至尊雲吞麵雞煲

营业中

休息中

近日都係係元天屯搵食行過見到呢間雞煲幾抵食🐥至尊惹咪雞煲BB辣 $178/位份量都幾多下，雞件嫰滑入味，洋蔥都好正食到差唔多就可以加湯打邊爐叫左一牛一豬，丸類，餃子咁種類都幾多，呢個價錢絕對親民罐裝飲品自取，見到有罐熱情果仲係魷魚遊戲包裝，都幾好飲，另外可以叫咖啡，奶茶，檸茶檸水肩胛肥牛片豚肉片 兩款都幾薄，淥一淥就食得，都幾滑墨魚丸蟹籽包心丸丸類都幾彈牙，每款4粒爽口水餃魚皮餃餃類比較細隻正好可以試多幾款魷魚 ~ 呢個係mvp份量超多🤣爽口彈牙蒿荀白蘿蔔蜂窩豆腐呢三款索晒d湯好正炸生筋脆響鈴卷 打邊爐必食，2人份量唔怕浪費

去咗元朗體育館打乒乓波，朋友提議食雞煲，心諗熱辣辣食乜鬼雞煲啊！不過算啦，咁遠去到元朗食就食啦，好耐冇去過元朗食嘢！四個人叫左個至尊惹味雞煲火鍋放題，原來食雞煲仲可以之後打邊爐咁加餸，同店員講「唔該加雞啊」就得架啦！雞煲好快手就上枱，熱辣辣滾住好吸引。雞肉炒到皮脆肉嫩，入味，真材實料，唔係淨係俾啲雞骨你啖啖肉！真係食到停唔到口！ 食咗第一轉雞唔夠喉，又等食第二轉雞。➡️食完雞轉火鍋放題我地食左好多野，有鯇魚腩、鮮蝦雲吞、韭菜餃、蓮藕片、獅子狗、肥牛、豬潤、墨丸、魚皮餃、響鈴、炸饅頭等，啲食材又新鮮又豐富！➡️飲品方面汽水任飲，仲有飲羅漢果杞子菊花茶同檸檬茶任飲，不過我唔飲汽水的，就叫咗菊花茶清熱，飲咗三杯，好飲！👍🏻皇上好滿意，我就飽到夜晚和第二日朝早，夜晚才能再食。留港消費好過，總之真心抵食👍🏻

難得有一日黑雨假，要出去食餐好。元朗呢間超多人，黑雨都勁墟冚😱好好彩比我地撞到最後一張枱。見枱枱都食雞煲，我哋反而揀左酸菜魚，凍凍地想食啲熱野，最後好有驚喜。👉🏻招牌炸饅頭～落低即刻叫兩個，難得係即叫即炸，沾滿煉奶真係爆炸好食。👉🏻酸菜魚超大兜🙌🏻白雪雪既大塊魚片鋪滿個鍋，海量咸酸菜、芽菜，芝麻、芫荽，煮滾左就食得，超香。小辣辣度崎岩好，魚肉嫩滑唔腥，紅薯粉吸左湯又係好正。大大煲食到超飽。

元朗的至尊雲吞麵雞煲真係抵食又好味！佢哋嘅雞煲係全場焦點，雞塊先炸後炒，外面香脆，內裏juicy，配上獨門醬汁，甜辣濃郁，香到舔碗都想試😋！湯底滲入雞肉，食落啖啖肉香，暖胃又過癮🍗！火鍋配料選擇多，牛肉、魚蛋、蔬菜樣樣齊，但老實講，雞煲已經夠搶戲，食到七成飽！炸饅頭🥟係另一大亮點，即叫即炸，金黃酥脆，外脆內軟，點上煉奶，甜香四溢，咬落去簡直係幸福爆棚！放題任食，饅頭同雞煲可以無限encore，食到撐晒肚都仲想再試！飲品仲有茶餐廳經典選擇，奶茶順滑，解膩一流☕。

至尊惹味雞煲、酸菜魚煲、藥膳雞湯煲招牌、花甲雞煲、清甜椰子雞煲、濃汁蘿蔔牛腩煲。。。花多眼亂，最終揀咗藥膳雞湯煲，貪佢可以飲埋個湯，湯底真材實料，帶著藥材香氣，暖心又暖胃，雞肉份量足，店員溫馨提示滾起就可以食，雞肉嫩滑，食完雞件就開始嗌其他火鍋配料。基本上一般火鍋料都有，鮮牛肉、豬膶、鯇魚腩、牛柏葉、豬紅、雲吞、水餃、韮菜餃、oops魚板、豆卜、生菜…食材新鮮，記住要蘸佢地個沙爹醬，好惹味。見到隔籬枱食雞煲都好香噴噴，呢度仲可以不停加雞，講句「加雞啊唔該」，店員即刻幫你加雞，服務殷勤。仲有免費任點煉奶炸饅頭，炸得香脆，好味。除外任飲汽水，羅漢果菊花茶，豆漿味道都唔錯。晚市都座無虛席。晚市雞煲放題$178/位 （星期一至四）$188/位 （星期五至日，假期及前夕）任食2小時（星期一至四）唔包收費小食及啤酒

今日晏晝去咗元朗食見到至尊咁多人應該好好食坐低叫咗個避風塘雞扒🐓等左20分鐘🕑出餐又出錯🙄態度又差 好似爭佢錢咁食食下見到好似有條不知明物體🪳大家可以估下係咩黎🤢🤢🪳即刻拎出嚟同個店員講 問佢咩黎既點知店員問返我「咁你想點」態度極差 仲想搶條野掉落地仲搵多兩個店員過黎圍住我叫我唔好亂講我就同返佢講條野係咩都好都唔應該係碟野度出現 食咗半碟先發現到依家都有少少想嘔🤢最後都冇道歉仲要我講先同我取消碟野原來依間嘢出名態度差鐘意攝取更多蛋白質及訓練耐性既朋友 可以去試下

至尊雲吞雞煲，今次第一次食試咗佢嘅招牌至尊其惹味雞飯$50份量都算大份即炒有少少麻辣香口餐湯可以無限添加酸辣薯粉餐，另外加多咗一份韭菜餃相信係自己包的因為真係好大隻有肉汁值得推介韭菜餃

第二次俾機會佢地，未夠鐘走已經被阿姐趨我地走！仲有20分鐘先交台，阿姐提左4-5次，你話我超時就話姐！而且當時又冇人等台，我唔明佢地發生咩事，我唔會再俾機會佢地，非常憤怒

今日同朋友去左食左 2 位至尊惹味雞煲（走辣）加埋火鍋放題，真係好抵！🥢 至尊惹味雞煲呢個雞煲辣度可以自己揀，我就揀左走辣。原來食雞煲仲可以好似打邊爐咁加餸，同店員講「唔該加雞啊」就得！雞煲好快手就上枱，熱辣辣滾住好吸引。雞肉炒到皮脆肉嫩，加上芫茜、洋蔥、蒜片，再撈埋個惹味醬汁，真係食到停唔到口！🥢 火鍋放題食完雞煲，店員即刻幫我地換埋清湯底打邊爐。我地食左好多野，有娃娃菜、生菜、 鯇魚腩、oppa 魚版、 鮮蝦雲吞、韭菜餃、蓮藕片同蕃茄，啲食材又新鮮又豐富，真係好滿足！🥢 飲品任飲最正係飲品任飲！羅漢果杞子菊花茶同檸檬菜蜜，清熱潤喉一流，食完打邊爐飲返杯，成個人都舒服曬！

今次呢間至尊雞煲都食過唔少次💖180幾蚊價錢唔算好貴，有時同朋友聚會都會揀佢（仲要好似冇收加一）✨呢度嘅雞煲係任食 食完唔夠飽，可以再落單加雞，有得揀唔同辣度，雞煲上菜時表面放滿芫荽同蔥🤤我通常揀BB辣就夠，出面都有指天椒蒜蓉同埋蔥，仲有豉油可以調配打邊爐嘅醬汁啲雞已經煮熟咗一上菜就可以食，事前炒到雞肉微微帶焦香，最鍾意係有好多洋蔥，紫洋蔥同埋蒜粒，啲香料爆香咗，令到啲雞好香好入味，微微辣再加埋特製雞汁好惹味😋食完雞之後可以叫店員拎點餐紙點火鍋材料火鍋材料選擇都算多，有常食嘅蔬菜，各種面類，豚肉同肥牛不過丸類選擇就唔算多，冇我鍾意食嘅芝心丸但有芝士竹輪，另外仲有響鈴，炸腐皮，油炸鬼等等💗除咗火鍋材料，呢度仲可以任叫茶餐廳飲品掃QR code落單，就有平時常見嘅豆漿、菊花茶、奶茶、阿華田、好立克、檸檬茶、檸檬水、汽水等等，大部份都有凍又熱👍🏻另外一定一定要叫嘅就係炸饅頭🥹每次去食都會同朋友叫好多❗️配有大量煉奶，新鮮熱辣辣好邪惡好好味😆呢個一定要食爆

去咗元朗教育路嘅至尊雲吞麵雞煲 佢係有一間比你任食嘅雞煲嚟嘅 即係食完雞煲仲會有其他嘅食物 打邊爐 野飲呢都係任飲嘅 但係就唔係去雪櫃拎嗰種 係用二維碼去點野飲 我想講 佢嘅侍應比較少 當我哋想入紙去點打邊爐嘅餸嘅時候 搖咗好耐張紙先至有人應坐嘅地方亦都比較迫佢限時兩個鐘 所以我哋都食得比較急 食物方面佢嘅雞煲 唔係我一貫食開嗰種雞煲 可能佢 嘅雞比較雪藏味咬落去冇味 好乾好實 完全冇嗰種 惹味嘅感覺 其他嘅配料還可以啦 都係一般嘅牛肉呀丸呀菜呀 粉麵呀 普普通通 價錢上算抵嘅 任食呀任飲嚟講 埋單每位188蚊 食到飽 我覺得ok嘅 就係食物質素強差人意服務態度差啲 環境亦都係一般囉

首先客觀講吓其實早餐同下午茶質素ok ge，一路keep到質素，不過真係唔會再幫襯。早前，手機訊號問題Qr code落唔到單要侍應幫手，叫完餐，侍應Double confirm時錯漏百出，連公司餐內容也不太清楚，呻左一句「又搞錯？」，隨即一直被企喺度嘅另一位四眼惡侍應憤怒目視，點知最後送來既項目都係搞錯咗，仲話我求佢換貨，要我注意態度，出門口更被人身攻擊。其實做侍應連公司有咩賣都唔知，錯完一樣又錯一樣，仲要黑客人面，咁惡邊夠膽換過？個人最差嘅一次飲食體驗，純粹個人體驗。唔驚可以去體驗吓。建議去天水圍或屯門嗰間食，避免踩雷。起碼時候打去投訴呢個事件嘅時候，得到嘅回應都係正常友善，我諗人事管理爭好遠。