興記菜館

营业中

休息中

最近天氣寒冷，又係時候去食個暖笠笠既煲仔飯喇，講起煲仔飯，第一時間就會想起油麻地廟街。今晚收工即刻捉住老公陪我去食☺臘腸滑雞煲仔飯 及 免治牛肉餅飯加蛋同老公一人一個煲仔飯，我地都覺得牛肉飯比較吸引，牛肉餅味道香濃，配合蛋黃拌飯，脆脆的飯焦非常可口。 臘腸滑雞則味道較清淡而且雞亦比想像中較多骨。金銀蛋菜苗食左咁多肉，當然要食返啲菜啦。雖然賣相一般，但味道不錯，菜亦都夠嫰口。天寒地凍食到啲最笠笠既野，感覺非常滿足。唯一美中不足係因為太多人既關係，等食比較需時呢。

興記菜館點解會去食：2018-12-07 早排天氣凍凍地，好想食煲仔飯，再次感受下呢種風味。咁啱去開油麻地，咁梗係要把握機會喇。點左個臘腸排骨飯、腐乳通菜、沙律骨。食物新鮮程度：⭐⭐⭐⭐落單之後等左好耐呀，因為坐滿晒人，啲order 都出唔切。臘腸排骨飯：臘腸唔會太肥，排骨就「韌」左啲，同埋無咩味。個底無咩飯焦呀，可能焗得唔夠耐。腐乳通菜：通菜都幾嫩，腐乳幾香。沙律骨：輕輕炸左，個外皮都脆，加埋個沙律醬，酸酸甜甜，好開胃，送飯一流。食物合適溫度：⭐⭐⭐⭐應該每樣都係即整嘅，所以一來等得耐，二來好熱辣辣，所以好啱冬天去食。食物驚喜程度：⭐⭐一如以往嘅味道，無特別。只係第一次試排骨，但麻麻地...無味得黎又「鞋」。—————————————————服務員態度：⭐⭐⭐大排檔嘅服務，唔好要求太高了。—————————————————最重要系。。。我會唔會再去？重遊指數：⭐⭐⭐⭐

上次去完四季，雖然煲仔飯質素不錯 但無其他餸菜點 失望地無種類不多 所以今次再去返興記點左咸蛋肉餅煲仔飯 田雞雞煲仔飯 腐乳炒通菜 煎蠔餅（細）咸魚肉餅飯喜出望外  有點驚喜  飯的質地剛好  飯焦脆而不膿 混合咸蛋肉餅味道好夾  肉餅肥瘦剛好咸蛋無過咸田雞雞飯好多田雞 但唔太多雞 有點失望 飯的質地偏濕 但記得之前食油鴨白鱔味道比較好 腐乳炒通菜 本想叫腐乳灼通菜 但黎左炒通菜 好大碟 好抵 不過有點咸 食材很青綠 新鮮 煎蠔餅（細）呢度既煎蠔餅真的不錯！外脆內軟 很足料 好多蠔仔 好大隻蠔仔 份量2人食剛好 服務都不錯 但環境好像比以前污糟左 羅漢果茶 足料 味道不錯 很解渴

今晚同朋友見天氣凍凍地就出來食個暖身煲仔飯-七點來到見冇乜人排隊仲鬼咁開心-*坐低order左两個飯一客細蚝餅*蚝餅還可以-排骨飯就好普通*我一咬條膶腸陣油億味-好難食呀*下次都係唔加腸了

涼風陣陣 暖岩整返個煲仔飯食下暖粒粒又香噴噴經歷過往年8點幾排隊排到好長龍今次就醒目啦早啲黎食 6點幾就揾好位坐定定三大一細 叫左三個煲仔飯細蠔餅 蒜蓉炒豆苗等左一陣 啲野食黎得好快個場都好快就滿座啦叫左個排骨臘腸飯，章魚肉粒飯，牛肉滑雞飯三個都好正 再加埋個煲仔飯豉油 一流呀！！！！！！！！！我最鍾意係章魚肉粒飯啲肉粒細細舊好易入口小朋友都食到同埋好滑一啲都唔鞋個菜苗有驚喜以為係好普通好油嘅炒菜 點知好好食啲蒜頭味好香炒得啱啱好 啲菜夠嫩最後係個蠔餅夠香口脆卜卜熱辣辣好好味

難得早放工又天氣開始轉涼就同老公去廟街食煲仔飯撐枱腳老公好鍾意幫襯呢間每逢冬天都會嚟至少一次不過地方就比較污糟但老公仍然都要食呢間因為老公話啲煲仔飯有飯焦好正我就覺得都OK嘅，不過我就唔太喜歡食飯焦😅😅反而我覺得佢個菜OK叫咗椒絲腐乳通菜，夠鑊氣又夠味整體來講都可以其實眼見隔離枱蠔餅我都好想試可惜老公怕熱氣亦見有幾個鬼佬喺度食坐位都唔太舒服，通常都要搭枱但每次黎親都爆曬棚原來好食嘅野真係可以蓋過衛生同坐得舒服🙈不過我為咗陪老公都可以🤪

每到時深夜時候要，尋找美食一定想起廟街的煲仔飯。知道有很多出名嘅煲仔飯，經常都有旅客在排長龍而我哋光顧ge都係興記，覺得又平又好食，今次都唔例外，一去到廟街就直接去了興記。掛住食都冇影相😿我哋叫咗一個臘味煲仔飯，牛肉飯加蛋。發現佢餐牌轉左，可能我哋太耐冇黎，有好多唔同種類的煲仔飯，價錢貴了。。不過都唔緊要，因為之前真的比較平。煲仔飯質素有點失望，臘味飯的油滲不到落去煲仔飯內。而且牛肉也太硬了再叫了一個蠔仔餅，份量明顯比之前少了，不過蠔多多，質素仍然很好。這個可以encore

入冬，緊係要食最殘忍飯🤔好彩六點左右到，好多客未到，所以一入即坐，不過不到10分鐘，已經坐滿人😵。一入到去，聞到一陣陣臘腸味，本來只想叫基本野，陣味搞到我口不對心，叫左個臘腸滑雞飯。個煲ㄧ到，一打開，見到水偏多，5理咁多，當然整色整水先，再焗佢一焗，希望可以盡收水。今次有D失望，我個煲因為水多左少少，所以無法收乾水，搞到無法粒粒飯，可能係為左煲內最重要的飯焦😏，飯焦仍然係好易撬起， 有啲燶，可以收貨😋另外，爉腸偏肥同衣有啲硬，好彩D雞仍可以。不過，另一煲排骨煲就出事。飯底好過我煲，有粒粒飯感，但啲排骨就出事，完全無醃過，又無肉味，令到煲失色。除左㷛，當然5少得蠔餅啦，一煎好即上枱，D邊好脆，D料都算足。其實，有時食㷛仔飯，去大店都有D睇運數，因為5同師父5同手勢，5一定可以煲煲好。

條街靜悄悄 水靜河飛 大量車位10點幾廟街宵夜 雜貨小販收晒工 食店嘅枱櫈又冇擺出馬路 冇人流"四季煲仔飯 出名要排隊"今日就得1~2枱客 老細坐門口睇風景環顧四周 都係"興記“ 大包圍咁 見2店價錢都係咁上下 就食興記不銹鋼枱面唔濶 枱面肥 枱枱之間冇距離得2枱客好靜 估計坐滿就唔會！？🤔興記煲仔飯 已經唔覺得親民 由$16 而家$49 (1人份) 個人係覺得貴嘅但而家啲鋪租咁貴 做生意難……牛肉煲仔飯~ 1人份 $44 +潤腸$5 =$49牛肉片約10片細片 冇肉鮮味 淡口飯 & 豉油都肥膩 要飲大量水蠔餅~ 細$40 大蠔仔靚 蠔肚脹卜卜 旦餅炸脆香 蠔餅淡味 枱面有魚露 甜辣醬 可自己較味但油膩 旦餅越食越淋行多幾步“生記"經濟啲 窩旦牛肉飯$35但 上次食"蠔餅“ 就差啲

呢間鋪頭煲仔飯既choices 超多!!!!! 有舊式，亦有好多新派既選擇，for example, 雞軟骨 等等........ 最後我地揀咗田雞煲仔飯🐸 同一個蠔餅!! To be honest, 黎廟街食煲仔飯，除咗係真係食個飯，更重要係食個風味!!!!! 如果想話服務態度好呀 環境好呀 其實可以去其他餐廳食！呢D地方香港真係買少見少，食得一日得一日...... 講翻食物，D田雞堅滑，份量嫌略少！飯既軟硬適中，焗耐D會有飯焦😃

我的新加坡朋友第一次來港，我從網上找到興記出名煲仔飯，所以帶他們去試。簡直中伏，令香港人無面。首先店鋪5:30開門，我們6:30到。比我想像中少人。我們叫北菰雞飯，腐乳通菜，蠔餅，椒鹽九肚魚，三杯羅漢果水。個伙記完全亂來。先來飯，之後我發現未有drinks, 我同伙記講叫左菜，魚，𤐶餅未來，她説休魚期魚加10元。我説ok. 等很久之後有個女人來收錢。我話叫左菜，蠔餅同魚未來。好啦，之後先來菜，跟著檺餅。咁魚呢？原來又漏order. 比我發現原來一早笫一個伙記只寫了雞飯！太離譜了！食完比錢走人。以後不去！雞飯份量很少。味道普通！蠔餅好粉，好難食！希望不要中伏。值情無面。

小時候，父母假日總是帶我外出吃大排檔的煲仔飯。每次想吃煲仔飯都會想吃往日的時光。今天到了位於油麻地的"興記"，點了一客白鱔煲仔飯及一客章魚雞粒煲仔飯，除此之外，更點了一份椒鹽九肚魚。先說說煲仔飯，兩款的煲仔飯送上時均是香氣四溢，先打開煲蓋，加點醬汁，再讓煲仔飯焗5-10分鐘，煲仔飯會變得更香更美味。白鱔令便用的鱔雖然比較小，可是味道卻是一流，白鱔肉質爽口彈牙，配上豉椒後，十分美味。至於章魚雞粒煲仔飯，雞粒都不算太肥，吃下沒有太大的油膩感，章魚的咸香配上鮮嫩的雞粒，整體表現不錯。椒鹽九肚魚則是中上水評，九肚魚炸得皮脆肉滑。表面亦沒有油漬，多吃數件也不會太飽泄。

每次經過油麻地, 總想起這裡的平民小食,次次都大排長龍, 今次都唔例外排左大概15分鐘左右,除左本地人之外, 仲有好多外國人同大陸遊客慕名而來食得油麻地煲仔飯就係想感受一下呢度的人情味先上一個蠔餅蠔餅係呢度的特式菜, 有分唔同的size今次都係淺嚐一下, 蠔餅入面的蠔大大粒, 又肥味食落d 汁標晒出黎唔會話好乾d 粉份量控制得剛剛好, 唔會話好油, 落的蛋漿夠晒蛋味,再點魚露真係十分醒神再來主菜臘腸排骨飯, 熱辣辣煲仔飯真係好吸引,香噴噴既煲仔飯, 食完之後即刻好滿足, 飯有焦香味,金黃飯焦夠晒脆, 再加埋醬油和飯混埋一齊食, 正。

Good street of course think of Temple street. We went to look for local food. I ordered yellow Eel and white Eel rice pot $85). The taste was yummy. The eels were well cooked and not many bones. The soy sauce was not too salty. Oyster cake - lots of small oysters inside the flour and egg. Fish sauce and spicy sauce were prepared on side. But there was sand as the oysters were not cleaned properly.

興記煲仔飯🍲好耐之前食過覺得幾好味，近排經過就排陣隊入去食，煲仔飯一般，勝在有蠔餅搭救，比起其他煲仔飯有差異🤭1️⃣排骨滑雞煲仔飯🍖🐥 $46食個煲仔飯我中意加好多豉油，因為白飯太多餸唔夠所以要豉油吊下味，啲滑雞算嫩但冇乜味，排骨就不過不失，都係普通食開陣味，但係個飯冇飯焦，有啲失望🤭2️⃣煎蠔餅🐚🍳 $80(大) $40(小)蠔餅係興記菜館一個特色嘅菜式，有分大同世嘅size，我哋就叫左一個大嘅，蠔餅入邊嘅蠔唔會好細隻，粉唔會好多，落嘅蛋漿亦都足夠釋出蛋香味，脆脆地點啲魚露好開胃(˶‾᷄ ⁻̫ ‾᷅˵)