影片
近日都系系元天屯揾食行过见到呢间鸡煲几抵食🐥至尊惹咪鸡煲BB辣 $178/位份量都几多下，鸡件嫰滑入味，洋葱都好正食到差唔多就可以加汤打边炉叫左一牛一猪，丸类，饺子咁种类都几多，呢个价钱绝对亲民罐装饮品自取，见到有罐热情果仲系鱿鱼游戏包装，都几好饮，另外可以叫咖啡，奶茶，柠茶柠水肩胛肥牛片豚肉片 两款都几薄，渌一渌就食得，都几滑墨鱼丸蟹籽包心丸丸类都几弹牙，每款4粒爽口水饺鱼皮饺饺类比较细只正好可以试多几款鱿鱼 ~ 呢个系mvp份量超多🤣爽口弹牙蒿荀白萝卜蜂窝豆腐呢三款索晒d汤好正炸生筋脆响铃卷 打边炉必食，2人份量唔怕浪费
继续阅读
去咗元朗体育馆打乒乓波，朋友提议食鸡煲，心谂热辣辣食乜鬼鸡煲啊！不过算啦，咁远去到元朗食就食啦，好耐冇去过元朗食嘢！四个人叫左个至尊惹味鸡煲火锅放题，原来食鸡煲仲可以之后打边炉咁加𩠌，同店员讲「唔该加鸡啊」就得架啦！鸡煲好快手就上枱，热辣辣滚住好吸引。鸡肉炒到皮脆肉嫩，入味，真材实料，唔系净系俾啲鸡骨你啖啖肉！真系食到停唔到口！ 食咗第一转鸡唔够喉，又等食第二转鸡。➡️食完鸡转火锅放题我地食左好多野，有鲩鱼腩、鲜虾云吞、韭菜饺、莲藕片、狮子狗、肥牛、猪润、墨丸、鱼皮饺、响铃、炸馒头等，啲食材又新鲜又丰富！➡️饮品方面汽水任饮，仲有饮罗汉果杞子菊花茶同柠檬茶任饮，不过我唔饮汽水的，就叫咗菊花茶清热，饮咗三杯，好饮！👍🏻皇上好满意，我就饱到夜晚和第二日朝早，夜晚才能再食。留港消费好过，总之真心抵食👍🏻
继续阅读
难得有一日黑雨假，要出去食餐好。元朗呢间超多人，黑雨都劲墟冚😱好好彩比我地撞到最后一张枱。见枱枱都食鸡煲，我哋反而拣左酸菜鱼，冻冻地想食啲热野，最后好有惊喜。👉🏻招牌炸馒头～落低即刻叫两个，难得系即叫即炸，沾满炼奶真系爆炸好食。👉🏻酸菜鱼超大兜🙌🏻白雪雪既大块鱼片铺满个锅，海量咸酸菜、芽菜，芝麻、芫荽，煮滚左就食得，超香。小辣辣度崎岩好，鱼肉嫩滑唔腥，红薯粉吸左汤又系好正。大大煲食到超饱。
继续阅读
元朗的至尊云吞面鸡煲真系抵食又好味！佢哋嘅鸡煲系全场焦点，鸡块先炸后炒，外面香脆，内里juicy，配上独门酱汁，甜辣浓郁，香到舔碗都想试😋！汤底渗入鸡肉，食落啖啖肉香，暖胃又过瘾🍗！火锅配料选择多，牛肉、鱼蛋、蔬菜样样齐，但老实讲，鸡煲已经够抢戏，食到七成饱！炸馒头🥟系另一大亮点，即叫即炸，金黄酥脆，外脆内软，点上炼奶，甜香四溢，咬落去简直系幸福爆棚！放题任食，馒头同鸡煲可以无限encore，食到撑晒肚都仲想再试！饮品仲有茶餐厅经典选择，奶茶顺滑，解腻一流☕。
继续阅读
至尊惹味鸡煲、酸菜鱼煲、药膳鸡汤煲招牌、花甲鸡煲、清甜椰子鸡煲、浓汁萝卜牛腩煲。。。花多眼乱，最终拣咗药膳鸡汤煲，贪佢可以饮埋个汤，汤底真材实料，带著药材香气，暖心又暖胃，鸡肉份量足，店员温馨提示滚起就可以食，鸡肉嫩滑，食完鸡件就开始嗌其他火锅配料。基本上一般火锅料都有，鲜牛肉、猪膶、鲩鱼腩、牛柏叶、猪红、云吞、水饺、韮菜饺、oops鱼板、豆卜、生菜…食材新鲜，记住要蘸佢地个沙爹酱，好惹味。见到隔篱枱食鸡煲都好香喷喷，呢度仲可以不停加鸡，讲句「加鸡啊唔该」，店员即刻帮你加鸡，服务殷勤。仲有免费任点炼奶炸馒头，炸得香脆，好味。除外任饮汽水，罗汉果菊花茶，豆浆味道都唔错。晚市都座无虚席。晚市鸡煲放题$178/位 （星期一至四）$188/位 （星期五至日，假期及前夕）任食2小时（星期一至四）唔包收费小食及啤酒
继续阅读