船仔 (京瑞廣場) (已結業)

見到石門有新餐廳，連openrice都未有食評，就試一試佢!去到見到寫住“試業期間”，然後有個職員話我知無曬濃湯，諗住唔緊要啦，一試無妨。入到去，爆場，好多人黎試下新餐廳，睇黎香港人啲消息真係可以傳得好快! 真係有啲誇張!叫咗一個青咖哩雞中翼飯，算係好味嘅青咖喱，但雞翼得三隻，食得出有用香茅醃過，但份量真係少咗啲啲，另外，叫咗個四寶丸金邊粉，但得清雞湯，唯有照試，食落。。。真係好清，淡口到不得了，好後悔好後悔好後悔叫咗黎食。。。。金邊粉份量有啲多，吸曬啲湯就變到食唔曬，好浪費，下次試下叫少粉先。跟餐可以叫小食，我叫咗$8兩條嘅春卷，係就貴少少，但好味，仲熱同好脆。$30一份大嘅無骨鳳爪，雖然得幾隻，但佢夠酸味，同埋鳳爪好爽口，我鍾意。