興記菜館

营业中

休息中

排隊終於輪到我地，想食好嘢，就要排隊， 雖然要座街邊，這才有懷舊，地度嘅味道，店舖內有座位的，但我總是喜歡座出面座位。到7點8點，太多人啦，一座下就叫照牌菜式煲仔飯同炸蠔餅先，跟著叫多個菜食，當然不可少。認真爽。。

原本約左男人去佐敦食上海菜，癡癡呆呆嘅我地，去到先知人地逢星期三休息，唯有即興行去廟街食煲仔飯。食煲仔飯不嬲都食興記，今次都唔例外，可能今日平日啦，坐得鬆動，但其實枱枱同間間舖都有人。兩個人叫左細蠔餅、臘腸排骨飯加蛋、咸魚肉餅飯。先黎左個蠔餅，有兩塊，炸到好酥脆，啲蠔都大大粒，食到尾聲先記得影相。食到👆🏻，啲飯終於黎喇。先黎左個臘腸排骨飯加蛋，我記得以前蛋係自己打嘅，而家係打埋落去，男人話好食！因為煲邊落豉油焗嘅關係...啲蛋熟晒...到我嘅咸魚肉餅飯喇！梅香咸魚好正，肉餅好滑！加埋一枝忌廉一枝可樂...一百五十幾蚊埋單..好滿足嘅呢！

次次食煲仔飯都會揀興記，貪呢度又多選擇、又無對面個間甘排長龍。老實說，呢度環境同衛生都幾差，不過食得呢d大排檔野都唔係食環境架啦，起碼我次次食完都無試過肚痛😂呢度煲仔飯同小菜都唔差，又平、上菜又快，但唔太建議叫海鮮，因為唔算太新鮮。最推薦既反而係佢既菊花茶，佢係清甜而唔係假甜，好過飲汽水啦！

途經油麻地，忽然想到去廟街搵食，於是邊行邊找，最後入了興記。餐廳的裝修簡單，甚有七、八十年代感覺。金銀蛋浸豆苗：簡單的菜式，味道清淡，配料多。豉汁白鱔煲仔飯：白鱔份量多，而且肥大肉厚，飯有焦香味。蒜蓉蒸鮮魷：蒜香味濃，鮮鮮爽口，粉絲入味。

是晚帶外國朋友行完廟街之後，就順路去帶佢見識吓香港煲仔飯。興記煲仔飯算係保持到水準嘅，又唔需要等位等好耐。最中意就係食魚🤤，所以最欣賞就係白鱔煲仔飯，爽口彈牙唔多骨，而啲飯都做到粒粒分明❤️；蝦醬炒通菜依舊惹味，羊腩煲仔飯就還好（雖然冇羊羶味但味道冇驚喜）。不過比較失望應該係椒鹽焗鮮魷😔，眼見有好多炸粒粒同蒜粒，但食落一啲味都冇．．．連魷嘅靈魂都食唔到。啲姐姐服務態度幾好嘅，有機會都會再嚟食。又一餐。

琴晚帶左我廣州朋友去廟街食煲仔飯，因為佢想食香港特色既野食，天氣咁凍食煲仔飯就岩哂啦！可能天氣凍既關係，個個都走去食煲仔飯??去到時，大排長龍。不過好彩，等左大約10分鐘就有位。其實，我都成年無黎食煲仔飯啦！我地分別叫左2個煲仔飯，上湯浸娃娃菜，煎蠔飯，炸椒鹽鮮魷。牛肉排骨煲仔飯&章肉雞粒飯 : 香噴噴既煲仔飯，食完之後即刻暖胃，食到個底仲有飯焦添，小小咸，卜卜脆😂煎蠔餅 : 煎蠔餅無炸咁脆口，但都好有蛋香味!炸椒鹽鮮魷 : 香脆可口

還沒回到香港，便一直在盤算著回來的第一頓飯要吃什麼。下飛機、拿行李，弄一弄不知不覺已經九點，到達市區也應該差不多十點了。都差不多宵夜時間，有什麼泡麵以外的選擇嗎？「等你很久了，快去找晚餐吧！」漁夫邊幫我提行李邊問，「你想吃什麼？」猶豫之際，一陣冷風吹來，我靈機一觸，說：「去廟街吃煲仔飯吧！」想起那油香和焦香味，絕對是驅散寒意和疲累的良藥啊!早耳聞廟街的煲仔飯很有名，但因為評價很兩極一直提不起勁來試一試。車子停好後還要走一段路，邊走肚子就邊咕咕作響，尤其看到周邊的菜館，看起來一點都不弱啊! 差點就忍不住一屁股坐下去開動了!不過走到興記，才知道什麼是名店，這大晚上的人流也太多了吧! 好幾間興記都差不多坐無虛席呢!幾乎每桌都有一份蠔餅，看來也是這裡的名物。「要不要來份蠔餅?」漁夫問。「可是你不是還想去掃街?」這邊吃太多怕吃不了之後的牛什和喳咋呢!「有半份嘛!」他指指餐牌，「先要半份蠔餅配配酒吧!」半份的蠔餅的確不多，大約2件。「是剛炸起的耶!」一上桌便趁著新鮮咬下一大口。炸成這樣雖然很酥，但真的挺油膩的，味道算是不過不失，雖然只點了一份小的淺嘗也有點膩。 漁夫本想配上辣醬一起吃，但看來辣醬味

o係凍冰冰既晚上，本來能夠食一個熱辣辣又香噴噴既煲仔飯係一件既溫暖又快樂的事…可惜去到呢間興記，我既心情真係降到冰點……同男友一人叫左一個煲仔飯，一個係免治牛肉飯加蛋，另一個係臘腸排骨飯，再加一碟細份蠔餅。蠔餅好快就黎左，分量算大碟，但粉多偏鹹。但煲仔飯足足等左成個鐘!!明明唔係繁忙時間但竟然等左成個鐘……而個煲仔飯係同蒸飯無咩分別，真係令人好失望怪不得一街之隔的另一間煲仔飯同一時段大排長龍，但呢間等左一陣就入到去……另外，侍應服務態度亦好差，絕對無下次!

熊妹呢排返工返得好密，又要返學，時間表好緊拙，無咩時間見熊大，所以熊大就提議今晚等埋熊妹放完學後去廟街食宵夜煲仔飯。呢排天氣凍到熊妹震哂，真係好適合食熱辣辣的煲仔飯。 今次廟街煲仔飯係熊大的主場，話說以前熊大成日同啲豬朋狗友們黎食喎，所以由熊大黎發板喇。 唸都唔唸，就叫左個腊腸滑雞飯，其實都岩熊妹口味，哈。真係即叫即煲，黎到熱辣辣，局左一陣，熊妹急住影相，熊大叮囑熊妹小心揭蓋，唔好燙傷。熊大好鐘意食腊腸，鐘意個啲肥豬油同腊腸的甜味混合，真係唔肥唔食，熊妹其實細細個時都鐘意的，但之後怕肥都唔敢食，所以益哂熊大喇。滑雞肉欣好嫩唔鞋，都有好幾舊，配煲仔飯係一流。熊妹鐘意勁多豉油，連埋啲飯焦真係脆卜卜好惹味架，一向好抗拒飯的熊飯都食完一羹又一羹，哈哈哈哈，飯桶就唔洗多講喇，清哂。然後，熊大都鐘情蠔餅，見佢大大個招牌poster寫住必食推介，應該都係呢度的招牌菜，所以叫左個細的，蠔仔兩人夠食喇。本身熊妹唔好蠔仔的，但熊大極力游說下試下喇，見係佢主場俾面下佢，蠔仔份量都幾多下，幾乎成個蠔餅每個位置都有分怖，一啲都唔腥，加埋啲煎蛋，唔錯，不過食蠔餅都預左係油啲喇。呢度其實唔至得煲仔飯，仲有好多精美小

我諗興記真係唔使我多介紹，係廟街煲仔飯兩大巨頭之一，不過唔知大家去到廟街會揀佢定係揀四季呢？通常四季都比較多人排隊，等既時間較長，主要係遊客，而食物質素比起好幾年前真係遜色左好多。相反我比較喜歡既係興記，咁多年來食物質素都比較平均，價錢亦較合理。- 煲仔飯（章魚雞粒、腊腸排骨）煲仔飯嘅質素其實好難keep，好似係飯既濕潤程度同飯焦既燶度都好難控制。今次既出品我覺得飯都唔錯，不過飯焦就多左少少同餸既醃料鹹咗少少，整體都算過得去。- 蠔烙 （細）呢個蠔餅真心唔算油，亦唔會太咸，蠔就唔多㗎啦，不過都勝在熱辣辣。- 蝦醬通菜蝦醬其實煮咩菜都好食，夾通菜更加係，好惹味，空口食都唔會太鹹。整體來講，對於煲仔飯店黎講，呢度嘅收費絕對相宜，性價比都ok，不過就要忍受一下平民嘅進食環境同埋一般既服務態度啦。

好耐冇食過煲仔飯，近排凍番，就同屋企人去廟街食，取下暖。見四季排長龍，所以轉戰興記，貪佢舖位大，可以快d有位坐，果不其然，15分鐘左右就有得坐裏面有個姨姨好好人，好快就同我地落好單。蒜茸蒸聖子 ($75)朋友話呢個好食，所以一坐低就order左。好香既蒜茸味，見到上面既蒜份量都好多，但係作為一個粉絲FANS 就略厭唔夠喉。聖子量都多，但就細隻d，而且有d腥，可能我地唔好彩？脆皮炸大腸 （$75)口感同味道一般，唔係特別脆，但係個甜辣醬幾正，加分！椒鹽九肚魚 ($65)九肚魚不太新鮮，而且份量細，但脆漿不會太厚。有一個黑醋，幾開胃，本人就食唔到，但姐姐就話有少少苦味。金銀蛋莧菜 ($60)金銀蛋 ＝ 雞蛋 ＋ 咸蛋比例剛好，可以每匙都吃得到兩種蛋，莧菜很新鮮，很甜，湯汁也可以喝，不會很咸。蝦醬炒通菜 (忘記價錢了：( )如果是喜歡蝦醬的朋友，一定要點。蝦醬味很出很香，每吃一口，整個口腔都食蝦鮮味連我爸爸那皇帝口都大讚。煎蠔餅 (大：$80  細：$40 )我地叫左大份既。 蠔餅足份，岩岩好阿八個人食。而且入而既蠔粒都幾大下，唔會腥，幾鮮。記住 一定要加佢地既辣醬一齊食。椒鹽茄子 其實本身

今個冬天咁凍！又係時候去食啲暖立立熱辣辣既野食啦！食煲仔飯就岩晒啦！行到廟街見到好附人排隊果度就係啦～雖然好附人排，但人流都好快，等左半個鐘就入到去食啦首先叫左個蠔餅，炸完即刻拎過黎，好熱好脆，我同男朋友兩個人完全唔夠食！要叫大份既先夠食呀之後叫左兩個煲仔飯熱辣辣上黎，記得要小心個蓋呀 好熱架我中意食梅菜肉餅，好夠味，啲飯焦好脆好香口同埋其實我自己小喜好，我中意豉油撈飯所以完全係my favourite!

之前見電視介紹呢到嘅煲仔飯，所以星期五晚收工就專登去試，一行五人，叫左腊味煲仔飯，白鱔田鷄煲仔飯，蠔仔肉碎粥，蠔餅，豉椒大蜆，白灼東風螺，蒜茸青菜，煲仔飯夠香，鱔都新鮮，但略為過火，大蜆冇左以前風味，反而個蠔仔粥仲好食，D蠔大隻同乾淨，埋單都只係三百幾，比想像中平喎，不過D姐姐實在太惡嘞，眼見隔離枱因為叫嘢食加左兩次單，直情比姐姐鬧，鬧佢唔一次過叫，搞到我地都唔敢加單，其實就算D嘢幾好食都好，要比人鬧唔會有下次囉，何况呢到唔係超好食，只係過得去咋

凍就應該食煲仔飯，本身係打算食附近既四季煲仔飯，但係見到四季既排隊人龍就唔想等，於是揀左興記。興記有幾個鋪位，但係廟街兩旁就有五個。呢度同四季食既野大同小異，都係食煲仔飯同蠔餅，但明顯地人流少D。煲仔飯（滑雞、臘腸、鹹蛋），原本一個煲仔飯一個餸其實就40蚊，加餸就每樣要加10蚊，咁其實都係合理。但係，加個鹹蛋就靜係得鹹蛋黃，蛋白唔知去左邊😑，所以掀起個蓋時我有一秒嬲左。不過好在，味道係OK既，雞肉幾嫩滑，去曬皮，所以比較健康D。而飯都粒粒分明，加埋豉油撈住食好香，但有另一點要批評，明顯飯焦不夠，超級難刮落黎。鴨蛋蠔餅，炸粉幾薄既，香脆可口，蠔仔粒很多也很飽滿，一點也不腥，配上豆瓣醬，一口咬下去，不過確實有D油。整體而言，呢度味道呢，唔係話唔好味，不過未去到驚艷。唔想排隊既時候，都可以試下既。

呢日黎到油麻地買飛睇戲，見仲有個零鐘先開場，就走入廟街搵野食，難得見到興記未full，即刻坐低左先慢慢睇餐牌。興記嘅煲仔飯不嬲都係即叫即煮，而加嘅興記有幾個舖位，橫跨左2條街。有一個舖位係放滿左爐，專係用黎煮煲仔飯，其他舖位就做食飯地方，平時都多人到幾間舖都逼爆左，仲要喺廟街路邊加枱。今日我地2個人趁未係多人，好快就order左個黄鱔田雞煲仔飯先，然後先再諗食乜菜，最後見到其他幾枱人人都叫左煎蠔餅，於是就叫左個細份試下。煎蠔餅：半煎炸到金黃香脆，真係岩岩炸起就好快上菜，啲蠔仔大大粒，好新鮮黄鱔田雞飯：平時好少食到，所以特登叫黎試下。個飯有少少煮燶左，但啲燶味還可以接受。黄鱔都幾滑，食落好香，如果可以多啲就好啦！田雞都比市面上食到嘅較鮮甜，而且口感唔會太鞋蝦醬炒通菜鮮魷：味道不過不失，啲通菜同鮮魷都好新鮮，不過有啲咸！但黎廟街最緊要chur返支樽裝可樂！爽！但總括黎講都係充滿香港特色，係香港既味道！