興記菜館

营业中

休息中

與友人到中南廣場購物，經過油麻地興起想吃煲仔飯，便找了一間不用排隊的。早前亦有聽說過興記煲仔飯很好吃，但一直沒有機會嘗試。店裡座位感覺比附近幾間鬆動一點，亦沒有悶熱感。我和朋友叫了田雞和白鱔煲仔飯，另叫了一份小蠔餅。慶幸有一起吃田雞和白鱔的同伴，因為身邊很多人都不吃，而且吃煲仔飯總感覺要吃較特別的餸大家都知道吃煲仔飯是需要耐性的，不記得等了多久，但由不肚餓等到肚餓。兩份煲仔飯是一起上桌的田雞煲仔飯叫加了姜去味，飯並沒白鱔飯香，但田雞肉出乎意料地好吃很入味，推薦而白鱔飯則加了豆豉，所以飯會比較香，亦都重味少少。而鱔肉亦好嫩好入味，正另外蠔餅就無影相，因為外表比較普通，食落無腥味，還不錯。整體而言，值得一試

本身想去對面街嘅另一間煲仔飯店，但排哂長龍又好想食煲仔飯，只好幫襯興記呢間「負評多過正評」嘅餐廳。一行過去已被門口姐姐入埋位唔洗等。我地叫左細蠔餅、白鱔煲仔飯、肉餅煲仔飯同炒豆苗，三個人食岩岩好。煲仔飯好易就有飯焦，要不停搞。白鱔好失望，得四塊左右，仲要好薄，但味道好出，飯都有鱔味！肉餅同蠔餅中規中舉，新鮮熱食點都唔會難食得去邊。唯一唔理想嘅係坐正係垃圾筒隔離，d姐姐又大大力倒垃圾，好驚會整污租自己。條街好濕好多垃圾，但好有香港特式好有feel，要自己平衡下。

其實呢餐都成個半月前🤣個日突然心血來潮想食煲仔飯於是就去左廟街嘅興記菜館兩個人叫左一個#細蠔餅 ($40)蠔餅似炸得耐左少少 唔係金黃色蠔仔都唔太多 有少少失望另外叫左#章魚肉粒飯 ($48)章魚縮水 但好彩肉粒都夠大粒整體上可以接受嘅💁🏻‍♀️_________________________裝修環境：✨✨✨服務態度：✨✨✨食物質素：✨✨✨(5個✨為滿分)________________________唔信我嘅可以自己去試試😂

一係同煮飯無分別 一係燶哂 （如圖） 等左成9個字仲要吹左幾次先到個煲飯 態度又唔好 都未點完野食就走左 要熱既就比左枝凍我 無下次 唔洗黎 仲要無咩特別 個飯完全無飯蕉 都唔知係煮飯定煲仔飯 千奇唔好試

煲仔飯完全無焦，十足蒸飯一樣，呀姐態度勁差，話要係叫時特別要求先至有焦，佢落單時又無講。真係第一次聽，煲仔飯要特別要求至有焦，d排骨又勁鞋。。完全中伏，一定唔會再去見隔離果間好多人排隊，完全明白點解，原來呢間咁難食。未食過咁差既煲仔飯。。有另一台都投訴果煲仔飯似白飯+排骨，但呀姐話係咁，有無見到幾多人，你叫左就要比錢。黎得呢度食，雖然都唔會預有咩好好服務，但至少野食做番好少少丫，煲仔飯連最基本都無。。。

煲仔飯以為炭爐整。。唔會差。。點知中伏!!!叫左個臘腸排骨飯。。臘腸乾爭，排骨鞋口😰辣酒煮花螺。。從未見過咁特別ge汁...還有就係。。啤酒竟然係配膠杯!!!!

天氣開始轉冷，又係食煲仔飯既時候！適逢朋友住佐敦，到朋友家作客後當然要到廟街覓食！由於星期六，人流相對較多，但呢度勝在內外都有枱，我地一行六人大約等左十五分鐘就入得去食喇～～～首先當然要叫煲仔飯啦！但款式十分多，對於我呢位有選擇困難症既人實在頭痛！不過朋友們好指明要食某類煲仔飯，即刻解決問題，哈哈！我們點了鱔煲，好香魚味，肉質滑，十分美味之後有推介既滑蛋牛肉煲仔飯，正！然後點了田雞煲仔飯，肉質滑但比較瘦削，肥美會比較入味蠔餅都是必叫

如標題，普通普通🙈🙈但都有好多人排隊等食，好耐之前同友人食過啦，都唔記得上次，而今次同樣組合去試多次啦都幾期待下因為又肚餓麻，我地叫左兩個煲仔飯、炒大蜆、腐乳炒通菜同細蠔餅先講個蜆，睇相都見到翏翏可數🙈平時大排檔都有好多隻啦，再加上有兩隻無開殼tim，食得唔過癮，份量太少啦同埋連配菜都無，平時都會有青椒、洋蔥等麻，依個真心有點失望🙍🏻個蠔都係一般，粉會比較多，但蠔肉都算大隻，不過不失啦通菜方面，都算欣賞ge，唔會炒得過左火同太咸到兩個主角-煲仔飯啦，原先我地係叫章魚肉餅同雞肉拼牛肉（唔太記得）點知黎錯左，咁就算啦，個份量都幾細下，章魚太細粒啦，唔係好食得出係章魚🐙唔會話好特別，下次想再去食咁反而下次想試另一間另外，友人叫左兩枝‘聲稱係自家制ge羅漢果茶’大家都可以試下咩味道

六點幾左右黎到，唔算太多人，可以即刻入座。走嘅時候大約七點半，馬路旁已經有人龍，估唔到咁多人！其實係為蠔仔餅黎，但見呢到出名煲仔飯，就嗌多個試下～.蠔仔餅（細：$40）等左15分鐘終於有得食，好餓～上下夾埋兩塊，炸得好脆，👍🏻蛋味香。凍得好快，要食快啲～不過蠔仔唔太多，而且唔太大隻。.北菇滑雞煲仔飯（$48）等咗半個鐘～煲仔飯啲飯好軟，粒粒分明，幾特別。啲菇好味，雞都好滑，但多碎骨，同全部都好細舊。啲餸唔夠送飯～啲鼓油基本上唔甜😢總結：蠔餅都可以試下，煲仔飯冇特別。野食都要等好耐，可能太多人～

蠔餅說是必食的，但上枱色水確實唔靚，亦唔係新鮮熱辣上枱，個底太多油。只是單純的蠔仔及蛋。。。而且小菜貴又細碟，又唔算太好食。以辣炒蜆為例，又啲殼又無肉，有隻仲開唔到椒鹽鮮魷好少少，但其他地方更好味我唔明喎，一向都話食煲仔飯要煲邊落豉油，焗完再食。但個蓋條邊截住曬啲豉油，落唔到去。章魚果然夠香，滑雞差少少，始終都係雪藏雞。臘腸出奇去唔鹹幾好食。我最鍾意免治牛肉肉餅煲仔飯， 鮮牛肉攪又軟又淋， 而且死人都要加隻蛋， 整個飯焗出蛋香味， 加豉油食一級正

難得可以同老公一齊拍拖行街食飯，諗左好耐最終決定食下香港地道菜，廟街呢度有好多間煲仔飯，多數朋友都係推介呢間興記，的確咁多間來講呢間外觀比較乾淨企理，眼見都好多遊客食緊入到去梗係老公發板啦，餐牌真係好多嘢食選擇，睇到我頭都暈，煲仔飯丶小菜各式各樣都有最終老公揀咗西檸雞、蒜蓉炒菜心同埋蒜蓉蒸蟶子，再加多兩個白飯，埋單先係＄190西擰雞炸到外脆內軟，肉汁鮮嫩食落淡淡檸檬清香蒜蓉炒菜心大份量唔會話剩係得幾條hea我蒜蓉蒸蟶子真係好大碟，有成十幾隻，蒜蓉同粉絲嘅份量都好多，食到我哋汁汁聲整體來講真係好抵食，大大碟、分量多環境好光猛乾淨，員工服務態度好好，唔會話十問九唔應，一舉手就即刻落嚟幫我地落單下次做節或者生日飯一定要帶埋四大長老一齊黎食

天氣少少涼，又是食煲仔飯的時候😋走入去廟街，有好多店都有煲仔飯食，不知如何地選擇下，我們走入了擁有6間分店的興記。來得廟街食飯，就預了不會有高級的裝修，估不到的是菜式是包括三種語言，中文、英文、日文。👍滿為遊客著想相隔一段日子沒來，價格又上漲了。。。今晚點了鱲腸排骨煲仔飯（$44）、椒鹽鮮魷（$60）、椒絲腐乳通菜（$32），煎蠔餅（$40/細）先上菜的是煲仔飯，飯偏濕，排骨同臘腸（半條）都是一般水準。蠔餅熱騰騰脆身，蠔仔尚算飽滿，不是很細粒的那種，蠔的大小尚可接受。份量有兩小塊，剛好兩人的份量。腐乳通菜則保持水準，夠炒氣。反而椒鹽鮮魷只屬一般質素，有點失望。整體來說，味道尚可。

基本上整個廟街差不多全都是吃煲仔飯的，繞過一圈後，發現其實都是兩大家餐館 — 分別為這家《興記》以及另外的《宏X》,價錢、食物款式都差不多，而上網查過後其實兩間的食評也甚為參差... 拿不到主意之下，便選了看似較多分店的這家。每逢到了入秋的季節便會想起煲仔飯這種民間美食，想不到簡單的米飯在瓦煲熬過一輪後可變得那麼香。米飯焗過一陣後焗出了薄薄的飯焦層，米是偏硬身的，略嫌有點乾。飯和排骨的份量都不多，而且牛肉全都黏在一起，事前準備功夫馬虎。紅燒豆腐味道不錯～多汁，不會太多油，豆腐大大塊，內裡亦算滑，清清的又夠味。另外，餐廳採用木筷子，實在不環保。這家餐廳在這裡已開業甚久，加上每晚都有不少食客，相信不用木筷子也不會太大影響吧><

地道煲仔飯🔥唯豉油味淡💦小菜價錢唔平💸星期四晚十點左右我地兩個黎吃暖暖煲仔飯，咁夜都有一兩檯人吃緊野。其實成條街都係興記既，入邊間都唔差得遠。✏️我們的食單✅北菇滑雞煲仔飯 $50✅潤腸滑雞煲仔飯 $50👌🏻薑蔥炒田雞 $90👌🏻青島啤酒（一支）$25✅北菇滑雞煲仔飯 $50：飯香極佳！雞肉幾滑，北菇同雞既份量都可以多啲，都算低吃。豉油有色水但唔香。✅潤腸滑雞煲仔飯 $50：意見同上。👌🏻薑蔥炒田雞 $90：第一次吃田雞，感覺肉質同雞肉差唔多。薑蔥份量好多，炒得非常香！但價錢偏貴。🏠大排檔👳🏻‍♀️服務正常

天氣開始涼所以又有想食煲仔飯嘅念頭以前去開陳漢記食但今日收工就去旺角搵吓啦去咗廟街見到四季有勁多人排隊就入去興記食，貪唔使排隊之前都有入過黎食，見到Menu上嘅價錢由在提高左，但冇辦法啦難得來一次叫咗1分細蠔餅，黃鱔煲仔飯同埋臘腸滑雞煲仔飯蠔餅有兩件，意外地有好多粒蠔仔而且粉漿唔太厚，與之前相比明顯改善了沒有太重油膩感蠔餅已經加價到＄40一份，雖然加價但蠔仔的數量明顯增加左就原諒佢啦黃鱔煲仔飯至少有五夠黃鱔而且肉質婆後感覺唔錯。d飯明顯overall cook，飯粒已沒有水份而且偏硬，飯內明顯有燒焦的味道，有感失望臘腸滑雞煲仔飯，飯粒充滿水份但臘腸size較細及短如果能提供加多一條臘腸相信會更加吸引