至尊雲吞麵雞煲

营业中

休息中

至尊惹味雞煲、酸菜魚煲、藥膳雞湯煲招牌、花甲雞煲、清甜椰子雞煲、濃汁蘿蔔牛腩煲。。。花多眼亂，最終揀咗藥膳雞湯煲，貪佢可以飲埋個湯，湯底真材實料，帶著藥材香氣，暖心又暖胃，雞肉份量足，店員溫馨提示滾起就可以食，雞肉嫩滑，食完雞件就開始嗌其他火鍋配料。基本上一般火鍋料都有，鮮牛肉、豬膶、鯇魚腩、牛柏葉、豬紅、雲吞、水餃、韮菜餃、oops魚板、豆卜、生菜…食材新鮮，記住要蘸佢地個沙爹醬，好惹味。見到隔籬枱食雞煲都好香噴噴，呢度仲可以不停加雞，講句「加雞啊唔該」，店員即刻幫你加雞，服務殷勤。仲有免費任點煉奶炸饅頭，炸得香脆，好味。除外任飲汽水，羅漢果菊花茶，豆漿味道都唔錯。晚市都座無虛席。晚市雞煲放題$178/位 （星期一至四）$188/位 （星期五至日，假期及前夕）任食2小時（星期一至四）唔包收費小食及啤酒