船渦

营业中

休息中

呢間係銅鑼灣謝斐道的餐廳，主打蒸氣火鍋，環境很好，就算一個人去食也可以的，因為每個座位有足夠嘅私人空間，三五知己去食都坐得好舒服的，而食物係一人一爐鍋，自己鐘意食邊樣先都得，中午有兩個海鮮餐可以選擇，（點餐係用電話掃QR code以自助形式，果然與時並進），海鮮種類都很多，就算追加海鮮或肉類，價錢都算公道，個set 嘅尾聲係可以揀粥、麵或飯做湯底，食完餐廳侍應會幫忙煮，侍應服務態度很好，初時我地唔識用個爐，侍應見到，好主動走來教我地，粥低我地想稀d，也很樂意配合👍🏻。

難得有一人的海鮮蒸火煱，肺炎價$98/位（已包加一），海鮮新鮮靚仔，還有兩隻煎餃子和雪條，好抵食。以前一個人想搵這種海鮮蒸火煱獨食，真係無餐廳采你，所以往往只可以約埋朋友才可以大快朵頤。這裡原本就以此作招來，啱晒一個人開心食好嘢。坐位有竹簾可以拉下，自成一格。今日星期日午餐，肺炎底下，沒有了遊客、自由行，成間餐廳只有幾枱香港客，香港人當然要支持本地消費啦。這個價錢和質素，真係自己買餸返屋企食都無咁平，何況我不可以去魚擋買「吾該半隻蟹、兩隻蝦...」所以一定會再嚟幫襯。

無論天時凍定熱，幾時我都咁鐘意食新鮮滾熱辣嘅嘢，今日就去同朋友去食個1人蒸鍋。食完其實發覺可以兩人share，因為真係食得好飽。行落去都幾少人，依加無論咩餐廳人都少咗好多。無咁多人，自然坐得舒服好多，傾計又唔駛怕隔離位聽到。我因為覺得肚餓，所以揀咗個八府巡按套餐，好豐富，好多嘢食。朋友夜晚就食得比較少所以揀咗九品芝麻套餐，相對比我嘅餐少嘢食。套餐包三大類，有肉，海鮮和蔬菜。海鮮種類多，新鮮。肉類都不錯。蔬菜一解肉的油膩。最後我揀咗粥，有南瓜和芋頭，真係食粥都飽。點知原來仲未完，仲有雪條食，雖然已經飽了，但雪條可以擺落另一個胃到。

此時此刻的香港， 打邊爐竟然成為禁忌!多人聚餐又係禁忌!!但係每個人都要食飯，困得係屋企食得多又好悶……忽然發現這裏有 一人一鍋海鮮粥底打邊爐， 而且食店環境又可以， 於是星期日中午到此店試一試。海鮮鮮甜 ，一人一鍋夠衛生 店員服務殷勤，值得推薦 ，係可以再食多次。加油丫店主

(補寫食評，2019年5月來的)和同事找地方吃午餐，我超級喜歡吃火鍋，今次發現銅鑼灣有海鮮蒸鍋，好吸引！特別跑來試試！午市供應２個套餐：八府巡按和水師提督我們各點了１份，share吃八府巡按：鮑魚、帶子、大蝦、蝦、白蜆、元貝、蟶子皇、鮮魚片、安格斯牛肉、豚肉片、特色三寶丸、蔬菜併盤水師提督：鮑魚、半隻龍蝦、半隻蟹、帶子、蝦、白蜆、鮮魚片、美國肥牛、雞腿肉、蔬菜併盤鮑魚最好味！肉質富彈性！蟶子皇很鮮味！大蝦很好吃！不輸龍蝦的！蟹是同事的最愛，我沒有吃！２個套餐都配主食，有７款選擇，但我們太飽，吃不下！套餐不包飲品，另加5元~15元不等。

最近公司生意都麻麻地, 所以由以往晚晚收9點變左準時6點半鬆人不過由於老媽子約左班老友記開枱, 今晚就算收早都無熱辣辣煮家飯食既然係咁就唯有自己一丁友去食飯啦雖則話我平時慣左一個人食飯, 但一個人食放題、Buffet同打邊爐就真係無咩勇氣不過好彩俾我見到附近有一間叫船渦專食海鮮蒸鍋, 有專為我地一枝公而設既座位, 咁就一個人都可以慢慢嘆蒸海鮮啦佢地既座位前面同左右兩邊都可以落簾去分隔開其他食客, 咁就大家都唔洗尷尬呢個設計認真一流, 可以隨心所欲, 慢慢獨享美食呢度仲要係用手機落單, 方便又貼心!二百幾蚊有八九款海鮮, 仲有兩份肉、蔬菜同麵食望落唔多咁但其實都幾飽肚海鮮全部都好新鮮同鮮甜, 值得一讚係龍蝦、鮑魚同蟶子非常爽甜彈牙, 貝殼類亦處理得好好, 唔會食到一粒粒沙肉食都幾唔錯,我揀左安格斯牛肉同雞腿肉, 肉質好鮮嫩, 唔會鞋口最後麵食我就揀左麻辣魚湯底配拉麵, 有魚鮮味之餘仲不失麻辣既刺激感, 好惹味呀~❤真心推介呢間船渦~有機會一定會再幫襯👍🏻

自私食蒸氣火鍋，一人一個鍋，感覺非常之衛生，每一份都係一人份量，但係份量都非常之充實，今日點左八府巡按套餐，入面有鮑魚，海蝦，蜆，魚片，龍蝦，蟹半隻，蚌，聖子，帶子同花甲，雖然全部都唔算好巨型，但係非常之新鮮，龍蝦同蟹仲識郁，老實講海鮮夠新鮮，唔需要任何調味，都已經好好食，雖然呢度有自助醬料可供選擇，但係我冇攞任何野，仲有值得一讚蔬菜份量，瓜菜菇樣樣都有少少，唔會得一樣野咁齋，肉類揀咗豚肉同雞肉，都係新鮮嘅顏色，澱粉質我揀咗粥，唔似想像之中有海鮮嘅味道，但係一樣咁好食

With the current situation, personal hotpot seems to be a good choice XDThe setup is interesting, they have a huge center table and curtains between seats/stoves were lowered to separate each party. We had a relatively big group, so it was unavoidable that one of us had to sit facing a large pillar in the middle of the restaurant…Lots of fish tanks inside so you can see the freshness of what’s coming your way.Sauce area provides the basics like soya sauce, minced garlic and chopped chilies for a

今日放工陪女朋友食飯，食過好多次日本野了，今次食下特別啲，就係蒸海洋了。聽講蒸海鮮無咁多油，比水煮要健康好多，同埋原汁原味，所以去試下。入到去真係全部自己蒸的，有个教學牌提示點樣蒸那些海鮮，每種都有不同的蒸熟時間，所以唔可以一次過亂咁擺曬落去，好似食火煱咁架，都幾講究。最後蒸出黎，可能因為係自己蒸的，所似特別好食！當然最好食都係女朋友整俾我食个隻蝦勒，甜入心。放假想同女朋友玩下浪漫煮飯仔，呢間非常適合情侶齊齊坐齊齊蒸。但要小心剝蝦唔好𠝹亲手呀。

是日小弟生日，好想食蒸鍋。但係疫情險峻，想搵間唔使同隔離枱咁親蜜的，左睇右睇，見到呢間有簾同隔離位隔一隔，而且係一人一鍋，感覺幾衛生，就同老婆試試佢！佢有4個餐，$188，$268，$358，同$598，越貴就越多海鮮啦。但係我淨係想食蟶子皇，$358果個先有，但係又唔想食龍蝦，所以最後決定一人一個$188加2隻蟶子皇（$48隻）。我地都揀左粥底。佢有個instruction 咩野蒸幾耐所以唔使煩。啲海鮮大致上都好新鮮，所以就算佢有醬料但係清蒸已經好清甜！食到咁上下啲伙記就幫我地落粥。個粥會撈埋啲食咁耐就滾咁耐的芋頭同埋南瓜，不過個粥我覺得啲海鮮味比芋頭味蓋過左，有啲失色。另外一個比較不滿意嘅地方就係佢淨係得生力啤。不過整體還是好好食的，可以再來！

11月23號5:50pm去到，全場未有人，叫個70幾歲老人家坐高bar枱，服務超差，上年同今年去次次都成肚氣以回。有同d職員講70幾歲老人家點坐高bar枱，佢話因為through openrice book，唔係電話book枱，如果要坐table要打電話，***所以提所有如果係咁唔好through openrice book枱*** 職員態度超差，附近咁多海鮮酒家，寧願幫襯第二間，坐得舒服d又有人服侍。服務一直咁差，搞咁多團購都無用，因為趕走晒我哋呢d好肯消費高食海鮮嘅人。

呢排大家都唔敢打邊爐，我覺得蒸鍋又唔駛驚，加上係用一人鍋，安全又衛生。所以就約朋友去喱間船渦食啲熱辣辣嘅嘢。我覺得衛生都做得唔錯，加上又有竹簾隔住，出嚟食嘢都安心啲。$328嘅蒸鍋套餐，包括有多款海鮮，例如鮑魚、龍蝦、蟹、黃金蜆、白蜆、鮮魚片、蝦、元貝，蟶子皇等等。食落鮮甜，唔會有唔新鮮或者雪凍味。另外仲有蔬菜拼盤、烏冬、肉類、點心同甜品，相當豐富。有得自己蒸點心幾特別，最鍾意就係手製燒賣，肉質爽彈，好味。

餐廳使用手機點菜，可以慢慢睇先落單，好方便。糾結於食內務總管定係八府巡按套餐，俾多數十元就有得食龍蝦+聖子又好似幾抵咁，所以最後決定係食八府巡按套餐。海鮮有差唔多10類，全部都係新鮮貨，唔會有雪味。集齊龍蝦、聖子、鮑魚、扇貝、蟹等貴價食材，仲有魚片、蜆、蝦、貴妃蚌實在係好豐富。鮑魚味道鮮甜。聖子都幾大隻，肉質幾爽口。扇貝大隻而且肉厚，味道又係鮮美。蝦有幾隻，肉唔會霉，點少少豉油更加帶出鮮甜味。食埋其他牛肉+豬肉、三色點心、蔬菜盤已經飽到8-9成，最尾個烏冬好大份，食唔晒咁滯呀。

有一日行街經過謝斐道，便和朋友試試一家蒸氣火鍋。一步入餐廳，就被那雅致的日式氣氛吸引着，餐廳裝修設計為一人蒸氣火鍋，一人有一個小小的蒸氣鍋。每個座位和旁邊餐桌有竹席相隔，不會太親密又有空間感。海鮮火鍋食物盤賣晒吸引，有虎蝦、蜆、魚片、聖子、肉蟹等。由於當時是食大閘蟹季節，所以我們另外加錢升級了三隻大閘蟹，分別叫了兩隻雌蟹，一隻雄蟹。餐廳員工服務態度好，送上海鮮盤後，餐廳侍應殷勤地解釋蒸氣鍋的用法，亦有不同的時間煮法參考，以保持海鮮🦞鮮味，10分容易掌握。

蒸氣海鮮好特別，呢間仲主打一人一鍋，雖然肺炎搞到大家都好擔心，但一人一鍋都幾令人放心。今次揀左358呢個餐，仲有電子落單揀配料，好高級，落完單，店員就上菜了，仲教我地點控制蒸煮時間～餐廳仲有自助斟水同拎醬料的位置，都好方便有半隻龍蝦，好吸引，同我隻手板咁長既！鮮甜好味，每一啖都係蝦肉，色澤好靚，睇得出好新鮮，基本上我都冇咩點醬料；鮑魚都冇得輸，好大粒，我係要分開兩次咬，先食到。蟹方面，好多膏之餘，仲好多肉，又幾易拆。各類既蜆係新鮮到我地一路食其他野，一路見到佢地都仲郁緊，每隻都好好食，成十粒沙白，得一隻冇開口，基本上都冇沙，一啖一隻。蟶子都係十分欣賞，又係好大隻，跟返佢教既時間，蒸起完全唔會老架，仲彈牙架。之後可以選粥底或者面，我揀左烏冬，烏冬除左吸哂剛剛既海鮮精華仲吸埋另加既魚湯，每條烏冬都好好食！另外仲有雞牛豬三揀二，我自己比較鍾龍牛豬，所以冇選到雞，牛係安格斯牛，好高級。d牛豬我除左蒸，仲有好似打邊爐咁淥，一物兩食！仲有蔬菜籃之餘，諗都諗唔到竟然有燒賣！好創新呀！最後飽到上心口，諗住走之際...店員同我地講有雪條，有芋頭、紅豆同黑糯米，好滿足呀！飽到第二日晏晝都冇食咁濟🙈🙈🙈