影片
今日同朋友去左食左 2 位至尊惹味鸡煲（走辣）加埋火锅放题，真系好抵！🥢 至尊惹味鸡煲呢个鸡煲辣度可以自己拣，我就拣左走辣。原来食鸡煲仲可以好似打边炉咁加𩠌，同店员讲「唔该加鸡啊」就得！鸡煲好快手就上枱，热辣辣滚住好吸引。鸡肉炒到皮脆肉嫩，加上芫茜、洋葱、蒜片，再捞埋个惹味酱汁，真系食到停唔到口！🥢 火锅放题食完鸡煲，店员即刻帮我地换埋清汤底打边炉。我地食左好多野，有娃娃菜、生菜、 鲩鱼腩、oppa 鱼版、 鲜虾云吞、韭菜饺、莲藕片同蕃茄，啲食材又新鲜又丰富，真系好满足！🥢 饮品任饮最正系饮品任饮！罗汉果杞子菊花茶同柠檬菜蜜，清热润喉一流，食完打边炉饮返杯，成个人都舒服晒！
继续阅读
今次呢间至尊鸡煲都食过唔少次💖180几蚊价钱唔算好贵，有时同朋友聚会都会拣佢（仲要好似冇收加一）✨呢度嘅鸡煲系任食 食完唔够饱，可以再落单加鸡，有得拣唔同辣度，鸡煲上菜时表面放满芫荽同葱🤤我通常拣BB辣就够，出面都有指天椒蒜蓉同埋葱，仲有豉油可以调配打边炉嘅酱汁啲鸡已经煮熟咗一上菜就可以食，事前炒到鸡肉微微带焦香，最钟意系有好多洋葱，紫洋葱同埋蒜粒，啲香料爆香咗，令到啲鸡好香好入味，微微辣再加埋特制鸡汁好惹味😋食完鸡之后可以叫店员拎点餐纸点火锅材料火锅材料选择都算多，有常食嘅蔬菜，各种面类，豚肉同肥牛不过丸类选择就唔算多，冇我钟意食嘅芝心丸但有芝士竹轮，另外仲有响铃，炸腐皮，油炸鬼等等💗除咗火锅材料，呢度仲可以任叫茶餐厅饮品扫QR code落单，就有平时常见嘅豆浆、菊花茶、奶茶、阿华田、好立克、柠檬茶、柠檬水、汽水等等，大部份都有冻又热👍🏻另外一定一定要叫嘅就系炸馒头🥹每次去食都会同朋友叫好多❗️配有大量炼奶，新鲜热辣辣好邪恶好好味😆呢个一定要食爆
继续阅读
去咗元朗教育路嘅至尊云吞面鸡煲 佢系有一间比你任食嘅鸡煲嚟嘅 即系食完鸡煲仲会有其他嘅食物 打边炉 野饮呢都系任饮嘅 但系就唔系去雪柜拎𠮶种 系用二维码去点野饮 我想讲 佢嘅侍应比较少 当我哋想入纸去点打边炉嘅𩠌嘅时候 摇咗好耐张纸先至有人应坐嘅地方亦都比较迫佢限时两个钟 所以我哋都食得比较急 食物方面佢嘅鸡煲 唔系我一贯食开𠮶种鸡煲 可能佢 嘅鸡比较雪藏味咬落去冇味 好干好实 完全冇𠮶种 惹味嘅感觉 其他嘅配料还可以啦 都系一般嘅牛肉呀丸呀菜呀 粉面呀 普普通通 价钱上算抵嘅 任食呀任饮嚟讲 埋单每位188蚊 食到饱 我觉得ok嘅 就系食物质素强差人意服务态度差啲 环境亦都系一般啰
继续阅读
首先客观讲吓其实早餐同下午茶质素ok ge，一路keep到质素，不过真系唔会再帮衬。早前，手机讯号问题Qr code落唔到单要侍应帮手，叫完餐，侍应Double confirm时错漏百出，连公司餐内容也不太清楚，呻左一句「又搞错？」，随即一直被企喺度嘅另一位四眼恶侍应愤怒目视，点知最后送来既项目都系搞错咗，仲话我求佢换货，要我注意态度，出门口更被人身攻击。其实做侍应连公司有咩卖都唔知，错完一样又错一样，仲要黑客人面，咁恶边够胆换过？个人最差嘅一次饮食体验，纯粹个人体验。唔惊可以去体验吓。建议去天水围或屯门𠮶间食，避免踩雷。起码时候打去投诉呢个事件嘅时候，得到嘅回应都系正常友善，我谂人事管理争好远。
继续阅读