興發茶餐廳 (已結業)

這間看上去貌不驚人嘅茶記，最近成為小弟一直想去惠顧嘅地方，皆因背後掌勺人乃名店農圃第一代嘅大厨是也...所以响餐牌上你會見到農圃嘅名菜糯米釀雞翼。但是次去只係想叫一些簡單嘅碟頭飯食食，而且要四十八大洋一隻，委實貴了一點。下次等有機會才叫吧...事前已鎖定目標，故此餐牌都唔使望 --- 特色生炒牛飯、招牌芙蓉蛋飯。吃得興起，再加個醋香豬扒...有時候總覺得，要做一些大菜不困難，反而炒一碟好嘅碟頭飯反而更考功夫。响香港要响茶記食到一碟出色嘅炒飯真的不容易 --- 通常唔係太油就係太濕，D飯炒得黐埋一pat pat，未吃已先倒胃。這裏嘅生炒牛飯，雖則仍是油了一點，但卻炒得粒粒分明，亦尚算乾身，又冇燶底，已是相當難能可貴了。不過收你四十多大洋一碟，又覺得貴了點，但一想起這裏係銅記，又覺得有點道理了...何謂特色芙蓉蛋飯 ? 吃一口試試，原來係下了點五香粉落蛋漿入面，但食落又覺得對味道沒有什麽幫助。話雖如此，蛋煎得金黄，極之靚仔，且蛋汁仍保留到，這就是功夫了。餡料仍是基本嘅韮黄、芽菜、义燒及蝦，亦算足料。呢碟芙蓉蛋，可算係小弟食過入面較出色的一碟了...醋香豬扒一等便要二十多分鐘，但吃過一口之後

14.5.2008 星期三恭喜恭喜!! 哩日係小妺生日,所以晏晝就同我親愛的同事林姑娘同Endi出去食飯賀一賀佢!!之前睇飲食男女介紹大坑的食肆,先至知道哩度的生炒牛肉飯咁出名,枉我已經晌度附近做左成年幾野,我一次都未去過哩度食呢,哈哈...成間舖都真係幾細呢~好彩都坐到卡位!好,黎個"特色"生炒牛肉飯先~endi叫了個豉汁蒸排骨飯,林姑娘就吃梅菜肉餅飯。個生炒牛肉飯等左我諗都有10分鐘呢...黎到,嘩,都幾大碟喎!! 我食唔晒,俾左d endi食,heehee...生炒牛肉飯--份量大,飯粒真的炒得很乾身;肉我覺得都夠多;不過我就覺得好像淡了點,味道不算太突出呢! 可能我個人太咸keekee豉汁蒸排骨飯: 以下係endi的意見:「好味,肉好滑, 又唔多骨, 飯又唔會太lum, 不過我鐘意咸D,下次要多D豉油」梅菜肉餅飯: 林姑娘話：「d送太少,太細碟;味道也可以,但不是特別出色」每位都有是日靚湯送,今日係"霸王花湯",幾好幾好,應該無落味精呢~!!多謝兩位的意見~~同埋多謝你地請我食哩餐生日飯~~total: $90

今次是第二次來這裏吃飯...第一次是聽了電台後立刻來, 但很多小菜都沒有.....可惜...今次就有了, 因為訂了枱......1) 芙蓉炒蛋2)雞翼釀糯米($48 , 好貴)3)碎牛炒飯4)香草炒蜆5)九霄豬肉6) 醋香豬扒(最好食)7) 炒白菜仔整體都好好味, 但份量就好似少左d.. 碎牛炒飯真的很乾身...其實剩係黎食個醋香豬扒都抵......出面真係食唔到...

由於家住大坑，經常遊走大坑內各食堂。當發現興發茶餐廳後，發現食物好味，招呼一流。有著兒時街坊街里的感覺。曾品嚐盅頭飯、炒飯、醋香豬排及經濟午餐等。每樣食物的味道都沒有令人失望。基本上一星期都會幫襯一次。因為真係好好味。lunch及dinner開飯之選。

是晚行開銅鑼灣...一於試下興發...但係無咩方向感既我有地圖都睇唔明點去...足足搵左我9個字先去到言歸正傳, 聽咁多人講好食就一於試下佢既生炒牛肉飯同埋醋香豬扒特式生炒牛肉飯($38): 牛是碎牛, 有點點肥, 食落唔會有實卜卜既感覺, 口感比一般免治牛好, 配合粒粒分明既炒飯食落又係另一番既味道, 估唔到粒粒碎牛混左係炒飯當中, 食既每一口都充滿住肉既味道, 雖然跟雪藏3色豆一起炒, 但係味道依然係唔差既醋香豬扒($58): 呢個等左我地4個字, 但係係值得既. 一放上檯就已經聞到陣陣醋香, 一食落口就發覺醬汁異常惹味, 濃郁既醋味帶少少甜同咸, 加埋香味, 黎多幾碗白飯都食得到. 豬扒經過炸一炸, 面頭少少脆但係裡面都係有肉汁同油分, 好味道!等緊豬扒既其間...叫左個是日例湯 - 紫菜排骨湯($8), 味道好豐富, 飲完無口乾應該係無味精....加埋普通不過的凍0水同埋菜心, 搵左我9個字既興發, 值得比個好評.

聽到收音機介紹之後, 就嚟咗試食啦. 其實都呢頭都熟, 但就一直唔知嗰廚係大有來頭., 亦唔察覺呢間茶餐廳, 舖頭細細, 似做熟客生意多.點菜時, 服務好細心, 我想要嗰芙蓉蛋飯, 相信店員見我生面口, 一估就估我係聽完收音機而嚟嘅, 隨即就問我係咪要收音機講嗰隻芙蓉蛋飯! 哈哈! 咁我當然笑笑口咁點頭啦.茶餐廳以小菜和碟頭飯為主. 嗰芙蓉蛋飯, 好大碟. 嗰蛋煎得幾香, 材料又十足, 有好多隻蝦ga. 撈埋d飯食, 唔覺唔覺一塊煎蛋就啱啱好撈晒一碟飯食啦. 味道都的確唔錯. 再試埋杯奶茶, 可以呀. 下次係銅鑼灣食飯, 都唔介意行遠少少過嚟試多幾款菜.

在大坑散步未必是正經事,這個傍晚,找吃找到入來.一心要試Panda的咖喱,誰料到六點半仍未開門?因之後要去Delay No Mall看Showcase,就算吃不到日式咖喱,也要找間可以快上快落.行到去摩頓台,見到有間不起眼的茶記"興發",門口貼著一些傳媒的報導.這間外表平平無奇的茶記,為何受到那個所謂"少年食神"所眷顧?好,抱著一試無壞之心入去.門面不起眼,門後面的風光亦一樣.個人少看飲食雜誌,看見牆上的介紹,原來這店的盅頭飯同炒飯為最出名.要個生炒牛肉飯,店員問我要普通定係要特色?我問:兩者有乜分別?店員:特色就材料多些,同個醬汁會濃惹一點.當然,稱之為特式,價錢也是貴一點.坐在廳外,也聽到廚房傳來之火光熊熊聲音,待十五分鐘,炒飯上桌.這個生炒牛肉飯,賣相又幾"黑",好像幾濃惹.個人吃炒飯其中之一樣主要標準,就是一定要夠鑊氣.這間興發,做得到.飯粒分明,炒得乾身,每粒也沾滿香氣.牛肉就比夠碎,吃不出個味來.其實,好多地方也吃到不錯的炒飯.相比之下,又不是什麼天上有地下無.另有一味黑糯米釀雞翼,也是這店的招牌.看店內剪報的介紹,原來這店的師傅是來自農圃飯店.下次再來的話,就吃這一味.

先是聽收音機介紹，知道是五星級大廚，想試試佢d小菜。叫左鹹蛋肉餅+黑醋排骨，本來一心想試糯米雞翼，原來只有星期日供應，平時想食就要預先訂。鹹蛋肉餅好屋企fee，肉餅好夠味，又不太油膩，非常好送飯。Order了的黑醋排骨等了15分鐘左右才到，有d耐。不過，食落的確非一般排骨，用的黑醋好香，好入味。忍不住再叫多碗白飯。雖然，以一間小店係貴左d ($58)，不過的確有大師風範，值得！ 小店有小店的好，伙計好親切，同d客不時吹水，感覺好似一家人。

日期：2008年4月18日人物：J.A.M. & BF阿J睇雜誌見哩間好似好抵食，於是就去試試喇！茶餐廳feel，比較細間，坐得唔太舒服．１．醋香排骨：好酸好入味，正．２．滑蛋蝦仁飯：麻麻地．３．星州炒米：辣得黎好好食．４．豉椒排骨飯：都唔錯，好香耶！