影片
港铁铜锣湾站 D4 出口, 步行约2分钟
继续阅读
电话号码
28850268
开饭介绍
以海鲜为主的一人蒸气火锅餐厅，有单点及套餐选择，餐牌更列出蒸煮时间指引，让你品尝最鲜嫩的滋味。座位之间设有拉帘，即使独自用膳也享有私密空间。
继续阅读
附加资料
用餐時間120分鐘
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
以上资料只供参考，请与餐厅确认详情
有关奖赏计划
优惠
9折
八府巡按海套餐 1人蒸气火锅晚餐 - 豪歎至尊海鲜、特上肉类
$439
$488
9折
九五之尊套餐1人蒸气火锅套餐-豪歎刺身、至尊海鲜、特上肉类
$628
$698
相关文章
Bookmark左呢間蒸氣海鮮鍋好耐，終於約左朋友去食😍 每個位都有一個蒸爐，而每款食材要蒸幾耐亦都有講埋，坐底之後見餐廳有好多缸海鮮，新鮮既保證👍今次我地叫咗兩款套餐，第一款叫九品芝麻套餐，海鮮方面有白蜆、大蜆、扁蟶子、蝦、鮑魚同鮮魚片。白蜆帶有淡淡海味又無沙，而大蜆就更加厚實，咬落去口感豐富。扁蟶子肉質鮮甜！蝦就係個人心目中最愛，肉質彈牙，啖啖都是鮮味。至於鮑魚，滑而不膩，鮮魚片更係鮮嫩，整體海鮮質素好高😋 肉類方面，我揀咗美國肥牛同豚肉，肥牛肉脂肪分佈得宜，豚肉都好好味👍第二款八府巡按套餐就更加豐富，海鮮方面有白蜆、扁蟶子、蝦、北寄貝、元貝、鮑魚、龍蝦同鮮魚片。北寄貝口感滑，元貝肉質厚實，特別要提嘅係龍蝦，肉質好鮮甜，蒸完d 龍蝦肉已經好易挑出。再加上可以揀蟹或者蟶子王，揀左既蟶子王肉質紮實，味道濃郁，依個套餐d海鮮更加高級同正😍每款套餐都有小食、沙律同埋蔬菜拼盤仲可以選擇粥底或者面底，職員見你食到咁上下會幫你煮，真係好貼心。食到好飽好飽最後仲有甜品雲呢拿同芋頭味雪米糍😎
继续阅读
海鮮蒸氣鍋唔係新鮮菜式，但要有質素海鮮新鮮生猛，又要服務質素好嘅真係好難搵今日👭🏻孖妹就黎到位於銅鑼灣嘅樓上鋪，主打一人蒸氣海鮮鍋，一共4款套餐選擇，揀左九品芝華套餐+ 八府巡按套餐，平有試貴又試下🫣餐枱上有教每款食材蒸嘅時間，跟住包你好食😍兩款套餐都有沙律同小食同甜品 - 雪米糍(可選雲呢拿/芋頭/芝麻）🥢小食章魚小丸子 /芝麻雞翼，雞軟骨餃子（各一），每樣都係即叫即炸，擺左陣食都仲係出煙🥢海鮮八府巡按餐有白蜆，蝦，北寄貝，鮑魚，元貝，扁蟶子，鮮魚片，龍蝦，聖子皇（1隻）/蟹，每樣都好新鮮！諗唔到有咩唔好食，唔洗點醬汁都好鮮甜龍蝦🦞仲有龍蝦膏🥳，肉質厚啖啖肉，北寄貝肉夠爽口，大蜆同白蜆份量幾多，補鐵一流，蒸完仲好嫩滑👭🏻孖妹每人加多左隻+$1鮑魚，好抵食，超級新鮮彈牙，做緊優惠唔加就笨🥢肉類主要有豬牛雞，揀兩款，八府巡按套餐可以揀安格斯牛肉，+$10可以揀兩份牛，九品芝麻餐就配美國肥牛，兩個餐同樣可揀豚肉片/雞腿肉，肥牛會肥少少，但牛味都幾濃，安格斯牛會較嫩口同瘦啲🥢丸類牛骨濃汁牛丸、薑汁皮蛋貢丸、招牌墨魚丸👷🏻♀️細孖最鍾意牛骨濃汁牛丸，牛肉味勁重爆汁，食到一粒粒牛筋，諗起牛大人果款和牛丸😍薑汁皮蛋貢丸好少食到，薑汁較重但肥豬肉較出，墨魚丸彈牙大粒🥢蔬菜拼盤食左咁多肉類食番菜補充纖維，有粟米、翠玉瓜、金菇、娃娃菜、南瓜同冬菇，好新鮮跟建議時間食好爽脆，南瓜好甜最後食埋南瓜芋頭粥，店員會預先將南瓜粒同芋頭同米飯撈埋一嚿，等客人食哂放落去煮4分鐘，粥都好足料唔hea ，吸收哂海鮮肉類嘅精華，超級甜😍😍 食到超飽超搞唔掂😂✍🏻總評：👭🏻推薦指數：🌕🌕🌕🌕🌕👭🏻回頭指數：🌕🌕🌕🌕🌕👭🏻環境評分：🌕🌕🌕🌕🌕👭🏻服務評分：🌕🌕🌕🌕🌕
继续阅读
今晚同朋友慶祝生日，帶佢去咗船渦度食一人一鍋蒸海鮮。餐廳有活動竹簾分隔每個位置，如果多過一個人就可以拉開竹簾一齊坐，都幾Flexible又有私人空間。我哋兩個人都叫咗「九品芝麻官」（每人$258 ，另加一服務費）。沙律：蟹籽青瓜沙律，青瓜爽脆。章魚燒：熱辣辣上枱。外脆內軟。白蜆，大蜆：兩種蜆類加埋有成十幾隻，隻隻都好肥美多汁。貴妃蚌：肉厚，味道鮮甜。鮑魚：本身呢個餐係得一隻鮑魚，但佢有個優惠加一蚊可以多一隻，咁我哋梗係每人都加多一隻啦。鮑魚新鮮，肉質嫩滑，易咬開蝦：蝦味濃郁。肉質爽彈鮮魚片：係龍躉片嚟。鍾意魚皮嗰層膠質，好彈牙。三寶丸：有牛骨濃汁牛丸，薑汁皮蛋貢丸同招牌墨魚丸各一粒。三款丸都唔錯，當中最鍾意招牌墨魚丸，真係有墨魚粒喺入邊咖豚肉，美國肥牛：肉類各有兩件。豚肉彈牙，雞肉多汁厚肉蔬菜拼盤：款式豐富，有生菜，娃娃菜，冬菇，南瓜片，粟米，翠玉瓜同埋金菇。南瓜粥：蒸完晒啲海鮮之後，職員會幫我哋煲啲已經預備好嘅粥。味道真係好鮮甜。雪米糍：飯後有個甜品，就可以畫上個完美嘅句號喇。
继续阅读
最近朋友約咗我去銅鑼灣嘅Boat Boat Steam，OpenRice上面話有超過800個好評，果然係名副其實嘅人氣王！✨🔥🍽️ 環境呢間餐廳裝修簡約時尚，感覺唔會太花巧，氣氛好舒服～👍最正係佢哋啲蒸氣設備，睇住啲海鮮慢慢蒸熟，好有儀式感呀！👀💨🎯 必食套餐推介：- 九品芝麻套餐🦞：九款招牌海鮮，一次過滿足你嘅味蕾！唔論係龍蝦🦞、花蟹🦀定係帶子，全部都好新鮮～食完有D意猶未盡😍- 八虎巡按套餐 🐟：八道精選蒸海鮮，包括鮮鮑魚、鮮魚同埋蝦，鮮味無得輸🤤配埋佢哋嘅秘製調味醬，味道更上一層樓🎉🤵🏻♂️ 服務店員好Nice，主動又細心，仲會推薦食法😌感覺好貼心，整個晚餐都好開心～💕💰 優惠依家仲有8%折扣優惠📉！用OpenRice Pay仲可以賺回贈～🤩抵食又劃算，唔試真係蝕咗！😎📌 總結：呢度唔單止食材新鮮到爆，連環境同服務都一樣讃✨有機會一定要試吓呀
继续阅读
同朋友去銅鑼灣行完街，諗起上次舅父話有間蒸海鮮喺附近，趁呢個機會去試吓先！佢嘅裝修好特色，每個座位都好有私隱，中間有簾隔住，有點日式風味😎我哋叫咗兩個套餐：八府巡按套餐$468沙律：青瓜絲沙律，沙律醬唔會太酸，好易入口，仲有魚子喺上面，好精緻芝麻雞翼，雞軟骨，餃子都好香口，白蜆比大蜆更甜，一咬落去，啲汁支晒出黎！蝦超級鮮甜，而且肉質彈牙，10分新鮮，鮮魚片是厚切魚片，好新鮮，魚肉實淨！鮑魚煙韌有咬口，超爽甜，鮑魚味好脆，完全係新鮮冇得頂！元貝大大粒唔多縮水仲好鮮甜，北寄貝蟶子皇同扁蟶子有啲嚼口，每一啖都有鮮甜海鮮味！龍蝦半隻仲要勁生猛！擺落個蒸籠裏面仲識郁！蒸完肉質鮮甜，爽口彈牙，好正呀！安格斯牛肉同豚肉片都唔會韌，香牛、豬味，一咬就開，加埋醬料，好得！仲有三寶丸同時菜拼盤，好多食材呀！食完之後，職員拎咗個原味魚湯過嚟，倒喺蒸籠下面，魚湯米線比較清，但係湯底好香鮮魚味！😛水師提督套餐$138章魚燒味道調得剛好，不錯有啲食材e.g. 白顯、蝦、鮮魚片、鮑魚重複提及過，不同的是：貝殼裏的大蜆10分香海鮮味，忍唔住飲埋蜆水，仲有個蜆好軟身，好鮮味！有美國肥牛，蒸肥牛第一次食，好出牛肉味，原來咁整好味喎，打邊爐嘅牛肉喎！特選蔬菜都有2-3 款，蒸菜味道都唔錯喎！南瓜芋頭粥：南瓜，芋頭嘅蓉連埋海鮮汁加埋一齊非常鮮味，完全係甜，粥中仲食到幾塊芋頭，真係真材實料，食咗幾碗，非常好味！😍喜歡食海鮮嘅朋友一定要過嚟試吓！☺️
继续阅读