臺北棧 (港威商場)

营业中

休息中

諗住試吓不同食肆，這間店舖食物和服務都一般，性價比低。最令人摸不着頭腦，那碗所謂鵝肝牛舌芯麪，每碗索價要二百多元，原來只有鵝肝醬，不是真正鵝肝，但中英文寫明都是鵝肝，沒提及是提供鵝肝醬，細心看看圖片，才發覺原來匙𡙡上的不是油脂，而是所謂的鵝肝，令人覺得店方不誠實，有意欺騙顧客，可能店方不在意有冇回頭客，或許只考慮做遊客生意。其實做食店的，當然希望提供的食物能夠得到顧客欣賞，自己都覺得自豪。殊不知這個店家只求賺錢而不顧顏面和尊嚴。

香港人一般都很喜歡去台灣旅行，也很喜歡吃台灣菜，和朋友在海港城行完街肚餓，找到一間台灣餐廳幾好食，而且環境很少女，在粉紅色的長褸打卡簡直是一流，部份座位是一格一格的，私隱度十分高擔擔牛肉麵吃台灣菜來講，牛肉麵是必吃的了！這碗牛肉麵的湯底是淡淡，麻將味很香濃，牛肉應該是牛展的部份，很難畫，牛肉味龍，好吃。伴菜有一篇篇白色的，口感Q蛋，像是Q蛋的豆腐。最上面是炸過的蟲草花，是我第一次吃渣過的，口感鬆脆可口，想不到蟲草花有另一個烹調的層次。整體味道也很高質，令人回味，我竟吃光了一整碗面！鳳梨蘇蛋撻姐夫從來都非常特別，我形象是一個長方形的蛋撻，他鄙視香濃的牛油味，但他上層就像葡撻一樣人有焦香，下層卻是麻薯，口感軟熟得來有一點點Q蛋，中間夾雜着鳳梨乾，口感非常有層次，是我吃過最特別的鳳梨蘇！ 總結：是好吃的台灣餐廳，款式也特別，是別家餐廳沒有的，會再來

見佢甘多好評，book位都難，但佢有得walk in排隊，甘唔緊要啦，條隊唔算好長，排下都諗住值得ge我地一行7人，排ge時候佢都有講我地人多，預要等45mins。果時大約7點幾8點，諗住去食甜品，等下都ok.等左1x mins到，前面十幾人都入左，到我地排第一。佢叫我地係入口另一面等，甘諗住都就快有得入，安排緊張枱。點知等了又等，到我地後面1x個人都入曬，條queue都清曬，甘就去問下reception 個status點啦。佢話，我地人多，要等多 50mins先有得入，話無理由趕d岩岩入去ge客走。從來無諗過叫人走，而係sitting安排超有問題！如果間餐廳招呼唔到大group walk in客，甘可以一早講，我地唔排。又或者問我地會唔會拆枱都ok.而唔係我地等左成半個鐘有突，叫我地等多50mins.未食已經先打50大板，甘ge服務真係第一次見。佢d野係咪真係甘多食，我唔知。我只係知道佢服務之差應該係接觸過ge餐廳最差的一間

一向都好鍾意食台灣菜，Check In Taipei 係比較精緻嘅選擇，坐得舒服，而且食物都比較精美。甜不辣周圍都有得食，但加咗明太子醬嘅明太子甜不辣呢度就比較豐富啦！呢度嘅甜不辣整得幾好食，面頭酥脆，入面口感QQ👍🏻牛汁滷蘭花干又係唔錯嘅推介，如果你鍾意食豆製品就要試吓，好入味。髒髒鹹蛋黃芋泥蛋餅係必食推介，蛋餅柔軟，入面嘅芋泥餡非常足料，味道香甜軟糯，食落去帶少少芋頭粒嘅口感，好好食！食台灣嘢不能錯過滷肉飯，呢度嘅滷肉飯細細碗，可以食多啲其他食物。飲品都非常唔錯，苦瓜汁係出奇地好飲！最後甜品食咗手工鳳梨酥麻糬蛋撻，估唔到鳳梨同麻糬非常搭配！

海港城入面呢間 @checkintaipeihk 一直bookmark 住，因為好想試下佢地嘅甜品鳳梨酥麻糬蛋撻！！餐廳仲係好人氣，要排隊等位，我地安排坐喺包廂，私隱度高！🍭蒜香三色台腸($68)份量超級多😂 有3種台式腸，分別有原味、黑椒味同墨汁味，配上香炸蒜片，好惹味！🍭麻吉燒關東煮($78)比較少食到台式關東煮！材料有麻吉燒、芋絲同海帶，配上木魚湯底，仲有酸酸地嘅醬汁，幾特別！🍭招牌牛肉麵($118)用上大量純牛骨熬製嘅牛肉麵湯底，配上一片片厚切牛腱肉，仲有滑溜的豆腐同半熟蛋，麵款有台灣寬炒絲，刀削麵等選擇～ 味道唔錯，有少少微辣～🍭招牌滷肉飯($68)好多滷肉同汁，啖啖都食到！滷肉肥瘦均勻，都有半熟蛋，份量都唔少架！🍭手工鳳梨酥麻糬蛋撻($48)呢個係我全餐飯最愛，話說我係唔太食鳳梨酥，但呢個真係不得了，外層係好香口牛油曲奇，入面有鳳梨同麻糬，切開有麻糬拉絲！！真係睇得又食得！🍭蜂蜜苦瓜汁($48)飲品點咗台灣著名嘅蜂蜜苦瓜汁，甜中帶苦，幫助清熱解膩～

經過海港城有一間裝修好特別嘅餐廳，好似去左旅行咁既感覺😆每個座位好似去左候機室咁樣，好得意💕今日同朋友去試台灣牛肉麵💪🏻最鐘意台灣牛肉麵啦，喺香港食到一碗好食嘅牛肉麵，真係好難搵到，但係今次就比得搵到啦！推薦✨✨✨✨✨點了一個原味牛肉麵🍜及擔擔麵牛肉麵🍜。麵類可以選闊面及粉絲，我們點選了名一碗粉絲及闊面。闊麵真係好Q彈呀，牛肉湯超濃😋牛肉好大片。擔擔麵有小小辣味，好味😋另外我哋叫咗小食，涼拌茄子🍆及 蒜香蓮藕，小食開胃醒神✨✨而呢度嘅甜品✨流心麻糬鳳梨酥🍍係必叫，真係好好味🤤而家諗起麵好想食😍 一絲絲的鳳梨好正！內裡有Q彈嘅麻糬，外層酥脆叫埋台灣嘅蜂蜜苦瓜汁，有啲苦太足料😆

臺北棧 @checkintaipeihk📍尖沙咀廣東道5號海港城港威商場2樓2204-6號舖.依家唔洗飛去台灣都可以食到夜市人氣甜品😍 大大粒QQ湯圓搭配軟綿豆乳刨冰，有冰火交融嘅口感，仲要呢啲湯圓採用老字號「福元湯圓」，支持本地品牌，亦有品質保證👍🏻.💜 芋泥瀑布冰火湯圓刨冰: 豆乳刨冰帶淡淡豆乳香，中間同面層都淋上了大量芋泥，芋泥綿密，芋頭控絕對唔好錯過！芝麻同花生湯圓粒粒都大大粒，軟糯煙韌，湯圓內餡料更有流心效果～🌼 桂花冰火湯圓刨冰: 桂花酒釀配上清甜桂花糖水加入刨冰，刨冰吸收哂桂花糖水，又散發陣陣桂花香～🍳 髒髒鹹蛋黃芋泥蛋餅: 蛋餅以鴨蛋製成，蛋香味更香濃，內𥚃係滿滿嘅芋泥，面頭加埋紫薯粉、鹹蛋黃碎同煉奶，甜而不膩～

今日去左轉台北😂海港城·價格當然跟地點掛鉤。魯肉飯，特別在很多汁很少肉😅賣相可以，只是$68 好像還有更多比較好味選擇。鹽酥雞，$128在於碟邊那3款醬汁吧～不過雞肉不柴，算是嫩滑juicy的。話梅地瓜條，非常夠熱，話梅味淡😶要沾那伴隨的醬料，味道才會豐富點。吉列蝦咖哩芝士手抓餅，賣相漂亮，味道也ok的，不過吃時抓餅跟餡料總是分離。$98擔擔抄手，餡料的味道很清新，應該是蔥比較多，整體味道還可以，但談不上美味。感覺不會再去⋯ 不是我想念的台灣味道呢🤭

餐廳面積大永遠有優勢，第一 : 吞吐量大，可以吸納更多客人、 第二 : 設計意念可以更天馬行空、第三 : 環境闊落，客人坐得舒適。 正如今晚朋友帶我來這間餐廳，空間設計令人有種穿越夢幻＋科幻的感覺。一個個富科幻感、設計獨特的包廂；餐廳的另一邊則以粉紅色作主調，配以天燈造型的燈飾，感覺夢幻。朋友一早聲明，這裏的甜很值得一試，一定要讓肚皮留點空間。【髒髒鹹蛋黃芋泥蛋餅 $88 】鹹蛋黃蛋餅皮蛋味濃陏，中間塞滿芋泥，入口黏糯，有爆漿感，整體甜中帶少少咸，味道不俗面層洒滿紫薯粉、鹹蛋黃碎作點綴，賣相一流，是打卡必不可缺的人氣必食菜式。【 明太子甜不辣 $78 】台灣夜市常見小食甜不辣，外層煎得乾身脆口，內層魚肉煙韌彈牙，富魚肉鮮味，大大塊， 吃得非常滿足，今趟配鹹香鮮味的明太子沙律醬提味， 簡直令人欲罷不能兩款肉燥飯賣相接近，分別在於招牌滷肉飯洒上了白芝麻，松露滷肉飯則帶點點黑松露蹤影。滷肉飯均以線條優美的手工陶瓷碗盛載，令眼前的食物變得更富美感，提升用餐氛圍。【招牌滷肉飯 $68 】滷肉醃得軟淋入味，肥瘦適中，醬汁豐富，香味濃郁， 味鮮而不過咸，飯粒煙韌，流心蛋也做得不錯。【松露滷肉飯$88

今次試咗推出新甜品menu - 冰火湯圓刨冰黑白配冰火湯丸刨冰 $108刨冰底係豆乳味配一半芝麻粉和花生粉，及3粒芝麻湯圓和花生湯圓，粒粒湯圓大大粒。桂花冰火湯丸刨冰 $98豆乳刨冰好軟綿，配上清新桂花酒糖水和湯圓冰火交融，好有古早味，係我最愛一款芋泥瀑布冰火湯丸刨冰 $108滿滿芋泥醬和煉奶，唔會太甜膩，夏天好消暑，但覺一般另外小食和主食都好值得食明太子甜不辣 $78即叫即炸，外層好脆口裡內好彈牙，好惹味蒜泥台灣水蓮 $98清新又爽口三色鹽酥雞 $128炸到好酥脆，雞肉夠嫩原條鰻魚起司玉米蛋餅 $188好大條鰻魚，但蛋餅有些少厚身，整體都好味觀音兵 （鐵觀音茶酒） $98淡淡茶味，非常易入口，適合女性飲伯爵帥哥 （伯爵茶酒） $98好香伯爵茶味，入口清香

每次行過多人排隊的餐廳，我都會好糾結，又想知道有乜好嘢不能錯過，又唔想排隊等餐懵，唯一解決辦法就係盡量odd hours去試。今次「的」起心肝來這裡，最大原因不是因為見多人排隊，而是見到有位朋友連續兩星期都到這裡食飯，贊口不絕，朋友口碑是我試新餐廳的原動力。本來對台灣菜認識不深，更加充滿好奇，結果餐廳的出品不負所托，非常優質細緻，特別喜歡較少食的台灣高雄特產台灣水蓮，清新脫俗。他們的招牌魯肉飯，真真正正是傳統做法以半肥瘦豬肉切粒而成，並非普通肉碎，是我最喜歡吃的食物之一，正呀！另外我點了一個蒜香三色台腸，掛住食忘記拍照，但實在非常美味，食不停口！其他最值得推介的是甜品手工鳳梨酥麻糬蛋撻，我本身深愛葡撻，這個介乎傳統鳳梨酥與葡撻之間的甜品中間夾了麻糬，真是大開眼界！

是晚到尖沙咀一嘗台灣菜。餐廳裝修用上夢幻粉紅色，有不少卡位方便打卡，女孩子定必喜愛。提供的食物選擇很多，點了數款小食及主食試試。芭樂苦瓜汁/鳳梨苦瓜汁：說到台灣除了珍奶，清爽的苦瓜汁亦是必喝，但香港賣的地方較少，這𥚃選擇非常多。個人點的芭樂苦瓜汁芭樂的甜味中和了苦瓜的苦，苦瓜甘味，清爽又好喝。友人表示他的苦瓜汁也有香濃鳳梨香，很清新。鹹蛋黃芋泥球：其中一個小食點了芋泥球。一個個淡紫色的芋泥球圓圓的非常美，外皮香脆，內裡芋泥香甜綿密，中間的鹹蛋黃乃神來之筆，鹹鹹香香，平衡了芋泥的甜味，融合得很好。作為芋泥控對此相當滿意。蒜香三色台腸：另一小食點了台灣腸。三色腸分別是原味、黑椒及墨汁腸，切成一口大小再加上蜜汁同炒，鹹鹹甜甜，很惹味。上面的蒜片炸得香脆，爽著台灣腸同吃，更有在台灣夜市烤香腸的感覺。肉鬆皮蛋蛋餅：個人很愛蛋餅，難得這𥚃供應，決定選一個最台味的肉鬆皮蛋口味。蛋糕大份共有6大件，餡料放得大方，塞滿了蛋餅中間。蛋餅皮厚薄適中，軟熟中帶點煙韌，配上肉鬆跟溏心皮蛋，非常好吃。招牌魯肉飯：吃台菜必定要試魯肉飯。魯肉入味，肉粒不過肥而有油香，溏心蛋非常好吃，提供漬物減減膩，不錯。蒜泥台灣水蓮

Check in taipei睇完黃鴨，過左黎海港城食diner叫左3樣野🍍🍍手工鳳梨酥麻糬蛋撻🥧呢個好有驚喜(*๓´╰╯`๓)👍👍最快上菜，而且好夠熱，似係岩岩出爐😊食落外皮好鬆脆係我中意既曲奇餅餅底🍪🍪😆中間蛋既部份唔會太甜加埋QQ麻糬更有口感同層次底部既鳳梨帶出新爽感令到個撻fresh d(≧ω≦)/招牌魯肉飯魯肉比較肥唔太岩我口味😅招牌牛肉麵🐂牛肉比較少湯底唔太突出整體感覺一般如果下次再食，應該只會encore蛋撻😂

今日係海港城shopping行完街係度食埋飯，原來開左間台灣野，未食過就試吓。🤭。睇下menu價錢同種類都ok，野食款式算多！。🥢肉鬆皮蛋蛋餅 $78蛋餅食得多，但呢個配搭真係好少，蛋餅皮煎得非常酥脆，而濃郁皮蛋中心膏狀蛋黃搭配肉鬆更係我意想不到既味道，加上特別醬汁一齊食。。🥢招牌牛肉麵$118麵底可擇粉絲/刀削麵，牛腱肉質嫩口軟腍，配合爽口彈牙粉絲，再加上鮮香又帶肉香辣味濃湯，好好食😋。🥢蒜香三色台腸 $68三色腸原來係原味、蒜味同墨魚汁味，搭配炸蒜片一齊，特別香口惹味。。🥢手工鳳梨酥麻薯蛋撻 $48呢個好不得了！一定要點！食過返尋味，超好食！外面酥皮就似蛋撻，中間個層有鳳梨🍍香味，裡面就有蛋撻既蛋香味x麻薯既煙靭，仲要新鮮熱辣辣整出黎！不過一個人食實在太飽！真係要share先得😢。🥢伯爵茶凍芋圓 配仙草 $88呢度啲份量全部都咁大份！好似呢個伯爵茶凍芋圓 配仙草，個碗係食飯啲碗既3倍有多，芋圓珍珠超Q彈，伯爵茶底甜甜啲好香夠特別。。🥢蘋果苦瓜汁 $48最後想提埋杯野食，出面好少有鮮榨果汁飲，呢度仲要有苦瓜汁！加埋蘋果一齊打，完全唔會太苦，反而仲有啲回甘味👍🏼。海港城黎講，呢間餐廳啲

暫時都冇假期可以飛，但係又掛住台灣嘅口味點算好呢？強烈推薦呢一間位於海港城嘅餐廳，真係樣樣都台灣味！招牌牛肉麵每一碗都可以揀刀削麵或者冬粉，入口湯頭帶點藥材香，飲落牛香濃郁，加上一片片厚切的牛腱肉更是出色，牛腱肉已燉得入味，口感軟腍。刀削麵非常彈牙，絕對係會令人encore，加上炸過嘅蟲草花鋪面真係相當香口！手工鳳梨酥麻糬撻 稱得上為呢度最出名嘅甜品之一，亦係今日小編到訪嘅原因。酥皮做得酥脆，麻糬嘅軟糯配搭鳳梨絲嘅酸酸甜甜，加上面頭嘅蛋香同中間嘅蛋黃，味道令人耳目一新。招牌滷肉飯滷肉飯裝得滿盛，米飯香軟，滷肉汁帶點甜甜的，半肥瘦嘅肉質帶點嚼勁，真係幾有台灣嘅風味！肉鬆皮蛋蛋餅蛋餅襯上肉鬆肯定係最佳配搭，常溫食落去蛋皮煙煙韌韌， 餡料多得毫不吝嗇，皮蛋芯帶半融化口感，而且份量驚人，另外亦好喜歡醬料嘅配搭！明太子甜不辣感覺唔油膩，食落香口有口感。甘蔗苦瓜汁第一啖飲落去甘蔗會比較出，苦瓜嘅甘苦慢慢滲出，感覺健康得來又夠清涼～🥂全晚播住嘅音樂，真係首首都琅琅上口，坐到都唔捨得走