船渦

营业中

休息中

細佬推薦 見有埋大閘蟹食 就去試吓啦 朋友就叫肉蟹餐 我就叫大閘蟹餐 個人覺得肉蟹正好多 佢仲有幾款唔同套餐價 都可以稱得上 豐儉由人 海鮮就普普通通 唔會覺得好特別反正其他牛肉 牛丸個d 仲正 😂😂 特別係個丸 不過佢個制setting 唔太好 好容易唔小心整熄左個爐 最尾一定係個精華粥底 好好味 🙊🙊 個人幾欣賞佢一人一煲 咁的時勢 安全d 好 加埋佢有啲自閉位 好似無咩朋友如我 想去食蒸氣火鍋 都唔怕尷尬同食唔哂 😂😂 我係有見到人 自己去食 😂😂

同我好閨蜜好耐冇見，今日約咗去銅鑼灣行街、想揀個特別啲嘅午餐，上網搵就見到呢間好多媒體報道過嘅「船渦」。即刻喺OpenRice睇吓呢間，見到有特別優惠，一試無妨，我哋購買左兩張$98。💰各位想去試吓嘅小可愛，記住買完張優惠券，有幾個條件先可以用㗎：一定係晏晝12點到五點（星期一至星期日都用得！記住要去使用呢張餐券用餐嘅「前一日」，要「打電話」去餐廳預約！！（📲一定要前一日打電話、打電話、打電話預約，重要嘅講三次）今日我哋約咗12點去到呢間餐廳。啱啱開門冇乜人。店員帶我哋去安排好嘅座位。落咗簾可以隔開對面，同隔離嘅食客，當然我同我好朋友一齊去，我哋之間嘅簾係拉起左。（就算唔係疫情，大家都可以自在咁享受一個人嘅午餐或晚餐）我幾鍾意呢個設計，令到成間餐廳都好有風格。食物方面，因為我哋係用餐券嘅，店員會幫我哋落單，我哋嘅QR code只用作額外加材料用途。如果唔係用餐券嘅， 就應該會用手機掃描QR code點餐。我哋order的「刑部尚書」一人套餐包括：一份時令海鮮，共有6款。1️⃣黃金蚌2️⃣鮮蝦（👱🏻‍♀️我朋友好驚喜算係大隻嘅鮮蝦）3️⃣白蜆（食落去冇沙，但係我同我朋友都出現有一兩隻蒸咗好耐都唔開蓋嘅

今日係男朋友媽媽生日，我地揀左請佢去船渦食晚飯慶祝。男朋友同佢爸爸食橫行無忌套餐，佢媽媽食九品芝麻套餐，我就食內務總管套餐。整體食物質素ok，但服務同衛生都有待改善。無人教你點用個蒸鍋，點按啲掣，加粥底時又唔睇你蒸左菜未就落，搞到勁多水。侍應亦都好似唔熟習甘，態度亦麻麻。食食下有隻小璋瑯係我枱面到爬過，兩次甘多。星期六第一輪限時食6:00-8:00，其實時間唔太充裕，因為係無人講解下，自己研究左勁耐先識用。橫行無忌套餐$398包括有2隻約重四兩半大閘蟹(1公1母)、白蜆、大蜆、蟶子皇、鮑魚、元貝、蝦、鮮魚片、時令海鮮(青口) 、特色三寶丸(墨魚丸、牛丸、貢丸)、揀左安格斯牛肉同豚肉片、蔬菜拼盤、時日甜品，佢地揀晒粥底。內務總管套餐$268包括有蟹半隻、黃金蚌、蝦、鮮魚片、白蜆、鮑魚、大蜆、元貝、時令海鮮(青口) 、我揀左雞腿肉同安格斯牛肉、墨魚丸、牛丸、貢丸、蔬菜拼盤、時日甜品，我揀左加魚湯落烏冬。海鮮都叫新鮮，蜆有啲鹹，雞腿肉有薑蓉味，其中一粒丸釀住薑蓉，唔係人人接受到。烏冬既魚湯有啲腥。甜品係雲尼拿或芒果糯米滋。好彩買左團購coupon平返少少，total食左$1222。唔會再黎。

朋友請客 帶我來吃銅鑼灣人氣 一人海鮮蒸氣鍋 - 船渦🥰地點在sogo附近 相當方便 易搵！船渦 以最新鮮食材，一人一鍋作賣點。餐廳有晒各種海鮮嘅建議蒸煮時間表而且店員亦有細心提示如何操作方便易明 ...有service 🥰 我鍾意！！工具齊全👍🏼👍🏼🍺 beer 我們食嘅係：八府巡按 套餐 $358蟹(半隻),黃金蚌,貴妃蚌,蝦,鮮魚片,白蜆,鮑魚,龍蝦(半隻),元貝,聖子皇肉類三選二：雞腿肉安格斯牛肉豚肉片*三色丸*蔬菜拼盤*粥或麵底海鮮類大部份都好新鮮 建議蒸煮既時間啱啱好 ... 鮮魚片十分好食 encore 了😝😝安格斯牛 亦不俗 有牛味雞俾肉啖啖肉夠嫩滑👍🏼👍🏼👍🏼👍🏼最後我揀咗粥底有南瓜芋頭配料吸收晒整餐海鮮嘅鮮味100分正！環境唔錯夠晒private 👍🏼👍🏼滿足了食埋雪糕糯米糍！整體來講這個價錢十分高質 ，材料夠新鮮一定會再黎！

之前一路都好想試，今次終於book到位一行三人8:30到達，一入座店員就提醒我哋要用手機點單，我點左$258，屋企人就點左$188，等咗唔使3分鐘已經上菜，所有海鮮要蒸幾耐枱面都有晒指示，每份套餐都有蔬菜，海鮮好鮮味基本上唔使用醬料都已經好好味👍🏻肉蟹好掂👍🏻啲蜆好鮮甜基本上所有海鮮都好掂👍🏻食到咁上下就會有店員幫手加魚湯如果叫粥底會有店員幫手加米同埋南瓜落水基本上我未食過米線已經好飽👏值得再去食😋😋😋

平時係港島區隨便打個邊爐都要200-300一位真係無諗過係銅鑼灣都可以用188$食到海鮮！一個套餐已經有唔同種類既海鮮雖然每樣野既份量唔多但食到最尾你會發現飽到上心口😂😂😂真係大滿足！價錢咁平 質素會唔會一般？本身無咩期望 但食落真係好有驚喜每樣野都幾鮮甜 特別係隻蟹！！真係CP值超高！！另外男朋友仲叫左個$398既set 包埋兩隻大閘蟹 超多膏😭😭😭💖連平時大胃王既男仔去食都話好滿足哈哈！！

星期五放工諗住同朋友食個飯輕鬆下因為想一人邊爐又想食海鮮 諗起聽個人話呢間餐廳唔錯就決定去試下友人嘅左手邊係路口位 我就坐佢右手邊點知點完餐開始食嘅時候 突然聽到友人叫咗聲 望過去 發現竟然有隻小強喺條枱隙到爬咗出嚟 幾秒後就爬番走因為太驚慌 所以淨係諗起要叫店員過嚟 佢嚟到望咗眼 噴咗兩下消毒藥水再問我哋要唔要換過啲食物之後就走咗 如是者成餐飯我哋就不時都會望住條枱隙 食得都唔係幾安樂阿小強之後又走咗出嚟一次 幾秒後又走左到最後我哋食到差唔多尾聲時 突然之間小強又再次走出嚟 (第三次！) 今次佢終於喺枱面留耐咗 所以我都決定影番幅相 (有圖有真相嘛～)先叫店員過嚟一位疑似老闆嘅店員走過嚟 用毛巾拍死佢再清理完屍體之後就走咗 連一句「唔好意思」都冇講過佢呢個態度完全令我不禁懷疑究竟喺餐廳見到小強其實係咪一件正常不過嘅事情🤔然之後仲若無其事叫我地埋單......繼續乜都冇 連「唔好意思」都唔講食物既味道係唔差 但如果可以有小強喺店入面周圍走 衛生情況應該都幾惡劣係 連一間餐廳既基本要求都做唔到所以 除非想再同小強共晉晚餐 否則我諗唔到有乜原因可以驅使我再光顧

作為一個熱愛食海鮮嘅人一定唔會放過呢個銅鑼灣嘅蒸氣火鍋！價錢唔貴 但食物出乎意料地新鮮每一樣都好正！就咁睇好似好少 原來食落真係好飽而且效率嘅極高落單唔使兩分鐘就上咗菜啱曬我呢啲又肚餓又為食嘅人去！HAHA398蚊就有兩隻大閘蟹食 仲要超多膏太滿足了！！！！！！！

終於食左想試好耐既蒸氣火鍋，夜晚套餐選擇只係得幾款，要左個內務總管套餐🤨基本一人份幾豐富足料，蒸煮都以自助形式為主，有簡單既時間紙可以參照，成餐飯都喺度計時好忙😂食左兩個幾鐘後，走既時候飽到上心口🤭▪️ 內務總管套餐💲268（7.5/10）蒸海鮮既特點就係保留海鮮既鮮味，進食時唔駛加特別既醬汁😎整體海鮮質素唔錯，鮑魚大隻厚肉，質感彈牙😛鮮魚片嫩滑無骨，而且魚味突出🐠黃金蚌、白蜆、大蜆大部份都乾淨爽口，唯獨係有幾隻吐沙未完成，元貝亦都鮮甜😍蝦就尚算正常🦐不過半隻既蟹未有預期中出色，蟹蓋既蟹膏偏少，而且蟹肉比較黐殼，蟹鉗花盡九牛二虎之力都係開唔到放棄左🦀（7/10）肉類方面比海鮮類遜色，有得係雞腿肉、安格斯牛肉、豚肉片中三選二，安格斯牛肉賣相較瘦無咩肥位，尤其係蒸之下感覺偏韌，豚肉片相比之下反而更為嫩身🤭（7.5/10）三色點心即係三款丸，全部都好結實彈牙🍡薑汁皮蛋豬肉丸幾有驚喜，薑汁味道香濃得黎唔會太辣，牛丸亦都好多肉汁，墨魚丸不過不失（7/10）蔬菜拼盤有粟米、南瓜、金菇、冬菇、生菜、娃娃菜等等，種類都多，飽飽地開始捨棄佢地（7.5/10）最後可以揀粥底或者麵底，粥底會係加南瓜同芋頭粒，

來咗試$98 Openrice優惠，海鮮食物的確幾新鮮，性價比係ok，但態度真係非常一般，成班staff圍埋玩手機講粗口，經理喺邊呢？Staff個個黑口黑面無人識講唔該、唔駛客氣，更唔駛指意有笑容。總之，服務態度真係有待改進，食物維持水準，應該係幾吸引的一個食肆。

一直也很喜歡光顧這間餐廳，但是上次光顧非常驚嚇，我們坐在窗口的bar枱位置，發現有很多曱甴一直坐木枱爬出來😱😱😱，見到四、五隻之後，我們驚嚇地向侍應投訴，但他反應完全是見怪不怪(!!!😨😨😨)，我們要求換位，但侍應表示已滿座，沒法安排，只替我們將食物移過一邊... 之後，我們再看多一兩隻曱甴爬過，我忍不住再向侍應反映，這次他幫我們轉到另一邊枱，本以為會好一點，但我們邊吃邊發現曱甴一直在窗邊和枱上爬，實在驚嚇萬分，結果我們粥也沒吃便匆匆結賬離開。實在非常失望😔，希望餐廳嚴肅處理衛生情況，尤其現在疫情期間，曱甴昆蟲實在不能容忍。

疫情以来，很少出来吃饭，和好姐妹很久没见面了，终于要约出来吃餐饭！一定要找实惠又好吃的！女生嘛，新鲜好玩颜值高，一样也不能少！正巧看到这家午市优惠券，6样海鲜，加肉，加菜蒸汽锅一百有找！还等什么?中午人也不多，上菜快，海鲜很新鲜，粥底有南瓜和芋头，营养饱腹，可能看起来量不多，但完全不用担心吃不饱，我这样贪吃的都很满足。买单直接扫优惠券，快捷又方便，没有服务费，超开心的一餐~来上图！

經OpenRice 訂左$96一人餐，以為可以用OpenRice 訂位，原來係要打電話去confirm，不過餐廳都比我哋照食。套餐原價$118 坐位會間開都幾有趣，亦有幾款海鮮可以揀，我就揀左蟶子，極推薦，好鮮甜！其他海鮮都幾高質，不過少量沙白/蜆有沙。唯一美中不足既係..個粥底唔同人煮，係會有差異...幫我煮粥既staff好似落多左水😿 變到好稀🤦🏻‍♀️🤦🏻‍♀️🤦🏻‍♀️但男朋友碗粥就好綿💔比佢煮多陣都仲係稀，好妒忌😩

Steam Seafood❤️✨九品芝麻hk$188依個set係最平嗰隻 但份量好多 食到飽到上心口海鮮全部好新鮮 一開始一定食咗嗰半隻蟹先🦀好新鮮好甜!!肉可以揀雞/牛/豬 我揀咗牛同雞雞肉蒸完好滑 最好食！牛可以包住金菇蒸 冇咁乾～另外仲有菜籃今次係第二次食 之前食仲有得蒸點心(放咗最後)不過宜家變咗丸🙈都好食嘅 但我覺得點心得意啲最後可以放南瓜/芋頭煮粥或者加魚湯煮麵 依個時候其實已經食唔落 發覺魚湯烏冬最好食～

難得全家閒日休息，決定食個好一點的午餐當做節😋網上見到很多正評，環境及食物質數好似幾好一於訂枱試下。一人一鍋有一人一簾，枱非常闊配以響鬧時計及說明蒸煮時間Scan QR code 自助落單、醬油調料及水亦自助。落單後送上食物自行蒸熟食物水準一般，4選1項目我地兩個叫鮑魚另外兩個叫左聖子皇。如上圖，聖子只同蝦一樣大實在唔可能叫做「聖子皇」😤大部份食物都新鮮好味。除咗我同媽媽兩隻蝦入面有一隻係霉嘅，由於只係肉霉無臭無壞所以當時我地無反應。我地亦明白明顯佢哋係溝貨所以算啦。最後會加魚湯煮麵，或加飯及南瓜煮粥。我地3人點不同的麵一個點粥。加來煮麵的魚湯太咸，而且係死咸明顯無魚鮮味。所以點原味的咸到唔想食，反而加左錢有麻辣同蕃茄醬溝淡左味道ok🤷🏻‍♀️粥最穩陣，用之前蒸食物的水煮的粥很香很美味。 我覺得員工很奇怪1. 因為本人唔食南瓜，我分別以不同方式問可否不要南瓜？一定要加？淨係加芋頭得唔得？係咪搓好左先攞出嚟？到最後問白飯係咪就甘俾碗飯都係同樣回答最後的粥如何煮⁉️2. 見我個鍋好大煙問我係咪800W ,我答唔知你竟然話如果係800W無可能甘大煙。其實個爐係你開淨係教我用個計時.....我又點