至尊滿屋日本料理 (已結業)

蝦子餅提議吃日式放題，想起瓊華中心有一間沒有試過，便去試試看。至尊滿屋跟滿屋屬同一集團。來自韓國的飲品，味道麻麻。喜歡喝酒的朋友可以任飲Hoegaarden Rosee。第一碟來的是燒紐西蘭香草羊鞍，味道很好，是一個很好的開始。黃金膽中花之戀的賣相叫人失望，幸好味道總算不錯。實物跟圖片的落差太大了。首輪刺身拼盤來了，有三文魚、油甘魚、深海大赤蝦、鮑片、劍魚腩、赤貝、馬刀貝、北海道角螺和鮮帶子，全部都很新鮮，但要投訴不夠數，三文魚點了八片只來了五片，深海大赤蝦點了四隻卻只來了三隻。焗廣島蠔的蠔不算太小，加上配料和醬汁很好吃。清酒煮扇貝的扇貝細細隻，鮮味十足。鹽燒雞翼新鮮熱辣，鹹味適中，外皮燒得很香脆，裡面的雞肉依然嫩滑。燒有機鮮菠蘿切得很厚，是窩夫吃過的放題當中切得最厚最大件的，菠蘿鮮甜多汁，一定要安歌。鹽燒海蝦的海蝦很新鮮，燒得剛剛好。燒冬菇串稍嫌過乾。刺身當中，窩夫與蝦子餅特別喜歡三文魚、深海大赤蝦、帶子和馬刀貝，要多點一輪，這次點了四隻深海大赤蝦卻只來了兩隻。鹽燒牛舌漏了一次單，終於可以吃到了。至尊滿屋的壽司款式比其他放題多，當中更有空運活魚壽司，黑松露油甘魚壽司和金目鯛壽司都很有

好想話比大家知，呢間店刺身十分一般，三文魚不夠肥美，壽司d飯多到乜咁，出名海膽？孤寒了吧！成舊飯得2粒海膽！ 食飯都飽啦！我唔會浪費食物，但真係無諗過食放題會食咁多飯！而海膽無鮮甜味，有點腥，入口只有腥味。紫菜一上檯已林了，敗筆！另外座位真係太迫了！請餐廳改善一下！仲有漏單問題十分嚴重！ 無貨唔該主動講！催左勁多次先講原來無貨！激死！

188午市，根本冇咩选择，食来食去都是几样，味道非常一般就算了！漏单非常严重！！！！！！前面上得几快，食到后面直接唔上。明明大把位，非要人坐得逼系一起，窄到飞起。十分失望

早收工去食，即日book 左7:30 ，2小時任食！book 左檯都要等！我仲要早到15分鐘！等到差不多7:45 先有得入！等都等到忟忟地食到個半鐘又last order cut 單，前前後後即係食一個鐘........開頭以為$188... 點知原來係lunch 好嬲！我7點半黎野飲已經得咁少！ 問呀姐姐點解得咁少，佢話拎晒就無！放題唔refill 飲品都係第一次聽！見呢間咁多好評以為好野，都唔知係咪買返黎既.....特式飲品無晒，得返d 紙包...同可樂忌廉....因為見到呢間有饅魚，所以黎食，真係激死我！ 饅魚超多骨！唔夠厚！燒汁亦不夠！燒到好乾身！又乾又多骨既饅魚，真係第一次！！！串燒蝦，超咸！ 食到腎衰竭呀大佬！仲有蝦肉係梅架！ 刺身只是合格，不是特別好食，唔會再黎。

估唔到我肥妹仔第一篇食評就要比喊喊～早一日前訂位，只有8:30或打後時間能預訂，心諗：咁爆場食物應該ok掛！呢間已經叫至尊..... 即係最好個間吧？d位窄到呢⋯⋯好迫！好迫！超級迫！土地問題嗎？ 生意唔駛賺盡吧......檯與檯之間大約有4-5cm.... 即係起身拎野飲個Patpat 就會撞到隔離檯！ 同埋張檯根本放完刺身就無位放其他食物！可謂比錢買難受！放題重點：刺身！呢到d蝦刺身係重點推介，點知我食個幾隻，全部都甩頭甩尾既！蝦頭極苦！應該係唔新鮮！另外蝦肉肉質亦淋淋地，大概是不新鮮的原故！刺身好薄..... 放題黎講佢算差，食物不夠鮮，坐位極不舒服！壽司大大舊飯，怕食你唔飽！我覺得爭鮮好食d！就算點左佢d推介.....一樣中伏！好失望既放題。以後不會再試叫《滿屋》既放題！

嚟過不少於五次，但係比我嘅感覺係越做越差，7點零鐘去食都可以要乜冇乜，冇你都話聲我聽吖，追幾次單都可以唔知冇得供應，大佬啊，你做一間日本放題都可以冇主要嘅魚生唔通叫我嚟食炸物烏冬咩！😡😡😡

是原訂位時已話有4個大人加2歲幼兒及幼兒要吾要收費,到來時安排坐位太窄,便本坐不到4個中碼大人,還加上一個幼兒,所以就要求換位,又話吾可以,加一個小童才可換個4人卡位,所以這間服務,真是麻麻....至於食物一般,名牌雪糕每人只可食一小杯,依過價錢太過不值.

放假約了朋友吃飯,我們一早約定吃放題,所以找了一家人氣放題店,朋友找到至尊滿屋,食評的感覺看似不俗,想不到真實的情況並不是那麼好一早訂了位來到後還要等了差不多半小時,可能是其他人遲了走吧,但放題不是限時段的嗎刺身方面尚算可以,但串燒類實在令人失望鹽燒雞翼,味道相當淡,但明明燒得很濃了,而且內裡不是太熟,實在十分奇怪外皮也沒有脆口的感覺,相當失望牛舌腥味非常利害,相信是用了牛舌最差的部份做出來,雖然是放題但未免欠一點誠意了吧其他中價放題片燒用的也是正常貨式,實在想不到這個上等價錢放題為什麼會用次等食材日式炒飯的飯粒相當林,一點也不彈牙,比中式炒飯還不如唯一可取是用了蟹籽,算是挽回一點口感味道......成件事可能是我對食物太認真吧

又到生日嘅月份，好多朋友仔都搵我食飯，佢哋又唔係大食，食自助餐又唔抵，通常都會揀食放題，上次佢哋生日就食咗御滿屋，都有大半年了，今次到我生日就試吓至尊滿屋，其實我都OK ,生日最緊要食得豐富，呢一年就會豐豐富富。清酒煮扇貝通常係出面食放題，都一定會食清酒煮蜆，點知今次一睇個menu係扇貝更加二話不說叫左兩煲！令我意外既係，首先佢啲帶子絕對唔細粒，每粒既size都好平均，而肉質都好彈牙唔un亦唔會太林.其次係扇貝真係比蜆入味好多，啲清酒既味入晒啲肉度，一咬啲酒味係個口入面打左好多個轉😍另一值得欣賞既係佢冇味精味，食過好多放題既煮蜆，飲佢一啖湯就覺得好重味精味！而食次我忍唔住飲左差不多成煲雜錦刺身差不多叫晒佢所有刺身，令我最Lam Lam脷既就係佢赤貝，帶子同蝦蝦蝦喇！赤貝好爽爽爽口，放入口咬一兩啖就吞得喇,食左無數咁多舊完全冇海水味😎，帶子唔點wasabi食會食到佢淡淡既清甜味，好少食帶子會recommend唔點wasabi架不過佢呢個帶子就真係覺得就咁食好味過點喇 刺身既終極精選: 蝦！完全係一隻碟既直徑長度. 同朋友不斷叫不斷叫，佢每隻既長度都係咁長，仲要好甜tim! 食左咁多隻絕對

約咗一班好耐冇見嘅朋友出嚟食飯，當然要睇食評做下功課啦，最後揀咗呢一間。真係大大仲伏😡刺身方面唔新鮮又比唔足，只係叫咗一次。燒蝦燒得唔夠乾身，牛舌燒得唔夠嘢未。最火嘅係第一輪落嘅嘢食吹極都唔黎，服務員只係講我幫你睇會跟進如果咁嘅價錢同服務不如去相X手，刺身新鮮仲有大大鮮甜生蠔

日本嘢久唔久都有食吓，其實，都幾鍾意同啲朋友一齊食放題，因為一個固定價錢任食有數圍，但比起食自助餐又平一截，食物選擇亦唔少，想食乜就點乜，各有所好，唯一喺漏單、時間緊嘅負面問題。但睇番近一年嘅食評，原來好耐無食過放題，對上一次已經喺舊年年尾嘅事，所以，拋出食放題嘅提議，實行大擦一場 。為咗減少漏單、時間緊嘅問題，食早啲喺不二法門，所以訂6:00pm，預早睇定有咩食，分頭剔點菜紙增加效率，就算限食到8:00pm，兩粒鐘食餐飯都差唔多，再者，越早客越少，漏單嘅問題相對都細啲 。餐廳佔商廈全層，地方都幾大，早到關係，只有一排座位被安排入座，不過，7:00pm已經滿晒座，離開時，門口仲堆滿客，多人到不得了 。一如所有放題，點菜紙分門別類放晌枱面，以小型檔案簿釘住啲點菜紙，個人覺得分得太多張，而且，好容易有漏夾嘅問題。大部分食物由點菜紙落單，小部份食物如甜品及汽水、果汁、啤酒或熱茶，可到專櫃自取，而甜品及飲品兩者嘅選擇亦算得上多 。有一系列OKF果汁（其實喺韓國牌子嘢），有多款口味，我哋先後試咗芒果、菠蘿、提子、桃，又幾好飲喎，裡面仲有啲纖幼嘅果肉啜吓。個人最心水喺桃味，味道較為清甜，卻

很少機會會把放題的食物重點擺放在熟食裏, 今次我辦到了。 不是第一次在至尊滿屋吃放題, 他們往往在壽司上會攪很多心思, 可是壽司的靈魂---飯糰, 它的飯質做得未夠粒粒分明, 偏軟。任喝飲品不再單著重於汽水了, 連新推出的有汽利賓纳、鴻福堂茶餐廳系列、hoegaarden rosee也可以任喝 ... 便利店售價平均需要十元一支吧!壽司款式多, 雖然製成是一口一粒的大小, 每款吃一件也半飽 (相片上的壽司只佔點單紙上的一半), 組合配搭口味是多變的。刺身仍保持著刺身的鮮味竟然有秋葵天婦羅, 味道特別只是炸衣有點厚。串燒做得最無敵, 引出燒香燒脆的味道, 肉還是嫩的。炸物也算不錯, 居然有炸奶黃包, 呵呵!留肚吃甜品, 飲品櫃旁是甜品櫃,除此之外, 每客還可從M雪糕及H雪條中任選一款來收結。

之前去過尖沙咀滿屋出品還算ok，所以今日就選至尊滿屋啦，但係一開始就令我地有d唔開心，預約時間7:30點知到左仲要係門口等左15分鐘先有得入去，個時已經有d激氣，竟然仲安排左個位置又差又窄，要屈住對腳坐。7:45落單要到8:12先開始出到，經常漏單再落再漏，投訴過又不了了之，無落單個d又拿左黎，其實巨選擇既款式已經唔係好多都係咁樣漏單，當時真係想發火，但同幾個同事係度就費事啦，隔離兩枱都有咁既漏單情況投訴緊，以為都係滿屋，但出入太大，非常失望。出品唔係咁理想，大概到8:58就last order仲要催埋單，當時我地第二次落單既都未出曬，今次放題真係令我難忘，應該無下次...

食過尖沙咀，銅鑼灣嗰邊嘅放題，呢間放題實在唔輸蝕，刺身好新鮮，唔單只三文魚，甜蝦，帶子都好唔錯，特別推介嘅梗係唔少得佢嘅焗蠔，Cream得嚟有蠔味，最後梗係唔少得甜品雪糕，有Hagendazs同Moven Pick兩款選擇，總有款啱心水。

很久沒吃放題了，總覺得只為一時放肆大吃大喝，把肚子填得滿滿普通貨色的食物，很無謂。突然心血來潮想吃一餐。未夠晚上7時到達，接近全場滿座，幸好預早訂了位。餐桌放得密麻麻。飲料和甜品是自助形式的，傳菜和落單的店員，加上拿飲品和甜品的食客，在店內穿梭，感覺更擠逼，同時又幾熱鬧。安頓好後，先看看落單紙。11款刺身、多款壽司、前菜、沙律、天婦羅、炸物、串燒、麵食、鍋、海鮮粥等等，不算最多，但也不少。再去看看雪櫃，汽水、紙包飲品、果酒、啤酒，種類夠多。甜品不多，賣相亦一般。看著隔離枱巨型的刺身盤，五顏六色，十分吸引，不過我們只有二人，還是節制地點好了。刺身新鮮，帶子、甜蝦、劍魚腩都不錯。三文魚看似一般，吃下去油香都幾重。壽司大都配不同的醬，玩創新，如XO醬帆立貝、白松露吞拿魚、海苔醬燒三文魚／左口魚邊，特別，但醬料的味往往蓋過刺身自身的鮮味。三文魚腩、燒左口魚邊、芝士醬燒帝皇蟹棒較會好吃。其他的如吞拿魚、金目鯛、池魚王、火炙鰻魚，都偏乾，魚鮮不突出。吞拿魚蓉卷只屬一般，欠油香。芝士軟殻蟹亦偏淡，沒甚麼突出的味道。黃金膽中花之戀有齊三文魚、海膽和黃金魷魚，顏色鮮豔，也沒有一般花之戀的沙律醬搶味，還好