最令我放心嘅就係佢每一個位天花板都安置左木布簾(其他餐廳真係可以參考下😆)，咁樣就唔怕隔離/對面d飛沫噴到自己，食都食得安心，仲令成間餐廳多左一份古色古香嘅味道添。食材新鮮，$98有鮮味十足嘅鮑魚，蝦，肥牛，麵底等，份量又唔會求其。另外，作為煮飯白痴的我，枱上好細心有曬timer同guideline教你要蒸幾耐，而且等待野食熟嘅時間又唔長，好快食得！下次一定會再去食😋

一晚見到兩隻曱甴。第一隻太大，喺枱啦度爬出黎，嚇到即時彈起，想影相已經俾佢走甩咗。第二隻細啲，係啲食物度四周圍爬，激到嘔心，奉勸啲食物要睇清楚先好食，菜好明顯冇洗乾淨。隻鮑魚都係臭嘅（唯一一樣野投訴完有反應, 肯換返隻正常無壞既）。曱甴，昆蟲嗰啲投訴完當冇事發生。服務態度極差，差到從來唔留食平嘅我都忍唔住要寫。去唔去閣下自行考慮。但咁嘅衛生環境同咁嘅服務態度，不可一不可再！

成日都好想去食海鮮蒸鍋, 可惜身邊朋友好多都對海鮮無興趣咁啱之前係FB見到原來銅鑼灣有一間食海鮮蒸鍋既餐廳, 仲要係可以ORDER一人份量!!簡直係為我而設咁, 諗都唔洗諗, 搵左個平日既Lunch去食價錢唔算貴, 環境都幾舒適, 仲可以落簾將自己與世隔絕, 真係好啱一個人黎食既客人海鮮都幾新鮮, 份量剛好, 唔會俾勁少份量你蟹身有膏雖然唔多, 但都鮮甜貴妃蚌、海蝦、魚片都唔會揸流攤, 同樣係新鮮靚仔套餐除左有海鮮之外仲會有豬牛雞肉俾你揀仲未完架~仲有粉麵俾你加落湯底煮黎食, 真係夠哂飽我咁大食當然唔會淨係食套餐啦仲加左錢散叫一份蟶子bb同一隻斑馬瀨尿蝦蟶子bb好鮮甜, 無沙, 真心推介斑馬瀨尿蝦好大隻, 仲有好多膏而斑馬瀨尿蝦係出名厚肉得黎又鮮甜既呢隻瀨尿蝦無失職, 肉質真係超鮮甜, 啖啖肉, 真係勁正估唔到呢個價錢可以享用咁高質既蒸海鮮, 下次想食海鮮既話一定會再黎呢度!

今日朋友帶我去食蒸鍋，我都係第一次試一人一鍋嘅蒸鍋。都幾特別，尤其係近排更加要注意衛生安全。座位分隔佢地無需要用膠板，因為佢地本來就有竹簾隔開，都幾好。我點咗一個內務總管套餐包括海鮮、肉類及蔬菜三類。我覺得分量啱啱好，海鮮有蟹、鮑魚、蝦等等，食落鮮美。肉類牛肉幾嫩滑，豬肉都唔錯。三色燒賣肉質爽彈。蔬菜盆都有好幾款蔬菜，竟然有我最愛嘅金針菇。最後我揀咗粥底：南瓜芋頭粥。鮮甜軟糯，幾好味！食得幾滿足。下次我都可以介紹俾朋友嚟。

朋友叫我去食時都有諗過會點安排座位，因為如果坐對面嘅話，應該好難傾到計，因為張枱都幾大，咁遠距離要叫到好大聲先聽到。去到係安排坐喺同一邊，咁都幾貼心，唔係真係成晚要whatsapp傾啦。2個人都食內務總管套餐蟹: 朋友非常鍾意食蟹，所以我份蟹交換咗佢份鮑魚鮑魚: 大大隻，幾厚肉，口感豐富，點辣椒豉油食好食黃金蚌: 肉質都幾爽口，無沙蝦: 蝦肉彈牙，好新鮮，剝嘅時候唔會黐殼，食落有鮮甜味加埋蔬菜、牛肉、豬肉、點心，份量真係唔少，最尾仲有甜品，食到好滿足。

之前見朋友係呢度食過亦都發咗相出嚟係ig 而今日又好想食蒸海鮮， 所以就膽粗粗試下佢 ，佢有分幾個唔同嘅套餐 有四個套餐 一個係188 一個298 一個398一個598 ，全部都係每一位去計算， 今日我係叫咗每位398嗰個套餐 其實大致上套餐入面嘅嘢都正常，不過服務態度真係好差 我哋兩個人去食兩個都係揀粥底， 加個粥畀我但係又唔加個粥畀我朋友 跟住我哋嗌398嗰套餐入面明明有蟶子王，但係啲嘢食嚟到見唔到有，我哋主動問佢，佢先話原來今晚冇聖子皇用咗第啲嘢代替。 呢d 野唔係應該主動講？最出人意表係個粥底好似水甘，完全無鮮味。第一次呢隻味既粥底。真係唔會再去

「來擁抱著我 形成漩渦🌀」「捲起那 熱吻背後 萬呎風波🌬」這晚夜進入海鮮擁抱😚被滿滿鮮甜味道包圍住🥰呢度包你有個美滿旅程😆⭐️呢間店裡主打新鮮海鮮蒸氣火鍋，店裡有幾款晚市套餐選擇：九品芝麻，內務總管，八府巡按，九五至尊，價錢分別為：$188、$268、$358及$598。⭐️採用一人一蒸氣鍋形式，抽氣強勁，唔怕打開蒸鍋時，熱親對手。每個位置都幾大，足以放滿成枱海鮮肉類🤩⭐️枱上有紙提示各款海鮮肉類蒸煮時間。座位都有窗簾隔開。八府巡按套餐 $358一大盤海鮮上枱，材料超豐富🤩🦀蟹半隻🦞龍蝦半隻、黃金蚌、白蜆🦪元貝、聖子皇、鮑魚🍤蝦3隻、鮮魚片2塊🍗雞腿肉，牛肉各3塊，牛丸貢丸墨魚丸各1粒🥬蔬菜拼盤：生菜，菇，金菇，南瓜🍚可選粥底或麵底🍧甜品：雪條🙆🏼‍♀️各款海鮮都超級新鮮！🦀半隻蟹，啲蟹膏好多好鮮甜，幾乎滿出嚟🦞龍蝦啖啖肉🦪鮑魚白蜆元貝黃金蚌一啲都唔腥！大大隻好鮮甜，又彈牙，食落會吱啲甜味出嚟重要無咩沙！🍗牛肉超高質！蒸耐咗都唔會好韌，雞肉連皮都幾滑。食哂海鮮店員會收走個盤，張枱就會多啲位🤣呢個時候店員會問可以落粥底/麵底未，粥底會有南瓜芋頭，麵底有4款湯底選擇：原味魚湯，麻辣魚湯，鮮茄魚湯，

平常在尖沙咀吃蒸氣海鮮火鍋最少也要五百元朋友介紹港島區銅鑼灣這間只需接近四百元還設有一人座間隔，一人一鍋，相當衛生又不用爭食醬汁助料區有齊一般的食材套餐不包括飲品，左手邊有熱水可以自行斟用店內使用手機點餐，掃瞄帳單上的QR CODE即可還附上每類食材建議蒸的時間絕不會過熟或過生每人要了一個中價的套餐「八府巡按」 - $358入面海鮮、肉類和蔬菜包羅萬有整個座位連套餐大概這樣子抽風設計恰到好處水蒸氣都向無人的一邊跑去海鮮拼盤: 包括：蟹(半隻)、黃金蚌、貴妃蚌、蝦、鮮魚片、白蜆、鮑魚、龍蝦(半隻)、元貝、聖子皇所有海鮮非常新鮮生猛，快速高溫蒸煮，保留鮮味及水份，咬下肉質鮮甜爽口新鮮得連黃金蚌的舌頭都伸了出來基本上全部都喜歡，特別喜歡的是龍蝦和蟹，兩者的膏帶橙黃色，味道好甘香肉類拼盤: 選了安格斯牛肉及豚肉片，還有雞腿肉可選擇的肉質香濃嫩滑，油花分佈均勻如雪花般，口感柔軟三色點心(豚肉、牛肉、蝦滑)均是手打丸口感較一般的結實而具彈力，味道也較突出蔬菜拼盤包括：金菇、花菇、娃娃菜、生菜、翠肉瓜、粟米、南瓜多種蔬菜清蒸正好中和大量肉類的油膩感最後，可選粥底或麵底麵底: 米線、米粉、烏冬、拉麵、

上次食已經覺得好高質，今次再食一樣高質呀！成個set入面有好多款海鮮，龍蝦同蟹好大隻，好多肉同膏😍 不過留意係半隻既，全隻會食唔哂🤣 另外有好大隻既鮑魚、一堆蚌、蜆之類，仲有魚片同蝦，全部都好鮮甜，好爽口。個餐仲有兩款肉可以揀，一兜菜，同3粒丸（以前係3粒自家製燒賣），最後可以揀粥底/烏冬/其他麵都得，臨走仲有雪條食，我揀左榴槤味環境方面好舒服，如果怕同其他人坐/好逼，位同位中間可以有簾放落黎做阻隔，蒸煮時又有得跟住指示，確保唔係過老/未熟雖然$358個賬面好似好貴，但係咁多款新鮮海鮮，基本上調完個醬我都好少沾，本身已經好好味，呢個價都幾值得去

好耐冇同🐢🍯寶寶食好西，我哋都一樣咁鍾意食海鮮，平時蒸海鮮就食得多啦，今次嚟試下一人一鍋嘅蒸海鮮。佢呢度地方唔係好大，雖然坐得比較密，但係全部都有竹簾隔住，所以唔會覺得坐到人貼人。另外，佢呢度有魚缸，證明所有海鮮都係即撈即劏，唔怪之得全部都咁鮮甜啦。我哋揀咗個八府巡按餐，佢包左10種海鮮，兩款肉，三款丸，一份雜菜同埋一份主食。佢啲海鮮真係好新鮮，無論係魚片定係去到蝦蟹，除咗鮮甜之外，最重要係對應佢個時間教學表係絕對啱啱好。咁多款海鮮真係講唔晒，因為樣樣都真係好好食，我淨係講其中幾樣我印象最深刻嘅。當中我覺得令我好驚喜嘅係佢連啲海蝦都係非常之彈牙，啲蝦嘅膏食落去直頭有蟹膏嘅香味，超好食。而另外佢個龍蝦亦都係爆膏，而且好肥美，啲肉都好鮮甜。至於啲鮑魚，上到枱嘅時候仲係郁㗎，而且佢哋都洗得好乾淨，加埋蒸到啱啱好，絕對冇得輸。另外平時最平平無奇嘅蜆，因為整到啱啱好熟嘅關係，加埋佢真係好新鮮而且冇沙，就咁蒸完即刻食真係好好食。而佢所有貝殼類嘅海鮮，蒸完出嚟嘅嗰啖水，完全係甜到可以當湯飲咗佢。食完海鮮就食肉類，我揀咗安格斯肥牛同埋雞髀肉，佢啲牛唔會好肥，但係就好重牛味。呢雞俾肉跟足佢個時間蒸，蒸完

父親節梗係要食好啲，我哋就叫咗八府巡按餐358一位肉蟹啖啖肉仲有蟹膏超鮮甜黃金蚌，白蜆，元貝每種貝類都唔錯 冇沙 厚肉特別係元貝蒸完之後啲湯汁超正蝦彈牙肉結實 如果係海蝦更加好鮮魚片嗰日係龍躉片 新鮮不過要掌控好時間唔小心整多左幾十秒硬咗少少鮑魚大大隻不過唔算鮮甜 始終而家好多都係養殖鮑龍蝦半隻超大隻龍蝦 爆咗成隻碟龍蝦肉結實彈牙鮮甜仲識郁嘅 證明係新鮮龍蝦即叫即劏安格斯牛肉有兩種食法 可以蒸牛肉或者食到最後嘅湯底攞嚟Sabusabu 又得拎咗去打邊爐嘅肉好嫩滑三色丸豚肉 有驚喜 入邊有啲姜蓉 未試過非常之特別好食牛肉 彈牙手打牛肉丸蝦滑 另外揀咗粥底，食到最後精華會同埋啲粥撈埋 ，鮮甜海鮮粥