船渦

营业中

休息中

之前已食幾次 食物質數重keep到 但服務確實同其他食評講既一樣 比以前水準之下 態度真係唔多好 其實已經少人 其實戴住口罩都知你有冇笑容 講野有冇尾音既 以前加粥會叫你小心 要加粥啦 而家就禁行埋尼 意思係醒目縮開啦之前食質地好 服務好先再去 之後真係要諗諗

早幾日我個仔話介紹啲好特別嘅野食，蒸汽火鍋，聽落幾特別，佢話好好食。於是就訂咗今日去試吓，入到去地方唔算好大，但座位編排闊落唔迫，張枱都闊，坐落尚算寬濶。剛過午飯時段，客人不多，環境清靜。睇餐牌我個仔介紹“八府巡案”，有半隻龍蝦，鮑魚，蟹半隻，蝦，聖子，白蜆，牛肉，豚肉，牛丸什菜等。玩法幾得意，唔同食材用適當蒸煮時間蒸，蒸出來食物生熟程度剛好，味道不錯，較有食材原有味道，食到最後還將蒸煮後流下嘅水再煮南瓜粥，唔錯。今餐好滿意，無論餐廳環境食材處理，不似求其做，係有誠意做，會推薦為食朋友來試吓。

蒸氣海鮮美味無窮再加上新鮮嘅用料蝦蟹魚貝牛肉菜簡直係一種享受特色一人一爐每個人有各自先後快慢節奏係自由嘅感覺Edaciousness 8/10佢哋嗰個豉油都好正！

早排見到船渦係OpenRice出咗團購，只需要$98就可以食到一人蒸氣火鍋，見到好似又幾抵食，一於去試吓啦一去到店員就問我哋想要粥底定係麵，我就揀咗粥底，所以店員就將芋頭同埋南瓜放定係鍋底度，等佢熟係等緊海鮮嚟嘅時候，會有兩隻雞軟骨餃子俾我哋食先，脆卜卜好好食海鮮方面，除咗基本嘅白蜆，蝦等等，可以喺蟹，鮑魚，元貝同埋聖子四揀一，我就揀咗蟹，都幾新鮮同埋Size都ok架粥底好多，而且都吸收左啲海鮮汁，差唔多有兩碗半，食完已經飽飽，仲會有甜品雪糕可以揀🍮，$100都唔使可以食到咁多嘢真係超值

🥘刑部尚書一人套餐 $130✨-自從疫情之後，已經好耐都冇食過火鍋了🤫今次見到呢個一人蒸氣火鍋，感覺比較衛生😍就約埋朋友一齊試試😋-呢個套餐都包左幾款海鮮e.g. 蝦、蜆、蟶子等等..d海鮮都幾新鮮🤤🤤蒸完之後即食好鮮甜❤️❤️個餐仲包左一份肉，客人自選～我就揀左肥牛🥩🥩不過就有點韌～-另外，開始蒸之前要先揀粥底或者麵底🍲我揀左烏冬～朋友就揀左粥底🤤食完蒸鍋之後，店員就會過黎幫手直接加入粥底～等一陣之後，就會變成海鮮南瓜芋頭粥😋😋雖然味道比較淡，不過好香幾好食👍🏻👍🏻-揀麵底的話，就要揀埋湯底～我揀左原味魚湯🐟估唔到個魚湯好好飲！！好有鮮甜味🤤🤤🤤食完烏冬，之後飲埋個湯～好飽🤣-我覺得呢間餐廳性價比幾高！食完之後好飽好滿足😋枱上面仲會有蒸每樣海鮮的計時參考～唔洗驚唔知要蒸幾耐啦🤣🤣有得玩有得食，好正👍🏻❤️-P.S. 訂枱前建議係openrice買定餐飲卷💸會比較抵食😏

事隔年半再來「船渦」光顧，今次我們book了2:30pm食午市套餐。非常開心的是海鮮質素依然新鮮甜美，職員服務態度仍然保持水準有禮貌。因為我記得呢間餐廳本身除了罐裝汽水就只有支裝飲品，而且選擇不多。我今日特別於到達餐廳前打電話問可不可以買飲品帶上來飲？餐廳職員話無問題、歡迎呀！所以我哋兩個就相約喺樓下「春陽茶事」買定兩杯我最愛的”甘蔗綠茶”帶上去。我哋叫了兩份$118的水師提督套餐，另外再追加了象拔蚌仔及鮮魚片各一份。今次特別試魚湯米線，魚湯非常鮮味，完全冇味精埋單的時候十分驚喜，除了午市免加一服務費，另外12:00-6:00pm 光顧仲有88折優惠。每人平均不用$150，便享受了一個食物豐富美味及環境舒適寧靜的下午。

本身我都唔係一個鍾意寫食評既人, 但今次真係需要反映一下.希望有改善...事源今日Farewell 同事, 諗住帶大家黎我平時讚不絕口﹑重臨多次的船渦.一入門, 服務員好快就帶我地坐低, 之後就完全無介紹,無講任何野就行左去. 我記得以前黎既時候, 服務員會問我地有無黎過, 然後會講解下個計時器點禁同提我地掃QR code 落單.好彩我有黎過可以代講解返比同事聽,  其實衣樣都唔緊要, 當你忙做漏左.但之後我講解時唔小心禁到唔知咩制, 計時器跳到去99分鐘, 於是我請服務員黎幫我整返正常, 佢亦有講解點用, 但轉頭我對面同事同我犯左一樣既錯, 又禁錯左, 於是果位服務員隨即過去有少少大聲同炆咁講 ︰「得2 個制禁得!一個+(加), 一個 - (減)! 」 (後來發覺當你第一下禁左減就會咁, 咁勞氣做咩@@)上菜如常地快, 海鮮係值得一讚無沙而且新鮮. 但牛肉雪得比較利害, 塊牛肉卷埋左一舊冰咁比較難熟, 要自己中途開蓋等D冰退晒再攤開返先易熟, 否則直接卷埋蒸熟會太老.重點來了, 終於要食集盡精華的粥.  服務員非常自動自覺地收走我地的空盤, 幫我地落已煮成糊狀的飯, 筆走多於的湯,

冬天最啱食暖笠笠嘅蒸氣火鍋。八府巡按套餐 $328鮑魚、蟹、蝦、聖子皇、元貝、半隻龍蝦、貴妃蚌、白蜆、鮮魚片、黃金蚌、三寶丸、時蔬拼盤我揀咗了安格斯牛肉、雞腿肉，再揀配粥底。一嚟到，見到店員擺盤都好有心思，打卡最啱。枱面有張紙寫清楚咩食材要蒸幾耐，例如鮑魚蒸五分鐘。放咗食材上蒸氣火鍋，就可以自己較時間。店員都講解咗點操作。我食肉獸就梗係食雞肉牛肉先，雞肉嫩滑，但牛肉稍硬，可能時間耐咗少少。海鮮咁豐富，我就唔逐一介紹啦。最好食係蟹、龍蝦、聖子皇。蟹、龍蝦都係新鮮、味道好好，鮮甜爽口，蟹仲更加甜。最緊要唔難剝，啱哂我呢種懶人。聖子皇肉質鮮嫩、爽甜、好咬口。白蜆都冇乜沙，蝦就一般般，其餘海鮮都好高質素。三寶丸、時蔬拼盤不過不失，比我想像中多嘢食，一次過食到唔同嘅丸、菜。最後其實都有啲飽，但海鮮粥底喎，點都要試吓味道。粥底吸收哂所有食材嘅汁，本身店員落咗南瓜，再加上海鮮、雞肉牛肉、蔬菜，真係超級豐富、多層次，齋食粥都夠正。呢個午市套餐物有所值，勁肚餓就要食呢個餐，包你「飽肚」而歸，好多餸，超級滿足。

前排天氣開始轉涼，所以就諗住去食下蒸氣鍋，上網見到呢一間好似好吸引，所以就去咗試一試😎入到去見到嗰隔局係唔錯，對面位中間會有簾遮住，唔怕同對面唔識嘅人你眼望我眼，而且係一人一個鍋，係而家疫情底下都相對比較衛生同安全👍今次叫咗兩個餐，雖然價錢唔同，但係感覺上其實啲料係差唔多，海鮮方面都係有鮑魚，蜆，元貝，蟹，蝦等等，海鮮方面雖然都算新鮮，隻鮑魚上到嚟仍然識郁嘅，但係食落感覺普通，冇令人覺得有驚艷嘅感覺🙈肉䫶方面有牛肉，豬肉，仲有幾粒丸，相對起海鮮，我覺得肉類方面更加吸引，因為無論豬肉牛肉，肉味都幾重，唔會係冷藏嘅雪味，而且切落去都有咁上下大細，令到食落去有口感🌚🌚不過最後既粥就真係遜色，因為佢只係就咁倒一碗已經煮好左嘅粥入去再加埋啲芋頭搞埋一齊，完全冇乜煮過嘅感覺😓睇埋佢既價錢，會覺得有啲唔值

期待已久嘅蒸氣鍋終於食到啦! 今次約埋另一個朋友一齊去銅鑼灣好出名嘅一間蒸氣鍋餐廳試一試佢個晚市套餐🎊之前已經見到喺 社交平台有好多人專登book張枱慶祝生日或者搞party🤩我見好多人都推薦情侶甚至一家大細嚟船渦慶祝或者普通聚餐🤓所以未去我已經知道今次一定無揀錯😇我同我個朋友兩個人選擇坐喺二人吧枱👯‍♀️我覺得坐吧枱比起坐普通餐枱有更好嘅位置放食物同埋唔會焗食物時啲蒸氣吹晒落對面嘅朋友到🌫而且吧枱設計亦都好適合一個人嚟食唔使怕尷尬🙆🏻‍♀️最後係咁多個晚市套餐入面我哋揀咗八府巡按套餐($358)同埋南瓜粥，因為見佢有龍蝦又有鮑魚，非常吸引我哋呢啲鍾意食海鮮嘅朋友🦐🦑🦞🦀🐟餐廳仲好貼心整咗一張清單教你唔同海鮮，肉類，菜類應該要蒸幾耐會係最好食😋對我哋呢啲新手，從來都未食過蒸氣鍋嘅人嚟講，呢一張紙真係對我哋非常有用🥳之後每樣食物我都跟足佢寫嘅建議分鐘去焗，每樣食材都食得出佢最新鮮嘅黃金味道😚佢最先上枱嘅係我哋最期待亦都最打卡able嘅海鮮船🎊睇到都知道非常新鮮而且當時都聞到一陣海洋味，未食已經好興奮😂最突出同埋最有鮮味嘅一定係佢哋嘅龍蝦同埋蟹🦞🦀蒸完大概7分鐘嘅時間，龍蝦嘅肉好爽好彈牙，而蟹

近排天氣凍到震，限聚令之下想約一大班朋友打邊爐都唔得，咁我唯有自私食啦 🤣有日lunch時間去左呢間餐廳，嗌左個八府巡按套餐. 套餐好豐富呀🤩 海鮮肉類應有盡有. 海鮮分別有：半隻蟹🦀, 半隻龍蝦🦞, 蝦🦐, 鮮魚片,白蜆,鮑魚,貴妃蚌,元貝同蟶子皇. 肉類就3揀2, 我揀左安格斯牛肉🥩同豚肉片, 仲有蔬菜拼盤🥬同特色點心. 最後仲有得揀要粥底定麵, 我揀左米線🍜其實見到menu有咁多野食都怕自己食唔晒, 但我膽心都係多餘既,因為真係食唔晒. 講返食物先.... 蟹同龍蝦都有好多膏,好正! 😋 貝殼類全部都大大粒好多肉,鮑魚好爽口🤩😍 牛肉同豬肉肥瘦適中. 蔬菜拼盤都有好多種類,其中南瓜好鮮甜. 米線留返最後同D肉一齊食, 但我呢個大食妹都要投降啦, 食完咁多海鮮同肉真係食唔晒D米線... 🙈總扣黎講, 午餐有呢個份量,性價比都好高, 有機會都會試下其他套餐 

🍲粥底蒸氣火鍋近年好似愈開愈多，但一人一鍋嘅就比較少，今次推介呢間都幾正，海鮮夠新鮮，隻龍蝦蒸之前仲郁緊🤔🤔🤔。🍲其實佢有好多套餐，最平果款$200內有交易，但都食到好多嘢下！而我叫左比較貴嘅八府巡按套餐☺️加一後$394一位，但以質素計絕對算抵👍🏻龍蝦同蟹上枱時有手腳仲郁緊，已經證明到佢嘅新鮮程度～枱上有紙提示各款食材所需蒸煮時間，同埋有計時器比你😃食落都係龍蝦同蟹最正，多肉鮮嫰；另外比較推介係蜆，元貝同鮑魚😍。🍲另外丸類幾有驚喜，絕對唔係街市買到嘅貨，肉類就相對正路～最後可以揀食粥定食面，我今次分開一個試粥一個試面，大家都幾高質，係完滿嘅句號🙉。🍽八府巡按套餐：♦️龍蝦半隻、蟹半隻、黃金蚌、白蜆、元貝、聖子皇、鮑魚、蝦、鮮魚片 、 （時令海鮮）♦️雞腿肉／牛肉／豬肉　（三揀二）♦️牛丸、貢丸、墨魚丸♦️蔬菜拼盤

今日一個人去左吃火鍋男朋友本身約左我食飯，點知突然有事陪唔到我食晚餐，我唯有自己去搵野食啦一個人食咩好？上網搵左一間一人前蒸氣火鍋，每個人都有獨立座位和火鍋，唔怕一個人食會好悶和尷尬啊餐廳有多款套餐，我叫左$358套餐。食材非常新鮮價錢仲好抵食龍蝦、鮑魚、蟹、黃金蚌、聖子皇、元貝、白蜆、貴妃蚌、魚片，安格斯牛肉、豚肉⋯⋯⋯食物種類多又新鮮，仲有大量海鮮餐廳列埋每款海鮮蒸幾耐，完全唔怕蒸過時海鮮鮮味濃厚，食得出係新鮮貨，超鐘意爽口彈牙龍蝦肉，入口陣陣鮮味食到最後仲有海鮮粥

之前碌 社交平台成日見到有蒸氣海鮮火鍋嘅廣告，一直都好想試🤤將踏入冬天之際，終於有機會試🤩呢間「船渦」主打一人獨享蒸氣火鍋，讓你一個人都可以享受到最滋味嘅感覺♥️有三個套餐可以選擇，我同朋友就每人叫咗一個八府巡按套餐🤩雖然價錢係最貴，但係入邊嘅海鮮係最抵食！以差不多$400嘅價錢，就可以享受到蟹、龍蝦、各式各樣嘅時令海鮮例如蝦、蜆、蚌、元貝、聖子等等，仲可以喺雞腿肉、安格斯牛肉同埋豚肉片中揀兩樣，超抵食！今次都算係我第一次體驗呢一類蒸氣火鍋，店員會教我哋點樣去用個鍋，用QR code落單，隔離亦都有張表提醒蒸每樣食物所需時間👍🏻個人覺得蜆最有驚喜！食落去超鮮甜，隱約地見到隻蜆係仲識郁🥺由於唔捨得，所以特登將蟹&龍蝦留到最尾先食👻龍蝦仲有少少蝦膏添！可惜整得太耐，所以有少少”鞋”😢😢除咗海鮮同肉類外，個set仲可以配粥底。蒸海鮮蒸到差唔多，店員就過嚟幫我哋呢個南瓜粥底，將切好嘅南瓜、芋頭等加入白飯一齊攪爛，再煮多陣就食得🎃南瓜粥吸收晒海鮮同肉嘅精華，超入味超上癮！明明飽到一個點都忍唔住清晒😋😋超級推薦！我哋食得好慢，又用咗好多時間剝殼，最後都食咗成三個鐘先走😂😂

🍽八府巡按套餐　$358/位+1味道: 🟡🟡🟡🟡🟡賣相: 🟡🟡🟡🟡⚪️依加一人火鍋都有不少，但係一人海鮮蒸鍋真係第一次見。座位間有簾遮住，可以有返私人空間，亦唔怕老尷。🖋主要有幾款套餐，視乎想食啲咩，價錢不便宜但係高質，而我揀既八府巡按就有龍蝦、蟹等海鮮，另外仲有肉、菜、丸，最後仲有麵食選擇。🖋每款食物都跟佢既指示計時蒸熟，操作簡單，但要成日望住個計時器倒數，心有點累😂🖋海鮮整體算新鮮，特別龍蝦肉幾彈牙，隻蟹上檯時都仲識郁，有膏又鮮甜。少少美中不足，鮑魚不太新鮮，白蜆有1-2隻未吐哂沙，其他都覺得很滿意。🖋最後食烏冬用魚湯煮，飲左個魚湯覺得幾鮮甜，食埋個烏冬真係飽到上心口，食完覺得好滿足。🖋以後約唔到飯腳，一個人食飯又多個選擇。