船塢冰室 (已結業)

又係我啦，頭先寫完韓國菜，諗住本地野冇死啦，大家樂焗豬質素走唔甩啦。出事架嘛。呢個三重芝士焗豬講到好似淨係芝士都好有heart, 點知真係得d芝士食得人。芝士係唔錯既，雖然唔多，係有質素既。不過，焗豬既重點當然係塊豬，塊豬薄都唔緊要，係你一吉落去會散開個隻。茶餐廳個常餐豬都好食過佢。我想講連McDonald’s 豬柳都好過佢，因為佢散開哂好似塊豬放左好耐個隻感覺。呢一刻我先知道，原來大家樂係幾咁高質素。

見K11 Musea 新開無耐，當然要黎潮聖啦！放工行完街就搵下有咩好食，因為好多餐廳都未開齊，我同男朋友去到地下food court 都有幾間餐廳開左。行行下見到好多人都叫左焗豬扒飯，心諗實無死啦！一見到雞脾撈丁，我二話不說就叫左，男朋友就叫左焗豬扒飯。等左5 分鐘..佢個豬扒飯仲快過我有。點知佢食第1啖，男朋友話汁還汁，飯還飯，又唔係炒飯底…而家我個雞脾撈丁，簡直中伏！未食過咁鞋既雞脾，我相信係瑞士汁，但個麵係完全完全無味…..因為我好怕食鞋肉質….有D 似煲完好多次既瘦肉質地。我實在頂唔順，去問可唔可以比多少少汁我? 點知廚房姐姐有D 唔願意咁，好彩收銀個姐姐有幫我再問…..加多D 汁係好左少少，但都係難食。一路食一路好嬲，我覺得價錢係頗貴，$55 咁既質素，原來美心MX 係咁高質！ 唯一讚係佢樽奶茶，夠濃。但我唔會再比機會了…希望好好改善，因為真的不能接受

叫左個雞脾撈丁，真係中哂伏！！！咁大個人都未食過咁嚡嘅雞脾肉！D所謂嘅雞脾肉比雞胸肉更嚡而且冇味，好似白烚咁得塊皮有少少咸味便利店d叮叮雞脾好味過佢一萬倍！個撈丁真係激死人諗住即食麵實無伏啦點知！未食過咁難食嘅即食麵冇味架！！！後來落左辣椒油+麻油都救唔到D辣椒油又唔辣又唔香結果得個油味真係史上最難食嘅雞脾&撈丁食到我懷疑味覺男朋友叫左雞翼撈丁個麵底一樣咁劣食係得隻雞翼正常味估唔到新開嘅商場招攬咁多出名店鋪但竟然有尼間中伏 hak 店越食越嬲，迫我寫下人生首openrice評論

嗰日已經夜晚九點幾，除咗嗰間好貴嘅burger，個food court 其他鋪頭都閂左,跟住睇落呢間個裝修都ok就叫咗啲公仔麵點知佢個出前一定浸到好林，而佢個撈麵都係出前一丁黎，一啲都唔好味仲要問佢拎杯水都唔得🙄要十蚊支wor 不過舊豬扒同d雞翼都ok，但下次食快餐，都係去返大X樂之類啦🤣

尖沙咀開了個新商場k11 musea ，反正去尖沙咀覆診就去睇下個商場有幾靚。 原來出口駁了在尖東站，由地底過不怕天氣突然轉壞。 去到商場好大好靚好多名牌店，行了一陣見到B2 有food court 。 不過就得幾個counter 開了，而且食物價錢以food court 來説是貴。 看到船塢好多人排隊，可能另外嗰兩間也有好多食物沽清。 不過見到佢哋員工合作性未夠，運作十分混亂。 食物也一tray tray 爆滿countertop ，但也沒有人取，可能是取食物提示器壞了吧！三重芝士鮮茄焗豬扒飯$68盛食物器皿看似好靚，連個tray 也是金屬不是膠，有點型格。 不過食物賣相就不合格，個焗芝士面焗溶芝士就算，少少金黃色也冇。塊豬扒又細又薄又冇味，飯粒較硬，除了汁夠多之外，其他也不合格。