船仔 (京瑞廣場) (已結業)

網上介紹呢間泰式船仔粉麵抵食又好味於是特登嚟試下一向都好鐘意泰式湯粉麵 特別係濃郁嘅湯底配上金邊粉今次就試咗泰式豬頸肉金邊粉， 另外加咗幾份小食泰式魚餅 泰式蝦餅 泰式串燒船仔粉 只係三十蚊一碗 可加不同價錢轉為套餐跟配飲品同小食雖然飲品都係樽裝 但係都係泰式飲品今次飲咗熱情果蘭香子同埋芒果蘭香子兩個都幾好飲 唔會太甜又酸酸地 醒神又開胃餐廳細細哋 基本上都係搭枱一齊坐不過落單大概十分鐘後都有餐飲同食品送上除咗需要即時炸嘅食品或者係烤嘅串燒之外， 出餐都算幾快手

呢間船麵近排好多人推介，一搵沙田美食差不多俾佢洗版，攪到今晚我地麵要嚟湊熱鬧。入到去店面好得意，有好多店員手寫嘅攪鬼提示，嚟之前朋友已經話入面嘅嘢飲好特別，好值得試，見到牆上貼咗特飲介紹，決定試豆漿蘭香籽。點菜！當然食最出名嘅船麵，配菜有好多選擇，我揀咗豬頸肉加扎肉，朋友揀雞翼同扎肉。反轉張點菜紙，後面話加錢可加串燒，當然要加啦。麵嚟喇！一望個湯式咁深色已經同出面唔同，同埋超級香。食落個湯真係好正，比出面的越南粉湯式更湯更惹味。而佢配菜之一嘅炸豬皮粒，唔好講笑好辣，我唔食得辣，所以個湯底浸得耐都變咗有辣，下次我會走炸豬皮粒。豬頸肉同雞翼都好好食，而扎肉同出面啲麵粉較多嘅扎肉唔同，呢一個較為軟身，我覺得好好味。串燒非常推介，尤其係個沙嗲醬，一流！唯一美中不足係個嘢飲，個豆漿有少少鹹，所謂嘅香籽其實就好似西米，所以豆漿加入面啲西米其實唔係好match。

放工返到石門行左好耐先揀到呢間，估唔到有驚喜，豬骨湯底夠味，札肉同泰式豬肉丸都好味，最中意係佢個辣炸豬皮，令到成碗更好味，我好貪心仲叫佢比多少少我，但牛串燒有啲un，一般般，都會再返兜既

見之前雜誌有報導過就膽粗粗入去試下，估唔到37蚊有呢個水準，好足料絕無欺場夠哂份量，最鐘意佢個湯底，好夠味，同埋配料一定要加辣豬皮！蝦餅好味唔會太油岩岩好，我叫左個牛肉串燒，啲肉夠林唔會un 😁好好食啦總之～

係網上見到石門新開咗間船麵，作為一個船麵鐵粉就梗係去試一試佢啦！點知呢個伏真係好大，全個麵最飲船麵嘅，就只有湯嘅顏色，完全無嗰種味都不特止，啲麵仲有陣味，好差，未試唔駛試，試咗真係一次就夠。講真如果有心做落去，希望真心改良吓。

之前去過見到全部用外賣盒，宜家轉返用餐具再試下檬粉好味，炸春卷好脆，唯一美中不足係d湯唔夠熱，但都好好食最重要兩個人連小食埋單$68(無叫野飲)，超抵真心推薦！！

FB某小編講到三十蚊食船面好抵，前排我就同一個同事過去食lunch, 明顯兩回事🙄三十蚊個啲，得一碗好似大杯面size的紙碗面同四粒勁細的丸，都唔知有咩人夠食。我加多一樣餸（兩粒丸 ) 再叫左個加錢料，已經五十幾蚊，都係得魚片頭，丸，同丸。。。好明顯仲係唔夠食：我食過禁多車仔面，都應該好過呢碗野😐連我個細食同事都要食四十幾蚊。。。佢話好食囉，但我心諗同杯面加丸有咩分別。。。總括：勁唔抵食，可一不可再。

石門站食店越開越多，呢間新店都唔錯，值得分享下上星期同朋友食左呢間船仔，主打泰式湯粉，重有D串燒小食～ 船仔點餐紙🤤粉麵單餸可以揀雞亦，豬頸肉。。。都係$30背面有加配串燒小食🤤🤤🤤👯‍♀️兩個人叫兩碗河，兩個小食～左：扎肉 船麵豬骨湯 河粉 （單餸 $30）右：香茅雞中亦 泰式牛丸 船麵豬骨湯 河粉 （兩餸 $37）😳好多料丫！同埋第一次見咁深色既豬骨湯，我只係叫左兩知餸，配料方面有脆豬皮同炸蒜、芽菜、重有粒豬紅湯底濃郁，河粉爽滑，唔會浸湯耐就淋曬同碎濕濕，夾埋配料食脆卜卜，香茅雞亦餣得入味，重口味岩曬我丫小食加左 串燒豬肉 2/$15 同 泰式蝦餅 2/$12本來串燒要牛肉，不過賣曬。。試下豬肉串啦，豬肉淋上沙爹汁，少少辣，唔錯蝦餅細細塊一啖食曬，無咩特別。店內佈置簡潔，場上掛住自家制特飲～錫著荷包食好西～I will be back😎

Order 超混亂，如堂食做不來，何不只做外賣生意？第二次到訪上次味道不過不失今次再來，只有個等字人太多，四人位要坐六個人，午飯時間人多，唔計較但等了半小時，連飮品也未到半小時內，不斷出外賣order, 堂食幾乎沒有上過只見全場很多人也追單最後放棄，走人一小時午飯時間，要等半小時以上先有一小碗粉，食唔起

佢一開張無耐我就去試了，門面整到好似好地道泰國船河咁....點知，中！大！伏！我都好耐未試過食一間野覺得咁伏，極懷疑呢度老闆/大廚有無去泰國食過真既船河，自己食下自己d出品都知極難食！！我叫左豬肉丸金邊粉同魚餅魚餅就係一般炸野，無乜特別個金邊粉....實在太失望！湯底: 無味，唔知係搵水開d咩出黎，點解有顏色但無味！我之後落魚露都食唔到落去，粉: 大家睇圖，又碎又淋，完全無彈性，湯底又無味，好似食放左好耐既白烚粉，好核突！豬肉丸: 成碗野有dd味既唯一item, 都係交黎既貨，無咩好講唉，門面sell船河sell到咁行，招牌菜都做得咁差，一定唔會再食！

星期日見天氣時好時壞，就跳入石門食下船仔麵午餐時段都幾多人分別叫左三個套餐，唔鍾意濃味嘅就食雞湯底嘅河粉，牛丸同扎肉，加入辣味炸豬皮好惹味👍🏻再加個串燒小食😋 鍾意味濃嘅就食濃湯底嘅檬粉，加個炸魚餅小食炸魚餅少少辣幾樣野食都唔錯最後要提一下個蘭香籽豆漿，雖然係現成野，但套餐加幾蚊就飲到真係勁抵，勁抵我仲要連飲兩枝，飲完即時覺得白左又滑左叫左野飲先發現錯過左個佛系龍眼冰，下次去開沙田可以去石門試試

以下是試業期間的食評當時店舖仍然用上即棄餐碟，十分浪費，但早前看見店舖邀請雜誌打廣告時，已換了 正式碗碟，而且廣告上的湯底明顯更加濃郁 ，是正常船麵的豬血湯，而且食物份量更大，令我這小小顧客非常失望，絕不會再光顧😪😪😪✔️豬肉丸湯清雞湯檬粉店舖menu上推介的肉丸爽口彈牙肉味濃，頗鮮味，湯底過份清淡，面頭配有香菜、炸蒜、炸豬皮/豬油渣(？)嗜辣的人不妨再加點泰國辣椒片吊吊味✔️青咖哩豬頸肉飯同是menu有「推介」標示的，青咖哩以斑蘭葉取，所以顏色翠綠而且很香，椰漿味也突出👍豬頸肉偏小，爽口而且不太乾，合格之作✔️豬肉串燒(兩串)燒好的串燒上揸上很香花生味的沙嗲醬，可是沙嗲醬有點冷，有點敗筆✔️泰式鳳爪(三隻)帶酸不帶辣，爽口夠冰凍，配上酸蘿蔔絲更是畫龍點睛！✔️佛系龍眼冰無龍無眼也無冰的「龍眼冰」，頗為特別，不怕有冰溝淡龍眼水的甜味🤓

唔知係咪岩岩開張冇幾耐，order好亂，個侍應連續2次俾錯order, 再加一次俾漏小食。我地叫左3個粉，3支野飲，3個小食。湯粉完全唔係越南河既質地，湯底得雞粉味，同我普通買即食越南河冇分別。3支野飲係玻璃樽裝，現成野，反而有d失望。因為講到特色野飲，以為係水吧整。炸蝦餅係急凍野。無骨鳳爪酸到癲左，同埋質地好梅。春卷正常。總結，失望，唔會再幫襯。

見到石門有新餐廳，連openrice都未有食評，就試一試佢!去到見到寫住“試業期間”，然後有個職員話我知無曬濃湯，諗住唔緊要啦，一試無妨。入到去，爆場，好多人黎試下新餐廳，睇黎香港人啲消息真係可以傳得好快! 真係有啲誇張!叫咗一個青咖哩雞中翼飯，算係好味嘅青咖喱，但雞翼得三隻，食得出有用香茅醃過，但份量真係少咗啲啲，另外，叫咗個四寶丸金邊粉，但得清雞湯，唯有照試，食落。。。真係好清，淡口到不得了，好後悔好後悔好後悔叫咗黎食。。。。金邊粉份量有啲多，吸曬啲湯就變到食唔曬，好浪費，下次試下叫少粉先。跟餐可以叫小食，我叫咗$8兩條嘅春卷，係就貴少少，但好味，仲熱同好脆。$30一份大嘅無骨鳳爪，雖然得幾隻，但佢夠酸味，同埋鳳爪好爽口，我鍾意。

近來食得好野多，有時亦應該試下一般較平淡些的。今晚又去附近石門，之前已經光顧了四、五間不同的小店，今次又去試試尋訪其他的。今次選擇了一間泰式車仔麵店，據店員介紹，小店開業才只有兩個月。店內座位不多，佈置簡約。店內主要提供幾款泰式湯粉麵及飯、泰式小食及特飲等。我們兩人要了一碗扎肉河粉連汽水($35)、一碗扎肉金邊粉($30)、兩條泰式素春卷($8)及兩串雞串燒($15)。可能是洗碗工難請及沒有很多位置的關係，碗碟都是用紙製的，只有筷子才是可再用的。泰式素春卷兩條都只不過是$8，十分抵食。熱呼呼的端上來，春卷皮很脆，帶有芋香味，內裡都是些蔬菜，味道不錯。雞串燒的雞肉不嚡，醬汁較淡口，沒有一般沙爹醬般濃，但仍好味。兩碗粉都差不多，左邊的是扎肉河粉而右邊的是扎肉金邊粉，我們都選了豬骨濃湯，湯底還配有蔥茜、炸蒜、芽菜及香辣炸豬皮(可以選擇不要)，粉的份量也很多，味道不錯。這樣的一餐，每人都只不過$44而已。