舌丼

营业中

休息中

其實係呢間大廈既餐廳大多名不乎實。真係無咩牛味，又煮得過熟。如果叫鐵板上應該就好的，不過都是靠汁醬提味，牛本身肉質厚但無肉味，價錢相對是貴的。飲品晚餐要加錢，洋葱湯偏咸，試過就算。

當天6點左右，見只有幾個人在排隊，我地見都肚餓就決定去食！ 大約排了 10分鐘左右，就可入座啦 ! 雖然當天職員雖然不是太懂溝通，但都有禮貌同埋會關心我地D野黎齊未。而餐廳既Menu 有分丼飯以及鐵板餐。 當天同朋友2人,我們分別點了 一個牛舌芯拼牛板腱鐵板餐  以及  牛舌芯拼雞扒鐵板餐 。而餐廳都好照顧到唔同人既口味 , 分別有三款醬汁，分別是 : 日式牛排汁 / 和風鹽蔥汁 / 風味酸辣汁 。至於我食既 牛舌芯拼牛板腱鐵板餐 , 牛舌芯好淋，冇咩根，感覺似食緊牛扒。最緊要既係咩呀?  係份量真係超大，只可以講，真係好足料。下次可以再黎食。

係YouTube 見到有介紹，所以走去試下通常牛舌薄切無咩味或者厚切又好硬口感唔好但依間食落去舌芯好好食，內軟有口感舌芯睇落感覺麻麻但係食落口又唔錯👍個人比較鐘意個紫菜飯👍第一次食鹽蔥汁就無咩特別，可能我對蔥唔大喜好，但食落都唔難接受第二次去買外賣，試左牛舌雞扒果然無令我失望呀，牛舌好味今次食燒汁好食好多建議：雞扒味道可以輕返少少，因為加左醬汁會濃味左；如果紫菜可以好似有D日本餐廳咁任加我會更加開心

最近想食牛舌想食到IG係咁彈啲牛舌出黎上網見有人推介所以試試佢👅餐牌都set得幾好👍🏻如果幾個人可以mix and match試哂咁多樣野牛舌芯仲可以配番牛舌芯double上~<牛舌芯配牛舌尖鐵板套餐>💁🏻‍♀️牛舌芯好厚肉煙韌 油脂含量都好高略嫌口感唔係我喜好個種爽口既牛舌芯(都係比較我食過既牛舌芯啫~)所以會形容佢做煙韌😉臨食哂會覺得因為油份多而飽滯所以份量都算大件夾抵食啦😺💁🏻‍♀️牛舌尖兩個比較我都鍾意舌尖多啲佢比較爽口一啲 雖然冇舌芯咁飽滿既油脂感但都真係一條好食既脷💁🏻‍♀️和風鹽蔥汁蔥油~都香既 但同牛舌唔係幾融合到對我黎講牛油香黑椒洋蔥已經好夠了好彩佢係比食客自己淋上面自己決定落唔落 落幾多💁🏻‍♀️湯應該係鰹魚🐟&洋蔥🧅味道清清地鹹鹹地飲完有啲口渴唔sure係天氣太熱(要抱怨)定味精因素🧂💁🏻‍♀️飯我見隔離枱個個係紫菜但唔肯定係隨機定配搭唔同菜式會有唔同我配搭既應該係紅酒炆牛肉(腩?)🐂酒味都幾出 都幾好食🍷不過唔知有冇人同我一樣唔太鍾意既飯濕漉漉我自己有啲羨慕隔離枱😂💁🏻‍♀️配菜個套餐都幾認真 唔係扔埋一齊就算鐵板牛有洋蔥底🧅飯又唔係白飯就算🍚有個湯 有個沙

味道正常，份量算少無報導所講嘅咁吸引 + 抵食地方超細 超逼枱與枱之間嘅距離係 連隔離枱講悄悄話都聽到嘅超近距離座位安排差，所以體驗感好差晚市未開始就已經到左，係同層行左陣等開門，一開門做晚市就入左去坐低，安排左近門口位嘅一張4人枱。因為一開晚市就入來，又好快決定到食咩，所以食物都好快上枱我同老公2個人 叫左2個套餐 + 一份雙拼小食食緊期間陸續有客人入來老闆安排左其他客人坐隔離，將原本嘅4人枱分開左一條小空隙（所以連隔離枱細細聲講嘢都聽到非常清晰） ，變成兩張 2人枱，一個正方形嘅2人細枱 ，2人細台只係岩岩好放到2個套餐，但小食就唔夠位置擺放 無位擺我同老公非常無奈，唯有將2個餐盤 推出d枱面另一邊，卑位放份雙拼小食，但其實非常危險，因為環境好逼，鐵板好熱，有又熱湯 同飲品重點係 明明其他位置仲有好多吉枱 吉位，都好明顯 眼見野食唔夠位擺，老闆都要強行將枱分開，安排其他客人坐隔離，可能因為我地近門口位，老闆想用尼個方法吸引人流入舖 增加生意額，就將近門口位置嘅枱 塞到full曬一食完，岩放低筷子，職員就即刻上前收埋個盤，動作似想趕客走食物一般，體驗感好差，所以無下次

我地個個都係牛舌愛好知，一知道官塘有一專門店，專登嚟試一試。原來牛舌都有不同部位。我個人比較喜歡牛芯，爽口彈牙又有牛味。而舌尖就比較軟淋，牛味更重。半烤嘅牛舌放在鐵板上，倒上和風鹽蔥汁令牛味更提升我喜歡整個丼嘅份量適中，不會太多。

喺駱駝漆發現呢間充滿日本風味嘅牛舌餐廳同朋友都好鐘意食牛舌，但係牛舌丼就真係未試過，叫咗兩個set加咗幾串串燒。叫咗鐵板套餐 配和風鹽蔥汁，蒜味好香好好送飯推薦舌芯！好有咬口又唔韌，個飯仲有紫菜，紫菜控表示加分串燒最特別係燒秋葵蝦肉串，好用心用秋葵包住蝦肉，本身唔食秋葵嘅朋友都覺得好好食另外炸物吉列蝦同多春魚都好好食！店員好熱情介紹我飲白桃烏龍茶，仲叫我拎返屋企再冷泡，都仲好有茶味鍾意食牛舌，不妨一試！

有日無啦啦碌碌吓IG 見到呢間舖食牛舌 望到口水都流 收工即刻約朋友去食٩( ᐛ )وIG話會有好多人排隊 所以我係佢6pm再開返嘅時候已經去到 到食完準備走嘅時候(大約7pm) 已經差唔多坐滿晒 如果唔係即興嘅話 都可以提早book定位٩( ᐛ )و本身以為鐵板係要自己燒 打算嗌個丼飯就算 懶得燒 但望到隔離枱個鐵板先知道原來係即上即食 同埋有紫菜飯 就即刻改口轉食鐵板 好彩仲未落單٩( ᐛ )و💚牛舌芯拼牛板腱紫菜飯($148）-已揀選日式牛排汁💚牛舌芯拼牛舌尖紫菜飯($128)-已揀選和風鹽蔥汁**所有套餐跟 湯 沙律 前菜 同部份不用加錢的飲品**雖然個紫菜飯唔算好大個 細細碗 但都好飽 因為肉類份量都唔算少 配埋個飯食 食晒啲飯發現仲有好幾舊牛舌 加上配料多 有湯有前菜同沙律 感覺上營養好均衡٩( ᐛ )و無論牛舌芯 牛舌尖 定係牛板腱都好好食 加埋上面啲洋蔥同蒜容 真係香到呢！無論係牛嘅邊一個部位 都肉質鮮美多汁！加埋佢哋嘅醬汁 真係將牛嘅鮮味提升咗～日式牛肉汁: 香香甜甜 當啲洋蔥淋咗後 吸埋啲牛排汁 好好味٩( ᐛ )و和風鹽蔥汁: 個樣有少少似蔥油 但同牛舌都幾夾٩(

我最鍾意食牛舌，每次到日本旅遊必狂吃！剛知道觀塘開了一間牛舌專門店，特登來試吓，果然冇令我失望☺️😃👍晚市套餐是最簡單的選擇，我們挑選了鐵板套餐配紫菜飯，我選牛舌芯拼牛板腱，朋友選了牛舌拼雞扒，另外點了一個炸物小食，吉列蠔4隻。飲品我們試了餐廳自家製的冷泡茶，即是凍烏龍茶，能解渴及有去肥膩的感覺；小食的蠔炸得恰到好處，夠乾身不太肥膩。我和朋友分享了雞扒和牛板腱，兩款食物醃製調味都適中可口，但最令我們難忘的當然是份量夠又厚身的牛舌芯，烹調時間剛好，非常爽口美味，食完真係好滿足😍呢間店舖喺觀塘駱駝漆大廈，如行返屋企都係15-20分鐘，如下次想食牛舌過來就太方便了👍

📍舌丼（觀塘）朋友見到呢間新店食牛舌 捉左我黎試🤭去到發覺都好多人排隊 坐滿曬～晚市套餐有牛舌丼同鐵板套餐供應 仲會有3款醬汁比大家選擇 包括有：和風鹽蔥汁、日式牛排汁、風味酸辣汁。而套餐已經包括前菜、沙律、味噌湯同紫菜飯～牛舌尖拼牛板腱丼牛板腱肉味都幾濃 而牛舌尖好厚身又比較有咬口～牛舌芯拼牛舌尖鐵板餐大大件牛舌芯慢慢食牛舌芯爽口 比牛舌尖多啲油香 好好食🤭野飲叫左冷泡茶桂花烏龍茶、白桃烏龍茶 個樽飲唔曬可以拎走 btw個logo好可愛🤪

< 牛舌專門店 > 平時食日式串燒牛舌👅食得多，鐵板牛舌 / 牛舌 丼飯，真係比較少見！呢到既牛舌分兩款，一款係牛舌心，聽聞呢個位係最矜貴，因為係一條牛舌中心的位置，嫩滑無筋😜另一款係牛舌尖，食落口好有嚼勁、韌性強，燒得香，黑椒味濃👅我地食既set 分別係 -🍱鐵板牛舌心拼牛板腱 $148加是日燴汁牛舌根飯 (即係紅酒汁) 呢個加咗幾好, 令到平淡無奇嘅白飯有啲色彩加埋啲汁一齊嚟食，好開胃😝呢一個鐵板，我選擇咗 日式牛排汁，加埋一大舊嘅蒜蓉，同埋洋蔥，味道好夾！🤓🍱牛舌尖拼雞扒丼飯 $118( + 和風鹽蔥汁) 每個晚餐都配有餐湯、漬物同埋沙律，好balanced 另外，我哋都嗌咗 -🐟吉列大多春魚，好脆又有汁，幾好另外仲嗌咗兩支自家製嘅冷泡茶一支係桂花🫖一支係白桃🫖清香嘅味道好適合呢一個晚餐🫖

📌 舌丼 - 觀塘開源道60號駱駝漆大廈3座1樓R室🗓(11/5) 星期四 ⏰ 晚上7點左右 💈特式：唔知點解香港人好鍾意食牛舌，包括我自己都係，朋友唔講唔知，原來觀塘啱啱開咗間新開嘅牛舌專門店，仲要只係開咗兩個月左右，咁我梗係第一時間要去試吓啦。🥩🍔🌭🌮🥗🥯🥘🍲🍝🍣🥟🍤🍱食物：雖然話係牛舌專門店，但佢地除左牛舌丼同鐵板牛舌之外，仲有串燒同其他小食，而家等我同大家講下🐮👅味道先。牛舌尖拼牛板腱丼飯套餐 $138 - 佢地所有套餐都會跟湯/沙律/前菜，另外仲會有三款自家醬汁可以揀，我就配左和風鹽蔥汁，因為好似同丼飯底夾d，牛舌尖同牛板腱就各大約有4~5塊，牛舌好厚身，但好軟淋。另外個飯配埋和風鹽蔥汁，有少少似食緊蔥油撈飯，但佢地個蔥油嘅油應該係用日式沙律油，口味會同傳統蔥油有所不同。牛舌芯Double up鐵板套餐 $148 - 呢個套餐會配埋一碗紫菜飯，呢個醬汁我揀左日式牛扒汁，配埋鐵板牛舌芯，襯到一個點，因為揀Double牛舌芯，所以有兩條原條，一見到已經感覺好抵食，自己煎到厚一厚咁食，味道香濃得嚟又爽口。吉列大多春魚(2條) $32 - 呢個吉列多春魚真係好大條，炸得又香

這家餐廳主打牛舌，由於座位只有十數個，繁忙時間需在門外排隊等候，建議先訂座節省時間。店內有少許動漫手辦作裝飾，亦有播放V家等日本ACG歌曲，估計店長是日本動漫愛好者💕🐮 午市鐵板套餐 - 牛舌芯拼牛板鍵 $128（套餐包括前菜、沙律、湯、紫菜飯）牛舌芯帶油香，肉質較爽，口感一流，切開時內部已全熟沒粉紅，但對口感沒太大影響，配上蒜蓉一起進食可提升美味度💕牛板鍵肉質比牛舌軟，可惜這塊牛板鍵質感帶韌，不知道是因為烹煮時間過長影響還是肉質本身欠佳。醬汁可選牛排汁或鹽蔥汁，這次所選的鹽蔥汁味道跟燒味飯配的蔥油差不多，味道不錯🍚 紅酒汁燴牛舌根飯（紫菜飯+$5升級）有紅酒蕃茄香味，拌飯惹味🗒️ 總結牛舌芯美味，但牛板鍵一般，建議食客主力點牛舌。店內有油煙味，座位不算舒適，適合吃完就走、非閒聊聚餐的食客。

一段時間冇食牛舌，咁啱見到朋友推薦所以就跑咗嚟觀塘唸住試下呢間最近好hit嘅牛舌專門店😆餐廳位置方便，喺駱駝漆三座一樓，lift都唔使等🤭店鋪雖然新開張但已經全場滿客，有興趣嚟試嘅人記得要book位🙈🙈嚟到梗係要食牛舌啦❣️呢度有得揀想要咩部位，滿足咗牛舌控嘅願望🥰我叫咗個鐵板套餐（因為想食紫菜飯😆）牛舌尖拼牛舌芯嘢食好快就上咗，上檯嘅時候聽到牛舌喺鐵板上面滋滋滋嘅聲真係勁吸引🥰🥰成個set有埋前菜、沙律同湯，飯量雖然偏少，但牛舌分量真係好多，如果係一般飯量我估我會食唔曬😂😂牛舌雖然厚但熟度啱啱好，每一啖都可以直接咬開，超級滿足，下次想食牛舌一定再嚟🤭🤭

第一次食專售牛舌嘅餐廳，咁啱想搵個午餐食。環境清潔，座位唔窄。飯，配菜，湯都好食好飲，主角牛舌當然唔使講，鐵燒配搭就好食好多，因為覺熱氣就叫多支洛神花茶👍👍最後，紅酒燴牛脷好入味，一流