興發茶餐廳 (已結業)

今天是我的好朋友grace要生bb的大日子, 約了另外兩位好朋友一同於摩頓台先食lunch, 再去附近的法國醫院探grace及她的初生baby. 一個月前跟老公來這兒食lunch, 覺得這兒的食物水準很好, 所以今日我推介我2位朋友要來這兒食lunch. 我們3人點了冬瓜火腩飯, 生炒牛肉飯, 芙蓉蛋飯, 醋香豬扒及3杯凍奶茶, 每人約$60, 這兒的食物碟頭頗大, 所以打包了大半碟的豬扒及半盒芙蓉蛋飯, 下次3個人再來食lunch時, 還是點2個飯加豬扒就足夠了. 今次我2位朋友都說這兒的食物有獨特風味, 火喉夠, 炒功一流及份量夠晒多. 1. 醋香豬扒 ($58)一大碟的豬扒約有10塊, 豬扒煎得乾身, 咬落煙韌, 有口感, 醬汁用上了白醋, 蜜糖及祕製醬汁, 味道濃郁兼帶酸醋的濃香, 非常惹味. 2. 冬瓜火腩飯 ($3x)這個火腩飯不是特色小菜牌上的菜色, 所以吃前並沒有太大期望, 誰知吃過後, 才發現很有驚喜. 火腩是超厚切, 咬落啖啖肉, 卻又不會太硬太實, 火腩味甘香. 我最喜歡這個冬瓜, 不是一般的貨色, 外表呈微微青綠色, 味甜夠淋卻有咬口, 絕不是淋巴巴.

又係為抽戲飛呢間野之前向我做野地方附近,見佢出面貼左雜誌介紹,而我印象中呢間野好似上過電視,所以試下.雜誌多數寫特色生炒牛肉飯,所以試呢樣,價錢唔平,三十八一碟.其實佢炒得都唔錯,夠乾身,飯冇一舊舊,碟底冇油.味道都唔錯.不過佢有樣特色就係唔多見牛肉,我個碟只有幾粒牛肉碎.(冇錯係幾粒仔)我唔知係我個碟咁唔好彩定係佢其實係牛肉汁炒飯.炒牛飯唔見牛肉我硬係覺得怪怪的,可能咁至夠特色啦....

看過報紙的介紹, 原來興發的周師傅曾在農圃任大廚兼首創糯米釀雞翼, 後來給少年食神 Michael 在雜誌推介過後, 加上森美小儀的人氣力推, 我跟老公2人就非要來這兒試試不可. 我們點了2客招牌菜, 分別有黑糯米釀雞翼, 醋香豬扒, 再點了一個碟頭飯, 蕃茄免治牛肉飯及熱奶茶. 1. 黑糯米釀雞翼 ($48一隻) - 無想像中咁大隻, 只有中翼及翼尖部份, 價錢頗貴. 這道菜是兼用黑糯米及白糯米, 餡料野味, 有冬菇, 臘腸, 黑糯米及白糯米, 雞翼炸得外皮香脆, 老公讚這客雞翼吃起來感覺較傳統釀白糯米的沒那麽漏, 不過我倒喜歡白糯米, 因為白糯米本身較香較淋, 而這個黑糯米餡料也黑黝黝, 賣相稍遜. 2. 醋香豬扒 ($58) - 相對來說, 這客豬扒就比雞翼便宜得多了, 一碟$58約有8-10塊豬扒. 豬扒入口軟腍, 醋味和甜味都調校得宜. 豬扒部位也很不錯, 有些是連骨豬扒, 更見嫰滑. 3. 蕃茄免治牛肉飯 ($26) - 相比之下, 這個碟頭飯水準就非常一般了. 首先, 這碟飯跟本就沒有蕃茄, 只有茄汁, 這個汁除了有茄汁外, 也有醋, 味道很像先前的醋香豬扒, 汁太濃

在摩頓台附近，有一間非常牛的茶記，逢紅日都唔開，你放假時佢又放假，真的有錢也未必有得吃。而此店最有名的，也莫過於黑糯米釀燒雞翼，據說其大廚以前是在農甫幹活的，而且隻隻是預先釀好醃好，再在廚房內吊住待燒的，也認真，而且也需要預訂，以前也試過打包半打回家吃，家人及女友也吃得很是滋味，今天看看和女友再來，可否在沒有預訂的情形下再一嚐此佳餚。幸好原來也有貨，所以二人隨點了特式的芙蓉蛋飯外，也另點了特式生炒牛肉飯，再二人分吃一隻肥大的雞翼，也很夠吃了。先來的是芙蓉蛋飯，究竟加四元的特式是什麼？不知道，大家可參考之前KC兄的食評可知，真的是不知有什麼特別，但只是四元，就豪給它吧，先要談的是碟頭也大，但蛋仍能覆蓋整個飯底，面頭微焦，嗅一下也有蛋香，以匙破開一看，赫見裡頭蛋漿流動，而且料很豐，分別有洋蔥、韮菜、芽菜、叉燒絲、小蝦仁等，每樣材料也是煮的剛熟，軟硬度適中，而洋蔥及韮菜等也保留應有的濃烈香味，配上一點豉油，伴飯同吃，很美味。再來的是生炒牛肉飯，也是熱騰騰的端上來，一看下去已知對版，飯粒粒粒分明，很是乾身，蛋 絲、牛肉粒、洋蔥、蔥花及蘿蔔粒也很碎身，均勻分佈在炒飯之中，每口也吃得到每隻材料的味

兩個人叫左唔算好多野特色生炒牛肉飯 完全唔覺有咩特別,唔特別好食,好貴九層塔炒肉片 d香草味幾好,又係好貴馬拉盞炒通菜 普通菜一碟,貴都係睇完雜誌介紹先去試完就算啦無特別原因都唔會再去第二次

同伴看到雜誌介紹這家小店，說是由X圃飯店的前廚師掌廚云云，要去試一下。到此一坐下，環顧四周，都是些茶餐廳常見的碟頭飯和炒粉麵套餐，價錢三十元上下。一方面覺得價錢合理（以聽來的後鑊陣容而言），另一方面又稍稍懷疑，一分錢一分貨，這個價錢能讓我領略到超凡的烹調功力和水準嗎？侍應拿來了餐牌，我馬上明白了：上面的「特色美食」原來是另一種價錢。糖醋豬扒 $58，黑糯米釀雞翼每隻 $48，特色生炒牛肉飯 $38等等；其它家常小菜也收 $48（炒時菜例外）。這樣的售價，難免提高了我對這頓飯的期望和要求。好，就點糖醋豬扒和生炒牛肉飯（餐飲另加 $4），還有馬拉盞炒通菜（$38）。豬扒先上，以這個價錢而言，件頭比較小，但放滿了七八件豬扒，算是勉強可接受。挾起一塊往咀裡送，糖醋汁與一般京滬館子的沒啥差別，豬扒又不見得特別嫩滑或有肉味 。水準四平八穩，但這樣的貨色要我掏五十八塊，實在心有不甘。「特色」生炒牛肉飯，顏色比他店的深，甚至會令人以為是咖喱炒飯！但除此之外，不論廚藝水平（的確炒得頗乾身，但黐埋一嚿的情形還是出現；而且水準相近甚至超過的茶餐廳比比皆是）或是配料（竟用了雪藏的粟米、青豆和紅蘿蔔粒）都找不出

如題～論特色生炒牛肉飯~飯：飯身過於鬆軟，食落口感欠缺，亦因此飯比較吸油，導致飯香給油香掩蓋了．免牛：牛本身唔鍺，醃得幾好味，唯刀功／炒功略欠，上碟時酋見”大舊”免牛．蛋：靈魂所在，但明顯過火，以至稍有燶味，未能蛋香盡現．用蛋吝嗇．配料：有青豆玉米粒及生菜作點綴，可惜用料參差，青豆玉米是死實的，大打折扣．鑊氣：尚可，但因為環境關係，流失過快，三五口過後便似有還無．冷氣過盛．調味：用油過多，飯後倍感油膩．味道算合格．整體：以普通生炒牛飯而言尚算可以，實不能以特色稱之，中下品．

幫襯左佢地有成年了,同老板一家及伙記都好熟,久不久就倆公婆去開飯，lastnight 同一班親戚去食飯..食左老板推介嘅餸:雞湯浸節瓜，聽落好普通啫！煮到出嚟食嘅時候一試..D節瓜好霖..嗰個雞湯香噴噴..又加左好多蝦米..送飯一流,,只不過突然之間想問佢地係唔係俾錯左隻碟裝餸！我碗飯都未食完d餸就俾人食曬。跟住黎嘅黃金炒飯...一望落去就見到好多江遙柱.虾粒炒得乾身,記得興發老板曾經講過炒呢個飯係落蛋黄炒..炒之前又要燒熱個瓦煲仔..等d熱力逼d蛋黄香味出黎,問心講呢個飯真係好正,食落口唔油..最正係一路食一路聞到蛋黄香味，不過盛惠ハ十ハ蚊一盅都算貴。又試左一個時令燉湯"青蘋果燉生魚"，我認為酸得濟，不過我親戚就連飲三碗。

2月7日（星期六）下午，因為在家溫書會有太多“誘惑”，所以臨考試前的兩天也來中央圖書館，希望可以專心溫書。是日女友要返工半日，所以收工後就來找我吃午飯。女友提議去食牛腩，但我卻想來這裡吃炒飯，而且有一次星期日和女友來這裡“摸門釘”。原來星期六下午的「興發」很好生意，人客絡繹不絕，好不容易才找位坐下。因為一早已經想吃這裡的特色生炒牛肉飯，但又不想叫兩碟“碟頭飯”，因為怕眼闊肚窄，剛好看到這裡有特色牛腩湯河，於是就點了這兩款食物。相信稱得上「特色」，連帶製作也比較需時，因為比我們遲點食物的夫婦，叫了兩碟“碟頭飯”來到，我們兩樣特色食物也未到。特色牛腩湯河終於先來到，一聞香味四溢，再喝一口湯底，充滿濃厚的牛味卻不是太咸，牛腩亦夠入味，很腍，不韌，就連牛根亦很腍，河粉亦很爽口，果然夠「特色」。吃到一半，特色生炒牛肉飯也上場了。說是特色，其實應該是在炒飯的時候加了特製的豉油，所以飯粒帶些黑和有少許豉油的味道，這裡的炒飯不錯，飯粒分明且乾身，配料如牛肉碎和雜菜粒很頗多，而且整碟炒飯的份量也不少。不過可能是繁忙時候的製作，今次的炒飯比較油膩和賣相比較差。值得一提，這裡叫“碟頭飯”是附送例湯的，是日的

Me and my love always like fried rice and so we are here for a try.At that time, it is not yet that famous, so it is easy to get a seat. And the staff is nice to us too, I think she knows that we are coming the first time and she recommends us these two: Fried Rice with Beef and Sour Sweet Pork Chop. However, they only have the Glutinous-rice Chicken Wing on certain period, we just have that 2 dishes. Fried Rice with Beef: The beef favor is strong in the rice, mixed with veggie dices. The rice i

多次經過這兒都見很多人今日終於試左，叫左糯米釀雞翼皮好脆，都算好食，但唔係超好食囉生炒牛肉飯就普通

每逄週一的早上，必言會到中央圖書館找資料，事前就先要找個地方醫吓個肚仔！期間，亦多次到過鄰近不同大小的餐廳和快餐店嘗試過，但是最後得出來的總結，都是此處的早餐，是最好及最低食呀！就最簡單的 "A" 餐 - $20 為例子：1) 牛油方一份。( +$2 可更改為 "波羅油"。)2) 火腿意大利通粉。( 內包括：二大塊火腿、幼細的通粉、更使人最喜歡的，可說是他們用了 "粟米湯" 底，給人有個極之美滿和滿足的感覺。)3) 煎雙蛋。( 雞蛋 - 不只是新鮮又大大隻，煎出來的效果一流。）4) 咖啡 或 奶茶。( 亦算夠熱及夠滑，味道也不錯。)吃了這一份的早餐，連中午嗰餐都可以不吃或少吃些呀！故此，不一定要有特式或平或貴的餐，才可滿足個人的喜好，只要當事有用心去做就得，有時間去嘗試一下便知是否。

聽說此店有著名的周六晚前來一試七時一刻許到達, 全場滿座, 等了一會. 老闆娘在商場的通道開了一張枱給我們, 遲15分鐘到便要等上大半句鐘叫了冒名而來的 黑糯米雞翼2隻 另加鹹蛋蒸肉餅, 清炒白菜仔黑糯米雞翼: 雞翼雖頗大隻, 但味道一般, 個人覺得用上黑糯米是敗筆的地方因為黑糯米有其獨特味道, 做甜品不錯, 但釀雞翼則不成, 加上蝦米及冬菇粒就有點不輪不類, 你大概沒見過有人用黑糯米炒臘味糯米飯吧. 始終還是白糯米較香, 咬口亦較佳.鹹蛋蒸肉餅, 是一早已整好長期蒸著的貨色, 失敗.(見到貼在店內的雜誌介紹才叫, 結果中了招)蛋蒸唔靚, 肉餅亦硬硬的, 配上的白飯亦是硬硬的 沒有飯香, 差 清炒白菜仔, 最簡單的, 竟然最遲來. 而味道亦鹹了一點普通不過的茶餐廳, 顧客不絕, 似乎是明星效應吧了

明星效應~睇過森美小儀在電視上推介之後,好有衝動來試吓.行完工展會順道來這餐廳,大約晚上七正來到已經座無虛席.老板話在外面大廈通道內開位比我地,都好了因可不用等(好彩是冬天).叫了這裡四大名菜 : 黑糯米雞翼,醋香豬扒,生炒牛肉飯同秘製牛腩河黑糯米雞翼 ~ 名不副實,雞翼無雞味,一啲都食唔倒雞肉得啲雞皮,黑糯米味道一般,好失望.醋香豬扒 ~ 這個最合自己口味,醋加酒香味濃,豬扒夠. 正~!生炒牛肉飯 ~ 一樣名不副實,味道尚可,但食唔倒一粒粒炒飯,而係一的.秘製牛腩河 ~ 睇森美講到好似好好食,原來只係得個辣字,湯底同牛腩味道一般過一般.最失望是這個了.整體來講可一試,不過一次就夠喇~!

今晚約好舊同事一行八人黎食野，有預早訂位，亦都提早訂左雞翼。早左少少到，不過都要等張檯埋單先有得入座，無計，太細。叫得茶餐廳，當然唔可以以為雅座既級數，一張圓檯僅僅坐得晒八個人。侍應見我地無咩主意，主動提議貴價食物。最後叫左幾樣野食，樣樣等上菜，不過都叫做即整，算係咁。1. 糯米釀雞翼每隻 $48，講真，就算半價都仲覺得有少少貴。花功夫在去雞中翼兩條骨，仲有釀糯米唔好整穿雞翼皮。試過，不算甚麼，罷了。2. 九層塔炒牛腩炒牛肉的話就 $68，炒牛腩就要 $78，好明顯俾侍應成功落搭，因為全碟野都無幾多舊牛筋牛腩。3. 芙蓉蛋本來叫芙蓉蛋飯，侍應話驚我地唔夠食，改做就咁芙蓉蛋，不過重點係飯都無到肚，真係想飽都幾難。全碟野最值錢係幾隻蝦仔，都算有少少交代架喇。4. 糖醋豬扒終於有樣似樣野，夠熱，個汁幾好，都叫做人人分到一兩塊。5. 馬拉盞炒通菜又係侍應慫恿之下既菜色，由於一路都揀唔到似樣小菜，但係全餐都係肉又好似唔係幾好喎，所以都主動同朋友問下食乜。個菜味道算 OK，不過睇唔到價錢就唔知抵唔抵喇。6. 瑤柱黃金炒飯本來想叫生炒牛肉飯，話明係招牌菜，點知侍應又落咀頭提議呢個瑤柱黃金炒飯，無聽錯