舌丼

营业中

休息中

近期興起一啲牛舌專門店👅呢間位於觀塘嘅一開張嘅時候已經比我bookmark咗，呢日終於有機會過食吓，餐廳都幾爆場，平日夜晚都坐滿晒😆仲要全日都免收加一👏🏻牛舌芯拼牛舌尖拼大虎蝦 $98（升級套餐 - 迷你紅酒汁燴牛舌根飯 +$33）嚟到當然要叫佢最signature嘅牛舌芯系列😝牛舌芯有幾款配搭，每款都跟兩款其他嘅肉類或海鮮，加$28仲可以升級做套餐，會有白飯、沙律同餐湯🍚今次我哋就揀咗再將個白飯升級做紅酒汁燴牛舌飯，個汁出奇地食到幾重酒香🍷好啱撈飯食，牛舌芯有兩件，一長一短，肉質爽口😋牛舌尖就有四件，已經炆到非常軟腍，上下兩面再輕輕煎過，唔洗點汁都好夠味😎食肉食到膩就可以食下酸蘿蔔同沙律清下個口🥬每份鐵板都有另配一款醬汁，揀咗和風牛排汁，甜甜地都幾夾😙牛舌芯拼牛板腱拼帆立貝 $98 （升級套餐 - 迷你紅酒汁燴牛舌根飯 +$33）另一款鐵板就揀咗配牛板腱同帆立貝嘅🐮牛板腱都食得出牛味，唔怕韌，帆立貝都幾大隻，同樣都煎得幾香😌呢個set就揀咗和風鹽蔥汁，呢個汁就有啲似蔥油豬扒飯嘅蔥油，所以都啱送飯嘅😂雞皮餃子（2件）$18呢度都有啲小食可以追加🐔雞皮餃子炸到好脆，一咬落去仲有少少爆汁😆

警世⚠️！肉質又乾又柴，鐵板細過手板賣100蚊🤬？・・・・・・・・・・・・・・・・・・・・👅 牛舌芯拼牛板腱&帆立貝鐵板 HK$98＞ 追加紫菜飯 +HK$10・味道：牛舌芯幾彈口好食嘅，但個日式蔥油醬係一啲味都冇，連鹹味都冇，就係油加蔥，am I a joke to you？牛板腱似係畀啲醃肉粉乸到冇晒肉味，得嘅黑椒味。帆立貝正常，冰鮮冇咩海鮮味咁囉。紫菜飯要加成$10蚊，但個紫菜量會唔會太少🤡？・口感：牛舌芯爽彈，但牛板腱柴到切唔開⋯⋯🐮 牛舌芯拼雞扒&鰻魚鐵板 HK$98＞ 追加紫菜飯 +HK$10・味道：呢個好小小嘅，牛舌芯同樣彈口好食，雞扒係普通煎雞扒，鰻魚幾濕潤。但同樣個紫菜飯發生咩事🤡？・口感：正常冇伏。🐔 雞皮餃子2件 HK$18・味道：呃，正常雞皮餃子，冇咩特別。・口感：冇話特別油都OK的。🚁🚁🚁🚁🚁🚁🚁🚁🚁🚁🚁🚁🚁🚁🚁個份量細到離晒大譜，個鐵板size仲細過一個女仔嘅手掌。注意！！！唔係手板，係手掌，唔連手指，好誇張，食水深到咁？得一廚師一樓面，等咗成20分鐘先送一個餐，令人不爽嘅服務語氣呢啲外在同個人因素冇實證我就略略一提算了⋯⋯・・・・・・・・・・・・・・・・・・

駱駝漆大廈不嬲都有好多好嘢食，今次就發現咗呢間性價比高，專食牛舌嘅餐廳👅今次食咗兩個鐵板燒系列，真係熱辣辣上枱仲係炸炸聲🔥加$28仲可以轉成套餐，會有埋飯同湯仲有沙律。值得一讚嘅係醬汁係分開上，可以同朋友分享嘗試吓唔同嘅醬汁，個人就比較鍾意酸辣汁，酸酸辣辣好開胃，味道有啲似泰國嗰隻綠色酸辣汁。▪️牛舌芯拼牛舌尖&大虎蝦 配風味酸辣汁+$28升級套餐 $126牛舌芯好厚，中間切開好嫩好淋，牛舌尖就牛味比較重較彈牙，大虎蝦好香烤既味道▪️牛舌芯拼雞扒&鰻魚 配和風薑蔥汁+$10紫菜飯 $108雞扒肉質算滑，冇雪味，點吓薑蔥汁都幾唔錯，呢個拼盤仲有埋鰻魚添，一次過滿足三個願望😍▪️帆立貝2粒 $36帆立貝都幾大粒，幾彈牙▪️雞皮餃子（2件） $18雞皮煎至金黃色，香脆可口，餃子餡料口感豐富，整體幾有驚喜▪️可樂 $10

#MC帶你去觀塘.觀塘返工真係好多好嘢食🤤，淨係駱駝漆大廈都已經係美食集中地，中西港日韓既餐廳都應有盡有👻，今次揀咗間鐵板牛舌專門店😜。✨ 舌丼主打牛舌丼和鐵板牛舌嘅「舌丼」，店內的裝修簡潔，以水泥牆⛓️配搭鐵桶椅🛢️、木系餐檯為主，帶點工業美式復古風🛠️。🥢 鐵板系列 $68起有6款鐵板系列，價錢由$68、$78、$98都有🤑，如果想食牛舌芯就要揀$98嘅三拼鐵板系列先有😜。🥢 套餐升級 $28起加$28就可以有曬白飯🍚、沙律🥗、前菜🫘、洋蔥湯🫕，額外加多$5仲可以升級為燴汁牛舌根飯🍛。套餐白飯都有誠意，紫菜鋪滿一層，紫菜絲幾脆口，米飯粒粒分明☺️；沙律新鮮開胃；醃蘿蔔清新爽口；洋蔥湯作為結尾，可以解膩又滿足🥰。牛舌根飯就係紅酒汁燴牛舌根，紅酒汁煮完，食落仲有少少酒汁🍷，十分難得，值得加$5一試👌🏻。🥢 牛板腱拼帆立貝&牛舌芯鐵板套餐 配日式牛扒汁 $98+$28三拼鐵板套餐真係勁滿足，𠝹花牛舌芯切開介有少少粉嫩😍，火候控制得幾好，食落有鮮嫩多汁💦；牛板腱無多餘調味，只係用咗少少黑椒吊味🧂，食落濃郁牛味；帆立貝🥠十分足料，仲有比夠兩隻，又有肉又有海鮮，都幾滿足👍🏻。🥢 牛舌芯拼牛舌尖&大虎蝦

這家餐廳的特色是提供各種口味豐富的牛舌丼飯，讓顧客可以根據自己的喜好選擇醬汁。他們提供的醬汁有日式牛排汁、和風鹽蔥汁和風味酸辣汁，每一種醬汁都有獨特的風味。餐廳全日免收加一。另外，他們還提供+28套餐升級，這個套餐包含沙拉、餐湯和白飯，讓整餐體驗更加豐富。⭐️芝麻雞翼 （2件）芝麻雞翼非常美味，酥脆的外皮和嫩滑的肉質相得益彰。⭐️牛舌芯拼牛舌尖&大虎蝦牛舌芯拼牛舌尖和大虎蝦是一道絕妙的組合牛舌的鮮嫩和大虎蝦的鮮甜相互輝映。我選擇了和風鹽蔥汁作為醬汁，它帶來了一種清爽的味道。⭐️牛舌芯拼雞扒&鰻魚另外一道牛舌芯拼雞扒和鰻魚，我選擇了日式牛排汁作為醬汁，它給這道菜帶來了豐富的味道。⭐️司華力腸除了主菜，我還追加了一條司華力腸。這個追加菜品讓整餐更加豐富多樣，味道也很不錯。

餐廳位於觀塘駱駝漆，店舖不算大，但平日去都差不多滿座，人氣高企店內裝修設計簡約，以水泥風為主調，擺放了動漫模型為裝飾，非常特別；每張凳下面都可以置物，十分貼心✨餐廳是主打牛舌的日式餐廳，可配套餐，亦可另加小食飲品(用QR code下單，十分方便)🐮🦐鐵板牛舌芯拼牛舌尖+大虎蝦$98鐵板上烹煮的牛舌芯及牛舌尖份量十足，且煎烤得恰到好處，能夠滿足牛舌愛好者的味蕾一整條牛舌芯，是牛舌的中央部位，外面炙燒內裏粉嫩，質地較嫩滑，肉質厚實但不肥膩，充滿油香四大片厚厚的牛舌尖，肉質比較有肉感有彈性，味道清爽略帶牛香，口感較彈牙不會韌大虎蝦蝦肉都嫩口鮮甜，肉質厚實彈牙，海鮮風味十足配上日式牛扒汁，開胃又香口；配菜有洋蔥十分爽甜🐮牛舌尖拼牛舌尖丼$88厚切牛舌呈淡粉紅色，牛舌烤得香口，肉質鮮嫩夠淋身，口感不錯好juicy紫菜飯又是份量十足，配上日式牛扒汁，提升牛的鮮味另外亦有配菜： 🥗沙律味道新鮮，帶有少量酸醋汁調味，十分開胃；🥣洋蔥湯味道清甜，舒服解膩；🥕酸蘿蔔微酸，開胃解膩🥟雞皮餃子$18餃子有兩件，餃子皮煎至金黃色，外酥內軟餡料質地嫩滑，帶有濃郁的雞肉香味🐔芝麻雞翼$38雞翼有兩隻，芝麻味不算重，

叫左雞扒鰻魚鐵板+$28套餐食物味道普通，與茶記無異，但份量就細過茶記一半。埋單1人都約$100。店員服務態度欠佳，由入店到埋單說話態度好命令式。食完叫埋單，店員命令式地說: 出黎埋單，令人感覺不舒服。

最近我去了一家主打牛舌料理的餐廳，配上鐵板，熱辣辣。首先是鐵板牛舌芯拼牛舌尖及大虎蝦。牛舌芯和牛舌尖都經過精心處理，烹調得恰到好處，咬上一口時肉質鮮嫩多汁，帶有微妙的牛肉香氣。大虎蝦更是鮮美，烤過後配上蒜蓉好惹味。牛舌根飯好香紅酒味，又有大量牛舌粒。牛舌芯牛板腱及帆立貝是一道豪華的組合，味道和質感都令人驚艷。牛舌芯和牛板腱經過細心火候的掌控，肉質保持了彈性和嫩度，每一口都散發出濃郁的牛肉風味。帆立貝則帶來了豐富的海鮮風味。紫菜飯和芝麻雞翼是我在這頓用餐中的美味驚喜。紫菜飯香氣四溢，米飯的粒粒分明，搭配著脆口的紫菜，口感絕佳。而芝麻雞翼烤至金黃酥脆，外層裹上香氣濃郁的芝麻，每一口都帶來滿滿的香味和滋味。

耶～是日早上出外上堂，嚟到觀塘呢區，老實講小妹真係未試過晨咁早嚟呢區，有機會望下觀塘啲早餐店，巧明街既小食店，如果日後再有機會一定要試吓🤭#出差食好嘢系列 其實呢次都算半出差，繼早前《哈豆》post提及過行駱駝漆大廈一事，當時係小妹第一次行駱駝漆第三座，而今次就係第二次嚟到駱駝漆同食午餐，起OpenRice篩選後發現一間叫《舌丼》既餐廳可以訂位，於是乎同朋友不謀而合揀左佢，好彩有訂位咋，一入座無耐就不斷見到有客嚟食，由此可見呢間都幾受歡迎👍🏻《舌丼》係一間食牛舌的日式餐廳，主打牛舌丼及鐵板牛舌，午市嚟到除咗有午市套餐外，仲有期間限定套餐，小妹同朋友是次分別叫左一份鐵板大啡菇拼牛舌芯拼牛舌尖，+$28升級做套餐，以及［期間限定］明太子月見熱湯鳥冬配蒜香一口牛舌芯，再追加一隻大虎蝦。👅 大啡菇拼牛舌芯拼牛舌尖餐★鐵板上先有洋蔥鋪底、一條牛舌芯、四片牛舌尖及一隻大啡菇，套餐係指包括紫菜飯、沙律🥗及餐湯，如果覺得套餐太豐盛，可以只加$10要紫菜飯😊 不論牛舌尖或芯都好好食😋，鐵板令牛舌尖表皮焦焦有啲硬，要比啲牙力咬，但牛舌芯反而變得更有口感🤤🤤🌕 明太子月見熱湯鳥冬配蒜香一口牛舌芯★朋友係期間

◐駱駝漆牛舌專門店｜鐵板上熱辣辣呢間牛舌已經來第二次啦，第一次食叫雙牛舌份量多到可以2 個人食。今次再新出其他組合，有鰻魚、大蝦、雞扒等，師傅先煎香再放鐵板上，好香口！🥰🥰🥰🥰𓇟牛舌芯、牛舌尖拼大虎蝦$98舌芯會厚身爽口嫩滑d，舌尖薄小小，但唔會韌，呢個餐最signiture😅，底下有洋蔥好爽甜加左蔥蒜汁，好香蔥味，但食完口氣會大d🥰🥰🥰𓇟牛舌芯、鰻魚、雞扒$98鰻魚和雞扒都唔會太差，嫩滑絕對達到標準，始終牛舌係主角！🥰🥰🥰𓇟 追加小食雞皮餃子 、帆立貝、大虎蝦餃子餡同平時差唔到，雞皮唔會太脆，口感好特別。海鮮煎香都唔錯，但要趁熱食，凍左效果無咁佳，建議叫帆立貝！🥰🥰

舌丼地址：觀塘開源道60號駱駝漆大廈第三座1樓R室番工時又搵到間CP值餐廳😜牛舌芯拼牛扳腱&帆立貝(日式牛排汁)套餐👅$126厚厚嘅牛舌芯和牛扳腱🤩，外面係炙烧而內裏係淡粉紅色，啖啖都好嫩滑，如果再點上日式牛排汁一齊食😏，完全唔同口感，超開胃勁香口，加上啲沙律及麵豉湯🥰，大滿足，正。牛舌尖拼鰻魚丼飯(和風鹽蔥汁)👅$98 + 迷你紅酒汁燴牛舌根飯🍚+$5迷你紅酒汁燴牛舌根飯配上厚厚淡粉紅色嘅牛舌，口感好好，肉質鮮嫩夠淋身😜，好入味，好juicy😚，真係讓人食慾大增，正。OOHA無糖梳打水(檸檬蜂蜜)🥤$10; 無糖可樂🥤$10天氣咁熱當然要罐汽水降溫🤣。司華力腸🌭$10; 帆立貝 +大虎蝦🦐$38司華力腸香口酥脆土佐豆腐，外脆內軟😜，係串燒味道。帆立貝和大虎蝦大大啖咬落有淡淡海鮮味，不錯。#nicefoodie觀塘----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlov

朋友好鐘意食牛舌, 今日就同左佢去舌丼食飯, 餐廳既牛舌料理有唔同嘅部位選擇我就叫左牛舌尖拼鰻魚丼飯, 配風味酸辣汁, 點少少都已經好辣, 不過加埋一齊就幾惹味鰻魚厚切肥味, 醬汁平均淋滿係鰻魚表面, 燒得好香; 牛舌尖相對比較有彈性, 幾有咬口👍另外都叫牛舌芯拼牛板腱&大虎蝦鐵板燒(配和風鹽蔥汁), 加配帆立貝, 牛舌芯口感比較軟嫩，好juicy 而且幾有嚼勁, 牛板腱切開好粉嫩,肉質結實, 配左和風鹽蔥汁, 食落更清新😋另外我哋都叫咗吉列蝦, 吉列蠔外層炸得好鬆脆, 咬開蠔肉仍然鮮嫩多汁🦪

叔叔收工唔想煮食，就係佢公司附近搵下野食見到呢間食牛舌既仲有牛舌芯食，就即刻入去試下叔叔叫左牛舌芯+雞扒+鰻魚套餐，包前菜，沙律，昆布湯，白飯升級埋做紅酒汁燴牛舌根飯鐵板熱辣辣，由頭倒個牛扒汁落去，連埋啲蒜蓉味，超香😍牛舌芯好厚好彈牙，切開入面係粉紅色，煮到岩岩好唔過火，超好食😋燴飯個汁好濃而且好多牛舌根，啲牛舌根都好嫩🤤而我叫左牛舌芯+牛板鍵+帆立貝配酸辣汁，追加大虎蝦、司華力腸、吉列蠔個酸辣汁超讚，比一般泰國酸辣汁更酸又辣😍好開胃

觀塘一直是美食天堂，很多隱世食店亦存在於這區，今天這間店舖就是這一回事呢牛舌芯拼牛舌尖&大虎蝦加28元升級套餐 126元升級套餐後多了紫菜飯，味噌湯及沙律，牛舌味道非常香，軟滑有咬口，虎蝦肉質彈牙青檸昆布冷烏冬配蒜香一口牛舌芯 88元期間限定，味道酸酸的，烏冬彈牙有咬口，湯底清香，一口牛方便吃，配上炸蒜更口感更豐富雞皮餃子（2件） 18元香脆雞皮包裹整舊餃子餡料，充滿飽滿感吉列蝦（2件） 18元金黃香脆，香口不油膩吉列蠔 （2件） 18元香脆炸皮包裹軟嫰生蠔，蠔亦飽滿非常炸餐肉條配芥末籽醬 28元煎午餐肉吃得多，但炸午餐肉還是第一次吃，條狀像百力枝一樣，香口爽脆，配上芥末籽醬，口感一流舌丼觀塘開源道60號駱駝漆大廈第三座1樓R室

繼續觀塘探秘~ 今天到了著名的駱駝漆大廈覓食，很喜歡牛舌的我倆看到大大幅舌頭部位分佈圖，感覺有點pro，就試試看吧~❤ 牛舌芯拼牛舌尖拼大虎蝦 $98是一次過滿足哂三個願望系列！😊上桌完全沒有欺場，100%還完圖片！四大片厚厚的牛舌尖，和一整條牛舌芯，以這個價格，份量非常驚人🤩牛舌尖口感偏軟有肉感，味道清爽略帶牛香，牛舌芯口感完全不同！彈牙爽滑，充滿油香，送飯一流 😋跟餐可選牛排汁，鹽蔥汁，或泰國辣汁，個人覺得鹽蔥汁最能突出牛舌的味道，而泰國辣汁則像生蝦酸辣汁，還是配大虎蝦最好~大虎蝦也比想像中鮮甜，肉質厚實彈牙👍🏼❤ 牛舌芯拼牛舌尖拼大啡菇 🍄 $98 + $28(大虎蝦)大啡菇肥厚多汁，跟餐的鹽蔥汁也很能提鮮 🆙👍🏼 吉列蠔 🦪 (2隻) $18就算本來不愛炸物，到了日本食店就總想吃個吉列小吃 😜吉列蠔新鮮炸起鍋，熱騰騰的蒸氣隨著脆口的聲音，帶著蠔香緩緩從面前飄起 ♨這就是吉列小吃帶來的享受~