雞煲棧火鍋

最近同朋友去咗元朗嘅鸡煲栈火锅，试咗佢哋最出名嘅 秘制重庆鸡煲 BB辣，鸡肉真系滑得嚟又入味，啲汁香浓惹味，炒得好均匀，食到尾都唔会太油腻。网上食评都一致推介呢款鸡煲，唔少人都话系「元朗必食」之一。打边炉方面，我哋点咗 顶级手切牛同和牛牛小排，两者各有特色：手切牛肉味比和牛浓，但唔算系浓郁型，属于比较实在嘅牛味；而和牛则嫩滑多汁，入口即化，两款都好有水准。配埋佢哋嘅汤底，真系好满足。仲有一碟 椒盐粟米，份量超大，香口又抵食，系网民都大赞嘅人气小炒之一。食材选择方面都算多元化，有墨鱼滑、脆骨腩、珊瑚蚌、角色蔬菜等，啱晒钟意试新嘢嘅朋友。特别推介佢哋嘅 即炸芝士响铃，外脆内爆芝士，唔少食评都话系必叫之选。服务方面都值得一赞，职员会主动提供围裙畀着浅色衫嘅客人，细心又贴心。炒鸡煲时亦会帮手兜汁、清理鸡骨，令整个用餐过程更加舒服。…查看更多

收工过嚟食鸡煲，职员话一煲煲炒，所以都等左一阵，我哋叫左bb辣，汁好入味，鸡新鲜又滑唔鞋口，职员仲间唔时过嚟兜两兜，食到一半又会帮手执走啲鸡骨等枱面干净，整体感觉好服务好态度，食得舒服，两个人埋单三百几蚊，叫左一只鸡已经好饱，无再加汤打边炉了，下次会再嚟食🥳🥳…查看更多

今晚食饭朋友带我食呢间鸡煲，的确唔错。🌟药膳花雕醉鸡煲半只（$188），有专人睇住煲几耐熄火，又焗一焗先叫我哋食，啲鸡翼的确好滑，感觉好pro😂🌟牛筋丸 （$68）very juicy弹牙🌟手打三宝丸（$138）一样好食🌟即炸响铃（$32）必叫，半份4条，唔太够食😂🌟顶级手切牛（$196）好香牛味，嫩滑😋🌟鲜淮山（$42）、油麦菜（$42），份量都多，食到3-4转🌟桔仔水（$15）（姐姐推介），好饮难得唔太嘈，倾偈好ok。朋友话要预先book位，另外亦都可以叫鸡煲外卖。…查看更多

呢间之前都食过但今次第一次堂食, 以前都系买外卖返屋企食因为得两个人所以嗌咗半只鸡(秘制重庆鸡煲bb辣), 另外再嗌咗一个小炒(椒盐粟米), 打边炉料就嗌咗云吞, 芋丝, 半份生虾, 即炸芝士响铃- 鸡煲唔算太辣, 鸡件都入味, 啲肉煮完都唔韧唔柴- 椒盐粟米够惹味, 好好味, 我见每枱都有嗌😂不过食埋鸡煲加椒盐粟米都已经差唔多饱🙊- 即炸芝士响铃系出面未见过有芝士响铃, 纠结咗一阵嗌响铃定芝士响铃好, 一上枱要即食, 如果唔系就会淋咗, 浸一浸汤底即拎起, 又有芝士又脆脆地, 啱洒钟意食芝士又钟意食响铃嘅人- 生虾好似系虎虾嚟(?) 呢个唔喺餐牌入面, 系店员逐枱问特价$58半份, 啲虾夹起都有郁郁地 真系新鲜嘅, 肉质弹牙同大只, 都唔错- 云吞同芋丝云吞就真系都大粒同入面都多虾, 但十蚊一粒好似食其他野好啲, 芋丝纯粹好耐冇食过就趁打边炉嗌嚟食下😂…查看更多

嚟到元朗想食鸡煲🐣朋友就介绍咗呢间小店，仲督促我一定要book 位，所以个日就嗱嗱临book咗，好彩仲有位🤭舖头分两层，但系唔太大，去到个时张张枱都full 哂，所以唔book 枱应该冇得食🥺🥺重庆鸡煲(全只) BB 辣 $268一去到谂都唔洗谂梗系即刻叫咗个鸡煲先，我哋仲叫多咗水鱿鱼($62) 、猪粉肠($68)同牛柏叶($62)，可以叫职员姐姐上枱时连埋鸡煲一齐炒，等佢哋可以索哂啲鸡汁，会入味好多😲🤩佢鸡煲个汁做得好好，惹味得嚟又唔会好咸，第一次试就叫咗BB辣👶🏻辣味就唔系好重，所以好啱啲唔食得辣但又想食鸡煲嘅人，如果食得辣嘅，我建议可以叫小辣 / 中辣🌶️🤭鸡肉件件都好大旧，而且即使系咁煲住，啲肉都系好嫩滑，佢个鸡煲份量劲多，我哋4 个人，就咁食完个鸡煲都饱咗😳值得一提系佢煲入面嘅洋葱🧅煲到淋哂所以好甜，令人回味无穷🤤即炸响铃(1份) $55佢一份响铃有8 旧，如果少人啲可以叫半份，一条嘅size系平时我哋出去食嘅1倍，超夸张😳第一次食即炸响铃，真系一食就食得出个分别，炸到好松脆，一咬就碎，平时食响铃一定系浸落边炉汤底度🍲呢度餐厅姐姐教咗我哋一个特别食法🧏🏻‍♀️就系唔好加水住，直接将个响铃点落去个鸡煲汁，停留2秒就拎返起佢😌因为如果浸林晒，就嘥咗佢哋即炸嘅心机，真系好出色，绝对系我人生中食过最好食嘅响铃🫣美国雪花肥牛(大) $198鸡煲食到中段先发现我哋叫多咗，其实一个鸡煲就已经够肉，唔需要再加多一碟牛，不过既然叫咗，同埋佢份牛望落去咁靓，点可以唔食埋佢呢😎🤪平时啲雪花肥牛就好多肥肉，呢度嘅雪花肥牛肥肉均匀，真系好似雪花咁靓，而且系厚切，唔会渌完就散开晒，食落好有咬口同埋好重牛味，正呀😋油麦菜 $42最后尾就梗系要渌啲油麦菜嚟作结啦😚.总括嚟讲呢一间系我食过份量最大份嘅鸡煲，而且呢度啲职员姐姐全部都劲好人同welcoming，好似识咗佢哋好耐咁，明明我哋先第一次见🤣成餐饭食得好开心，嘢食100分，服务都100分🥰钟意食鸡煲打边炉嘅你🍲一定唔可以错过👍🏻…查看更多