興發茶餐廳 (已結業)

前陣子在TVB看過少年食神Michael的"為食一條街"介紹過這興發茶餐廳，其實就在小弟的公司對面，平日午飯時間都間中會和同事到來吃過快餐。經過餐廳大門口，眼看店子小小的，客人都會坐得逼逼的。這樣的一間普普通通的餐廳，吸引我的不是店舖本身的裝橫，而是餐廳大門玻璃外牆的菜單海報。什麼九層塔炒牛肉、黑糯米釀雞翼、醋香豬扒、特色生炒牛肉飯、特色芙蓉蛋飯，還有脆麻花等等......琳琅滿目，製作得十分精美。我心想，街上的路人們會不會和我一樣被同樣的幾張海報所吸引呢？在菜單海報的另一邊，有另一張海報，此餐廳原來曾被U Magazine選為我最喜愛食肆及Openrice.com開飯入圍食肆之一，可見其受歡迎程度。少年食神Michael林澄光、森美、小儀，甚至Ivana王菀之，亦被這餐廳吸引過來，多次光顧，究竟有什麼乾坤呢？一於和女朋友去試一試......昨晚走進興發茶餐廳，已坐滿七成食客。有看過Michael的"為食一條街"的觀眾都知道，餐廳老闆為父子檔，爸爸在廚房裏埋頭苦幹地做菜，兒子和兩位員工就在樓面為客人點菜，亦忙不過氣來，另有一男員工負責水吧工作。店子雖然細小，只有餐桌六、七張，可能坐在卡

公司同事是愛美一族，閒來總會逛逛街，買點化妝品之類打扮一番。這化妝品牌售後服務其實也挺貼心，不單止提供免費化妝班，購買者更可帶朋友一同前往，當然還強調不會即場銷售貨品，亦不設 hard sale 環節。同事見我平時返工也會化點淡妝，知我也是愛美之人，故邀我一起上堂。既然老公最近忙得不可開交，兒子亦不在港，橫豎放工後閒來沒事做，也不妨 update 一吓最新化妝技巧。同事和我也是饞嘴鬼，平日常一起午膳，而揀地點多數都是由我出鬼主意，見難得放工後一起吃飯，所以這晚選擇食肆的任務就交給她負責，估不到原來她早已心中有數，說想去銅鑼灣摩頓台的「興發」吃晚飯，睇嚟又是看了少年食神的節目，躍躍欲試這茶餐廳的名物了。放工後第一時間鬆人，來到這裡正好是下午六點，由於時間尚早，店內沒有其他顧客，我倆隨便選了個卡座。原來這裡面積頗細小，只可坐大概二十多人左右，不過從椅桌的擺設和整體環境來看，這兒總比一般茶餐廳整齊清潔。其實來這裡吃飯根本無需翻看餐牌，因為店主把這兒的招牌菜式相片幾乎全都貼在玻璃門上，甚麼九層塔炒牛肉、醋香豬排、秘製牛腩河、芙蓉蛋飯等，一目了然，不過由於這晚只得我和同事二人，食力有限，只點了

這日在銅鑼灣吃過寫意的下午茶後，閒逛一會，不經不覺又到了晚飯時間。還未想到到哪裡吃晚餐，這次老婆仔竟然快自己一步有好主意，說在附近的一間茶餐廳的「生炒牛肉飯」據聞水準不錯。既然難得老婆仔有好提議，當然不會托她手踭啦！於是這天的晚飯，就來到這間「興發茶餐廳」了。原來這間其貌不揚的茶餐廳有三大名菜，分別是「生炒牛肉飯」、「醋香豬扒」和「黑糯米釀雞翼」，不是這次來到幫襯，自己可真是全然不知，真可謂「老貓燒鬚」了。一場來到，當然是叫「生炒牛肉飯」啦！至於另外兩道名菜，因為我們兩個才剛吃過下午茶不久，未算十分肚餓，所以只打算叫其中一樣。本來我是叫「黑糯米釀雞翼」的，可是這雞翼原來要$48一隻，假如我們一人一隻的話，單是雞翼便已要接近一百元，因為這天才剛吃過一頓較為奢侈的下午茶，所以不想吃得那麼貴，於是改叫了另一道名菜「醋香豬扒」，作為「黑糯米釀雞翼」的替代品。「生炒牛肉飯」先來，看來賣相不錯。但......舀了一口試嘗，再細看碟裡的牛肉飯之後，老婆仔便發覺一件奇怪的事。怎麼這牛肉飯既吃不到，也看不見有牛肉的呢？！照道理，就算那些牛肉切得多細碎，都應該會找得到的吧！仔細尋找之下，仍然牛蹤杳杳，莫非

氣憤的一次昨日下午經過，時間１３：４５－１４００，女友食左，自己未食飯，因對食唔係好有要求，走左入呢間野．．．　當時人唔多，唔會有’爆’的情況（大約七成），於是同女友坐低（之前旁邊的兩間都無位，見到有卡位，坐卡位，兩個坐一邊，因為對面唔係卡座），之後有兩人坐對面，自問無阻佢做生意．眼見好多人都係食生炒牛飯，於是問下問下哥仔（大約廿五至三十歲左右，矮身材，瘦）：’生炒牛肉飯好出名的，個個都叫的？’佢話：’係好多人叫的’我想好左後同哥仔話：’一個生炒牛肉飯，比個多個碗仔，飲野一間先，未諗到’個哥仔話：’仲有呢？’示意我女友，我回應話：’佢唔要喇．食左野’佢竟然冷冷的話：’一個餐唔做！’　我唔係好明，同唔係好信自己的耳仔，問：’吓？’佢冷冷的說多一次：’我地一個餐唔做！’　於是我問一下女友，佢真係唔食，於是我地離開呢一間’五星級’的茶餐廳．事後都真係幾氣憤，講真，你都只係一間茶記，唔係大酒店，炒的，都只係一個的’生炒牛飯’唔係炒兩頭鮑魚．．．而且，都只係諗住比ｄ女友試下，唔係非食你飯不可走左之後，真係覺得要同openrice 的朋友share 一下，講真，佢的野好唔好食我真係唔知，但係如果，

今日約左朋友嚟依度食晚飯試一下招牌既黑糯米釀雞翼我地兩個人7:30係tima square 從從行行走到興發茶餐廳,依到真係有D隔攝,都離MTR幾遠下,如果我唔係有心嚟應該都唔會經過我地兩個人點左3樣野食黑糯米釀雞翼,生炒牛肉飯,糖醋豬扒點左菜到等左一段短時間先上菜,無法啦先來既係糖醋豬扒我地影完相就急及待開餐勒個豬扒好淋一D都唔un 酸酸甜甜咁好香甜醋味好正之後就到人日既主要目標黑糯米釀雞翼上枱勒都係慣例先影相後食野個雞翼入面D糯米有好多冬菇好重冬菇味,都唔錯可惜D糯米濕左D好淋我中意食煙un D既糯米最後嚟既係生炒牛肉飯,個飯炒得幾香,無乜油,好好味兩人食飽飽之後就去行街街消化下同去食甜品

在食物上，除了價錢偏貴外，他與一般的茶餐廳也一樣，今次要了生炒牛肉飯，有例湯送，可是要43蚊，價錢貴，服務尚算良好，生炒牛飯炒得不錯，牛肉是碎牛，有荷蘭豆、紅蘿蔔之類少許，技術良好之處在於炒飯飯粒粒粒干身，和沒有油膩，這是一般坊間炒飯不能做到，不過硬是覺得與一般的茶餐廳做得差不多，店中還貼有很多招牌菜，這裏的醋香豬扒、牛腩麵和黑糯米雞翼好像也是招牌菜，有機會可能要試一試，不過雞翼一隻要48元，真的昂貴。 http://icuteee.mysinablog.com/index.php?op=ViewArticle&articleId=2733673

平日來只會吃碟乾身生炒牛肉飯，但點睇都不覺得似可以讓一班朋友小聚的茶記，經傳媒朋友推介，才知道要一口氣試勻招牌黑糯米釀雞翼、糖醋豬排的話，其實亦有計的．．．炒牛肉飯，看起來油膩，但吃起來卻是乾爽可口，飯粒滲滿蔥蒜爆過的香味。更多的分享＠http://foodxfile.blogspot.com/2010/08/blog-post_27.html

這天有事傍晚去了銅鑼灣，約了人還有十多分鐘，剛夠時間去了興發吃個茶餐，坐低後掃射一輪餐牌及牆上的食物相片，見到牛腩賣相幾對辦，便叫了一碗招牌牛腩河。招牌柱侯牛腩河店中賣的是柱侯牛腩，碗面上有一半牛筋、一半腩肉，面上灑了點葱花，喜愛吃牛筋腩的人如我就最啱食，柱候醬的濃稠度適中，不會像它店吃完有糊口的狀况；河粉比常見的較幼薄，但又不如越南河粉如此纖薄，用來索濃味的柱候醬汁也很適合，牛腩炆至腍而不韌，沒有黐牙的情形，水準是平均之上了，碗中只灑了點葱花，如果能夠加幾條鮮菜便最好，廿二蚊一客麵餐包凍飲，在銅鑼灣來說可算定價合理。 這杯凍啡只是普通貨式，沒有期望無話可說。邊吃着河粉邊看牆上的食物推介相片，見到不少如糯米釀鷄翼等有特式的食物，相中食物賣相不俗，所提供的比較像一間小飯館多於一間茶記，日後有機會會揾埋朋友一起來試食及分享。

放工後去完sogo supermarket 掃貨後, 徐徐地已行到中央回圖書館附近本身唔係咁餓但咁岩今日見到興發有開門（星期日唔開, 東主成日有喜都唔開 )於是唸都無唸就入左去點了北菇蒸雞飯 , 可惜"剛" 賣晒 記起這裡除了名物 糯米壤雞亦 外就到 生炒牛肉飯 無走雞了 以$40 來算也幾貴隨後伙記送上例湯 有點似老火湯的豬肉紫菜湯味道唔錯, 應該沒有下味精的湯但頗甜非人造味道 聽到廚房烘烘有聲, 未食都聽到強勁的鑊氣, 氣勢迫人暗地裡加點分差不多 7-8 分鐘後飯也送上碟頭幾大, 我在正常的情況下可以KO 一碟的 主角牛肉外 , 配料有雞蛋絲, 香蔥, 紅蘿蔔粒, 青豆粒, 粟米粒, 洋蔥等 炒飯粒粒分明, 所有料頭也分佈十分平均而且油份不多,牛肉有點點酥味,但可以接受的 最讚是鑊仔十足, 很正啊

聽了些意見，便帶同內子和小犬去吃，下午兩點仍是人流不絕，招呼親切。點了 黑糯米釀雞翼一只 干炒牛河 生炒牛飯 牛腩湯河黑糯米釀雞翼，真係貴，但好好味，皮好脆，內裡的肉和糯米好入味，牛河少油，但比新景園還差一點。炒飯，真是一絕，但能乾身一點更好。湯河的香料味很濃，九層塔的味令人更加食慾。整體是令人愜意的一頓，小孩更吃的撐著走。太子爺在埋單時，輕拍肩膀問下對食物意見和寒喧一下，令人＋分親切。

農圃 has been respected by local diners, actors or businessmen for years. I haven't returned back for a little while (perhaps its shows you how much I do like or do not like it ) but it was definitely above your typical suburban grade Cantonese restaurant. It might not be very very good yet one can't argue either that everytime you visit there you do sense the kitchen had at least shown an effort to make your dishes more appealing! Now that 農圃 has finally gained 1 Star from the Michelin Crew, le

我只叫了豉椒牛肉飯，豉椒的味道很香，有少少辣，茨汁埋得很好，好食啊！在寒冷的夜晚吃這個飯最好了。本來想叫土魷蒸肉餅飯的，但未夠８時就售完。很喜歡這種家庭feel的小店。

特色生炒牛肉飯係好食料多又鮮，鑊氣又勁，反又分明，油就少少啦炒反應有的好處佢都有，仲想點

看了電視介紹,所以同太太去試試.糯米雞翼一只- 味道一般,我情願齋吃炸雞翼($48each, 太買 不需要試)醋香豬排 - 醋/ 糖比例ok ($58, 可試)生炒牛反 - 沒特別 ($38, 可試)鹹魚炒芥蘭 - 咸魚夠多 ($48, 可試)總結: 名過其實. 個人覺得與一般茶餐廳沒大分別. 不需刻意的去試.

一直都知教會附近間茶記好出名，但未食過始終唔知咩野料。今日終於去試傳說中既生炒牛肉飯。飯粒分明同有鑊氣係真既，不過都有少少油，同埋牛肉粒都夠牛味既，有蔥花就更加可以提味啦。未食佢六隻起既黑糯米釀雞翼，多ｄ人先再黎請教。