船仔 (京瑞廣場) (已結業)

因為雜誌推介，而且又近屋企，所以趁星期六放假就去試一試。首先，店內環境是十分擠迫的，要人貼人坐，食完係會即刻走，唔會坐得耐，但呢D又係土地問題😓。其次，食物方面，所有食品都用紙餐具上，一D都唔環保😓至於味道方面，好老實講，真係普普通通，咖哩冇咖哩香，又唔辣，D牛肉肥膏又多過肉，而且份量好少，食完一D都唔飽。個湯粉就更加失望，每粒肉丸既size同手指頭差不多，而且粉太少。成餐飯，食完好似冇食過，我估隔離大家X,會啱我多D。

因為經常係石門出沒，今次去食船仔。船麵係泰國其中一款地道食物，確實大碗又好抵食既。見到個好中國既餸名，新野，試下先。「泰北求財咖哩麵」湯底好微辣甜甜地，有d似喇沙，配檬粉都唔錯，唔會杰踢踢。+$28/3串串燒，都唔錯，雖然得3串但好多沙嗲醬，帶點甜。+$20/泰式鳳爪，但只得3舊同普通左，鳳爪未夠入味，可能因為2碗麵都太重味了+$12/2塊蝦餅，味道唔錯，鬆化，但細舊左少少，追加價錢黎講，可以接受。香茅雞中翼扎肉豬骨湯檬粉，豬骨湯好濃郁，配好多芽菜同自家製炸豬皮單叫$30，單叫連飲品$35，想叫多個餸加$7粉類有金邊粉、檬粉、河粉和米粉。本身鍾意金邊粉，但佢既唔夠滑身，反而檬粉好正😍

朋友推薦一定要來食，咁岩今日要去石門，所以就黎試一試，果然無介紹錯，我一定會黎再食過。點單紙：除左麵外，也有小食提供。豬頸肉金邊粉（豬骨湯）：湯底相當濃郁，配上炸蒜一起食，相當配夾，亦很大碗，非常抵食。

一早便聽說石門開了很多不錯的餐廳。今晚特登到石門試一下。在京瑞廣場走一圈，見到好多餐廳都屬小型，沒有太多人。見到這間泰國船麵覺得不錯，便決定試一試。晚上約七時，已有三，四檯客人。餐廳提供船麵為主，另有一新款泰國咖哩”求財”。店員另介紹有$98任食船麵+沙嗲同任飲，不過我唔算大食，就決定散點。我同朋友每人一款，一個船麵，一個求財。船麵$30可選擇要金邊粉，檬粉，米粉，河粉同泡飯+$5。包一餸，餸每款$7！算好抵！加$5有汽水，$8有特飲。特飲其中一個係自家制龍眼冰！船麵湯身係豬骨湯底，湯底好濃，飲左幾口，唔覺口渴，應該無味精。我揀左香芽雞翼加魚蛋，魚蛋普通，但雞翼加入味香口。龍眼冰係凍飲雪凍，不加冰，超贊！求財麵$45 set左為檬粉，跟三隻雞翼! 咖啡湯底好香椰汁味，食落少少辣，易接受！不錯不錯！不過個人鐘意船麵多d! 好泰國原味！

前幾個月食過船仔後，最近再喺 social media 見到船仔出左 Khao Soi 一於試下Khao Soi 個湯底好正，辣味剛剛好，濃湯底另我好想飲晒佢，加埋幾隻香口幾翼，真係正，不過飲得多易水腫，都係飲一半就算飲埋個佛系龍眼冰，加埋蝦餅，呢個午餐好飽同行朋友食返船麵，佢見我d雞翼咁靚，都叫左雞翼做小食另外值得一讚係，麵食嘅碗已用返非即棄碗👍🏻👍🏻自認環保人嘅我要大力咁讚下佢地下次一定要再黎食多兩碗，飲埋個佛系龍眼冰

考試前幾天仲要補課, 星期六仲要黎石門, 但無唸過星期六既石門都咁多人, 翻黎前揾左揾有咩特別野食, 結果見到有人介紹呢間就黎睇下, 人多, 鋪面又唔係特別大所以都等咗一陣先有位。選擇嘅方法都係揀餸同家面再揀湯, 30蚊有一餸, 都算幾平。湯底得兩款雞湯同豬骨湯, 我揀咗豬骨湯但係味道同我想像唔同, 唔係好飲得出豬骨味, 配料其中一樣係炸豬皮粒, 算係比較特別, 味道有啲似炸魚皮。整嚟講冇乜特別不過夠平, 分量都算正常唔係特別少, 普普通通食個lunch都係幾好嘅選擇。

窮遊香港-初試泰式船麵經驗.‼️首先係到問問 有冇人有船麵好介紹比我地呀？.四寶丸檬粉$35豬肉丸金邊粉$30.😡先講個泰式豬骨湯第一啖 幾重泰式香料味👎🏻但好重既死咸味 （似落重左味精？）同行3人 加埋檬粉食都覺得咸👎🏻失望但反而上面d炸豬皮碎幾好食👍🏻脆脆地幾好咬呢個仲有得一大包咁買.四寶丸檬粉$35睇落份量一般 👎🏻但其實一個男仔係食唔飽既👎🏻檬粉勁碎 同埋煮到軟哂.豬肉丸金邊粉$30👎🏻呢碗睇落份量更小（可睇圖）👍🏻豬肉丸幾好食 幾彈牙但金邊粉仲係一舊舊但搞幾下好輕易就搞散既但因為咁所以佢麵質 合理既唔似檬粉霖哂 冇煮過火.🤔佢特飲有4款 但我望一望雪櫃原來係普通樽裝野飲 所以冇叫.👍🏻此外我幾鐘意呢間店既風格牆上面都有d搞鬼既字比你睇既（可睇圖）.‼️唔知店主睇唔睇到啦如果店主有心改左既 可以叫我我會番黎再食咖（小編幾鐘意東南亞濃味既湯粉）.#船仔地址：沙田石門京瑞廣場一期二樓233號舖.⭐️評分：味道：1/5 湯勁咸....完環境：4/5 環境風格幾鐘意服務：3/5 正常基本服務....衛生：4/5 都幾乾淨既抵食：2/5

石門站京瑞商場很多食店，無意中經過一間泰國粉麵小店，見到價錢好經濟，就進去試下，店內是無椅背的矮凳，以速食速閃客路。想食什麼要一人填一張紙仔，好似食車仔麵咁選自己喜愛的配搭，一個粉麵可以加錢配搭一個特價小食，加錢飲支裝特飲。小食我哋想全部試下，所以散叫了小食併盤, 小食各樣都好味，蝦餅彈牙，素春卷炸得香脆不油膩，至於碗湯炒粉有炸豬皮粒，浸湯後還脆脆地好特別。如想食泰國小食又有碗湯粉麵或飯，還有飲品真抵食又經濟。

今天放工後打算去沙田捐血，首先要食啲嘢。早前見某飲食雜誌介紹過呢間食肆，而openrice啲評語好壞參半，一於先去石門試下。好多人幫襯，要等位；顧客多為附近返工人士。鋪面不大，座位數目約50個，坐得非常迫。餸菜同麵底選擇唔多。眼見無乜顧客飲《佛系龍眼冰》，我都唔試呢個特飲喇。我揀咗泰式牛丸金邊粉。金邊粉上面有啲辣豬皮粒，好好食喎，有驚喜。湯底有啲重口味，我個人就唔太喜好。如果喺附近返工嚟呢度食晏都係一個唔錯選擇。

之前到泰國食過船麵之後一直念念不忘，竟然經過畀我見到有間船麵立即入去試下。 我點了一碗四寶丸，泰式牛丸船麵 $42 和一碗豬頸肉，泰式豬肉丸，扎肉船麵 $44，泰式拼盤 $48， 飲品方面一杯龍眼冰$8和一支豆漿蘭香籽$8。 首先講下船麵的湯底好濃郁， 真係好似泰國船麵， 所有丸類都好彈牙， 扎肉和豬頸肉味道普通，配上脆卜卜的炸物一起食用， 終於都揾到泰國的風味。 泰式拼盤有炸雞翼，炸春捲，魚餅等等， 香口惹味唔錯的小食。 豆漿蘭香籽，豆漿味不是太濃， 蘭香籽感覺像西米。龍眼冰味道普通不是太突出。總括來說一間平民的餐廳，價錢大眾化，味道都算唔錯，大家有興趣可以嚟試下。

第一次食時麵量好少，要加底先夠飽。之後幾次去食可能知我地食唔夠，量都多左點。麵的味道不過不失，我食開香茅雞翼，有3隻，大大隻，好好味😋😋同埋今次叫左豬肉串，醬汁同肉都烤到剛剛好，如果大串d會更好😂👍🏻

今日午餐在這間船仔吃，因午飯時間，所以店內頗多人。店內簡單泰國飯店佈置，上菜速度快，小食不錯多選。湯底香濃，河粉爽滑。芒果蘭香籽，是這店特飲，不太過甜有芒果清香。

早前見facebook有啲網站大幅報到過依間食平價船麵既小店，於是我同朋友都專登慕名而來。🚶🏻‍♀️🚶🏻‍♂️🚶🏻‍♀️🚶🏻‍♂️當日去到正值lunch hour高峰期，所以見到小小既鋪頭入面已經坐滿晒人，門口亦都有大約十人排隊。係等候期間，店員比張下單紙我地寫定食乜先，最後等左大約十分鐘就入得🤔我嗌左一碗雞翼米粉(船麵豬骨湯) ($30)🐔🐷每碗麵都會有少許炸蒜、芽菜、辣豬皮粒。🐷1️⃣建議碗麵一上枱可以先食左啲辣豬皮粒先，因為係炸過，如果擺耐左就會淋晒，無咁好食🙅🏻‍♀️同埋如果唔食得辣，可以走辣豬皮粒，因為浸耐左會令到碗麵變辣。🌶2️⃣而米粉份量比朋友嗌既金邊粉多，所以食完好飽。3️⃣豬骨湯好入味，搞到我忍唔住飲晒成碗。結果食完之後好口渴，要不停飲水🤦‍♀️唯一唔好就係店鋪真係太細，所以坐起身好逼，嗰日我坐嗰個位係正通道附近，所以一定會被經過既店員或者食客碰撞倒🙈🙈不過$30一碗足以飽肚既麵已經買少見少，簡直係窮人恩物。👍👍而且鋪入面所有店員都超有禮貌👍所以要比個like依啲小店。

食lunch同同事去食 又多人 等左好耐外賣都見到好多人買見上網同facebook有人推介所以咪試下點知伏到暈 食左牛丸豬肉丸金邊粉船河船河湯底冇味 又咸 得隻色 同泰國完全冇得比豬肉丸同豬頸肉都冇味係得牛肉丸係唔差 都幾彈牙同有味個麵口感唔錯 但硬係食落有小小怪味 有小小「簡」水味總之就係唔好食 唯一可取係份量都幾足同埋湯底入面辣豬皮係幾好味我同事加左底都食到好飽但佢個佛系龍眼冰係好飲既 唔甜又有味不過就算係石門番工都唔會到去食

星期日既下午, 睇完D泰國既旅遊節目令小妹都好想找D泰國既食於是就黎左石門既"船仔"呢個商場係石門站隔離, 開左好多小店"船仔"就係商場既2樓環境係乾淨企理, 但因為係小店, 座位有限, 就一定要搭枱牆上有4款特飲, 其中三款係泰國入口既飲品比較推薦既係佛系龍眼冰, 小妹上次飲過, 真係有龍眼肉! 餐牌有以下選擇我兩個人點各自點左一個粉加串燒魚片檬粉(船麵豬骨湯) + ZERO ($35): 魚片一般, 冇潮式魚片既彈牙口感, 豬骨湯好入味, 好好飲, 重點係上面既豬皮粒, 好香口泰式牛丸金邊粉(船麵豬骨湯) + 雪碧 ($35): 泰式牛丸有驚喜! 牛肉好爽口, 入面係有汁既  雞肉串燒($15 per 2): 個汁好好味, 但如果再熱D 會更好! 因為小妹比較鍾意食熱騰騰既串燒 每枱都有自助調味, 大家可以調自己喜歡既味道埋單食左$100, 總算一解小妹對泰國既思念