船塢冰室 (已結業)

港式茶餐在香港也不少，說上是好味的又不是很多。近來以冰室打著旗號，以較為特別的美食菜式作為推介，也有不少，船塢冰室也算是其中一間。位於尖沙咀大型商場的美食場地之內，美食選擇絶對不少，要在眾多食店之中，能站穏一席位也不算容易，所以船塢冰室便以菜式和食物味道以爭取客源，確實有其吸引之處。******************************船塢冰室位於尖沙咀的Victoria Dockside K11 Musea Food Playground 之內。船塢冰室的餐牌選擇雖然不多，但都是以港式美食較為吸引的菜式，當中包括了滑蛋為主的三文治，瑞士雞翼，一些焗飯以及奶茶或紅豆冰等等。在抗疫期間，還有些抗疫炒粉麵選擇。點主食，還可以以優惠價加飲品，有著茶餐廳的飲品奶茶、紅豆冰、檸檬茶等等。點完餐之後，便會有一部機，等候著餐食安排自取。當食物準備好之時，這部機便會嚮起來，通知可以前去取食物。點了外賣美食，2份主食及以優惠價加了杯飲品，還有一個Food Playground的紙袋。凍檸茶 HKD12，以優惠價享用，茶味也不錯，不會很濃，甜度也適中。三重芝士鮮茄焗豬扒飯 HKD68，用上錫紙焗起的

平日在尖沙咀辦事很少行過去K11那邊，星期六特別去逛逛，行到肚餓，去地庫美食廣場覓食，見到有間船塢冰室，供應小時候美食，例如豬扒、雞髀、瑞士雞翼公仔麵，一些焗飯，厚蛋三文治，牛河炒粉、涼粉紅豆冰等，價錢合理，30幾蚊起。我吃了厚切鹹牛肉炒蛋三文治， $58一客，三文治厚切大片夠飽，麵包軟熟，炒蛋的確唔錯，夠滑，鹹牛肉就比較少，整體味道幾好。加涼粉紅豆冰當作套餐，只收$20，久違了涼粉紅豆冰，清涼可口，感覺非常好。另外一份鮮茄焗豬扒飯打包，連涼粉冰 共$86，返家兩個鐘之後食，懶得加熱，但效果依然唔錯，芝香潤滑，豬扒鬆軟，有茄汁的飯亦都好好味。總括來說這個冰室吃得過。

行完K11lego探索中心禮品店，裡面真係有好多不同款式嘅lego，但賣東西前要考慮一下，於是就到Food Playground停一停想一想，順便嘆個冰室奶茶加埋份蛋牛治先！奶茶香滑茶味濃郁！而份蛋牛治厚底方包，中間加埋炒蛋免治牛肉，入口充滿口味，絕對係茶餐廳感覺！朋友再追加份超入味嘅瑞士雞翼，一入口骨肉分離，十分入味！而乾炒黑椒牛肉意粉，牛肉軟熟，意粉都炒得十分彈牙煙韌，較晒口感！食得飽購物嘅慾望都減低了！咁朋友又幫我慳了錢！

見到呢間幾多人排隊仲有我最鍾意食嘅公仔麵最後決定試一試呢間沙嗲牛肉公仔麵呢個公仔麵有驚喜佢同坊間出面嘅沙嗲牛肉唔同佢嘅沙嗲汁好出色牛肉就好似平時出去食串燒嗰啲牛肉咁真係估佢唔到👍🏻👍🏻👍🏻👍🏻瑞士雞髀撈公仔麵原隻好大隻嘅雞髀未食已經流口水🤤🤤🤤🤤雞肉肉質嫩滑 而且好入味瑞士汁調味啱啱好 唔會太甜再加上麻油 不知不覺已經好快食晒成個麵瑞士雞翼撈公仔麵因為覺得呢個公仔麵真心好食忍唔住買埋外賣 😆😆😆😆😆

去K11 Musea食完午餐，順便買定夜晚個餐，行了兩轉，見到這間冰室都唔錯，有焗飯及炒粉麵，款式不及茶餐廳多，但份咸牛三文治真是非常吸引。三重芝士鮮茄焗豬扒飯飯是炒底，表面舖滿了番茄及芝士，食焗飯最怕唔夠汁，但這個飯完全無這個問題，超多汁但又唔會令飯底太濕，茄汁味亦唔會過酸，加上厚切豬扒，肉質鬆軟。乾炒牛河河粉唔會黐埋一齊，而且很爽滑，每條都很完整，唔會斷開一段段，加上牛肉份量很足，差不多7-8片，肉質有咬口，食完都唔會油淋淋。瑞士雞翼雞翼就比較貴，$32/3隻，但非常入味又嫩滑。

同老公喺K11 上面間酒店度假兩日，係呢間冰室叫咗外賣買上房食。當時我真係非常肚餓，其實只要佢個味道正常，我好肯定我係會成盒食晒。老實講，我真係食過好多地方嘅肉醬意粉，因為肉醬意粉算係我其中一個至愛。只係，真心冇食過一間咁難食。我食到第二啖真係食唔落去，實在係太鹹。我唔明白點解一個肉醬意粉都可以整得咁難食。個感覺好怪，我好肚餓，但係真係食唔落，你話真係難食到幾緊要呢？老公叫咗焗豬扒飯，叫做正常。而我，要再買過外賣。呢間野，三個字：「冇下次」！

四日假期最後一日和老公出嚟行下 商場， 由屋企坐電車落中環再坐天星小輪過去尖沙咀行去k11沿途欣賞下海景維港景色，維港真係好靚 另外行到去藝術館打下卡再行去k11， 環境很舒服。來到k11 因晚上要食自助餐的原因便找到這間食堂， 隨便揀了一個芝士海鮮焗飯兩公婆一起食。點知飯到的時候，嗅到香噴噴，令人垂涎欲滴。 兩公婆唔慣飲凍嘢自己帶了水壺但因行過嚟嘅時候，已經飲清，便向店員討些滾水點知店員，非常有禮貌地遞上滾水。還叫我們小心熱，感覺非常滿意。 個人認為除咗嘢食要好味和最重要係店員有善才叫完美。

上次來到 K11 Musea 是社會運動平靜下來的 12 月，商場人流開始漸多；以為香港經濟可以慢慢復甦，但農曆新年前後，又爆出了 COVID-19 疫情。去到三月份，政府推出更嚴厲的防疫措施，市面氣氛更加一片沉寂。今日出去尖沙咀見牙醫，眼見以往遊客密集的海港城，只剩下小貓三四隻；名店門口排隊的國內自由行人龍，更全部消失無蹤！不勝唏噓！沿着尖東海旁漫步走去 K11 Musea，這個非傳統商場內的人流雖然同樣稀少，但已較海港城稍多一點了。眼見只有寥寥10幾人的 food court，實在難以置信。K11 Musea 的設計及定位非傳統，商場內的餐廳同樣有特色，絕大部份並非其他商場內常見的連鎖餐飲集團，甚至 Foodcourt 的裝修設計也非一般。取名 Food Playground 固然充滿玩味，選擇之多也勝過一般商場內的美食廣場，更難得全部小店並非連鎖集團旗下 ⋯⋯ 最低限度從名字看不出與連鎖餐飲集團有什麼關係。第一間揀了「船塢冰室」幫襯。豬扒湯公仔麵（$42）（凍飲加了 $3）對比 Food Playground 其他檔口的價錢便宜了一截。雖然未稱得上很便宜，至低限度較普通一間茶餐廳

近日香港社會出現經濟下跌，不少人將會失業。我不知有多少餐廳及食肆將會進入寒冬。我近日經常走到K11商場的food playground美食坊，越去越小人，知道是否同現在的經濟差有關。我今日選擇了一間船塢冰室食晚餐，這有港式茶餐廳的傳统美食。我們見肚餓，所以點了焗肉醬意粉，鲜茄焗豬扒飯，一杯红豆冰及一杯凍檸檬茶試試。焗肉醬意粉焗肉醬意粉有些辣，味道適中，意大利粉焗得剛剛好，加上肉醬配合，食落香流而味道一流。鲜茄焗豬扒飯是即叫即焗的，有鮮茄，豬扒，焗的時間一般要20分鐘，所以新鮮熱辣，非常好味。红豆冰我們見這的红豆冰有些特別，所以點了一杯给我試試，有濃濃的红豆味，加上椰汁奶配合，好好飲。凍檸檬茶由於我朋友太口渴，所以叫了杯凍檸檬茶，檸檬同茶的配拾剛剛好，不太甜，飲完後可以解渴外，也覺得心情特別好。整體而言，這交通方便，地方舒適，價錢合宜，食物新鮮，港式美食，真是難得食飯的地方。

這間船塢冰室賣的是港式茶餐廳的食物，雖然餐牌選擇不多，但價錢在這個food court中是平民之選，份量亦不少，聽說他們的焗豬扒飯很不錯，即管來一個。這個大大份，新鱗焗起的豬扒飯是用上三重芝士來焗的，濃郁的芝士焗出香濃「芝」味！厚切豬排十分鬆軟嫩滑，配上鮮蕃茄洋蔥及濃濃的茄醬汁，很惹味，但如果是炒飯底就更好了。另外點了一個雞翼撈出前一丁，雞翼入味嫩滑，用上甜甜的瑞士汁撈出前一丁很不錯。這裡的熱奶茶都要一讚，很順滑。

第一次去尖沙咀K11 musea等人期間落food Court食少少野頂下肚，試吓船塢冰室＄68一客三重芝士焗豬扒飯。等左二十幾分鐘，一翻開啲飯全部濕嘅，濕到一pat野咁，好似杰身啲嘅粥咁，大佬全香港嘅茶餐廳都冇咁差嘅質素啦！仲話自己係冰室 ，好恐怖！拎返去同佢講，佢仲死撐話啲飯冇問題，可能d汁多啫！叫我換過兜意粉😡😡😡😡😡😡香港地今時今日咁嘅質素咁嘅態度，真係唔可以接受囉，一世都唔會再幫襯！

今天第一次來到位於尖沙咀新開設的商場 K11 Musea 行逛了一會，下午時間見胃部尚有空間， 因此來到商場底部的 Food Court FOOD PLAYGROUND 中船塢冰室，吃一個孤獨的下午茶。瑞士雞髀撈公仔麵雖然看似沒有什麼驚喜， 但是雞髀相比正常的 尺寸是比較巨型一點，肉質彈牙，瑞士汁是鹹中帶甜 比較，也是甜身一點。公仔麵是爽口的，我想應該是用上出前一丁。厚切炒蛋三文治三文治餡料的雞蛋是厚身，最厚身的部分差不多也有一寸。蛋味是恰當適宜的。如果稍加一點鹽份或者牛奶，味道應該會更為突出。凍檸茶凍檸茶就不多描述了。總體而言，價錢和現時的茶餐廳是相約的，是相當合理。

位於尖涉咀嘅新商場K11 MUSEA，有一個美食廣場，內有多款不同餐廳。我哋選咗其中一間船塢冰室。餐牌上有多款香港人熟悉嘅懷舊餐室美食。黑松露炒蛋伴牛油多士炒蛋有濃厚的蛋香，綿密的口感入口即化，與黑松露確是絕配。沙嗲牛肉包牛肉份量多，加上濃濃花生醬香味的沙嗲 ，包外脆內軟。瑞士雞翼撈公仔麵每條麵都沾上香甜瑞士汁，瑞士雞翼非常入味，而且肉質有彈性。涼粉冰涼粉軟滑煙韌，椰汁清香，甜度適中。奶茶茶味香濃，口感幼滑。

冰室，又叫冰廳，是一種主要售賣冷飲小食的食店，後來逐漸受西方飲食文化影響，開始提供一些仿西式食品，而且價錢大眾化，種類也越來越多。今次來到船塢冰室，一眼就被黑松露炒蛋多士吸引。近年黑松露大行其道，很多餐廳都把它加到不同的餐點中，但並不是每種食品都搭。要數傳統配搭，炒蛋是最能突顯松露香味的。豬扒包也要點一點。包脆肉嫩，加上沙律醬生菜與蕃茄，很滿足！冰室一定要點火腿通粉，常餐必備！通粉中空，留着點湯，很美味。飽足的下午！

今晚去 K11 Musea 睇完戲到差不多九點了，肚子在大叫，想起不如到地庫 「Food Playground」醫肚。由於時間真是有點晚，還是找間快、靚、正食市比較好。見這間「船塢冰室」有我喜愛的，就決定下來了。雞脾撈公仔麵 全隻雞脾大大隻，滷得入味，沒有粗鞋感覺。公仔麵軟硬適中，撈在甜甜地汁醬內，真係不錯。鮮茄焗豬排飯 厚切豬排鬆軟腍滑，配上鮮茄、洋蔥和醬汁ㄧ起焗起，香噴噴熱騰騰，份量又大，十分抵食。紅豆冰 紅豆煲到剛好不會硬，加在椰汁和花奶中，真係好飲。