至尊滿屋日本料理 (已結業)

早前朋友book左位食放題，今日放工就搭車去旺角 原來今次既位置系瓊華 仲近地鐵站添！上到去 見到入面已經幾多人 環境比我想像中大可以容納好多car位 職員服務態度亦不錯。三文魚刺身同油甘魚刺身切得好厚身 所以食落刀有口感 而且好新鮮。深海大赤蝦刺身估吾到系可以任叫 食落無腥臭味 同埋無黑色既蝦腸 的確一讚！對甜蝦控黎講當然吾少得甜蝦刺身，size吾會太細隻 當然仲帶有鮮甜味喇 本人食左好多隻添！鮑魚片刺身帶有甜味 不錯！鹽燒海蝦：鹽份吾會過咸，海蝦size適中 咬落仲好實肉 而不是死蝦 好食喔！雞軟骨：鹽份同樣地吾會好咸身 雞軟骨亦吾會過硬 燒到金黃色的 咬落油份不會太多 幾有口感！天婦羅海蝦：個人覺得外皮比較炸得為厚 但當中既蝦刀好爽口。藍蝶花冰糖雪梨特飲：出奇地食放題吾單止有汽水 茶之外，仲有特色野飲 令到食客吾會飲得太單調！當中仲有得比你可配 蘆薈,芒果粒粒另外仲有名牌子雪糕，只限一人一杯喔！

星期日放假和女兒去旺角shopping，天氣十分悶熱，根本不想留在街上，只能找有冷氣的地方行下，近晚餐時間，又餓又累，真想找個地方有得食有得休息一下，突然想起之前去過瓊華中心，一間叫至尊滿屋日本料理食放題，又刺身又火鍋又海鮮，食足2小時好低食。一於和女兒今晚去食，甘咪有得休息又有得食好野！刺身拼盤：多款新鮮刺身中，我最喜歡三文魚、深海大赤蝦。三文魚厚切又肥美，大赤蝦真的夠大，有口感又鮮甜。多食2轉刺身已回本了！火炙原條海鰻壽司：海鳗比較細條，但很有鲜甜味。焦糖燒三文魚壽司：焦糖的甜味和三文魚的鮮味，2合一的味道，又是另一種美味的食法！虎蝦和番薯天婦羅：外面酥脆，蝦肉彈牙，番薯味甜！燒纽西蘭香草羊鞍：熟度剛剛好，不會羶，香草味濃！鹽燒海蝦：蝦新鮮，加了少許海鹽，使鮮味提升，十分美味！蒲燒鰻魚：口感與海縵不同，這款比較厚肉，塗上燒汁燒到金黃色，味道惹味！炸吉列蠔：蠔肉新鮮不會腥，外層酥脆不油膩！甜品和汽水都是自助的，另外每人有一杯Haagen-Dazs或Movenpick雪糕。

今年生日, 媽咪特意為我安排左一家人食放題賀一賀。旺角有唔少放題選擇, 今晚就揀左比較近旺角地鐵既"至尊滿屋日本料理"食放題, 交通非常方便。餐廳內尚算寬敞, 設大部分卡位, 坐得幾舒服。入座起計任飲任食2小時, 罐裝飲品同甜品自助形式係出面自取。飲品方面除左有罐裝、紙包飲品外, 呢度仲提供特飲, 半杯飲品都係冰, 但甜度調味方面做得唔錯, 係呢D炎熱天氣飲落真係透心涼~刺身款式幾多, 包括有三文魚、油甘魚、希靈魚、大赤蝦、吞拿魚、赤貝、甜蝦、鮑片、珍珠柱貝同埋海螺。刺身均為厚切, 刺身都以冰墊底, KEEP住低溫新鮮度。特別係大赤蝦, 超級鮮甜肥美, encorn左好多隻。呢度更有多款特色創作壽司, 壽司隻細細舊, 食多幾件都唔會咁快飽, 壽司上既食材同樣都很有厚度, 入口有豐富口感。天婦羅炸蝦, 炸皮很薄, 很鬆脆, 入面隻蝦都幾爽ga...炸物同埋表面唔會油膩, 最喜歡芝麻雞翼同埋一口芝士, 一口芝士外脆內軟, 芝士軟滑香濃。串燒蝦 雖然細隻, 但至少唔係死蝦, 蝦肉幾實呢度更有海鮮類, 我就點左辣酒東風螺 、避風塘頭抽炒海蝦 同埋 避風塘炒蟹辣酒東風螺 都幾入味, 略帶點爽,

我哥係個大忙人，難得佢主動約我依個阿妹撐台腳，妹妹我真係感動流涕哥哥有點嘴刁，平時同佢食飯，揀餐廳對我黎講其實幾大挑戰。難得今次大公子主動揀餐廳，仲打電話去訂埋台，真係十年難得一見同哥去旺角睇完戲，就去食放題。今次揀至尊滿屋，哥哥話做野辛苦，搵錢得黎志在食好d 。兩兄妹撐台腳要有至尊級既享受當晚2030 去到，差不多坐無虛席侍應安排左座位後，立刻叫野食先實太肚餓了刺身壽司永遠係我地至愛款式頗多樣樣都新鮮三文魚、油甘魚、希靈魚，吞拿魚既厚切又鮮甜食左好幾round珍珠柱貝刺身、北海道角螺刺身唔算大粒，但好爽口深海大赤蝦刺身見到已經心心眼 好大隻好肥美食左好多隻呢壽司都好出色料多飯少 香芒花之戀甜芒蟹籽三文魚 perfect match -黑松露油甘魚黑松露牡丹蝦新鮮食材配上黑松露勁香口另外兩位會有一款特式小食海膽、生蠔、牡丹蝦好難揀 樣樣都喜歡最後揀左生蠔 都幾爽甜飲品都多選擇叫左杯藍糖白桃梳打沖調得唔錯唔會過甜 冰涼消暑解渴熟食都唔錯最愛係芝麻雞翼炸得香脆可口甜品有我最愛既movenpick 雲尼拿口味入面有雲尼拿籽好香好滑唔係間間放題都有呢依個放題好抵食服務唔錯下次會約埋三五知己再去

我和朋友冇咩主見 ，成日揸唔到主意。行街成日都諗唔到食咩好，所以我地今晚揀左食放題。至尊滿屋，果然係至尊係享受。食物服務水準高。我地超喜歡食刺身壽司依度d 刺身好新鮮，最鍾意赤貝 ！好爽口。 鮮赤貝有食指咁長，好正！深海大赤蝦刺身都encore 左好幾轉肥美鮮甜既蝦身，食到停唔到 壽司都好出色，仲要料多，飯少。最愛火灸左口魚背壽司入口即溶既左口魚，充斥著魚香好食其他壽司都好出色例如：蜜糖芥末三文魚腩壽司配搭幾特別，三文魚腩又夠肥美熟食都好出色，每款都係即制熱辣辣黎到最愛蒜片炒牛柳粒 香噴噴牛柳好爽口冇筋 好入味每兩位可送一款特式食物我地揀左生蠔唔算大隻，不過好鮮甜同爽口飲品方面選擇都好多出面天氣太熱飲杯紫貝天葵白桃梳打配蘆薈清清熱氣暑氣全消甜品方面有我最愛既雪糕品牌movenpick 朱古力味又香又滑唔係間間放題都有食飽飽好滿足期待下次再食過

好難得氹到我個正在減肥既朋友仔陪我食放題，好彩有提前book位，去到唔使等就入得去👍🏻黎食放題，最重要梗係食刺身啦🙊落左order唔使5分鐘，凍冰冰既刺身就送到啦🤗🤗赤貝係我食過咁多間放題最大隻嫁😱又肥美😋牡丹蝦有成隻碟咁大，味道鮮甜👍🏻燒蕃薯仔好味，有甜味佢有避風塘炒蝦同避風塘炒蟹，我見到人地叫蟹真係俾原隻蟹，見到都想食，但係我地叫左蝦，驚食唔曬就冇叫蟹啦😂下次要試下蟹🙊牛油栗米，有牛油味但食落唔會油，成碗清曬👍🏻燒牛舌必食😍燒得岩岩好，唔會燒得太乾變牛舌乾佢d炸物都好好食，平時d炸物上碟後都會好多油，但哩間唔會，所以食既時間唔會一口都係油😋最驚喜係有特式飲品，哩d通常要加錢，但哩間任飲，而且仲有得揀配料，正👍🏻我叫左杯藍蝶花雪梨，好味，甜度適中😍我要一讚既係除左食物好味之外，員工服務態度好好又勤力，檯上有吉碟佢地都會好快拎走，唔會堆積如山都冇人理，員工讚讚✌🏻

約左好姐妹shopping食飯，梗係唔少得要大策一餐，旺角一向多放題，我地就揀左呢間至尊滿屋試一試，值得一讚係呢度既店員服務態度好好，而且有禮貌，而且見到台上有吉碟會即刻清走，唔使擔心冇位擺野食放題主打梗係刺身，刺身新鮮而且大大件，尤其係蝦同赤貝手卷就叫左海膽同吞拿魚腩卷，海膽都幾鮮甜唔少得一眾必點食物，牛油粟米可能係我見到最大碗既一間，兩個人都夠食避風塘炒蝦，夠鑊氣一口牛柳粒，唔會好韌天婦羅，炸粉唔會太多，紫蕃薯好好味芝士焗蠔，濃濃芝士味，夠惹味芝麻雞翼香脆好味，香芋波波同榴槤炸彈都係必點飲品同甜品係自助，選擇夠多最後每人有得揀一杯M字頭雪糕或者Haagen-dazs雪糕，正呀

我地一行人本來book左4位平日食放題，但最後一個甩底，佢都照俾張大枱我地，好闊落，座得好舒服😆估唔到平日都幾旺，7點幾黎差唔多滿席，好熱鬧，見到有房俾大班人座第一round梗係叫魚生，三文魚厚切大大件，蝦好甜，encore左兩次😋跟著叫天婦羅，新鮮炸好香脆🍤炸蠔好 juicy, 榴連波波好重口味，岩哂鍾意榴連既fans 壽司款式好多，叫左幾樣試下，推介黑松露油甘魚壽司同香芒海鮮卷。炸雞翼好香，唔油膩蟹粥夠棉，成隻🦀係裡面，又有d鮑片，好正叫左佢個特飲，可以自選Q果，色彩繽紛，味道正正常常最後每人可以揀一杯雪糕：Movenpick 或 Häagen-Dazs見到出面仲有飲品、甜品、生果攞，不過太飽下次先試😂

有中學同學係外國返嚟，話好耐無食過放題，我就帶咗佢去旺角嘅至尊滿屋🙆🏻我覺得滿屋集團係我食過嘅放題入埋，水準最穩定同抵食嘅一間！天氣咁熱，一坐低就梗係要拎野飲，呢間放題有特飲，一於試下😆我叫咗杯藍糖白桃梳打加芒果Q果～實物又真係幾靚，飲落幾甜有白桃味，同埋啲Q果好有口感👍🏻刺身都係嗌三文魚，甜蝦，吞拿魚，油甘魚。每件都好厚，鮮甜肥美😋不過吞拿魚有少少碎，其他都好好！壽司有好多款，有新意👍🏻火灸芝士蟹棒，好味！芝士半融😍全部賣相都好靚，配料出奇地夾👍🏻燒物串燒都好好食，我最鍾意雞軟骨，夠熱😋咬落去脆卜卜，又唔會淨係得軟骨位，仲有少少韌帶位咬～放題必食牛柳粒💁🏻勁多蒜片好入味，重點真係夠熱，好多放題啲野食都唔夠熱唔新鮮，但呢個牛柳粒又熱又嫩，朋友食完都再叫多兩碟😂飲品櫃好多選擇仲有水果酒之類嘅飲品，幾高質。雪糕有Movenpick😍😍雖然唔係任食，但重質不重量，Movenpick真係好好食，好少放題會有！朋友聚會，食得開心，服務都幾好👍🏻👍🏻

呢日約左中同敍舊，我想咩都食下同埋傾下計，所以佢就推介呢間放題，話野食唔錯，又可以坐兩個鐘(非繁忙時間仲可以坐耐d添)，傾計咁哂。首先當然叫放題必叫既刺身。呢度d刺身好新鮮，又夠凍，仲要係厚切。最鐘意入深海大赤蝦刺身🐚，安哥左兩次。炸物樣樣都幾岩我胃口。即叫即炸，熱辣辣，又唔油。炸香芋丸食得多，但加埋芝士就第一次食，估唔到都幾good match。之後仲叫左d創意壽司、燒物、蟹粥、粟米，味道都唔錯，但因為太肚餓關係，無比相機食先。最後叫左杯特色飲品同Mövenpick 朱古力雪糕作完結，大滿足。

星期六晚黎到，當然系好多人，要等位。7點半前或者10點後入座會平d，兩個鐘時間。呢間放題最大優點就系款式多，有d出面其他放題無既選擇，例如蒲燒鰻魚，避風塘炒海鮮，特色飲品等等刺身既選擇特別在有大蝦，真系好大，不過就吾系好鮮，其他都正正常常，吾算多，而且味道一般，好似雪左好耐咁。蒲燒鰻魚雖然比吾上日本餐廳既鰻魚，但個燒汁味道都吾算，魚肉肉質算冧，算好滑，應該系煮熟左好耐，一齊暖住。特色飲品系吾同水果味既乳酸，仲有得加蘆薈，好意外，食放題都有呢d嘢食，同出面買二三十蚊既有得比。 而且仲有蘋果酒添。

·         它不是旺角唯一一間日本放題, 其實有好多放題可選擇, 價錢貴左少少, 如果再選擇, 我寧願選擇去食組長, 質素差吾多, 但價錢平DD·         刺身包括：三文魚、吞拿魚、帆立貝等，算係新鮮甜美, 可一叫再叫·         特式炸物及料理：蒜片牛肉粒、芝麻雞翼、炸蠔、燒羊架、鹽燒牛舌、燒秋葵等，鍾意香口美食的我又怎能錯過！但係上菜之后好快就凍晒, 或者淋晒, 真係要即刻食咯·         蟹粥我吾係好BUY, 因為唔夠鮮甜, 蟹細隻, 吾夠肉，  TASTE: ***PRICE: a bit high

又係gathering嘅日子，要就返各人嘅口味，又點可以唔揀放題呢約左夜晚黎位於瓊華嘅至尊滿屋食，一嚟到已經比樓下嗰條長龍嚇親，目測應該有100人左右， 苦等左10分鐘終於上到7樓果然食好西係要有啲付出。門口個牌已經show到有好多好嘢食，坐低就緊係唔執輸，即刻嗌嘢食啦炸一口芝士，咬開熱辣辣，啲芝士湧哂出黎，不過叫一舊半舊還好，叫得多有啲溜。蟹棒天婦羅，蟹棒唔係好似一舊粉咁，十分香口刺身有甜蝦三文魚同埋帆立貝，甜蝦爽甜彈牙，三文魚十分厚切， 帆立貝相對冇咁岀色但還可以。海膽手卷，海膽份量適中，食落冇苦味夠鮮甜芝麻雞翼非常香脆咬落去個皮夠薄，又夠多肉汁，juicy ！出嚟食嘢又點可以唔叫下蔬菜呢，份炒雜菜都幾ok，係眾多濃味食物之中，食上少少平衡下就啱哂總括嚟講，呢度水準都OK，坐嘅地方都幾闊落，叫啲食物都冇乜漏單，而且算快上菜下次有機會都會考慮呢度再食過

今日同唔朋友喺旺角行街，行左勁來勁肚餓，朋友提議不如食放題，所以我哋搵咗間最近喺瓊華中心嘅至尊滿屋，估唔到平日夜晚都幾多人來幫襯。坐低左就開始點嘢食，佢哋嘅選擇都幾多，刺身種類同我哋平時食開放題嘅差不多。飲品同甜品係自助區，選擇都算多，最正係有埋啤酒啱晒我個男仔朋友。刺身全部都係厚切，點左三文魚，吞拿魚，赤背，鮑片，全部都好新鮮，味道都不錯，前後叫咗兩三次個質素都有保證。天婦羅都好好食，炸皮夠薄，個蝦肉仲好彈牙，每次黎都係熱辣辣。炒牛肉粒配上蒜片，牛肉粒好好食，而且好入味，玉新夠林，唔會鞋口。牛舌好爽口，雞軟骨炸得好好食，味道剛好不會太鹹。壽司方面，會推介佢哋左口魚壽司，左口魚輕輕燒過，更加入味。雪糕就有兩隻牌子選擇，每人只限點一杯，食到最尾嘅時候都啱啱好，大家都好滿足捧住個肚走，呢間放題絕對會有下一次。

太耐冇食放題，所以今日趁早放工就約咗同事一齊去食，上網見到呢間有燒鰻魚食，所以特登揀咗至尊滿屋。原來佢哋七點半前理單有特價＄188，下次放平日嘅時候都可以去食。入邊個場都好大，侍應安排左我哋去一個四人位置，啱晒我哋可以多啲位置放食物。事不宜遲即刻落單，第一round我哋都點左刺身，天婦羅，同埋一啲燒物。刺身嘅質素都唔錯，個人最鍾意大蝦刺身，真係勁大隻，好鮮甜，另外喜靈魚都好好食。有虎蝦天婦羅，同埋蟹柳天婦羅炸得剛剛好，唔會油膩，而且仲好大嚿添。唔知點解食咁多次放題，每次都覺得燒身覺得特別好食，佢哋嘅燒鰻魚真係不得了，好大嚿，肉質不錯，好juicy ，上面數滿鰻魚汁，每一舊都好肥美，絕對冇將貨就價，我哋前後點咗三四碟。食到最後就係甜品時間，少有放題可以揀movenpick 雪糕，朱古力味好濃，雖然只可以揀一盒，都食到已經超飽。值得一讚嘅係侍應態度非常好，一舉手已經即刻幫手接落單紙。